ဒေါသတွေနောက်မှာ မျက်ရည်တွေဖွက်ထားတတ်တဲ့ စနေသမီးလေးအကြောင်း ...

ညနက်နက်တွေမှာ တစ်ယောက်ငိုနေတတ်တဲ့ ကောင်မလေးကလေ သူများတွေအမြင်မှာ ဒေါသကြီးလိုက်တာ ပြီးတော့ တစ်ဖက်ကိုလဲ ထည့်မတွေးဘူးဆိုပြီး အမြဲတမ်း မကောင်းမြင်ခံနေတဲ့ ကောင်မလေးတစ်ယောက်ဆိုတာမှန်း ဘယ်သူက သိမှာလဲ အဲ့ကောင်မလေးကလေ ဒေါသတော့ သိပ်ကြီးမှန်တယ် ဒါပေမယ့် ၀မ်းနည်းလဲ ဒေါသတွေထွက်တတ်တာ ဘယ်သူမှ မသိဘူး ။ သိဖို့လဲ မကြိုးစားခဲ့ဖူးထင်ပါတယ် ။

အစွဲအလမ်းကြီးတတ်တဲ့ Type မျိုးဖြစ်ပြီး တစ်ယူသန်တယ် ။ ဒီတစ်ယောက်ဆို ဒီတစ်ယောက်ပဲ စိတ်နှစ်ကိုယ်နှစ်ထားတတ်တာမျိုးလေ ။ မျက်နှာမများဘူး မာယာမများဘူး ။ ချစ်ပါတယ်ဆိုတာကို ဖွင့်ဟ ၀န်ခံဖို့ ၀န်မလေးတတ်သလို မချစ်တော့တဲ့အခါလဲ ပြတ်သားဖို့ ၀န်မလေးဘူး ။ သူမကလေ ချစ်နေတုန်းသာ လူသိခံတာ အသည်းများကွဲရင် ကွဲလို့ကွဲမှန်း ကြည့်ရုံနဲ့ မသိသာဘူးရယ် ။ မျက်လုံးတွေ ဖောင်းအစ်နေတဲ့အထိ ငိုချင်ငိုမယ် ပြီးရင် လှလှလေးပြင်တယ် အရာရာမှာ အဆင်ပြေနေသလိုမျိုး ငါက ဘာဖြစ်ရမှာလဲဆိုတဲ့ ပုံစံမျိုးနဲ့ ချေတယ် ။ ရင်ထဲမှာတော့ အပူမီးတွေနဲ့ ။

တစ်ခုပဲဗျ ...သူကလေ တစ်ခါနာကျင်ရပြီးသွားရင် အရင်ကလို ပုံစံမျိုးမဟုတ်တော့ ပုံစံတစ်မျိုးပြောင်းသွားတတ်တာလေး တစ်ခုပဲ ။ ဒီလူတစ်ယောက်ကို မေ့ဖို့ ကြိုးစားတဲ့အခါ အဲ့ဒီလူနဲ့ ပတ်သက်သမျှ အရာရာကို ဖျက်ပစ်ရင်းက သူရဲ့ ရှိရင်းစွဲ အမူအကျင့်လေးတွေပါ ဘယ်တော့မှ ပြန်သတိမရတော့အောင် မေ့ပစ်လိုက်တာမျိုးပေါ့ ။ ဥပမာ ... စာတွေရေးလေ့ရှိတဲ့ ကောင်မလေးကလေ စာအုပ်တွေ ကပ်ကြေးနဲ့ ညှပ်ရင်းက သူရဲ့ အထုံ၀ါသနာလေးပါ တစ်ခါတည်း ပျက်သုန်းသွားရတာမျိုးပေါ့ ။ ချစ်မိရင် အဆုံးစွန်ထိ ချစ်မိတတ်ကြသလို မေ့လိုက်ပြီဆိုရင် နာမည်တွေကအစ ပြန်ပြောပြဖို့ ခက်သွားတာမျိုး

စာအုပ်ဖတ်ရတာကို နှစ်သက်ပြီး ... အ၀တ်အစားတွေထက် အစားအသောက်တွေကို နှစ်သက်တယ် ။ မချက်တတ်တဲ့ဟင်းမရှိသလောက်ပဲ ။ Youtube ခေါက်တယ် ပြီးရင် ချက်လိုက်တဲ့ ဟင်းက ပုံစံတစ်မျိုးထွက်တယ် ။ သူ့အရသာနဲ့သူတော့ စားကောင်းနေတာမျိုးပေါ့ ။ ​ဒါပေမယ့် စိတ်ကူးပေါက်တဲ့ ရက်တွေမှာမှ ... ထချက်တာမျိုးလေ အတင်းကြီး တောင်းဆိုနေလို့လဲ သူ့လက်ရာစားရဖို့ မမြင်ဘူး ။ သူ လုပ်စရာရှိတဲ့ အလုပ်တိုင်းကို ခေါင်းထဲမှာ သူ့အချိန်နဲ့သူ ရှိနေတတ်ပြီး မတော်လို့ တစ်စုံတစ်ယောက်များ ဆရာလာလုပ်ရင် ပေကပ်ပြီး ထိုင်ချင် ထိုင်နေတတ်တာ ။

