BTS Dorm

.

BTS member te chuan an kawngka a hmeichhe hmeltha leh chhelo em em simple ru tak si leh An unaupa V rawn inzuilut chu anlo melh thap a.

Jimin chu nelawm takin a lo nui chhing sen sen a, JK lah chuan mak tih hmel deuh in alo en bawk a. An rawn luh veleh Suga ve thung chuan ngaihsak lo zet in a kut kuangkuah in a chhing nghal daih a. J-hope lah chuan a lawmna ti niawm takin a tih thin fo angin background music alo siam chawp a. RM chuan chibai bukin alo welcome a. Mahse Jin.... An member zinga upa ber leh hmeltha em em chu a hmel ah lawm hmel a lang mawlh lo. V chu a melh rum vak a, a hmai leh beng te chu a sen tawn tawn a.

Ni e, a lawm mawlh lo lawm. Taehyung bum in a awm a ni. Nilo bum chu kan ti thei chiahlo ang mahse thudik chu a hrilh famkim lo chiang alawm. An zingah rau rau pawh lam ah chuan midang aia thawhrim leh beih nasat mamawh ber mai kha a kut nat vangin a practice tha ve hleithei lo a, chu a kut nat chhan ngei mai an bula a rawn chen ve theih nan chuan RM bulah te alo sawipui vel chu a nisiam a lawm mawlh lo ani

Housekeeper chhelo tak an nei dawn tih hrelo awmchhun chu JK chauh ani.

Inhmelhriat tirna te an nei a room tur chu an kawhhmuh a bungrua te chu an dahfel nghal a.

Jimin leh V chu an in roomate a. JK leh Suga leh RM.. Chuan Jin leh J - Hope. An room zinga te berah chuan Mina chu a cheng ve dawn ni. A huphurh ngang mai.

Mahse enge thlan theih a neih chuan. Hna a tamlo a hlawh a tha em em bawk. College a kal pangai in a kal thei dawn bawk. Chu aia tha chu a tan a awm mawlh lo lawm. Apartment luah man pek ala ngai dawnlo zui bawk. A tan chuan lottery man a ni ringawt.

Mahse mipa pa7 ngawt a chenpui dawn chu a nisia .

Mahse BTS bulah a cheng dawn tih erawh chu thuruk a ni a mi bula a sawi a thiang hauhlo thung.

A awm hmasak ber ni anih vangin dinner tur te chu an buaipui vek a, a ni chuan a ei mawl ve tawp.

An eina vel tifel tur leh thleng sil tur pawh game khel in an thlang leh thlap.

Heti khawp a lar leh mi duhrawn hi ti khawp a naupanhchhia hi annni tih tunge awih theih ang an bengchheng bawk si.

.

Eng eng emaw an tih hnu chuan Mina chu a room ah chuan a lut a a chau reuh khawp mai. A ham bai bai a khum ah chuan a lawn zui nghal chat a. Reilo te ah chuan a muhil zui nghal mai bawk a.

Taehyung pawh chu a hmeichhe hmangaih em em nen in khata an cheng dun thei chu a hlim takzet a ni. Mahse a feeling chu a tihlan a rem lo tur chuan a ti hnual takzet a ni. Idol an nih chhung chuan date an neih a rem bawk silo. Chumai bakah a thiante pawh a hrittir a remlo ani. A chhan chu an career tan a pawi thei tlat.

Eng eng emaw chhuanlam siam in a unaute chu kalsan in Mina room lam chu a pan a kawngka an kik det det a chhan tu an awmlo. An hawng dawna a lo la inkalh tlat zui.

A muhil tawh aniang a fimkhur hle mai ti sap chungin a unaute chu a zawm leh ta a.

Zing dar 8:30 a ni a BTS ho chu an rawn tho sap sap a kitchen ah chuan a rawn lut hmasa apiang chu an ka hau mai. Hmeichhe hmeltha takin eitur tuihnai tak nen alo hmuak tlat alawm. Chuan Taehyung chu alo awm vang tawh bawk . nidang ah chuan a tho har ber ani ziah kha nia .

