ихэнх үеийг би Хусогтой өнгөрүүлж байсан мэт санагддаг байлаа. Өрөөгөөр минь байрлах жаазтай зураг , утасны минь багтаамжыг дүүргэх зураг , бараг гэр бүлийн минь зурган дээр хүртэл Хусог бид хоёр хамтдаа байдаг байсан болохоор тэр.

Мэдээж хоёрдугаар ангиасаа өмнө би хэнтэй ч нийлдэггүй номын хүүхэд байснаа хэлж чадах ч миний инээд гуниг нулимс гээд бүх л мэдрэмж зуун хувь Хусогтой байсан гэдэгт итгэлтэй байна.

Анхандаа Хусогтой дандаа хамт байж оронд хамт хэвтэх нь гэдсэнд хачин мэдрэмж төрүүлдэг байсан ч одоо тэр мэдрэмж нь миний биеийн нэг организм болсонтой адил хувирч бид хоёр бие биетэйгээ хайртай хосууд шиг ч ярих үе зөндөө байдаг байлаа. Үүнтэй нь бид аль аль нь тухтай байсан юм.

Мэнюг нухацтай ширтэх Хусог надруу харан ам нь хөдлөхөд би бодлоосоо ангижирч түүнрүү жинхнээсээ анхаарлаа хандуулан " Айн? " гэхэд тэрээр " Ямар төрлийг авах юм? " хэмээн дахин хэлсэн нь дууных нь өнгөнөөс ялгарч байлаа.

Би шилэнд наалттай мэнюг харахаар ойртоход түрүүнээс хойш бид хоёрыг ажиглаж байсан гуч гарсан эмэгтэй

" Хэрвээ та хоёр хос бол хосын багц байгаа шүү. " хэмээх ба гэнэт Хусог миний гарыг атган эгчид өргөн үзүүлэв.

" Мэдээж бид хоёр хос шүү дээ. Илт харагдахгүй байна уу? " гээд надруу инээмсэглэхэд би жүжгийг үргэлжлүүлэн түүний гарыг эргүүлэн атгалаа.

" Тийм ээ бид өнөөдөр зуу дахь өдрөө тэмдэглэж байгаа. "

Худалдагч эмэгтэй инээмсэглэж хосуудын багцыг бид хоёрт харуулж ямар амттайг нь авах вэ гэхэд Хусог түрүүлж " Мэдээж шоколадтайг. Тийм биз дээ хайраа? " хэмээн надаас асуувал би түүний инээмсэглэлийг эргүүлэнгээ " Мэдээж үгүй шүү дээ тоорхон минь. Чи намайг шоколаданд дургүй гэдгийг хэн бүрээс ч илүү мэдмээр юм. Бид мэдээж гүзээлзгэнэтэйг авна. " гэлээ.

Хусог үг зөрөх гэхэд би атгасан гараа чангалж түүний гарыг базах ба одоо ч хүртэл түүнрүү инээмсэглэсэн хэвээр " Гүзээлзгэнэтэйг эгчээ. " гэхэд Хусог ч тэр инээмсэглэн худал инээж " Тийм ээ тэгье. Чиний төлөө л гэвэл яасан ч яахав." хэмээв.

***

Хаалга онгойхтой зэрэгцэн газарт бид хоёр цүнхээ шидэх ба Хусог орлуу үсэрэхэд орны бүтээлэг үрчийв.

" Чи гүзээлзгэнээс залхадаггүй юм уу? Зүгээр л , эрэгтэй хүн ягаан өнгийн зүйл идээд явж байх нь сайхан харагдахгүй биз дээ? "

Цахилгаантай цамцаа тайлан түүний хажуу тийш шидэх гэсэн ч түүний нүүрэн дээр унах ба би зөөлхөн хөхрөнгөө

" Чи гутраад байгаа юм уу? Уг нь чи миний хүссэн зүйлийг авч өгч байна гэж бодсон юмсан. " гээд шүүгээгээ онгойлгон би гэрийн хувцсаа гарган ирлээ.

Хусог чимээгүй аанхан гэх дуу авиа амнаасаа гаргахад би шүүгээг эргүүлэн хаан ,

" Бас намайг эмэгтэй байсанд баярлаарай. Бид хосын багц авч хэзээ ирэх нь мэдэгдэхгүй хайрт Дрэйкийн тоглолтын мөнгийг чинь хэд дахин хэмнэсэн шүү. "

Орон дээр хэвтэх Хусог надруу толгойгоо эргүүлэн " Дрэйк бол бурхан. Бас тэр нэг өдөр солонгост тоглолт хийхэд намайг хамгийн урд талын эгнээнд байвал чи үсээ халзлаарай. " гэв.

Бидний зөөлхөн хөхрөх дууг хаалга тогших чимээ зогсоох ба " Ор ор " гэхэд хаалга онгойн миний эгч Сүли инээмсэглэсээр орж ирлээ.

Хусог орноос өндийн өөрийн дээшилсэн үсээ янзлах ба Сүли надруу харж " Би ямар нэгэн зүйл бусниулаагүй биз? " гэхэд би хувцсаа тэвэрсээр орлуугаа алхан очингоо " Тийм ээ та бусниулсан. Яг Хусог надад яагаад өөрийгөө одоо ч хүртэл ямар ч хүнтэй үерхээгүйгээ хэлэх гэж байлаа. Та юу гэж бодож байна? Хусог эрэгтэй хүн сонирхдог гэдэг гэрэл асч байгаа биз- "

Дэр нисэн орж нүүр цохиход би арагш орлуугаа унангаа чангаар инээх ба Хусог уурлан " Амаа тат Исүл. Хөгжилтэй биш байна. " гэлээ.

Сүли хаалганы хажуутлах ханыг одоо ч хүртэл түшсээр биднийг ажиглан зогсож байснаа гэнэт яагаад анхнаасаа орж ирсэнээ санасан аятай " Нээрэн тийм. Гэрэл гэснээс Хусоги чи гал тогооны өрөөний гэрлийг солиод өгөхгүй биз? Манай найз банди өчигдөр янзлах гэж байснаа ирж чадаагүй юм. " гэхэд Хусог хэсэгхээн чимээгүй болон буцан нүүрэндээ инээмсэглэл тодруулав.

" Мэдээж тэгэлгүй яахав. Найз банди чинь энэ шуламнаас болоод л зугтчихсан биз. "

Түүний ярианд Сүли инээн харин миний " Хөөе " гэх үг араас нь даган явж , Хусог өрөөнөөс гархынхаа өмнө надруу харан " Битгий их санаарай. Санаад байвал доош буугаад ирэхэд л болно шүү. " хэмээн үнсэлт илгээх ба би толгойны хажууд байсан шүүгээн дээрх өрөөнөөс өмхий үнэртээд байснаас болж тавьсан байсан үнэртүүлэгчийг цацан хамраа чимхэлээ.

" Бурхан ивээг. Хусоги. Тогонд цохиулаад үхчихвэл би Дрэйкийн тоглолтыг үзнэ шүү. "

***

Үнэндээ нэг өрөвдөлтэй нэг инээдмийн зохиол бичихэд үнэхээр л ухаан хэрэгтэй юм байна. :)) гэхдээ энэ зохиолыг бичээд баймаар санагдаад байх юм хаха.