ဘရဏီအနောက်ဘက်မှ ရဝိန်တို့အတွဲထံသို့

လှည့်ကြည်ရလွန်း၍ ရုပ်ရှင်ထဲပင် အာရုံမစိုက်နိုင်အောင်ဖြစ်ရ၏။ ရဝိန်ရင်ခွင်ထဲက ကောင်မ လေးမှာ ဖြူဖြူချောချောလေးဖြစ်သည်။ ဘယ် လောက်ချောချော မကြာခင်ပျက်မှာပဲဟု

တွေးလိုက်ခါမှ ဘရဏီနေထိုင်ရသည်မှာ

နည်းနည်းအဆင်ပြေလာ၏။

စိုးသက်နောင် ဘရဏီဇော်ကို သတိထားမိသည်မှာ ကြာပြီးဖြစ်သည်။ ဘရဏီ​ဇော်သည် ရဝိန်အ နားကပ်နေသည်မှာ အရမ်းသိသာပေ၏။ ရဝိန်သည် ကောင်မလေးထားတိုင်းလည်း သူငယ်ချင်းများနှင့် မိတ်ဆက်ပေးတတ်သည်။ သို့သော် အချိန်သိပ်မကြာခင်၌ ပြတ်သွားတတ်၏။

ဒီတစ်ယောက်နှင့်ဆိုလျှင် သုံးယောက်မြောက်ပင်။ စိုးသက်နောင် သက်ပိုင်ဘက်ကြည်လိုက်လျှင် popcorn ကိုသာ အဆက်မပြတ်စားနေ၏။

ထို့​ပြင် coca cola သောက်ပြီး ဝက်တစ်ကောင်ကဲ့သို့ စားသောက်နေသည်ကိုတွေ့လိုက်ရ၍ စိတ်ထဲပြုံးမိပြန်သည်။

" ကိဝီ ၊ ဟေ့ ကိဝီရေ "

ကိဝီအဝတ်ခေါက်နေချိန် အိမ်ပေါ် တတ်လာသည့် ခြေသံနှင့်အတူ နာမည်ခေါ်သံကိုပါ ကြား လိုက်ရသည်။

" ဗျာ ရှိတယ် "

" အေးအေး၊ နင်အဒေါ် ကချဲ့ဖိုး နင်ဆီတောင်းလိုက်ဆိုလို့ "

" ဟုတ်ကဲ့၊ ဘယ်လောက်လဲ ကြီးကြီး "

" ၄၅၀၀ "

ကိဝီအခန်းထဲဝင်​လိုက်ပြီး ခေါင်းရင်းရှိ မုန့်ဗူးလေးထဲစုထားသော ၅၀၀၀ တန် တစ်ရွက်ယူပြီး ပေးလိုက်သည်။

" ဒီမှာ ၅၀၀၀ "

ကိဝီလက်ထဲမှ ပြန်အမ်းငွေ ၅၀၀ တန်လေးကိုကြည်၍ "ပိုက် ဆံ ပိုက်ဆံရှာဖို့ ခက်သလောက် အသုံးမခံပါလား"ဟု အတွေးဝင်မိပြန်သည်။ ထို့နောက် ကိဝီအတွေးကိုရပ်ပြီး အဝတ်ကိုသာဆက်ခေါက်နေလိုက်သည်။

" မကို မိတ်ဆက်ပေးမယ်၊ သက်ပိုင် စိုးသက်နောင် ဘရဏီဇော် "

" ဒါကတော့ ငါရဲ့မ သူဇာဝေ "

မင်းရဝိန် သူငယ်ချင်းများနှင့် ချစ်သူဖြစ်သူကို

မိတ်ဆက်ပေးနေသည်။

" မဝေလို့ခေါ်လို့ရပါတယ် "

" မလို့ပဲ ခေါ်မှာ "