An thil hmuh in a thawn lutuk vang nge Jimin tihloh chuan Taehyung chunga thil mak thleng chu an notice lemlo a ang.

Breakfast chu an han ei dawn a Mina chuan a rawn chhawp sak a a chhawp zawh chuan a sir ah chuan alo ding a. Restaurant a rei tak lo thawk tawh a nih vangin a che vel chu a zei thlap mai .

An han ei dawn a mahse Tae chuan Jimin chu a mitmei sap a, Jimin chuan lo hrethiam vatin

"Mina lo ei veta che" a han ti a ani chuan an ei zawh a a ei ve mai tur thua sawi a mahse chutia midang pawh in an tih ve tak sup sup ah chuan inthlahrung takin a thu ve ta zal zal a.

An thil eipah te chuan an infiam bawrh bawrh a Mina chuan hmuhnawm a ti hle. Mahse kha leh chen mahni a lo awm tawh a nih vang khan tlem in ngai ah neih ala harsat deuh.

Thil te an eizawh chuan Mina chuan a tifel a sil leh vek a a insiam a college pan tur chuan a inpeih ta a.

Chu chu a nitin hun hmandan tur chu ani tawp mai.

An college leh in a inhlat deuh vang chuan bus chu a chang a taxi chu a tlan zeuh zeuh reng, mahse Do Mina mi inren lutuk hian Taxi te chu a hmang phal teuhlo mai.

Chutih lai chuan Car hi a rawn tlan a horn a rawn pe vak vak a Mina chuan an han en a Taehyung alo ni.

"Lo lut rawh kalo thlah ang che" a rawn ti a. Mask a vuah a mahse Mina chuan a hai mawlh lo. Bus ka la zawk mai ang ala hma tho first ka neilo a tiin an hnial a.

Mahse taehyung chuan kalsan mai a tum hmel loh. Lo kal mai mai rawh ka sehlo ang che in college lam ah kal ka ngai hrim hrim alawm a rawn ti a.

Hnial vak ngaihna ahriat tawh bikloh vangin hreh tak chung chuan a thulut a. Seatbelt a han hreng tu chu a la tang tlat zui.

Tae chuan ama seatbelt chu phelh in Mina lamah chuan a rawn awn a seatbelt chu pawt in A hrentir a . an inhnaih lutuk chu Mina chu a thaw tha ngamlo an inhnaih ve mah mah ani. An mit ah tak anla inmelh fuh zui. Taehyung chu a khi sak a car chu a khalh tan ta a.

Taehyung chu a hlim kher mai a hmeichhe hmangaih hmasak ber leh awmchhun hun reitak a hmuh tawhloh a lo ngaij thin em em chu tunah hian a car ah a chuang mek chu a nisia.

Mina thlah theih nan a Jimin nen a an dawt phuahchawp te chu a ngaituah let a anuih a za khawp mai.

Midang lak ah chuana zep a ngai tlat sia lawm le.

15 mins. Ago.

RM chuan Taehyung chhuah inpeih at a step a a rawn chhuk chuan mak ati deuh khawp mai a. A kalna tur a zawh chuan chhan mai ngaihna a hrelo. Ih ih... Khaa... Ih...a ti bah deuh nawk nawk a . chutia chiai taka a awm lai chuan A soulmate Jimin chu a mamawh lai tak chuan a rawn lang a.

"Namjoon Hyung mamawh ka nei a ka lu na deuh sia Taehyung kha ka tir a nih kha" dawtsawi dang awk pawh nei miahlo chuan Jimin chuan an ti xar a , RM chuan engthil nge ni a, kan mamawh chu staff ten an dahkim viau sia an han ti leh hram a.

Jimin chuan "ka period thutna pads ka mamawh a ka tir nih kha" an ti a.

An meng phawk nasa mai.

Jimin bawk chuan. "Khatia ka tih kha i ring ami. Mamawh te chu ka nei ve bawk ang chu ka mamawh zawng zawng staff te hian an hre vek bik hleinem" an tih zawm zat a, chutih lai tak chu chance a lo la in V chu a chhuak ta vat a

College an thleng a Mina pawh chu a chhuk vat a. Chutia Car nalh tak mai ding chu anlo hmu duh hlawm raps. V chuan mask a vuah tlat vangin tuman an hre lemlo. Rin ngaihna an hrelo hrim hrim bawk a.

