اللهم صلِ وسلم على نبينا محمد وعلى آله وصحبه أجمعين

بسم الله نبدأ

شاف شموع مرتبة على الأرض بشكل دائرة

و في الوسط دمية طفل مغروس فيها سكين مليانه دم

و الصدمة الأكبر ان الغرفة كانت مليانه صور له!!

و كل صوره مغروس فيها سكين و كل سكين كان فيها دم

تراجع على ورا بخوف

كل اللي كان يبيه هو الخروج من هذا المكان

كان يتمنى انه يختفي من العالم اجمع

او انه يموت

هرب من البيت و كل اللي يدور في رأسه ان يوصل لبيته

طلعت له في وجهه العجوز و هي تتمتم بكلام غير مفهوم و تطالع فيه بحقد و توعد شديد

صارت تدور حوله و تتمتم بنفس الكلام الغير مفهوم

ياسر كان يحاول يتحرك من مكانه ويهرب

بس رجوله مو راضية تتحرك

كأنها مصمغة في الأرض

حاول يرفع رجوله بأقوى ما عنده و يهرب

لكن ما فيه فايده ثابته بالأرض تأبى الحراك

الرمال تحولت لأيادي تمسك رجول ياسر و تسحبه لتحت

و العجوز ما زالت تتمتم و هي تدور حول ياسر

ياسر يقاوم و يقاوم يحاول انه يفلت من الرمال اللي تحولت لأيدي

و الايدي تسحبه لتحت لحد ما دخل لجوه و صار تحت الرمال

عند العجوز :)

تأشر بإشارات غريبة و هي تطالع للسماء ثواني و ظهر قدامها شمهروس و الاعور بصحبته

العجوز / سويت اللي طلبته مني و الولد اندفن تحت الرمل و هو حي

الاعور / هذا المتوقع منك

شمهروس / بالمقابل جبت لك اللي طلبتيه اصبع شيطان متعفن

العجوز / بسلمكم الولد على شرط انكم تعطوني رجله اليمين

شمهروس / ما اتفقنا على كذا من اول و ليش طلبتي هذا الشي فجأه؟

العجوز / المره اللي طلبت سحر مني احتاج عشان اخلص العمل حقها رجل يمين

شمهروس / مو مشكله خذيها اصلا بينقتل بينقتل فما يهمني اذا اخذتي منه أي شي

العجوز / يلا عن اذنكم بروح اشتغل على السحر

الاعور / اذنك معك

اختفت بلمح البصر من قدامهم

قال الاعور و هو مبتسم / هيا نبدأ نعذبه