" SALITA "

Isa muling tula na maraming hindi nasabing salita

sa bawat gabing naaalala ka

at naging rason ng aking pagkabalisa

dahil sa paglisan mong walang iniwang letra

letra na dapat kong mabasa nung gabing umalis ka

at hindi na nagparamdam pa

hindi ko kasi maintindihan ang iyong ginawa

naging totoo naman ako sa mga araw na kasama ka

ngunit bakit naglaho ka na lang basta

at hindi man lang nag iwan ng salita

ganun ba kahirap sayo magsabi ng totoo

kaya ka na lamang biglang naglaho na parang bulang malabo

dahil oo, napakalabo mong intindihin sa kuwento mo

kuwento mong ikaw lamang ang bumuo at hindi tayo

hindi ko alam kung dapat ba akong magalit o magluksa

sa mga sinabi mong pangako na mananatili ka

at mananatili kang andiyan sa huli ng pila

pinaramdam mo pa sa akin na maging masaya

ngunit bakit paglingon ko sa napakahabang pila

lumisan ka na walang iniwang marka

siguro nga ganun talaga kapag napagod na

hindi na kayang magpatuloy pa sa binitawang salita

na sana sa simula pa lang inamin mo na

para hindi naniwala at umasang hindi na ako luluha pa

dahil hindi na sana umabot pa hanggang umaga

ang lungkot na nadarama sa tuwing naaalala ka

kung mayroon man akong hindi na sabi

yun ay ang salitang "huwag ka umalis sa aking tabi"

dahil nung araw na dumating ka sinasaktan ang sarili

sa mga problemang nangyayari

ngunit bakit parang nagkamali

dahil isa ka na rin sa rason ng aking paghikbi

kung sakaling bumalik ka para magpaliwanag

siguro ang unang ibibigkas ng aking bibig

ay "anong dahilan bakit ka biglang lumisan?"

kung may kasagutan bakit ngayon lang?

kung kailan ok na ako at ika'y kinalimutan

tama na ang noong oras na nasayang

at mga panahong nilimot na ng kahapon

dahil handa ko ng tanggapin

na hangang mga salita na lang ang lahat sa atin.