"Bakit lagi mong gustong bumalik sa buwan ng Disyembre?" tanong sakin ng matalik kong kaibigan.

Siguro mahigit pitong segundo ko bago ito masagot. Hindi ko rin alam. Ang alam ko lang, kapag buwan ng Disyembre, buwan kung saan gusto kong itama ang mga pagkakamali ko. Gusto kong balikan ang mga panahong winaldas ko ngayong taon. Pag-asang baka mabago ang takbo ng oras at bukas makalawa ay masaya na ulit ako. Totoong masaya. Hanggang sa pagtulog at panaginip ko, nakangiti ako at tila wala nang bukas na dapat maging dahilan ng pag bangon sa kama sa malamig na umaga.