اللهم صلِ وسلم على نبينا محمد وعلى آله وصحبه أجمعين

بسم الله نبدأ

الاعور/ صادق كل ما زانت الجلسة أمرنا نجيب بشري عشان يعذبه

شمهروس/ تبي الصدق ما الومه صوت الصراخ و الدم اللي ينزف من جروحهم و علامات الحرق و التعذيب بأجسامهم كلها أشياء مريحة

الاعور/ يلا امش خلنا نروح لا نبطي عليه و يشك فينا

راحو لياسر و جلسوا يمشون معه و و يجاوبون على كل اسئلته

كان ياسر مختلط المشاعر خوف مع فرحه و حذر و ترقُّب و استغراب اكثر من شعور امتزجت معًا

العالم تحول لعالم ثاني نسمع اصوات الموتى اللي قاعدين يتعذبون في قبورهم

الخوف و الهلع انتشرا في كل الانحاء

في غمضة عين راحت السكينة و الطمأنينة و حل محلها الرعب و عدم الأمان

الاصوات مفجعة

المناظر مرعبة

كل شي كان غير طبيعي

تكون قاعد بأمان الله و فجأه تلقى كل شي انقلب رأسًا على عقب

وقف شمهروس بوسط مشيهم و قال و هو قاصد يبدأ خطته/ شرايكم نوقف و نروح البيت انا ميت جوع

الاعور / اي حتى انا جوعان

ياسر / مو مشكله بس وش طبيعة اكلكم

شمهروس / ناكل اي شي بس اليوم عشانا عظام

ياسر و هو مفجوع / عظام مره وحده!!! ما تنشب بحلقك؟

شمهروس / نسيت انك بشري ضعيف ما تقدر على ذي الأشياء

الاعور / عادي عادي نسوي له أي شي

وصلوا لبيت شمهروس و طلب الاعور من ياسر ينتظرهم بوحده من الغرف و اول ما جلس انقضوا عليه فجأه خاف ياسر و صار يصرخ و يستنجد

شمهروس / لا تتعب نفسك محد يسمعك و حتى لو سمعك احد محد بيساعدك

ياسر / الحين انت مو قلت لي انك مسلم و ما تأذي الناس شفيك قلبت الحين

الاعور و هو فاطس ضحك / و انت صدقته بسهولة؟؟ كذب عليك عشان يخليك قربان لإبليس

شمهروس / بعدين ليش خايف لذي الدرجه هي كم حرقه و كم طعنه و بيسلخ لك جلدك بس

ياسر / كل ذا و تقول ليش خايف

جلس ياسر يتعوذ منهم في نفسه بس ما كانوا يبتعدون عنه

و فجأه صار بمكان ثاني أشد رعب من اللي كان فيه

رفع راسه و ناظر المكان.. شاف عرش و فيه جني مُهيب جالس عليه

'' ياسر ''

ايه اكيد هذا هو ابليس آهخخ يا حسرتيي على نفسي وديت نفسي بداهيه و دخلت نفسي بأشياء كنت في غنى عنها كله من غبائي فيه احد يتمنى يشوف جني و يشوف مكانهم؟ لا و يا سلام علي الحين انا بمكانهم و ما اعرف شي عنه حتى لو قدرت اخرج من هنا كيف برجع بيتي عزَّ الله كدينا خير