اللهم صلِ وسلم على نبينا محمد وعلى آله وصحبه أجمعين

بسم الله نبدأ

شمهروس / لا ماهو الحين

الاعور بصدمه / ليش

شمهروس / خله يتعذب تحت الارض شوي اندفن و هو حي يعني بيتعذب لحد ما يموت لكن انا بخليه لحد ما يقرب يموت و اطلعه عشان استمتع بتعذيبه و اذا مات باخذ راسه و اعطيه لابليس

الاعور/ حبيت تفكيرك الاجرامي

شمهروس/ اتمنى تتعلم مني

* ياسر *

اول ما صرت تحت الارض كنت راح اجن

حتى يوم احسنت النية و قلت بساعد العجوز يمكن صادقة

طلعت مخادعة و لها صلة بشمهروس و الاعور

فعلا خيرا تعمل شرًا تلقى

صرت اسمع وشوشات عند اذني و الصوت كل ما له يصير أعلى

غطيت اذوني بيديني محاوله مني ان الصوت يختفي او على الاقل يكون بصوت منخفض

ما ابي اسمع هذي الوشوشات اللي تعيقني عن التفكير

الحين الكلاب يبون يخلوني لحد ما أقرب اموت و يطلعوني

ويرجعون يعذبوني وش الحل

رفعت نفسي لفوق ابي اطلع حسيت بشمهروس يمسكني

كانت اظافره قادره على أنها تخترق عظامي و اخترقتها فعلا

دفعته بقوه و صرت اركض

ركضت و ركضت حتى صار جبيني يتصبب عرق

ما عاد فيني طاقه اجري اكثر وقفت بالمقبره اللي وصلت لها و قررت اتخبى هناك لحد ما اقدر اكمل جري

اصوات صراصير الليل.. نباح الكلاب.. ضوء البدر.. صراخ الموتى

اشياء بثت في جوفي الكثير من الخوف

فريت بعيوني على المكان ادور مكان اتخبى فيه

وقفني منظر قدامي

طفلة صغيره تهرب من جني

الطفلة كانت بحالة رعب و خوف هستيرية

ما قدرت أوقف مكتوف الأيدي

قمت بإنفعال و ركضت للطفلة و حملته و صرت اركض فيه هربًا من الجني ذا

ضيعته و رحت اختبيت انا و الطفلة في مبنى قديم عند المقبره

قربتها لحضني و انا احاول اطمنها

قلت و دقات قلبي متسارعه و انفاسي غير منتظمه/ لا تخافين ما بسوي لك شي.. علميني وين مكان بيتكم و انا بوديك هناك

الطفله ما ردت بأي رد بس تبكي بشكل يقطع القلب

يا الله صدق الحين مدري وش اسوي قررت اني آخذها لمركز الشرطه اللي على طريق بيتي و هم يهتمون بأمرها

حسيت بحركه بالمبنى قلت بصوت منخفض/ احنا بنهرب الحين لا تتكلمين نهائيًا خليك هاديه

هزت راسها بالايجاب

و قمت و هي بين يديني و التقطت كم حصى كان عالارض و حطيتها بجيبي للاحتياط