ရဝိန်တစ်ယောက် သူ၏"မ"အနားခေါင်းကပ်၍

အီနေ၏။ သူ့ငယ်ချင်းများရှေ့လာ ro ပြနေသော rs ကြောင့် သက်ပိုင်ဗိုက်ပင်ဆာလာတော့သည်။

" မှာကြရအောင်၊ စားရင်းနဲ့ ဆက်ပြောကြတာပေါ့၊ မှာမယ် waiter "

ရဝိန်တို့သည် မနက်ပိုင်းရုပ်ရှင်ကြည်ပြီး နေခင်း

နေလယ်စာလာစားနေကြခြင်းဖြစ်၏။

" ဆိတ်ကလီစာတစ်ပွဲ၊ ငါးဆုပ်၊ ဘဲဥ၊ ကန်းစွန်ပလိန်၊ သီးစုံကြော်၊ ခေါက်ဆွဲကြော်တစ်ပွဲ မင်းရော "

သက်ပိုင်မှသတိတရနှင့်မေးလာ၍ စိုးသက်နောင် ကျေနပ်သွားသည်။

" ရပြီး။ မင်းမှာထားတာပဲ စားတော့မယ် "

" ပုဇွန်နှစ်ပွဲ "

" ရဝိန် ပုဇွန်မစားဘူး။ ပုဇွန်တစ်ပွဲပဲ ကြက်သည်းမြစ်နှစ်ပွဲ "

မိမိကောင်​လေးအကြောင်းကို မိမိထက်ပင်သူ၏သူငယ်ချင်းမက ပိုသိနေ၍ သူဇာဝေစိတ်ထဲ

ဘဝင့်မကျဖြစ်ရသည်။ ထို့ပြင် ဂုဏ်ဆာနေသော အပြုံး​ဖြင့်လည်း ကြည်လာပြန်သေးသည်။ စားစရာများရောက်လာပြီး ထမင်းစစားချိန်မှာလည်း မိမိအားစိန်ခေါ်လာဟန်ပြုပြန်သည်။

" ရဝိန် ရော့ အမြစ်၊ အသည်းမကြိုက်ဘူးမလား၊ငါပန်းကန်ထဲ ထည့်လိုက်နော် "

"မ"ဘက်ကြည်လိုက်လျှင် ပုံမှန်အတိုင်း ထမင်းကိုသာ အာရုံစိုက်ဝါးနေလေသည်။ သူဇာဝေ သည်းခံနေရ၏။ ရဝိန်၏သူငယ်ချင်းမလုပ်ပုံ သည် သူဇာဝေအား အသည်းတဆစ်ဆစ်ယား လှအောင်ပြုမူနေသယောင်။

မျက်နှာချင်းဆိုင်က နှစ်ယောက်မှာတော့ သာသာယာယာရှိနေသည်။ အစားကြိုက်ပုံရသောကောင်လေးကို မိုက်ကန်းကန်းဒီဇိုင်းနှင့် ကောင်လေးမှ ဟင်းတွေခပ်ယူပေး​နေသည်။ ပါး​လေးဖောင်းဖောင်းနှင့် စားနေဟန်ကိုလည်း ပြုံးကြည်နေသေးသည်။

သူဇာဝေ ရဝိန်ဘေးကိုကြည်လိုက်လျှင် သူငယ် ချင်းမဆိုသူက ပြုံးပြလာသည်။ အပြုံးတို့သည် ပီပြင်မှုမရှိသည်ကို သူဇာဝေ မြွေမြွေချင်း ခြေမြင်သည့်သဘောရှိ၍ နားလည်လိုက်သည်။

➡➡➡➡➡➡➡➡➡➡➡➡➡➡➡➡➡➡➡➡➡➡➡

ဘရဏီဇော်သည် ရှေးကျဟန်တူသော အခန်းတံခါးကို အသာတွန်းဖွင့်ဝင်လိုက်သည်။ အခန်းအတွင်းပိုင်းကို ကြည်လိုက်လျှင် မှန်တင်ခုံရှေ့၌ ဘိုဆန်ဆန်အပြင်ဆင်နှင့် လှနေသော မိန်းမပျို

