3жилийн дараа.

-Алив ээ миний охин хурдлаарай аав ээж хоёр нь хүлээгээд л байна шүү.

-Заа ээжээ. Гэж хэлээд хурдаа аван гүйх бяцхан охины нүдэнд аз жаргал гийжээ. Хожуу хөлд орсон болохоор ч тэр үү охин үеийнхэн дундаа арай л удаан бас тийм ч сайн ярьж чаддаггүй юм.

Өнөөдөр энэ аз жаргалтай гэр бүл аялалд явахаар шийдсэн билээ. Жоохон хүүхэдтэй болохоор тийм ч хол явах хэрэггүй гэж аав, ээж хоёр нь хэлсэн тул тэд энэ жилдээ зүгээр л зуслан дээрээ хэд хонохоор болсон билээ

Ирж буцах машин тун цөөхөн энэ замаар аз жаргхлдаа умбасан гэр бүл дүрмээ баримтлан аажуухан давхина.

Гэнэт замын хажуугаас том ачааны машин гарч ирэхэд тэд мөргөлдөж орхилоо.

Ээж нь эцсээ хүртэл охиноо хамгаалах гэж байдаг чадлаараа энгэртээ тас тэврэн суусан бол аав нь хий дэмий л уруу харсан машиныхаа цонх, хаалгыг нүдэж онгойлгохыг хичээнэ. Гэхдээ бусдын нүдэнд хий дэмий байж болох энэ үйлдэл нь өөрийнхөө болон хайртай хүмүүсийнхээ амийг аврах цор ганц боломж учираас тэр хүний хувьд бол хамгийн зөв үйлдэл нь ч байж болох юм.

Цагдаа болон түргэн тусламжийн тэрэгний дохиолол сөөлжлөн дуугарна.

Бяцхан охины гэр бүл нас барцгаажээ. Гэхдээ цагдаа болон эмнэлгийнхнийг очиход ээж нь охиноо доороо хийн амьд үлдээж чаджээ. Харин аав нь өмнөх төрөлдөө өөрийн болгож чадаагүй үзэсгэлэнтийнхээ гарнаас хэзээ ч тавихгүй юм шиг чангаас чанга атган хосууд хамтдаа энэ хорвоог орхижээ. Энэ хатуу хорвоог ганцаар туулах болсон бяцхан охин нь л хамгийн харамсалтай.

...

Чусоны алдарт удган Вольжү гийн ач охин өдгөө 50-ын босгыг давж яваа хөгшин эмэгтэйн гэрт зочид иржээ. Түүний эртний танил болох Андуны Ким овогт байх юм чинээ санаагүй хөгшин удган огт мишээдэггүй умгар уруулаа үрчийлгэн багахан мишээж тэднийг угтав.

-Энэ хүүхэд бол муу ёрын сүнс шүглэсэн хүүхэд. Түүний эргэн тойронд ойр дотно байсан хүмүүс нь бүгд энэ хорвоог орхих тавилантай юм байна. Өөрийнхөө удмыг бүрэн тасрахыг нь хармааргүй байгаа бол түүнийг надад өг. Гэхдээ чиний цус судсаар нь урсаж яваа гэдгийг хэзээ ч битгий мартаарай. Харин би овгийг нь солиод Ин Тэ Хи болгочихьё. Охины Монгол нэр нь хэн билээ.

- Хх-Хонгорзул

12 жилийн дараа

-Санаж яв охин минь хэнтэй ч битгий танилаас илүү танилц чиний хувьд бүх харилцаа хэтэрхий гүнзгийрч болохгүй.

-За. Эмээ

Би одоо 16 настай. Та 16 настай харвардын оюутан харж байсан уу? Би эмээ дээр ирснээсээ хойш галзуу юм шиг л хичээл хийж бас амьдралын лекцэнд суудаг байсан.

Аав ээж хоёрыг өнгөрснөөс хойш би төрсөн эмээ өвөөтэйгөө нэг ч уулзаагүй гэхдээ тэд намайг тэд юугаар ч дутааж байгаагүй. Харин би тэд нар дээрээ HARWARD MBA болчихоод сүүлчийн удаа нэг очно гэх нууцхан хүсэлтэй хүн. Цус уснаас өтгөн гэдэг дээ.