《Dark Moon /✔️/》5. Төгөлдөр хуур
Advertisement
Өглөө сэрэхэд орны хажуу талын шүүгээн дээр өнөөх ном харагдана. Чамайг удахгүй уншиж эхлэнэ ээ. Хүлээж байгаарай Carnival.
Удахгүй төгсөх нь ээ! Аль хэдийн дулаараад, бороо ч ороод, ногоороод эхлэчихэж. Зунтай хамт төрсөн өдөр минь бас ирнэ дээ.
Сургууль руугаа алхаж байх зуураа эргэн тойрноо ажигласан би бодолд автан явна. Сургууль дээр ирэхэд долоо хоногийн өмнө болсон төгөлдөр хуурын тэмцээний ялагчид самбар дээр тавигдсан үзэгдэв. Хүүхдүүд ам амандаа шуугилдаж, ялагчийг харахаар самбарын урд чихэлдэж байхад надад сонирхолтой санагдаагүй тул анги руугаа явахаар шийдсэн байлаа.
Тэр нэрийг сонсох хүртэл.
"Нэгдүгээр байранд 3-2 ангийн Пак Сонхүн гэнэ ээ." Хэдэн хүүхэд ярилцсаар холдоход би зогтусав. Тэр ганцхан гитар тоглодог биш бас төгөлдөр хуур тоглодог байжээ. Бүр тэмцээнд түрүүлэх хэмжээний сайн байж.
Хичээлдээ орохоор зэхэн ангидаа сууж байтал хаалга савагдан онгойж тэр зүг рүү хартал Сонхүн зогсож байв. Өө тийм л дээ, тэр манай анги болчихсон. Манай сургуулийн жилд хоёр удаа анги хольдогийг чөтгөр аваасай.
Хажууд ирж зогссоноо ширээний хамтрагч руу минь харан дохиход тэр надаас уучлалт гуйсаар босов.
"Үгүй шүү Пак Сонхүн. Би чамтай суухгүй." Тэр жуумалзсаар хажууд ирж гарнаас минь татан суулгаад "Яагаад сууж болохгүй гэж. Би чамаас үнэртдэг үнэрт дуртай." гэж чихэнд шивнэчихээд холдов.
Саяны бие арзас хийлгэм хоолой юу байсан бэ? Яг л суухгүй бол ална шүү гэсэн мэт би байрандаа хөлдөн зүгээр л урагш гөлрөнө. Яагаад ч юм түүний хажууд байхаар бие минь тархиндаа захирагдалгүй хөшчихөөд байх юм.
Хэсэг тийм байдалтай суусаны эцэст хичээлийн их завсарлагаан болж бушуухан цүнхээ аван босов. Ауранаас нь айгаад бас догдлоод байсан юм. Бүтэн нэг цагийн завсарлагаанд хоолоо идчихээд хаачихаа мэдэхгүй булангийн эзгүй ангиудаар тэнэж байтал нэг өрөөнөөс хийл бас төгөлдөр хуурын хоршсон аялгуу сонсогдоход чигээрээ алхаж байсан би өрөөнийх нь хаалганы гадаа очин чагналаа.
Энэ аялгууг хэн ингэж урнаар гаргаж, мэдрэмжээ зөв илэрхийлж байгааг мэдэхийн тулд зөөлнөөр хаалганы бариулыг даран онгойлгож орхив. Би нүдэндээ ч итгэсэнгүй. Тэнд Сонхүн төгөлдөр хуурны ард сууж, хажууд нь Жэйк хийл барьчихсан зогсож байсан юм.
Намайг орж ирэхийг харсан Жэйк мэнд мэдчихээд хийлээ цүнхлэн гарч одсон бол Сонхүн байрандаа суусаар үлдэв. Сургуулийн хэн ч зүглэдэггүй булангийн өрөөнүүдэд тэд ирдэг байх нь.
Advertisement
Яахаа мэдэхгүй хэсэг зогсож байгаад гарах гэтэл Сонхүн "Нааш ир. Ийшээ суу" гээд өөрийн хажуудаа суулгаад гараа төгөлдөр хууран дээр аваачив.
"Нүдээ ань"
Зөөлөн дуугаар хэлэхэд нь би биеэ суллан нүдээ аниж орхив. Удалгүй төгөлдөр хуурын намуухан чимээ сонсогдох нь таатай санагдаж байлаа. Дундуур нь хальт нүдээ нээхэд түүний урт хуруу төгөлдөр хууран дээгүүр гүйж байх нь үзэгдэж, би буцаагаад л нүдээ анина.
