" WALANG NAKAKAALAM "

Dalawang salita ngunit malalim ang ipinapabalita,

Sa loob ng apat na sulok na ito hindi lahat ng nakangiti ay masaya

Hindi lahat ng iyong nakikita ay maligaya

Dahil ang iba nagmimistulang maskara

Masaya maging masaya kung ang nasa palagid mo ay may suporta,

Ngunit ang saklap na marinig kung ang mismong kasama ay walang pagkakaiba

Walang nakakaalam at walang may alam

Sa tunay kong nararamdaman dahil ang totoo wala naman talagang may pakialam,

Sino nga ba ako para magkuwento kung ang totoo wala naman magbabago

Paulit ulit kong naririnig, paulit ulit kong tinitiis ang bawat salitang lumabas sa iyong bibig

Ngunit lahat ng iyon ay aking tiniis kahit masakit sa dibdib

Minsan ko ng hiniling na sana matapos na ito, ngunit paano kung ako mismo walang nagbago

Walang nagbago dahil wala naman akong maipagmamalaki sa buong mundo

Isa lamang ako sa mga taong walang magagawa, tulad nga ng sabi mo,

Sa totoo lang gusto ko ng sumuko,

Pero kahit iyon ang sinasabi ng isip ko iba naman ang nilalaman ng puso ko

Sana nga ganun nalang kadaling magsabi ng totoo

Pero hindi eh mahirap magbitaw ng salita kung alam mong sa una palang walang maniniwala

Dahil wala namang nakakaalam sa pinagdadaanan ko,

Sa loob ng labing siyam na taong nabubuhay ako, walang may alam sa lahat ng naranasan ko

Pati ang mga pamilya ko, alam kong hindi ako nag iisa sa mundo

Dahil alam kong marami tayo na gusto ng sumuko ngunit patuloy paring andito,

Lumalaban sa madilim na mundo kasama ang pag agos ng mga luhang ito,

Tao nga lang tayo, tao lamang ako mahina at napapagod ng mabuhay sa mundo

Pero patuloy pa ring haharapin ang lahat ng ito

Kahit walang may pakialam at walang nakakaalam

Ang mahalaga andito pa ako at hindi naglalaho.

Ps:

Great things will come just stay kind and positive at all times.💛