Тамын гишгүүртэй параллель орших шүтлэг

Тэнгэрт даатгасан салаа замын хэлхээ

Харагдах зүгтээ алх хэмээн айлтгасан

Харлуулах ятгалага байж дээ янз нь

Зарлигийг нь биелүүлсэн юмсан

Зараалан болчих нь энэ үү дээ

Бирдэд би өгүүлсэн юмсан

Биелэгдээгүй байх нь энэ үү дээ

Аяа юутай гаслан гэгчин энэ вэ

Ардах нь харагдтал ажаад байтал

Адгуусан, Бирд хоёр нь адилхан гэхэд дэндүү адилхан юмсанж

Болдог хүндээ өчиж дээ би

Булааж аваад залгичихаж дээ янз нь

Бурхандаа бус эжийдээ сүсэглэх байж дээ, тэнгэр минь

Тэнгэртээ бус ижийдээ залбирах байж дээ, бурхан минь

Хэндээ тэгтлээ найдав даа

Хавханд сүүлээн хавчуулж дээ.

Хоолойгоо боомилуулаагүй яамай даа.

/•Ямар нэгэн шашин шүтлэгийг буруушаах санаа агуулаагүй болно. Аливээ зүйлд итгэж найдах нь нэг талын зөв хэдий ч хэт туйлширсанаар өөрийг тань буруу алхам хийхэд нөлөөлж болзошгүй. Аюул нүүрлээд ирэх цагт бурхан тэргүүт нэртэн Эжий тань л толгойг чинь илэн итгэл хайрлаад урд чинь гаран хамгаална./

Бирд:Гурван муу заяаны хоёрдугаарх өлөн чөтгөр. /Том гэдэстэй, зүүний сүвэгч шиг нарийхан хоолойтой авч үргэлж идэхийг мөрөөдөж байдаг хадарган.

Сүүлийн үеүүдэд Бирд гэгчийг хүсэл биелүүлэгч шидтэн гэж андуурах болсон. Харамсалтай нь Бирд гэдэг нь урьд насандаа хэтэрхий шунахай харамч нэгэн байсан тул дараа төрөлдөө томоо гэгчин гэдэстэй хоолойгоор нь хоол давамгүй нарийхан хүзүүтэй болон мэндэлж үйл тамаа цайсан чөтгөрийн амьтан юмсанж.