"Сайна уу? Karina байна."

"Alexander байна."

Karina болон Alexander. Тэдний хамтдаа хийсэн бичлэг дор хүн бүр сайн сайхныг хүсэх агаад нэг ч сөрөг сэтгэгдэл үл харагдана. Тэдний бичлэг улсдаа гэлтгүй өөр орны хүмүүсд ч хүрэхээр. Тэд сүүлийн жилүүдэд бүгдийг хийж байгаа. Бизнес, реклам, кино, шоу, дуу, бүжиг. Тэд сошиалыг атгахаар хэмжээний алдартай хосууд. Нэгэндээ ч дэндүү хайртай нь хийж байгаа үйлдэл, хэлж байгаа үгнээс нь нэвт шувт харагддаг байлаа.

Karina "Ингээд бидний өнөөдрийн видео дуусаж байна. Үзсэн бүх хүмүүсдээ талархаж байна."

Alexander "Хайраа, хоёулаа нөгөөхөө хэлэх үү яах уу?"

Тэд нэгэн рүүгээ инээсээр харах бөгөөд хоёр тархинд нэг л зүйл бодогдох ажээ.

Karina "За за. Хэлцгээе!"

Alexander "Тийм ээ. За тэгэхээр би хоёр"

Karina "Хэнд ч хэлээгүй байгаа. Тэгээд"

Alexander "Мм зөвхөн та нарт л хэлж байна хаха"

Karina "Ээж аав найзууд гээд хэнд нь ч хэлээгүй одоо энийг үзээд жоохон..."

Alexander "Уурлах байх тэ?"

Karina "Харин тэгэх байх яанаа"

Karina "За за үнэндээ бид хоёр гэрлэх гэж байгаа. Та нар гадарлаж л байсан байх. Гэхдээ бид яг сарын дараа гэрлэхээр шийдсэн."

Alexander "Үнэндээ би маргааш ч хамаагүй гэрлэмээр байна. Бүр догдлоод"

Karina "Сандраад байгаа биз. Би ч бас аймар сандарч байна."

Alexander "Мм. За дараагийн бичлэгээрээ уулзацгаая"

Karina "Бид дараагийн бичлэгээ хурмын ажлаа бэлдэж байх явцад болох зүйлээ бичнээ. Тэгээд бас бид хоёр нь жоохон завгүй болчих болохоор бичлэг оруулахгүй байхаа."

Alexander "Мм. За баяртай♡"

•••••••••••••••••••••••••••••••••••••••••••••••••••••••••••••

10 хоногийн дараа интернетээр тэдний талаар шуугиж эхэлжээ. Тэдний хурмын талаар басхүү... сүйт залуу нь энэ хорвоогоос явсан талаар.

Яг юу болсон нь тодорхой биш. Бүгд нууцлагдан үлдсэн. Тэдний хийсэн хамгийн сүүлчийн бичлэг доор хүмүүс Karina-г хүчтэй байхыг хүсэж, тэвчээртэй байж бодлоготой байгаарай хэмээн сэтгэгдлүүдийг мянга мянгаар нь илгээж байлаа.

Энэ мэдээнд хүн бүр цочирдсон хэдий ч мэдээж хамгийн хэцүү байгаа нь Karina шүү дээ.

Karina эцэст нь сарын дараа мэдэгдэл хийсэн юм.

"Сайна уу? Karina байна."

Тэр доош харан хүндээр амьсгалаад буцан камерынхаа зүг харав.

"Өмнөх бүх хугацаанд тэр бид хоёрыг дэмжиж байсан та бүхэнд маш их талархаж байна. Мөн саяхных хүртэл надад анхаарч байсанд баярлалаа. Эцэст нь би шийдвэрээ гаргалаа. Би өөрсдийнхөө бүх хаягыг устгахаар шийдсэн. Youtube channel, Facebook page, Instagram хаягуудаа бүгдийг нь. Бас би гадаад явж байгаа. Ганцаараа байж асуудлаа шийдэж, тэнхрэх хугацаа надад хэрэгтэй гэж бодож байна. Эцэст нь та бүхэнд баярлалаа. Битгий гуниглаарай."

Тэр ингээд л сураггүй болсон. Хэн ч түүнийг хайсангүй. Яг л өмнө нь тэд огт байгаагүй юм шиг.

Зүүд мэт л зөрөөд өнгөрөх зэрэглээ байж дээ чи минь

Зүрхэнд нэг л тоглоод мартагдах аялгуу байждээ чи минь

-kB