1жил ч нүд ирмэхийн зуур өнгөрч би өль хэдийн энэ нэр хүндтэй сургуулийн нэг хэсэг нь болжээ.

Онгоцны буудал дээр хөл хөдөлгөөн ихтэй байна. Энэ зун Солонгосд хэд хоног амрахаар явж буй минь энэ.

Тасралгүй 9 цаг ниссэний эцэст онгоц Солонгосд газардах ёстой. Гэнэт нисгэгч газардана гэх дохио өгснөө больчихлоо. Магадгүй онгоцонд ямар нэгэн саатал гарсан байж мэднэ.

Гэхдээ миний дотор нэг л тавгүйрхээд эхэллээ. 10 гаруй жил удам дамжсан хөгшин удгантай амьдарч байсан болоод ч тэр үү миний мэдрэхүй алддаггүй.

Тиймээ мэдээд байсан юм ослын дохио дуугарч хүмүүс сандралдад эхэлж байна. Би ч гэсэн хувьдаа маш том айдастай гаар бүсээ чангалан атгана. Харин зарим нэг хүмүүс хий дэмий л хашхиран гүйлдэнэ. Энэ мэдрэмж аймшигтай юм. Уйлмаар болсноо гэнэт болихийн чимээ аниргүй. Харах шиг тэнгэр хүрэх шиг манан. Дотор минь нэг зүйл тээглээд амьсгаа авахад ч хөндүүр оргино. Бүх зүйл эмх замбараагаа алджээ.

Нүдээ нээгээд харвал энэ онгоц осолджээ. Утаа үнэртэж байна. Нүдээ анихдаа тас атгасан байсан эрхи минь одоо ч гаранд минь байсаар. Аюулд орвол би чамайг амиараа хамгаална гэдэг эмээгийн минь үг чихэнд сонстоно. Би яг энэ үед зөвхөн амьд гарахыг л хүсэж байна. Хөл минь хөндүүр оргино. Толгойгоо арайхийн хөдөлгөвөл ухаан санаа нь арай эрүүл байгаа хүмүүс амь гуйх нь үзэгдэж байлаа. Аймшигтай юм. Энэхэн хором зүүд байгаасай гэж туйлын их хүснэ. Зүүд л биш байгаасай гэж бодсон зүйл минь зүүд л байдаг атлаа зүүд байгаасай гэж бодсон зүйл минь зүүд биш байх нь олонтаа. Онгоцноос утаа баагиж магадгүй удахгүй дэлбэрэх байх амьдрал ингээд дуусаж байна гэж бодохоор нэг л санаанд багтаж өгөхгүй юм. Түрүүхэн л хөндүүр оргиж байсан хөл минь нэгэнтээ мэдээ алдажээ. Цээжээ хүчлэн хөлөө чирсээр хаашаа ч юм зүтгэнэ.

Зарим зорчигчдын биеийн байдал тун тааруу байгаа бол зарим нь тэднээс арай дээр буюу алхахтайгаа байна. Харин би тэр биеийн байдал хүнд зорчигчдын тоонд орно. Хаанаас ч юм гарч ирсэн нэг шил зүүн хөлний минь шилбэнд зоогдоод дээрээс нь сандалаар дарчихаж. Айдас минь давамгаалж байсан тулдаа л энэ их өвдөлтийг бүрэн мэдрээгүй хэрэг. Харин одоо бол өөр. Энд зарим хүмүүс бусдыгаа гарахад нь тусалж байна онгоцны зарим нэг ажилчид ч бас бидэнд гарахыг зөвлөж, тусламж үзүүлцгээж байгаа. болохоор миний сэтгэл бага ч атугай тайвширсан хэрэг. Тиймдээ л одоо яс янгинан шархирахыг мэдэрч байгаа биз. Цээжээ хөдөлгөн энэ доороос гарахыг хичээх тоолонд хөл минь шархирах юм. Хорсолтой бас хорлонтойгоор тийм гэхийн аргагүй өвдөлт мэдрэгдэж байна. Хөдлөх тоолонд шилний том хагархай сандалыг үрж шарх нь улам л зайгаа тэлнэ. Энэ нөхцөл байдалд хөдлөхгүй байсан нь дээр бололтой. Гэдхээ бас бусдад найдаад энд хөдлөхгүй хэвтэж үхлээ хүлээх нь утгагүй хэрэг. Хэн нэгжн ирээд энэ сандалыг татаад өгдөг ч болоосой.

Дунд эргэм насны эрэгтэй бодвол нислэгийн багынх бололтой. Тэрний толгойны ар хэсэг нэлээн гэмтсэн харагдаж байна. Гэсэн ч тэр миний дээр байгаа сандалыг өргөж холдуулан намайг гадагш гарахыг зөвлөнө. Онгоц утаагаар дүүрч амьсгалахад хүндэвтэр болж байсан юм. Энэ хүнд би амьний өртэй боллоо. Өөрөө ч аюулд орж магадгүй байхад намайг аварлаа. Би бурханд биш түүнд талархах нь зүйтэй байх.

Нисгэгч залуугаар түшуулэн гадагш гарахад хөл минь түрүүнийхээс ч илүүтэй мэдээгүй болжээ. Мэдээгүй болно гэдгийг би ойлгохдоо зүгээр л юу ч мэдрэгддэггүй байх гэж бодтол үгүй ажээ. Урьдынхаасаа хоёр дахин илүү хүнд болж бас бадайрна тэгсэн хэрнээ зүүгээр хатгах шиг час час хийх нь мэдрэгдэнэ.

Намайг гаргасных нь хариуд талархаж ч амжаагүй байхад нисгэгч цамцаараа амаа даран буцаад л онгоц уруу явчихлаа. Магадгүй над шиг байдалд орсон ахиад нэг хүнд туслах гэж байгаа биз.

Удахгүй онгоц дэлбэрэх тул биднийг аль болох холдохыг зөвлөнө. Би ч хөлөө чирсэн чигтээ мод түшин хаа нэг тийшээ зүтгэнэ. Нар жаргаж үдшийн гялаан тэнгэртээ анивчина. Зун болоод ч тэр үү нэлээд дулаахан байна. Халуун салхи үлээгээд л гэхдээ одоо бол байгалыг таашаах цаг биш.

Ой модноос гарсан бололтой цэцэгтэй зэлүүд тал үзэгдэнэ. Би яг хаанаа ирчихвээ. Гэхдээ энэ цэцэгт тал хэсэгхэн л үргэлжлэх бололтой ахиад ой мод харагдаж байна. Миний энэ аймшигтай царайг хараад цэцэгс хүртэл дэлбээгээ хумин бөхийх биз.

Энд суугаад өглөө болохыг хүлээх хэрэгтэй. Тиймээ энэ модыг налаад суучихя.

Хөлөндөө зоогдсон шилийг авахаар зэхэж байтал араатан амьтны архирах чимээ сонстоно. Энэ л дутаж гэнэ дээ. Хангалттай айлгасан биш үү. Тэнгэр минь юу бодож байгааг чинь мэдэхийн аргагүй юм.

-Хэн нэгний айлгах төлөвлөгөө бол одоо зогсоосон чинь дээр шүү гэж амандаа бувтначихаад эргээд хартал миний ард томоос том зэрлэг мигуй зогсож байлаа. Тэнгэрийн хүчийг урьдаас таахууяа бэрх юм.

.