တစ်ဦး ထိုင်နေလေသည်။ နှုတ်မှလည်း တစ်စုံ တစ်ယောက်ကို ကြိမ်းမောင်းနေဟန်ရှိ​နေလေသည်။ အာရုံစိုက်နားထောင်လိုက်လျှင် စကားသံတို့အား ပီသစွာကြားရပေသည်။

" ခင်လေးမေ ခင်လေးမေ မင်းအတွက် ပျော်

စရာအချိန်တွေ ကုန်ဆုံးတော့မှာပါ။ ကိုချစ်မောင် ရှင်က ကျွန်မအပိုင်ပဲဖြစ်ရမယ် "

ထိုမိန်းမပျိုသည် နှုတ်ခမ်းနီကို အရောင်ထပ်တင်လိုက်ပြန်သည်။ ပြီးလျှင် ဖြည်းဖြည်းချင်း အ နောက်ဘက်သို့ လှည့်ကြည်လာလျှင် ဘရဏီဇော်လန့်သွားရ၏။ တူလွန်းသည်။ မိမိနှင့် တစ်ပုံတည်းတူသော ထိုအမျိုးသမီးကို စေ့စေ့ကြည်ပြီး

ဘရဏီဇော်အံ့သြမိ၏။

" မအံ့သြပါနဲ့ ဘရဏီဇော်၊ မင်းသိထားဖို့က အချစ်ဆိုတဲ့အရာမှာ တရားတာ၊ မတရားတာနဲ့

မဆိုင်ဘူး။ ပိုင်ဆိုင်နိုင်ဖို့အဓိကဆိုတာ မင်းနားလည်လား ပြော နားလည်လား "

ထိုအမျိုးသမီးသည် ဘရဏီမျက်နှာတည့်တည့်အား လက်ညိုးဖြင့်ထိုး၍ ပြောနေသည့်ကိုပင် အားရဟန်မရှိသေးဘဲ ရှေ့သို့တစ်လှမ်းပြီး တစ်လှမ်းထပ်တိုးလာပြီး စကားများဆက်ပြောနေပြန် သည်။

" မလာနဲ့ မလာနဲ့ "

" ဘာဖြစ်လဲ သမီး၊ သမီး ထပါအုန်း "

မျက်လုံးတို့အားဖွင့်ကြည်လိုက်လျှင် အဖေဖြစ်သူကိုတွေ့လိုက်ရ၏။

"အဖေ...ပြန်ရောက်တာ ကြာပြီးလား "

" အ​ဖေခုပဲ ပြန်ရောက်တာ။ သွား သွား အိပ်ခန်းထဲ သွားအိပ် "

" ဟုတ်ကဲ့ "

ဘရဏီ အခန်းထဲရောက်လျှင် အိပ်ချင်စိတ်များ ပျောက်သွားပြီးဖြစ်၍ အိမ်မက်အကြောင်းပြန် ​တွေးမိသည်။

" အချစ်မှာ တရားတာ၊ မတရားတာ မရှိဘူးတဲ့ လား "

ထိုစကားကို ဘရဏီ အပြည့်အဝလက်ခံသည်။ မင်းရဝိန်သည် ဘရဏီဇော်ဆိုသော မိမိအတွက်သာ ဖြစ်သင့်၏။

ဦးမျိုးမင်း သားဖြစ်သူအားအဆောင်ပို့ရန် ရည် ရွယ်ထားသည်။ သို့​သော် ရဝိန်သည် အဆောင်သို့မသွားဘဲ အိမ်မှနေ၍ ကျောင်းကို ရိုးရိုးတတ်ပြီး အောင်စေရမယ်လို့ ဆိုလာသည်။

" စာပုံမှန်လုပ်နော်၊ ဂိမ်းပဲဆော့မနေနဲ့ "

သားဖြစ်သူမင်းရဝိန်ကို မှာစရာများမှာ၍ ကိဝီ တို့ထံထွက်လာခဲ့လိုက်သည်။ ​​ တံခါးဖွင့်ထားသော ​ခြံဝ၌ ဦးမျိုးမင်းကားကို ရပ်လိုက်သည်။

