"Хөөё, хөөё хэн ер нь та хоёрыг хэрүүл хийгээдэх гэсэн юм? Саянаас түрүүн чимээгүй ажиглаад байсан чинь бүр болохоо байхнээ!"

Нөгөө л нэг жинхэнэ Жонгүг хаанаас ч юм гараад ирчихсэн гараа хумхиад зогсож байх бөгөөд мэдээж энэ бол зөвхөн тэдний төсөөлөл, бодит зүйл огтхон ч биш.

" Юу вэ, ха! Ким Тэхён гуай чиний хүсээд байсан жинхэнэ Жонгүг гараад ирлээ одоо санаа чинь амрав уу!"

" Гайхалтай, одоо бүр өөрийгөө хувилдаг болоо шив? Чи ямар робот уу? Хувирна, шилжинэ, үсэрнэ, үхнэ. Ингэхэд түүнийг хэнд өгөх гээв? Өөрийгөө цор ганц гэдгийг мартаад, зөвхөн минийх гэдгээ умартаж ийм сонин зүйл хийж байгаа юм уу? Тэг ээ тэг, түүнийг өөр хүсдэг нэгэнд нь өг. Элтээр зоогийн газарт шүлсээ гоожуулаад байсан залуудаа өгчихгүй юу?"

Тэхён юун мэдэгдэхгүй сонин зүйл яриад эхлэх бөгөөд түүний утгагүй яриаг сонсож зогссон Жонгүг золтой л татаад уначихаагүй юм.

" Чи чинь юу яриад байгаа юм? Ямар юмных нь робот байхав дээ, бид зүгээр л түүний уурыг хүргээд одоо алуулах гээд зогсож байна."

" Гэхдээ тэр чам шиг зэрлэг биш болохоор арай ч намайг алчихгүй л дээ! Ашш би ямар гайгаараа чамтай учирдаг байна аа!"

Тэдний хэрүүл дахиад л эхэлж нөгөө гарч ирсэн Жонгүг яах гэж ирснээ ч мартсан бололтой эвшээлгэчихсэн зогсож байх бөгөөд удалгүй ухаан орон тэднийг салгаад өөрийг нь сонсож байхыг хүсэх нь тэр.

" За тэгэхээр хоёроо, савал хийвэл хэрүүл хийгээд хүний хамаг нээрэв барахаа болих хэрэгтэй. Та хоёр хос биш үргэлж хэрүүл хийдэг ах дүүс шиг харагдаад байна. Ингэхэд ер нь та хоёр бие биенээ үнсэж үзсэн үү? Ямар ч романтик зан байхгүй ингээд байх юм бол Жонгүг яаж өөрчлөгдөж байна, Ким Тэхён гуай! Надтай байсан шигээ байгаад өгөөч! Хөлдүү царайлчихаад үргэлж хэрүүлд нь хариу өгөөд улам дэврээгээд байхыг нь яана!"

Яг үнэндээ түүний хэлдэг зөв. Тэхён зүгээр л хүлээн зөвшөөрөхгүй байгаа юм. Яаж ч бодсон хэн нэгэн үхээд дахиад амилах боломжгүй. Гэвч хаанаас ч юм жижигхэн Жонгүг гарч ирээд өмнө нь байсан түүнээс огт өөр хүн шиг аашлаж Тэхёныг ч мөн адил өөрчилж орхижээ.

" Би түүнийг биш чамайг хүссэн. Хэдий нэг хүн ч гэлээ, та хоёрын зан ааш огт өөр. Тэр надад яг л танихгүй хүнтэй байгаа мэт мэдрэмжийг өгдөг. Чи яагаад өөрийгөө биш өнгөрснийг над руу явуулж байгаа юм бэ? Би үнэндээ түүнийг таних ч үгүй. Надад чиний бие биш сэтгэл чинь хэрэгтэй Жонгүг. Хэдий яг адилхан байж болох ч сэтгэл нь өөр байх юм бол надад огтхон ч хэрэггүй. Чи түүнийг буцаагаад авч болно. Хүсэхгүй байгаа ч энэний оронд өөрийгөө миний ой ухаанаас арчаад өгвөл баярлах байна."

Тэхён үнэнээ л хэлсэн. Тэр яг үнэндээ одоогийн Жонгүгийг огтхон ч хүсэхгүй байгаа. Түүнийг хайрладаг, халамжилдаг, ойлгодог Жонгүг л түүнд хэрэгтэй. Ямар ч хуурамч гэж байхгүй жинхэнэ Жонгүг.

" Чи үнэхээр хүсэж байна уу, Тэхён? Түүнийг явуулна гэдэгтээ итгэлтэй байна уу? Дараа нь харамсахгүй сайхан амьдарч чадна гэж үү?"

" Х-хэрвээ чи миний хувьд хэн ч биш болчих юм бол би бүгдийг мартаад амьдралаа шинээр эхлэх болно. Магадгүй эхнэр хүүхэдтэй болж бусдын адил сайхан амьдрах байх. Тиймээс зүгээр дээ, би харамсахгүй, чамтай байсан 5 жил надад хангалттай сайхан байсан би үүнээс илүүг хүсэхгүй байна."

Жонгүг түүнийг өнгөрснөөс авчирч чадсан юм чинь буцааж ч бас чадна гэсэн үг. Гэхдээ өнгөрсөний Жонгүг Тэхёныг мартаж чадахгүй. Түүнд ч бас хэцүү байх болно.

" Ойлголоо, би хүссэнээр чинь хийе."