Багаасаа л төгөлдөр хууранд дуртай хэрнээ чаддаг ганцхан аятай би тоглож сурахыг их хүсдэг байсан ч яагаад ч юм үнэхээр сурдаггүй байж билээ. Одоо бодоход яг ингэж чин сэтгэлээсээ аялгуу бүрийг нь мэдэрч байсан удаагүй байх.
Хэдэн минут үргэлжилсэн түүний аяз дуусахад би хэдийнээ төсөөллийн ертөнцдөө живэн тэр аялгуун дээр бүжиглэж байснаасаа салав. Нүдээ алгуурхан нээхэд тэр яг над руу ширтэж байгаад инээмсэглэв. Соронз шиг юм. Зүрх минь хүчтэй цохилох нь мэдэгдэв.
"Саяных ямар ая юм? Би сонсох гэсэн юм" гэхэд тэр инээмсэглэсэн чигээрээ наашаа улам ойртож нүүрэнд тулаад "Би өөрөө зохиосон юм" гэлээ.
"Төрсөн өдрөөрөө ийм ая сонсвол сайхансан." Үүнийг хэлчихээд нүд томрон амаа дарлаа. Тэнэг Мирэ бодлоо хэлчихдэг.
"Санаа зоволтгүй ээ, би төрсөн өдрөөр чинь тоглож өгнө. Бүр дуулж өгсөн ч яахав" гээд Сонхүн инээд алдлаа. Би инээмсэглэв. Магадгүй түүний сайн талыг ганц ч болтугай харсан болохоор байх.
"Чиний гитар тоглож байгаа чинь ч янзтай. Яг үнэндээ үдэшлэг дээр гитар тоглож байхыг чинь харчихаад ёстой царайлаг юм аа гэж бодсон шүү" гэлээ. Мирэ чи ч ёстой ичдэггүй болжээ.
"Үгүй ээ, яахав олон талын авъяастай хүний зовлон юм даа. Ингэхэд төрсөн өдөр чинь хэзээ болох юм? Би одооноос бэлдэх хэрэгтэй байх" гээд дахин инээхэд би түүнийг цохиод "Битгий шоолоод бай. Миний төрсөн өдөр 6 сарын 29-нд болдог юм." гээд гараа төгөлдөр хууран дээр тавилаа. Сонхүн амандаа зургаан сарын хорин есөн гэж бувтначихаад наашаа харав.
Бүтэн 2 сарын хугацаа. Би ч бас түүний өөдөөс нь харчихаад ганц чаддаг аяаа тоглохоор шийдэн гүнзгий амьсгаа авлаа.
Даралтуудыг дотроо бодон бяцхан охин байхдаа асрамжийн газрын төгөлдөр хууран дээр өнждөг байсанаа санан инээв. Үнэхээр чаддаггүй хэрнээ өдөржин тэнд байж төгөлдөр хуурын бүх хэсгийг ажигладаг байж билээ.
Advertisement
Нүдээ анин инээмсэглэн тоглох Мирэг харж байгаа Сонхүн анх удаа цуснаас нь өөр зүйлийг бодов. Мирэгийн хэр хөөрхөн харагдаж байгааг дотроо бодсоор тэр ч бас хуруунуудаа хөдөлгөн хослон тоглож эхлэв.
Гэнэт хажуунаас орж ирсэн Сонхүнийг харахдаа би ганц нэг алдаа гаргаж орхив. Харин тэр тайван үргэлжлүүлэхэд би харцаа салган тоглолоо.
Бяцхан тоглолт маань дуусахад хэн хэн нь сэтгэл хангалуун үлдсэн бөгөөд би
"Чи энэ аяыг яаж ингэж сайн мэдэрсэн юм?"
"Зүгээр л. Тоглож байгаа аяаа мэдрэхгүй байвал нэг тийм өөрийгөө хуураад байгаа юм шиг мэдрэмж төрдөг" гэж хэлсэнийх нь дараа бид хоёр хоёул инээд алдлаа.
Үнэндээ Сонхүн ч бас яаж ингэж сайн мэдэрч, өмнө нь өөр хүнтэй тоглож байгаагүй хэрнээ Мирэтэй хамт ингэж сайн зохицсоноо ойлгохгүй байгаа ч тоосонгүй.
"Тэгэхээр, би чиний төрсөн өдрөөр өөрийн зохиосон аяаа тоглож өгнө бас дуулж өгнө зөв үү? Миний дуулахыг сонсоод дурлачихав аа."
