اللهم صلِ وسلم على نبينا محمد وعلى آله وصحبه أجمعين

بسم الله نبدأ

في كل حياتنا اتكالنا الدائم يكون على الله مع العمل بالاسباب طبعا

لجأ ياسر لله بعد ما حس انه على وشك الموت

جلس يدعي في نفسه و الخوف مسيطر عليه

الجني لاف عليه مثل الثعبان و كل ما له يشد اكثر و الواضح انه راح يختنق خلاص

شعور الطمأنينة المفاجئ.. و كأن الله طبطب عليك و يقولك انا معك

هذا بالضبط اللي حس فيه ياسر

تغير المكان اللي كان فيه في غمضة عين

الجني / ما راح اقدر اساعدك كثير بس بخرجك من القصر هذا غير كذا ما اقدر اسوي شي

ياسر / مُصاب و حالتي حالة كيف بخرج و انا ما اعرف الطريق

الجني / حتى انا ما اعرف الطريق من يوم انولدت و انا هنا حياتي كلها بهذا القصر ولا عمري خرجت منه

ياسر / خلاص خرجني من هنا

مسك الجني يد ياسر و انتقلوا لغرفة صغيرة مظلمة فتح الجني باب متآكل و قال / جبتك تخرج من هذا الباب عشان محد ينتبه لك يلا اخرج بسرعه تراهم يدورون بالقصر كامل

خرج ياسر و هو يدعي ان الله يخرجه من مساكن الجن

يضغط على نفسه و يكلفها فوق طاقتها عشان ينجو منهم

ما كان قادر يواصل المشي نهائيا

جاء بيوقف لكن لفت انتباهه شي غريب

كان مثل الضباب لونه احمر او اشبه بالغيوم

تذكر الضباب اللي شافه يوم كانوا قريبين من هذا المكان و ركض لهناك

ناظر و كانت السماء واضحه و قدر يشوف الارض

تملكه الاحساس بالراحه و اخيرا بيقدر يرجع

لو نط من فوق بيموت و هو باقي ما وصل للارض

يلف يمين يسار ما فيه شي يقدر يوصله

و الشي الأكيد ان هذا السجاد الموجود ما فيه احد يقدر يخليه قادر على الطيران سوى الجن