...

Sa gitna ng malalakas na alon,

Kung saan ako'y halos 'di na makaahon,

Ikaw ang sa aki'y tumulong

Upang muling makabangon

Sa mundong puno ng kalituhan,

Ikaw ang nandiyan nang wala akong masandalan,

Sa lakas ng mga alingawngaw at kaingayan,

Sa'yo ko naulinigan ang katahimikan

Pagtatalo ng aking puso't isipan,

Tila hindi na kayang maawat pa,

Gulo'y nagmistulang kandila na para bang nahipan,

Nang dumating ka'y bigla na itong nawalang parang bula

Isipan ko'y nalinawan,

Puso'y naging kalmado,

Magmula ng kita'y natagpuan ko,

Nahanap ko rin sa'yo

ang hinahangad kong kapayapaan