"Үдэшлэг дээр дуулахыг чинь сонссон шүү дээ. Бас би чамд дурлахгүй гэдэг дээр мөрий тавьсан ч яахав."
Тоосон шинжгүй миний хэлсэнийг тэр шүүрч аваад "Тэр үед чинь хүчтэй дуу дуулж байсан болохоос саяны аян дээр тохирох зөөлөн дуу дуулаагүй. Тэгээд мөрийцчихье. Би 3 удаа чиний зүрхийг хүчтэй цохилуулвал чи надад дурласан гэж үзье."
"Хэрвээ тэгэхгүй бол яах юм?"
"Хэрвээ тэгэхгүй бол би өөрөө чиний араас гүйнэ."
Юу вэ? Сэтгэлээ илчлээд байгаа юм уу гэж хэлмээр байсан ч хэлээ хазаад өнгөрч гараа сунган за яахав гээд тохирлоо. Би угаасаа чамд дурлахгүй гэдэгтээ итгэлтэй байна.
Төгөлдөр хуурын сандалнаас босон тэр өрөөнөөс гарахдаа инээж ханиан, бие биенээрээ тоглоом хийж явлаа. Ямартай ч саяны явдлаас хойш бид арай чөлөөтэй байдаг болж, найзууд шиг болсон гэхэд хилсдэхгүй.
Яахав, Пак Сонхүн дажгүй бололтой. Муухай аашаа засчихвал.
Ангидаа орж ирээд удахгүй физик орох болохоор дуусахаар нь сэрээгээрэй гэж хэлээд ширээгээ дэрлээд хэвтээд өглөө.
Хичээл эхлэж физикийн багш ид самбар дүүрэн бодлого бичиж байхад тайван унтах Мирэг харсан Сонхүн инээд алдана. Хөөрхөн ч юм шиг, бас үгүй ч юм шиг. Тэгснээ хэсэг хугацааны дараа бас гэнэт хацар луугаа цохиод урагшаа самбар харна. Тэгчихээд удалгүй буцаад л Мирэ рүү харна.
Үнэхээр түүний байгаараа сонгосон нэгэн хальтхан ч болов догдлуулаад байгаад итгэж чадахгүй байлаа.
"Үгүй ээ, тэр зөвхөн миний дараагийн зоог байх болно. Пак Сонхүн ухаантай бай." гэж шивнэчихээд урагш харав.
Харин үүнийг ангийн хамгийн хойд талын суудлаас анхааралтай гэгч нь ажиглаж байсан залуу олзоороо тоглож буй араатан мэт инээмсэглэлээ. Түүний энгэр дээр Хамада Асахи гэдэг нэр зурайн үзэгдэх аж.
"Хэдэн хоног юу ч хийхгүй байсан эцэст нь нэг юм анхаарал тавьж эхлэх шив."
Асахи Сонхүнийг өөр лүү нь нүднийхээ булангаар харж буйг мэдсэн бололтой дэвтэр дээрээ бодлого бичсээр амандаа шивэгнэв.
Хонхны дуутай зэрэгцэн Сонхүн толгой дээр тогших нь мэдрэгдэж сэрчихлээ. Гадагшаа харвал нар жаргаж байна. Юмнуудаа далд хийгээд Сонхүн рүү даллан баяртай гэчихээд гарах гэтэл араас малгайтай цамцныхаа малгайг өмсөөд гүйгээд гараад ирэв.
"Яасан бэ?"
"Хүргээд өгье."
Айн гээд орилчихсонд Сонхүн ам дараад хурдан явъя аа гээд чирээд алхчихав.
"Алив гараа аваач" гэж гарыг нь авж шидсэнийхээ дараа би түүн рүү муухай харахад Сонхүн гэмгүй царай гаргасанаа гэр лүү араас түрж оруулаад хаалга хаачихав. Тэгсэнээ гэрээсээ маргааш болтол битгий гараарай гэж хэлээд буцаад гүйчихлээ. Юу болоод байна аа?
Гэртээ орж ирчихээд буланд байх цохиураа харж санаа алдав. Дахиад тэр шөнө шиг тиймэрхүү аймар явдал битгий болоосой. Өлсөөд бас ааш зан тааруу байгаа болохоор сэтгэлээ засах гэж зайрмаганд гарах гэснээ зогтусав.