(☆^ー^☆)(☆^ー^☆)

Hun chu a kal ve zel a Mina pawh a tlangnel tawh khawp mai. An zinga mi ang chiah in an en a, an inpawh tlang tawh hlawm lutuk. Ani pawn a nun thar chu nuam a ti takzet a ni.

Sitting room ah chuan an thu a Jimin chu a mengno lo hle mai.

"Jin hyung hau vela, ka duh vang pawh ani bik hleinem. Kan lam lai khan alo awm zel alawm" a han ti pang pang a.

"JK lah chuan , keini pawh kan lam ve vek tho a kan jacket kha rawn tla in kan dar a lang ve kher ngai hleinem" tih pahin Jimin lam pah a a dar rawn lang thin Sexy leh ARMY ho in an lawm em em chu an zir vel an hlim dar dar hle mai.

RM chuan "awle a tawk tawh e tunah chuan mu tawh ang u kan chau tlang ang, vawin kha in ti tha hlawm takzet ani" a ti a an room lam chu an pan tliar tlair a.

Mina pawh chuan eng eng emaw tifel in a room lam a pan a . a lehkhabu te lachhuak in lehkha zir chu a han tum a.

Reilo te a zir tih chuan kawngka chu an rawn kik dat dat a Taehyung chu a rawn lut zui nghal a.

Kha lehkha ilo zir elaw a han ti ringawt a. A rawn panhnai a.

Mina chuan a chhang lemlo. A zawn a rawn thlen chuan a samtawnna chu a rawn pawhthlak sak a, "i sam hi tawn ziah suh i nghawng nalh tak hi mipa dang in an thlir ka duhlo" a beng bulah chuan a ti thawp sat a.

Mina chuan makti em em in a hawilet a , tae hmel ah chuan fiamthu hmel a pu hauhlo. Chu ai chuan a thusawi chu a ti takzet tih a lang zawk a ni.

Sawi mai tur pawh a hrelo. A hnu ah chuan a harh zawk a "enge i rawn tih a" a ti ta daih a.

Taehyng chuan ka chau tihringawt in a chhang.

Mina bawk chuan i chauh chuan va mu rawh ka lehkhazir min rawn tibuai lo in a ti hlar a.

Hmeichhe thinchhe tak kha a ni thin reng alawm. Mahse kum te alo liam a hnathawh in a zir bawk nen a zaidam sawt in insum thei hle tawh kha ania . Kim Taehyung bulah erawh chuan a nopangchhia tha leh hi ni ringawt. A thin te hi a chhe thar leh riau chuan. A insum hman thin thlawt lo , amah pawh hian mak a ti thin.

Tae chu Mina khumah chuan a tlu zal a. A chhing nghal daih bawk a. A samtawnna pawh chu a kut ah a bun daih a.

Mina chuan lehkha chu zir zawm leh a tum a rilru ah a lut mawlh lo a ni

Darkar chanve vel a beihluih ngial hnu ah pawh a thiambelh em em lo. Tae lah chu a thawm a reh hmak mai si.

Tae chu chhun lama an thil tih vangin a chau deuh a alo muhil daih tawh hi alo ni a. Mina chuan tihvak ngaihna a hrelo chhuat ah a mu tawp mai dawn em ni . a ni ngawt thei silo . tae bulah chuan a mu mai dawn nge chu pawh chu a thei chuanglo . Rilru buai tak chuan a vei tawn chhen a engtin nge a tih ang . a kaitho mai dawn mi. Mahse a muttui hmel in a hahdam hmel hle si a. Chutiang a Pathian thilsiam duhawm leh mawi em em tui taka a muhil sek sek lai tihharh chu a nunrawng thlak mah mah a ni.

Engtin nge ti se in duh? Kim Taehyng bula mutna chance neih a pehhel chu vanram kalna chance neih a kal duh loh ang vel a ni 😂. Enge in ngaih ve dan.

Ka rawn dahkhat sia sei deuh in ka rawn ti e aw.....

😍😍