Орой болчихсон тул ээж аав хоёр бараг л унтчихсан байх. Гадуур хувцсаа өлгөн гэрийн шаахайгаа өмсөн дээшээ шатаар гарах гэж байтал хэн нэгэн араас

"Чи ирээ юу?" гэхэд айсандаа бараг л зүрх зогсох шахав. Удсанчгүй ээжийг гэдгийг мэдсэн тул эргэж харан "Тиймээ ээжээ!" гэв. Ээжийг унтаагүй байгааг хараад тайван амьсгалахтайгаа болов. Хэрвээ аав унтаагүй сэрүүн байсан бол бараг л алах байсан байх.

Яг дээшээ шатаар гарахаар урагшаа алхтал э "Мина хоёулаа буйдан дээр суугаад ярилцья!" гээд зочны өрөө лүү алхав. Тийм чухал зүйл юм байхдаа? Ийм орой болчихсон байтал намайг хүлээгээд унтаагүй байхыг бодоход?

Ээж: "Охин минь, өнөөдөр ирсэн У Сэүн гэх залуу чамд ямар санагдсан бэ?"

Би хэсэг бодлогширон "Зүгээр дажгүй л залуу байсан. Гэхдээ тэр хүйтэн сэтгэлтэй юм шиг харагдсанаас биш царайлаг сайхан л залуу байна лээ. Яасан ээжээ?"

Ээж: Зүгээр асуусан юм аа. Заза өрөөндөө ороод орж амардаа. Сайхан амраарай!

Ээж духан дээр минь үнсээд унтлагын өрөөлүүгээ орлоо. Юу вэ? Тэр залууг асуух гэж л ийм орой болтол хүлээж байгаа хэрэг үү? Тэрнийг яагаад асуусан юм бол? Харваас бүтэхгүй, би шалиг залуу гээд духан дээр нь биччихсэн байсан ч ээжид гайгүй гээд худлаа л ярьчихлаа.

Өрөөндөө орж ирэн хувцсаа солин нүүр гараа угаахаар угаалгын өрөө лүү орлоо. Шүдээ угаангаа тольны тусгал дах өөрийгөө харан "Намайг арай тэр залуутай уулзуулах гэж байгаа юм болов уу? Эсвэл? Заза мэдэх юм алга" гээд өөртэйгөө ярина.

Нарны туяа цонхоор орж ирэн нүүрэн дээр минь тусах үед л гүн нойрноосоо сэрлээ. Орноосоо өндийгөөд нүүр гараа угаагаад орон дээрээ сууж байтал утсанд минь зурвас ирэх чимээ гарав.

From: unknown number

Өглөөний мэнд! Пак Чанёолын ээж нь байна аа. Чамтай хамт өглөөний цай ууж хэдэн зүйл ярилцах гэсэн юм. Боломжтой бол энэ ********** газар луу хүрээд ирээрэй. Хүлээж байх болно оо охин минь!

Чанёолын ээж бололтой над руу ийн зурвас бичсэн байх нь тэр. Уулзаж юм ярьмаар байна гэнэ? Яах вэ? Юуны тухай ярих гэж байгаа бол? Арай бид хоёрыг салгах гэж байгаа юм болов уу? Угаасаа нэг л өдөр уулзаж царай царайгаа харалцах юм чинь дээ. Хүлээж байна гэснийг нь харвал тэрээр мөн л чухал зүйл ярих гэж байгаа байх. Дотроо олон юм бодсоор сүүлдээ толгой өвдөж эхлэв.

Хувцасны шүүгээнээсээ аль болох дажгүй харагдчхаар хувцас сонгон өмсөөд түргэхэн шиг доош буув. Гутлаа өмсөн гарах гэж байтал үйлчлэгч эгч ирэн "Ийм эрт хаашаа явах гэж байгаа билээ?" гэж асуув.

Би: "Чухал хүнтэй уулзах хэрэгтэй болчихлоо эгчээ. Та ээж аавд хэлчихээрэй"

Уулзах газраа ирэн дотогш орон эргэн тойрноо харж байтал цонхны цаана суух эмэгтэй гараараа даллан дуудна. Инээмсэглэсээр Чанёолын ээжийн урд очин суулаа. "Өглөөний цайндаа юу уумаар байна даа, Мина?" гэсээр түүний ээж хоолны меню харан хэлэв. Түүний ээж их л тайван байх бол би харин ч эсрэгээрээ гар минь чичрэн сууна. Хэдий тийм байлаа ч анх уулзаж байхдаа сонин сэтгэгдэл үлдээж болохгүй тул өөрийгөө зоригжуулан урт амьсгаа аваад "Америк өглөөний цай авья, хадагтай Пак"гэж хэлээд инээмсэглэв.

Хадагтай Пак ч мөн адил хоолоо захиалж дуусан зөөгч явсны дараа надруу их л чухал гэгч нь хараад "Анх уулзаж байгаа тул эвгүй сонсогдож магадгүй байх. Гэхдээ чи хүүтэй минь ирээдүйд гэрлэх үү?" гээд гэнэтийн асуултаар булав.

Би сая түүний яриаг зөв сонссон биз дээ? Сая надаас хүүтэй минь гэрлэх үү гэж асуусан? Үнэнгээсээ хэлж байна гэж үү? Чанёол энэ тухай мэдэж байгаа болов уу? гэх мэт маш олон асуултууд толгойд минь зэрэг орж ирэх агаад түүний ээжийн асуултнаас болоод баярласандаа орилох шахлаа.

"Чи зүгээх үү Мина?"

"Т-тиймээ хадагтай. Би зүгээр ээ. Та надад бодох хэдэн өдөр өгч болох уу?"

"Тэгэлгүй яахав" гээд өөдөөс минь инээмсэглэнэ. Би түүнтэй гэрлэх гэж үү?