...

Nandito lang ako,

Ang palaging sinasabi mo,

Ngunit bakit tila ikaw ay nagbago?,

Nasaan na ang dating tayo?

Sa araw-araw ay iyong mukhang bibig,

Na ako ay iyong iniibig,

Ngunit tulak ng iyong bibig,

Ay siya ring pagkapit ng iyong dibdib

Kinain mo nga lang ba ang lahat ng salita na iyong binitawan?,

Habang nangangako ka noon sa aking harapan,

Na kahit na kailanman,

Ay hindi mo ako magagawang iwan,

Bakit ngayo'y tila ako'y nasa taya tayaan?,

Na ang habulin ka ay kinakailangan,

Sa larong iyong sinimulan,

Taya-tayaan nga ba ang ating nilalaro o isang pustahan kung saan siguradong ikaw ang lamang at ako lang ang masasaktan

Maaari bang itigil na natin itong laro?,

Sapagkat 'di ko na alam kung saan na patutungo,

Pagod na ako sa iyong lumapit habang ika'y palayo ng palayo,

'Di ko akalaing ikaw pala'y magaling magseryoso sa isang laro,

Habang sa totoong mundo'y magaling ka lang na magloko

Nandiyan ka pa ba? Aking katanungan,

Dahil paalis na ako,

Handang tumakbo ng pagkalayo layong kilometro papalayo sa iyo,

Dibale nang madapa at masugatan,

Basta maiwasan lang kitang makita at ang iyong matang puno ng kasinungalingan