اللهم صلِ وسلم على نبينا محمد وعلى آله وصحبه أجمعين

بسم الله نبدأ

جلس يفكر و يفكر بطريقة ثانيه

حس راسه داااخ من التفكير

و النوم كاابسس على راسه

غفت عينه و هو يخطط انه يجرب مره ثانيه اذا قام من نومه

طلعت شمس صباح اليوم الثاني معلنة بداية يوم جديد

و كان هذا اليوم حااافل بتجارب ياسر للإسقاط النجمي

جرَّب مرة و مرتين و ثلاث و هذي المرة الرابعة

فتح عيونه بعد ما انهى كل الطقوس هذي المره حس انه ضبط

بس روحه ما طلعت من جسمه لكن عقله يقول له ان فيه شي متغير

الأصوات حواليه تقول له ان اللي صاير الحين مو شي اعتيادي!!

اصوات ناس تستغيث طالعه من تحت الارض كان الصوت اقل ما يقال عنه مرعب

قام من مكانه على دخلة اخته ساره و هي خايفه / ياسر انت تسمع اللي انا اسمعه ولا انا قاعده اتخيل

حس بالخوف يتسلل بداخله

هو اللي سوى الإسقاط النجمي كيف سمعت ساره الأصوات اللي سمعها؟

ليه تغير الوضع عند الكل بسبب فعلته

صحاه من سرحانه صوت ساره / ياسر تراني قاعده اكلمك انت تسمع الأصوات ذي

ياسر / ايه اسمع اسكتي لا توتريني

ساره / كله منك انت و تجاربك الغبيه بتودي نفسك و بتودينا بستين داهيه

طلع ياسر من البيت و هو يلحق مصدر الصوت

كان كل شي متغير

يشوفهم بكل مكان

أشكالهم و اصواتهم كلها أشياء تبعث بالقلق

وصل لمكان الصوت و كان مقبره!

عرف ان اصوات الاستغاثه كانت أصوات الموتى

خس انه راح يتجنن اصواتهم تخوف

و اللي يفجع اكثر الجن اللي بكل مكان

تذكر الشي اللي كان وده يسويه من زمان

تقدم لواحد من الجن و هو متغاضي عن شكله المخيف

و نطق / ودي اشوف كيف حياتكم و كيف تعيشون

الجني / منجد تشوفني؟

ياسر / اي اشوفك

الجني / طيب اذا وريتك كل شي تبيه وش المقابل؟

ياسر / اممم انت وش تبي

الجني/ افكر اني آخذ مكانك

ياسر / عادي سوي اللي تبيه اهم شي نفذ طلبي

الجني / تمام امش معاي بوريك عيشتنا

اخذ سجاد كان مركون على احد الجدران مسكه بيده و صار يطير

الجني و هو يجلس عليه / اجلس هنا عشان نروح عالمنا