Сонхүн маргааш хүртэл гэрээсээ битгий гараарай гэсэн. Энэ удаадаа түүний үгэнд итгээд үзэх хэрэгтэй байх.
Харин Мирэгийн орцноос гүйхээрээ гарч ирсэн Сонхүн байрны булан руу чиглэн алхахдаа жуумалзана. Хайрцаг тамхи дундаасаа нэгийг гаргаж ирэн сороод улам бүр ёжтой инээмсэглэл тодруулахад харанхуй дунд нэг юм хөдлөх шиг болов.
"Баригдчихлаа. Буруу угсаагаар, буруу цус сорогчоороо оролдож байна даа чи" гэж хэлээд тамхиа хаян нүдээ анилаа. Төд удалгүй нээхэд нүд нь цусан улаан болж, уруулных нь цаана уртаас урт соёо гялалзаж байв.
Харин түүний өөдөөс харсан эрхмийн сүүдэр сарны гэрэлд томорч араатан мэт хувирч эхлэв ээ.
.
Advertisement
- In Serial49 Chapters
Spire Dweller
The 1st floor of the World Spire has been humanity’s home for as long as anyone can remember. With cities and towns scattered across several million square miles, most residents live out their years within protective walls. Simultaneously guarded and oppressed by powerful cultivators—people who can utilize qi to perform superhuman feats—the average citizen learns early on to both respect and fear those that keep the deadly Spirit Beasts away. When Samantha receives a quest notification to become a cultivator herself, she goes against her family’s wishes and leaves the relative safety of her town to complete it. She knows that becoming a cultivator will change her life, but she has no idea how much the journey will cost her.
8 207 - In Serial8 Chapters
Not Many Get A Second Chance
Jack Dallmain was your average university student. Few friends and often short on cash. But that didn't matter as everything was going fine. He had a girlfriend, his grades were almost perfect and he had a great group of friends. But one day everything changed. It was going to be a great day, he had everything planned. But then, he got caught up with a bus-jacking and was threatened with a bomb and a gun. It was supposed to be a great day but it turned out to be the worst day of his life that ended everything. Or was it-
8 222 - In Serial23 Chapters
•Stay With Me• |✔︎|
Тэхён-"Чи магадгүй бэлгийн чиг хандлагаа дахиад нэг бодож үзэх хэрэгтэй байх" Жонгүг-"Тоглоод байна уу?" Тэхён-"Үгүй ээ!"Photo edited by: @Lucy_Vk
8 202 - In Serial27 Chapters
Descent of the Dragon Prince
A dragon prince turned human must come to terms with rewriting events he has never faced before. How does it feel to get beaten up by the gods? Novus argues that the feeling is terrible, especially when the gods send him to another world, in human form. Despite starting in the worst fighting shape possible, Novus gradually resolves himself of one thing: He'll revenge kick some divine ass. So anybody, especially that damned Hidden Shadow organization, better get out of his way; After a couple of tears and a failed spell. But wait, I can revive? And why does that person seem so familiar? And why can't this system answer any of my damn questions!? Chapter updated twice per week! Wednesday/Sunday Nights UTC 07:00 local time. This story is currently only available on Royal Road. Any other sites that provide the story are not allowed to, and should not, have my story available for reading.
8 128 - In Serial15 Chapters
td texting
literally the title
8 156 - In Serial9 Chapters
ICE
Школьная пора закончилась, а это значить что наступает студенческая. Главная героиня по имени Мэй, сталкивается с целым набором: новое учебное заведение, новый коллектив, новые преподаватели, новые знакомые и новые друзья. Ким Мэй - главная героиня, двадцатилетняя девушка, умная, имела среднестатистическую внешность, но к сожалению, так и не нашла себе стоящих друзей. В школе ее вечно кидали, поэтому найти новых друзей в универе сразу же отходит на второй план, а на первом - отличная учеба. Ким Юки - одногруппница Мэй, двадцатилетняя девушка с отличительной внешностью только из-за светлых волос, а так она тоже была непримечательной. Веселая, всегда на позитиве, и что самое главное, никогда не бросит друга в беде.Чон Чонгук - одногруппник Мэй и Юки, парень с придурковатыми шутками, но до жути красивый. В меру ребенок, но его телосложение об этом не говорит. Является парнем и другом Юки.Мин Юнги - одногруппник Мэй, Юки и Чонгука, параллельно его лучшими друзьями всегда были Юки и Чон. Тоже был симпатичный, как и его лучший друг. К сожалению, Юнги не был таким открытым, как его друзья, а на
8 176