ကိဝီတို့ခြံသည် နည်းနည်းတော့ ရှည်၏။ သစ် သားအိမ်လေးအနောက်၌ အသီးအနှံ့လေးများ စိုက်ထားပြီးအပြင် မြေကွက်လပ်အနည်းငယ် ကျန်သေးသည်။ နှင်းဆီပန်းစိုက်ရန် ရည်ရွယ် ထားသည်ဟု တစ်ခါကကိဝီပြောဖူး​သည်။

ကိဝီတို့အိမ်သည် သစ်သားအိမ်ပုလေးဖြစ်ပြီး အိပ်ခန်းနှစ်ခန်း၊ ဘုရားခန်းနှင့် မီးဖိုခန်းသည် အနောက်ဘက်မှ အဖီဆက်ထားခြင်းဖြစ်သည်။ ဘေးတွင်တော့ ရေချိုးရန်ကျောက်စည်လေးနှင့် ကျောက်ပြားတစ်ခု ရှိသည်။ခြံနောက် သစ်တိုပင် အောက်တွင် အိမ်သာလေး ဆောက်ထားသည်။

" ကိဝီရေ...ကိဝီ ရှိလား၊ ကိဝီ "

" သားရှိတယ် ဦး၊ အိမ်ပေါ်တတ်ခဲ့ပါ "

" အေးအေး "

ဦးမျိုးမင်း ဘုရားခန်း၌ထိုင်၍ ကိဝီအား စောင့်

​နေလိုက်သည်။

" ရေလေးသောက်ပါအုန်း "

" သားအတွက် ကိဝီ၊ ဖုန်းတစ်လုံးရှိတာ အရာရာ အဆင်ပြေတယ်၊ ဦးဖုန်းနံပါတ်လည်း ထည့်ထားတယ်၊ နောက်ဆိုရင် ကျောင်းစရိတ်အတွက် ဖုန်းကပဲ လွှဲလိုက်မယ်၊ ဆိုင်မှာ ထုတ်ယူလိုက်နော်။ ဒါက မုန့်ဖိုးပေးတာ "

" မလိုပါဘူး။ မုန့်ဖိုးက ကိဝီမှာရှိပါတယ် "

" မငြင်းပါနဲ့ ကိဝီ။ ဦးသားနဲ့ ကိဝီက ရွယ်တူပဲ၊ သားတစ်ယောက်လို့ ခင်လို့ရိုးရိုးသားသားပေးတာပါ၊ သားကိဝီ မှတ်ထား၊ ပတ်ဝန်းကျင်ရဲ့ လွှမ်းမိုးမှုကို မခံရစေနဲ့၊ ပတ်ဝန်းကျင်ကတော့ ဟုတ်တာရော၊ မဟုတ်တာရော ပြောကြမှာပဲ၊

ဦးနားလည်တယ်။ ဦးလည်းအလုပ်ကိစ္စရှိသေးတယ်လေ၊ နောက်ဆိုဖုန်းကပဲ ပြောကြတာပေါ့၊

အမြဲတမ်းပတ်ဝန်းကျင်အ​မြင်ကို စိုးကြောက်နေဖို့ မလိုဘူး။ ရှေ့ဆက်ဖို့လည်း အများကြီးရှိသေးတယ်မလား။ ဦးပြန်ပြီး ကိဝီ "

" ဟုတ်ကဲ့၊ သားကူနိုင်တာ ရှိရင်လည်းပြောပါ "

" လိမ္မာတယ် "

ခေါင်းလေးပုတ်ပြီး အိမ်အောက်ဆင်းသွားပြီး ဖြစ်​သော ဦးလေးမျိုးမင်း၏ကျောပြင်ကိုကြည်လျက် ကိဝီမျက်ရည်တို့စို့လာရသည်။ ခုချိန်ထိ

ကိဝီ၏အဖေသာရှိခဲ့လျှင် ဒီလိုနွေး​ထွးမှုမျိုး နေ တိုင်းခံစားရမည် မဟုတ်ပါလား။