اللهم صلِ وسلم على نبينا محمد وعلى آله وصحبه أجمعين

بسم الله نبدأ

ياسر تفل على وجه شمهروس للمره الثانيه و قال/ لا بارك الله فيك انت وياه

مسح وجهه و قال بملامح مخيفة / زودتها يالبزر

كمل و هو يشد على قبضته / شكلك ناوي تموت على يديني

اخذ شمهروس السوط من بين ايدي الجني اللي كان واقف و أمره يخرج و يتركه مع ياسر هو و الاعور

يضرب بقوة و الالم صار يسري في جسم ياسر كل مكان في جسمه يوجعه

ما فيه مكان في جسمه الا و فيه جرح او كدمه

نطق الاعور بخبث و هو يطقطق اصابعه / مليت من التعذيب بالسوط خلنا نستخدم اظافرنا

شمهروس و كلام الاعور عاجبه / اي والله صادق

طالت اظافرهم بدون سابق انذار و تحول حجم ايديهم من كبيره الى ضخمه

في كل مفصل من مفاصل الأصابع فيه شي بارز مثل الإبر

صاروا يضربون ياسر و يقطعون جسمه بأظفارهم

الدم منتشر بالمكان و كأنه صار جريمة قتل هناك

ياسر صار اشبه بالميت

على حافة الموت خلاااصص

و مع هذا شمهروس ما وقف.. مسكه الاعور من يده محاولة منه لايقافه و هو يقول / اتركه.. عشان ما يموت الحين و ما يصير فيه شي نستمتع به

خرجوا من عند ياسر و هم غافلين عن السلاسل اللي انكسرت و هم يضربون ياسر

قام ياسر من مكانه و هو حرفيا شبه ميت

قام و هو عارف انه لو يبقى بذا المكان اكثر بتكون نهايته على يديهم

ناظر عن يمينه و عن يساره.. ما شاف احد

مشى بخطوات هادئة و بطيئة

حاول يضغط على نفسه اكثر و يسرع بالمشي عشان يخرج بأسرع وقت

طلع له جني بوجهه

كان يخوف بقوة.. طويل كنه عمود كهرب

ما عنده اي ملامح غير العين اللي كانت متوسطه وجهه

طاح ياسر من فجعته و حاول يقوم لكن الجني صار يلتف حول جسمه مثل الثعبان

حس ياسر بخيبة كان متوقع انه راح يخرج

لكن شكله ما فيه اي طريق للعودة