-Би "Mr.Mrs" зохиолыг хэзээ ч мартахгүй байх. Энэ хорвоо дээр үүнээс сайхан зохиол гэж хаана ч үгүй.

-Цаг тутамд л наадахаа ярих юм. Уран зохиол гэж байхаар чи хичээлдээ анхаарвал таарна.

-Больж үз. Энэ яруу найраг миний амьдралтай одоо салшгүй холбоо---

-Яасан бэ?

-Тэр...тэр "Mr.Mrs"-ын зо..зохиолч байна. Тэнд...

-Тэгээд очоод гарын үсгийг нь авчихаач дээ. Чамд ном нь байгаа биз дээ.

-Мэдээж хэрэг. Өврийн минь ном л гэсэн үг.

-Уучлаарай, Ноён Smith... Би нөгөө... "Mr.Mrs" зохиолын маш том шүтэн бишрэгч нь байгаа юм аа. Та надад гарын үсгээ өгч болох уу?

-"Mr.Mrs" гэнээ? Мм... Би тийм ном гаргаж байлуу? Аан саналаа. Сонин юм, тэр хэвлэлтэнд гарахаа болисон зохиол юмсан.

-Юу..би анхны хэвлэлтээс нь худалдаж авсан юм аа.

-Анхны хэвлэлтийг ч бас буцааж татсан байхад яагаад чамд энэ ном байдаг билээ. Охин минь, би энэ номыг буцаагаад авчихаж болох уу? Би чамд мөнгийг чинь өгье.

Миний гарнаас эрдэнэс мэт хайрладаг номыг минь булааж авах гэж гар сарвайхад нь өөрийн энгэртээ нааж холдон зогсов.

-Уучлаарай. Та яагаад энэ номыг надаас авах гээд байнаа? Та бичсэн байж болох ч би худалдаж авсан. Одоо энэ минийх. Тэглээ ч би үүнийг мөнгөөр солиод авчихаар тийм хямд зүйл гэж бодохгүй байна.

-Хм. Энэ ном бусдын хүртээл болж уншигдаж болохгүй. Би энэ номыг хэвлэлтэнд гаргасан нь андуурал... хм алдаа байсан юм. Би чамд мөнгө нэмээд өгье чи буцаагаад өгчих.

-Үгүй ээ. Та ойлго л доо. Таны хэдэн үгс холбож нийлүүлээд бичээд өнгөрсөн зүйл чинь одоо миний амьдралын нэгээхэн хэсэг юм шүү дээ. Та гарын үсгээ өгж чадахгүй байсан ч зүгээр ээ. Та биш энэ ном надад ухаарад өгдөг болохоор. Та яаж энэ гайхамшигт бүтээлээ алдаа гэж хэлж зүрхэлж байгааг чинь би ойлгохгүй нь. Ухаан дутаж, нас балчирдаж байгаа юм байлгүй дээ. Би явъя даа ноён Smith.