1751он. Их Чин гүрэн|Хориотой хот

Чин гүрний 6 дахь хаан Тэнгэрийн хүү Айсин Гиоро Хун Ли буюу Тэнгэр тэтгэгч хааны хаанчлалын үе.

Их Чин гүрний хориотой хотод Шилла гүрний хаан болон сайд нарыг урьж хааны цэцэрлэгт бяцхан цайллага хийж байгаа буй за.

Тэнд саяхан энхийн гэрээний хэлэлцээрээр Монгол нутгаас зорин ирсэн Мөнх ноёны их охин хүртэл оролцож байгаа ажээ. Тэрээр өнөөдөр л хааны Үй татвар болон өргөмжлөгдсөн атлаа өндөр дээд манж угсаатнуудын цайллаганд оролцож байна гэдэг нь энэ цайллага хэдий бяцхан гэсэн тодотголтой ч ямар өргөн цар хүрээг хамарч байгааг нь илтгэх шиг.

Тэнгэрийн хүү ч ирж цайллага эхлэх нь энэ. Нар хэвийн гудайх нь бич цаг болсныг илтгэх шиг.

...

Хааны цэцэрлэг машид гоёмсог ажээ. Энд ертөнцийн бүх л цэцэгсийн цуглуулга байна уу? Гэлтэй өнгө үзэмж үнэхээрийн төгс, үнэр нь бас анхилам юм.

Өнөөдөрөөс эхлээд би нутгаасаа хол. Энэ бор хотод/Монголд хориотой хотыг Бор хот хэмээн нэрийддэг байсан/ тэнгэрийн хөвгүүний бүсгүй болно. Хүнд сэтгэлтэй ч болж амжилгүй, инээж наргиж ихийг үзэх танхил насан дээрээ хүний газар ирж энэ бор хотод ясаа тавина гэдэг амьдралын хатуу хөтүүг туулаагүй надад ахадсан зовлон бөлгөө.

Бор хотод орж ирсэн хэн нь боловчиг эндээс гарах ёсгүй байдаг. Бор хотын бүх эмс охид хааны өмч. Мэдээж шивигчин охид 25 хүрснийхээ дараагаар эзнээрээ инж бэлдүүлэн ордоноос гарна. Харин бид бол үгүй энд хөл тавьсан л бол буцаж гарах аргагүй. Би ч бас тэдний адилаар энд ясаа тавих болно.

Яг миний урд суух залуу ноёнтон татаастай хэдий ч чигээ олохгүй байсан сумыг минь зохих байнд нь аятайхан чиглүүлээд өгөх шиг. Гэхдээ одоо хэдийн оройтжээ. Өнөөдөр л анх харж байгаа хэрнээ сэтгэлд нэг л дотно энэ их хүмүүнийг Ким Дэсон гэдэг юм байна. Өнөөх алдарт Андуны Ким овогтын бага хүү Ким Дэ Сон.

Цайллага эхлэхээс дуусах хүртэл бид хоёр хоёул нэгнээсээ харцаа үл салгана. Мэдээж бид бие биендээ соронз мэт л татагдсан биз. Гэвч одоо энэ бүгд боломжгүй. Зүгээр л нэг нэгнийхаа сэтгэлд л байж болох тавилантай юмсанжээ бид.

Түм түжигнэсэн олны дунд

Таарч учрах нь тавилан байдаг

Зүс үзээгүй хэн нэгэнтэй

Зөрөлцөх төдий ч тавилан байдаг

2004он. Солонгос улс|Андун

Мэдээ:Андуны Ким овогтын бага хүү болох Ким Тэ Үг нь өнөөдөр жирийн нэгэн Монгол бүсгүйтэй сүй тавжээ.

...

Ай тавилан гэж...