...

Nagbubulagbulagan ka sa katotohanan,

Pinipili mong manahimik kahit masakit,

Hinaing ng iyong sarili'y 'di mo iniintindi,

Isa ka bang manhid o isang martir

na kayang magtiis?

Sa kanilang panghuhusga,

Ikaw daw ay isang tanga,

Na nagkukunwaring walang nadarama,

Para lang magmukhang masaya,

Ngunit wala silang alam,

Sa tunay mong nararamdaman,

Hindi nila alam ang lahat ng iyong pinagdaanan,

Kaya kahit kailan, hindi ka nila maiintindhan

Ang gagaling manghusga ng kanilang mata subalit 'di nakikitang nasasaktan ka na,

Bukas ang bibig na magbalita ng mali subalit kapag ikaw ay may sinasabi sila'y nagiging pipi,

Nadidinig ang tsismis sa kabilang panig subalit nabibingi sa iyong daing,

Tulad mo rin ba silang walang madama?

Sino kaya ang mas tanga?

Ikaw o sila?

Hindi mo kailangan pang sumagot at magpaliwanag pa,

Dahil alam ko na ang sagot, malinaw at kitang kita