...

Patuloy umuusad,

Kahit 'di alam saan mapapadpad,

Kahit gaano kabagal ang pag-unlad,

Ang mahalaga ay 'di napapagal sa paghahangad

Makaranas man ng pagkabigo,

Ang mahalaga ay 'di sumusuko,

Wala pang nananalo hanggang dulo,

Na hindi nagsimula sa pagkatalo't pagkatuto

Sundin mo lang ang gusto ng iyong puso,

Ibigay mo ang lahat ng makakaya mo,

Huwag pakinggan ang batikos ng mundo,

Batid mo ang tunay na makakabuti para sa'yo

Anuman ang mangyari,

Patuloy kang umasa at maniwala,

Sa pangarap na lagi mong dinadalangin na 'Sana',

Hiraya Manawari