mahal kita , mahal mo siya.

hanggang sana na lang talaga tayong dalawa.

masaya naman kayo kaya bakit pa ?

bakit pa ako eeksena e wala namang kwenta ?

gusto ko ng itigil dahil napakasakit na ,

pero bakit ba ‘di ko magawa-gawa ?

kahit na anong pilit ay sa’yo pa rin bumabalik ,

paano nga ba makakausad mula sa sakit ?

hindi naman kita masisisi na siya ang pinili ,

dahil umpisa pa lang , ‘di naman ako kasali.

isa lang akong dumadaan sa tabi ,

nakatayo sa isang gilid habang nagmamasid.

nakaabang na siya’y magkamali ,

nakahandang saluhin ka , kahit pa masakit.

‘di ko kayang makitang ika’y nasasaktan ,

sana kasi ako na lang ang minahal.

hindi ko hahayaang ika’y masaktan ,

bakit hindi kasi ako na lang ?

sana ako na lang ang ‘yong minahal ,

hindi ba pwedeng tayo na lang ?

handa akong ibigay ang lahat sa’yo ,

kahit pa madurog ang aking puso.

nalimot ng mahalin pati ang sarili ko ,

sobrang sakit na , tama pa ba ‘to ?