اللهم صلِ وسلم على نبينا محمد وعلى آله وصحبه أجمعين

بسم الله نبدأ

تحرك بطلنا المغوار و هو يحمل الطفله بين ايديه

كان يمشي بخطوات هادئه حذره

يحاول قدر الإمكان انه ما يطلع اي صوت و هو يمشي

حس ان الجني شك انه موجود

راح لاحد الغرف و رمى على الجني وحده من الحصي اللي كانت بجيبه

بمجرد ما رماها لف عليه الجني و قام هو نزل بسرعه للدور اللي تحت

نزل لتحت و لقى جني ثاني بوجهه طلعوا اثنين مو واحد!!

تراجع لورا و لقى الجني الثاني وراه

حس بالشتات مو عارف وش يسوي

قرر انه يتصدى لهم و ما يسمح لهم بأذية الطفلة او اذيته

تفاجأ بكلام واحد من الجن اللي كان يقول / زوبعة انقضي عليه تراه بشري و يبي يأذيك

عرف مباشرة انه يتكلم مع الطفله اللي بين يديه

تحولت من طفلة بعمر الـ٧ سنوات

الى عفريتة!!

كانت تحمل عيون بريئة بلون بني

و شعر قصير

و جسد طفله صغيره نحيل

اصبحت شرسة و عنيفة

صار وجهها فيه ثلاثة عيون تحت بعض تحمل اللون الذهبي

اختفى انفها

ظهرت لها قرون شيطان بلون اسود

و بدت انيابها تطول

تحول جسدها الصغير لجسد كبير مخيف

أصبح لون جسدها مائل للبنفسجي

و فجأه مسكت قميصها و قطعته بقوه بأظفارها الطويله

كانت تصرخ بشكل مريب

و هي تلمس ظهرها

طلع من تحت ظهرها اجنحة كبيره

ياسر كان يراقب اللي يحصل قدامه بخوف

كيف البنت البريئة تحولت لهذا الشكل بمجرد كلمه من هذا الجني؟؟

لفت على ياسر و ناظرته بعيونها المرعبة

و صارت تركض وراه

اخذ ياسر الحصى وصار يرميها على عيونها و هو يهرب

ليش كانت تهرب من الجني و تبكي بشكل هستيري و الحين تحولت بعد كلامه و تبي تقتل ياسر

طلع ياسر لأعلى دور و اخذ وحده من البلوكات و شالها و هو يطالع لتحت كان مترقِّب لجيَّة زوبعة عشان يرمي البلوكه فوقها