اللهم صلِ وسلم على نبينا محمد وعلى آله وصحبه أجمعين

بسم الله نبدأ

انصدمت بوجود الكثير من الدم عند عتبة الباب

قالت الجنية / انا بروح دقايق و برجع

اختفت الجنية و اقتربت من الباب افتحه كردة فعل طبيعية

فتحت الباب و يا ليتني ما فتحته

كانت الغرفة مليانه جثث معلقة

جثث اطفال و نساء و رجال

حسيت بالغثيان من رائحة جثثهم

شعرت بالالم على ما اصابهم

كان من الواضح انهم السابقون و انا اللاحق بهم

ما كان فيه الا باب واحد و هو باب الغرفة اللي فيها الجثث

أجبرت نفسي على المرور منها عشان اخرج

كان الشعور يهلك

الخوف يسري في شراييني

كانت اوجههم تتأرجح قدامي عند اي حركه اتحركها

تمنيت آخذ عيوني و اخرجها ولا اشوف هالمنظر

صار ما فيه قدامي و قدام الباب التالي الا جثة واحدة

تقدمت و من حركه بسيطه مني طاحت الجثه

خفت يوم شفت كل الجثث تسقط فجأه بعد ما كانت معلقه

و اللي خوفني اكثر انهم صاروا يتحركون

سمعت صوت اللعينه و هي تضحك و تقول بين ضحكاتها/ جنيت على نفسك

كانت جملتها هذي على الجرح

فعلا انا من جنى على نفسي بهذا العذاب

ندمت و لكن لا فات الفوت ما ينفع الصوت

أردفت الجنيه / انقضوا عليه

التفت كل الوجوه نحوي

كانت النظرات مخيفه و مرعبه

كانت كافيه لقتلي لكني تماسكت و صرت اركض هربًا منهم

بنجنن خلااص كيف بشر موتى يرجعون للحياة مره ثانيه!!

ناظرت لـ ورا اشوف مدى قربهم مني لفيت بسرعه بعد نظرتي السريعه.. حاولت انسى منظرهم المرعب و هم يركضون ورائي

جثث شبه متحلله تركض وراي

ناظرت لورا للمره الثانيه

و شفت اوجههم و اجسامهم تغيرت كليًا

كانت اشكالهم مثل أشكال باقي الجن اللي شفتهم

ادركت انهم مو بشر موتى و عادوا للحياة

كانوا جن

و اكيد هذا الشي كان عشان يفقدوني عقلي

اتمنى الهرب

اتمنى الاختفاء

اتمنى الموت

اتمنى الراحة

اتمنى العمى

جميعها امنيات تمنيتها في هذي اللحظة