...

Taglay mong ganda ay parang pang-artista,

Kutis mo ay kutis-porselana,

Hindi ko mawari kung saan ba kita nakita,

Ikaw ba'y likha lamang ng aking kathang-isip o kaya'y nasa isang pelikula?

Kung ikaw ang bida,

Ako kaya sa'yo ay may pag-asa?

O baka isa lamang ako sa iyong libo-libong taga-hanga,

O baka sa buhay mo'y isa lang ako sa mga extra

Apihin ka man nila,

Handa akong sagipin ka,

Wala akong pakialam,

Kahit na ako'y second leading man mo lang

Ang ating buhay ay parang sa pelikula,

May drama na parang tele-nobela,

May kilig at romansa na pang- tele pantasya,

May tawanan na parang sa komedya

Ang ating pag-ibig ay tulad rin sa pelikula,

Mahirap sa simula,

Sa kalagitnaa'y puro problema,

At sa dulo'y maaaring masaya o baka naman magmistulang isang trahedya