တစ်ယောက်တည်းနေတတ်ကြတာများတယ် ။ မိသားစုတွေအပေါ် သည်းခံတတ်ပေမယ့် ထစ်ကနဲရှိ ဒေါသထွက်တော့ သိပ်ပြီးမှတော့ မတည့်လှဘူး ... အမတွေနဲ့လဲ သူပဲ ဒေါသထွက်ပြီး အော်ချင် အော်နေတတ်တာ ။ ပြီးမှ စိတ်မကောင်းတွေ ဖြစ်တာ သူပဲ ။ ပြန်တောင်းပန်ဖို့ ၀န်မလေးပေမယ့် တစ်ခါတစ်လေကျတော့ မာနလေးတော့ သူများတွေထက် နည်းနည်းလေး ပိုထားတတ်တယ် ။ မှန်တယ်ထင်ရင် ဇွတ်လုပ်တတ်သလို လုပ်ချင်တာ လုပ်ပြီးသွားရင် ကောင်းခြင်း ဆိုးခြင်း အားလုံးကို သူမက လက်သင့်ခံတတ်တာမျိုးပေါ့ ။ ကောင်းတာဖြစ်လာလို့လဲ ပတ်ကြွားမနေဘူး ...ဆိုးတာဖြစ်လာလို့လဲ ၀မ်းနည်းပြမနေဘူး ။ သူလုပ်ချင်တာသာ လုပ်လိုက်ရရင် သူနေတဲ့အရပ်က အေးချမ်းနေရောပဲလေ ။

ပြီးတော့ ... ဘယ်သူမှ သတိမထားမိတဲ့ အချက်ကလေ သူမက သိပ်ဂရုစိုက်ခံချင်တာ မိသားစုကြားမှာပဲဖြစ်ဖြစ် သူငယ်ချင်းတွေ ကြားမှာပဲဖြစ်ဖြစ် သူမကို ဂရုစိုက်ရင် သိပ်ပျော်တတ်တာ ။ ပစ်များထားမိရင် သူ့အတွေးနဲ့သူ တစ်ယောက်တည်း ဒေါသတွေ ထွက်ချင်ထွက်နေတတ်တာလေ ။ ကိုယ့်အပေါ် ကောင်းတဲ့သူဆို ဆယ်ဆ ပြန်ကောင်းဖို့ ၀န်မလေးသလို အနစ်နာခံဖို့လဲ ၀န်မလေးဘူး ။ တစ်ခါပဲ ကောင်းပေးလိုက် သူက မင်းအပေါ် တစ်သက်လုံးကောင်းနေလိမ့်မယ် ။ သူ့ရဲ့ အားနည်းချက်တွေက စကားလုံးတွေပေါ့ ။ မြိုသိပ်မထားတတ်ဘူး ... စကားပြောရင် တုံးတိကြီး ပြီးတော့ ပြတ်ပြတ်ကြီး မကျေနပ်ဘူးဆိုတဲ့ အရာကို မြိုများသိပ်ထားရရင် အဲ့ဒီရက်က ထမင်းစားမ၀င်တတ်ဘူးလေ ။ ပြောလိုက်ရမှ နေသာထိုင်သာရှိတာဆိုတဲ့ လူမျိုး ။

ဒေါသတွေ ထွက်ပြီးသွားပြီမလား ... ပြောချင်တာ ပြောလိုက်ရပြီဆိုရင် အဲ့ကိစ္စအတွက် သူ့စိတ်ထဲမှာ ရှင်းသွားပြီ အငြိုးမထားတတ်ဘူး မကောက်ကျစ်ဘူးပေါ့ ။ ပြီးတော့ သိပ်ကို လျှို့၀ှက်တာ လွယ်လွယ်လေးနဲ့ သူ ဘာဖြစ်နေလဲ မသိရဘူး အနေတည်နေတတ်သလို သူငယ်ချင်းတွေကြားရောက်ရင်လဲ ပေါပေါနေတတ်တယ် ။

တကယ်လို့ပေါ့ ... စနေမလေးတစ်ယောက် အနားမှာရှိရင် အများကြီး ဂရုစိုက်ပေးပါ ... ခရီးတွေထွက်ရတာကို သူက နှစ်သက်တယ် ။ ကိုယ်နဲ့ စိမ်းတဲ့ ပတ်၀န်းကျင်တွေမှာ ရှင်သန်ရတာကို သဘောကျတတ်တယ် ။ စိန်ခေါ်မှုအသစ် စွန့်စားရတာမျိုးတွေမှာ ၀ါသနာထုံတတ်တယ် ။ ဒေါသတွေထွက်နေတာပဲဆိုပြီး အပြစ်တွေတော့ မတင်ပါနဲ့ ... သူ့ဒေါသတွေ အနောက်မှာလေ တစ်ခါတစ်လေ ကျနေတဲ့ မျက်ရည်တွေရှိတယ် ... တစ်ခါတစ်လေ ဆုံးရှုံးရမှာကြောက်တဲ့စိတ်တွေရှိတယ် ... တစ်ခါတစ်လေ ၀မ်းနည်းနေရင်းလဲ ဒေါသတွေထွက်တတ်တာလေ ။ အများကြီး ချစ်ပေးတတ်ကြသလို အများကြီးလဲ အချစ်ခံချင်ကြတာမျိုးပေါ့ ။ အတင်းလုပ်ယူရတာကို သဘောမကျတာကလွဲရင် ဖွင့်ပြောပြီးရလာတာမျိုးကို မလိုချင်တာကလွဲရင် သူတို့က အချိန်ပြည့် ဂရုစိုက်ခံချင်တဲ့ မီးတောက်လေးတွေပါ ။ အကိုင်အတွယ်မတတ်ရင် အပြောအဆိုမတတ်ရင် ဝုန်းကနဲ ထတောက်ပြီး ... ပြီးရင် ပြေသွားတတ်တဲ့ ဒေါသအိုးလေးတွေပေါ့ ။

#ကျေးကို

(တခြားနေ့နာမ်တွေသိချင်ပြောပါ တင်ပေးပါ့မယ် di ကစနေဆိုတော့ စနေကိုအရင်တင်လိုက်တာပါ )