...

Ang katagumpayan ay parang halaman,

Hindi madaling pausbungin,

Pagpapatubo ay 'di basta basta,

Kailangan ng tamang pag-aalaga

Sa umpisa ma'y walang nakikinita, May pag-asa ba kaya o wala,

Subalit kung 'di magtyatyaga,

Ay wala namang mapapala

Halama'y 'di basta lamang tinatanim,

Na kinabukasan ay mayroon ng aanihin,

Nangangailangan ito ng matinding pansin

At ang pagdidilig ay panatilihin

Ganoo rin ang sikreto ng katagumpayan,

Pinaghalong sipag at tyaga,

Ang proseso ay dahan dahan,

Upang resulta ay maging maganda pagdating ng oras na itinakda