ပင်မန်မနေ့ က မပြီးသေးတဲ့ ချက်ဘုတ်ပြားကိုယူလာသည်။ ကြင်ယာတော် မိန်နဲ့ ဧကရာဇ် လင်းတို့ မျက်နှာချင်းဆိုင်ထိုင်လိုက်ပြီး စတင်ဆော့ကြသည်။ လင်းဖေးလု ဧကရာဇ် လင်း ဘေး၌ ထိုင်နေရင်း နာနာခံခံနဲ့ ကြည့်နေသည်။

ချက်ကစားတဲ့ပွဲစဉ်တလျှောက် ပေါက်စီလေး သူ့နားသို့ တဖြေးဖြေးနီးကပ်လာတယ်လို့ ဧကရာဇ် လင်းခံစားတယ်။ ခေါင်းလှည့်ကြည့်တော့ ပေါက်စီလေး ချက်ဘုတ်ပြားကို ကြည့်နေတာ တွေ့ရတယ်။ ပါးစပ်ထောင့်၌ ကိတ်လက်ကျန်လေး ကပ်နေပြီး မျက်နှာပေါ် ထိုကစားပွဲထဲ နှစ်မြုပ်နေတာ အပြည့်အဝ ရှိ၏။ ဧကရာဇ် လင်း ရီမောဖို့ ဖိနှိပ်ထားရတယ်။

သူ မလှုပ်ရှားတာမြင်တော့ ခေါင်းသေးသေးလေးနဲ့မော့ကြည့်လာပြီး မျက်လုံးထဲ တွန်းအားပေးနေတာ သိသာနေ၏.

ဧကရာဇ် လင်းနောက်ဆုံးအသံထွက်ရီပြီး‌ ခေါင်းသေးသေးလေး ပွတ်ကာ"မင်း တကယ်ကိုအတည်ပေါက်ဖြစ်နေတာပဲ ကြိုက်လား?"

ပေါက်စီလေး ရှက်ကိုးရှက်ကန်းခေါင်းငုံ့သွားပြီးနှုတ်ခမ်းဖိထားကာ ခေါင်းညိတ်တယ်။

"ဘယ်လိုကစားရလဲ သိလား?"

သူမ ခေါင်းခါယမ်းလာတယ်။

ဧကရာဇ် လင်း ပြုံးပြီး " သင်ပေးမယ်"

ချက်ရဲ့ အပိုင်းအစများကိုအဖြူအမည်းပြန်ခွဲခြားဖို့ ပင်မန်ကိုညွန်ကြားလိုက်သည်။ ကြင်ယာတော် မိန်ဘက် ခေါင်းလှည့်ပြီး "ဒီနေ့ မဆော့တေ့ာဘူး။ မင်းသမီး ၅ လေးကို နည်းနည်း‌သင်ပေးလိုက်ဉီးမယ်။အရင်ပြန်လိုက်ပါ"

"..."

မျက်နှာပေါ် က ဘာခံစားချက်မှမပါပဲ အပြစ်ကင်းပြီးချစ်ဖို့ကောင်းသည့် မိန်းကလေးကို စိုက်ကြည့်လိုက်သည်။ ဘာမှငြင်းဆန်မနေပဲ ညင်သာစွာပြုံးပြီး "ကောင်းပါပြီ။အရှင်"

ထွက်သွားတော့ ဧကရာဇ် လင်း ပျော်ရွှင်စွာ သူ့သမီးတော် ကို သင်ကြားပေးတယ်။

လင်းဖေးလု တကယ်ကို ဘယ်လိုကစားရမလဲ မသိဘူး ဒါပေမဲ့ ထက်မြတ်တဲ့ဉာဏ်ကြောင့် လုပ်နိုင်သွားသည်။ ဧကရာဇ် လင်းတကြိမ်ရှင်းပြဖို့ လိုအပ်ပြီး မနက်ခင်းတစ်ပိုင်းမှာတင် အခြေခံစည်းမျဉ်းများနှင့် နည်းလမ်းများဖမ်းဆုပ်မိလိုက်သည်။နေ့လည်စာ စားပြီးနောက် သူမ ဧကရာဇ် ကို ဆန့်ကျင်ပြီး ကြမ်းတမ်းစွာ ကစားဖို့ အဆင်သင့်ဖြစ်နေပြီ။

သူမ ချက်အပိုင်းစများ ချပြီး ရူံးနိမ့်နေသော်လည်း ဧကရာဇ် လင်း အသက် ၅ နှစ်အရွယ် ကလေးတစ်ယောက်ရဲ့ ထက်မြတ်မှုကိုအံ့အားသင့်သွားခဲ့သည်။

လန့်သွားပြီးနောက် နောက်ထပ်အံ့အားသင့်စေတာ က သူကအမြဲတမ်းထက်မြတ်တဲ့လူတိုင်းကို မြတ်နိုးသည်။ ကြီးမြတ်သည့် အင်ပါယာက အတိုက်အခိုက်ထက် ထက်မြက်သည့်သူကို ပိုပြီးတန်ဖိုးထားသည်။ မောင်းမဆောင်က ကိုယ်လုပ်တော်တွေ ထဲ ကဗျာနဲ့ အရည်အချင်းရှိသူ ကိုသာ မြတ်နိုးတာဖြစ်သည်။ မင်းသားများအပေါ် လည်း အလွန်တင်းကြပ်ထားပြီး ဒါက သူတို့အပေါ် ဖိအားတစ်ခုတင်ပေးလိုက်သလိုပင်။

မင်းသမီးများအ‌ပေါ် တော့ တင်းကျပ်တာမရှိသော်လည်း လင်းနန်းရှီ ကို သဘောကျခြင်းအကြောင်းအရင်း လိမ္မာပါးနပ်လို့ဖြစ်တယ်။သို့ပေမဲ့ လင်းဖေးလု ကိုကြည့်ရင်း မတူညီတဲ့အလင်းရောင်တဖွယ်မြင်လာတယ်။

ပေါက်စီလေးနဲ့ တွေ့ဆုံတဲ့ ညကိုပြန်တွေးကြည့်တယ်။ ဒီကလေး ကမ္ဘာကြီးငြိမ်းချမ်းဖို့ဆုတောင်းတည်းက သာမန်ထက်ပိုတာ သိခဲ့သည်။

ရှောင်လန်က သူ့အတွက်ရူးကြောင်ကြောင် သားမွေးဖွားပေးရုံသာမက ဒီလို မင်းသမီးမျိုးပါ လက်ဆောင် အဖြစ် မွေးဖွားပေးမယ်လို့ ဘယ်သူသိမည်လဲ။

ဒါက နတ်ဘုရားများရဲ့သနားညှာတာမှု ဖြစ်လောက်သည်။

ဧကရာဇ် လင်း စိတ်ခံစားချက်အပြည့်နဲ့ သက်ပြင်းချပြီး လင်းဖေးလု ချက်ဂိမ်းကို အတည်အလေးအနက်ထား သင်ယူနေတာ စောင့်ကြည့်နေရင်း ရှောင်လန် အပေါ် ထားသည့် နာကြည်းမှုအချို မသိမသာ လျော့ကျသွား၏။

ညနေခင်း တောင်စောင်းနန်းဆောင် ၌ ရထားလုံး ရပ်တန့်သွားသည်။ ထိုနန်းဆောင်၌ အ‌စောင့်များရှိပြီး ခန်းမ သန့်ရှင်းနေကာ သူတို့ သခင်လာမဲ့အချိန်ကို စောင့်ဆိုင်းနေသည်။

လင်းဖေးလု တန်ယု ပွဲကြည့်စင်၌ နေထိုင်သည်။ ဆောင်းယု က သူမနဲ့အတူလိုက်ပါသည့် တစ်ဉီးတည်းသော လူဆိုတာ သိတော့ ဧကရာဇ် သူ့ရဲ့လက်ထောက်ကုန်းကုန်း ကောင်းဖု ကို ကူညီပေးဖို့ တာဝန်ချလိုက်သည်။ တန်ယုပွဲကြည့်စင်နား၌နောက်ထပ် ကိုယ်ပိုင်အင်ပါယာစစ်တပ်တဖွဲ့ တာဝန်ချထားပြီး အရင်တစ်ခေါက် လုပ်ကြံသူမှ ကာကွယ်ဖို့ဖြစ်တယ်။

တားမြစ်စစ်သည်များမှာ ထူးချွန်သူများဖြစ်ပြီး နန်းတော် အမှုထမ်းအားလုး တန်ယုပွဲကြည့်စင်နား၌ လှည့်ပတ်သွားနေ၏။