​ယခုဆိုလျှင် မာမီအိမ်၌အတူနေဖြစ်သည်မှာ

၃ လခန့်ရှိချေပြီး။ အိမ်ရှိအလုပ်သမများက "အစ်ကိုလေး" ဟုခေါ်ကြပေသည်။ သတင်းစာရှင်းလင်းပွဲပြုလုပ်၍ အမွေစားအမွေခံသားအ ဖြစ် မာမီပွဲထုတ်ခဲ့သည်မှာလည်း ၇ လစွန်းစွန်းရှိပြီး ဖြစ်၏။

အသီးခြံအလုပ်ကိစ္စများကိုလည်း အလုပ်သမားများဖြင့်တိုးချဲ၍ မာမီအသိများ၏မိတ်ဆက်မှုမှတစ်ဆင့် နိုင်ငံရပ်ခြားသို့ပင် တင်သွင်းအထိလုပ်ကိုင်ဖြစ်သည်။ ရဝိန်မှာတော့ ကုမ္ပဏီကိစ္စများကို ဦးစီးလုပ်ကိုင်ဆောင်ရွက်နေပေသည်။

မာမီသည် Queen စိန်တိုက်ကိုနာမည်ခံသာ

ဦးစီးပြီး သူ၏ girlfriend ဧကရီမင်းထက်ဆီသာ မကြာမကြာသွားနေတော့သည်။ ထို့ကြောင့် စိန်တိုက်အား စစ်ဆေးမှု၊ ကြိီး​ကြပ်မှုတို့ကို ရဝိန်

နှင့်ကျွန်တော်၏အလှည့်ကျတာဝန်ဖြစ်လာပေသည်။

" ထက်ငယ် "

အခန်းထဲဝင်ပြီး ကုတင်ထက်ထိုင်၍ စာရင်းများအားတွက်ချက်မပျက်ရှိနေသူထံ ခေါ်လိုက်သော် လည်း အကြည့်တစ်ချက်ပင်မရ။

" ထက်ငယ် "

ထပ်ခေါ်လိုက်သော်လည်း ထိုနည်း၎င်းမို့ အနားကပ်သွားလိုက်ပြီး အနောက်မှ သိုင်းဖက်ထားလိုက်လျှင်

" ပြန်ရောက်ပြီးလား "

" အင်း...ငါတို့တစ်အိမ်တည်း၊ တစ်ခန်းတည်းအတူနေပေမယ့် သိပ်မတွေ့ရတော့သလို့ပဲ "

ပခုံးတစ်ဖက်ပေါ် မျက်နှာလေးတင်ပြီး စကားဆိုလာသော ရဝိန်​ကြောင့် ပြန်တွေးကြည်မိလျှင် ဟုတ်ပေသည်။ တစ်အိမ်တည်း၊ တစ်ခန်းတည်းအတူရှိနေသော်လည်း အလုပ်ကိုယ်စီဖြင့် အိပ် ချိန်လေးမှ တွေ့ရပေသည်။ တစ်ခါတလေဆိုရင် အလုပ်ပင်ပန်း၍ အတူတူပင် အိပ်ယာမဝင်နိုင်တော့။ ကြည်နူးမနေနိုင်တော့။

" ဒီနေ့စောပါလား။ အချိန်ပိုမရှိဘူးလား "

" အင်း...အလုပ်ကြောင်းမပြောကြရအောင်၊

ငါတို့အချစ်အကြောင်းပဲပြောရအောင် "

" ပြောစေ "

ဘေးအနားကပ်နေသော ရဝိန်ကြောင့် အလုပ်တို့ ကို ခဏနားလိုက်ပြီး မျက်နှာချင်းဆိုင်လှည့်လိုက်သည်။

" မေ "

" အင်း "

မေးလေးဆတ်ကာ ပြန်ထူးလိုက်လျှင်

" ကိဝီ "

" အင်း "

" မိုးထက်မြင့် "

" ပြော "

" ထက်ငယ် "

" ဘာလဲ "

" ချစ်တယ် "

" ဟားဟားဟား... ချစ်တယ်ပြောဖို့အရေး နာမည်ရာချီခေါ်စရာလိုလို့လား "

" ငါလည်းနာမည်အများကြီးလိုချင်တယ်၊ အဓိကတော့ မင်းဆီကသီးသန့်အခေါ်လေးရချင်တာ၊ ငါကို ယောကျာ်းလို့ခေါ် ပါလားဟင် "

" အခြားဟာ ရွေး၊ ခုကခေါ်ရတာအဆင်မပြေဘူး "

" တစ်ခါလောက်ပဲခေါ်ပါ၊ တစ်ခါတည်း "

လက်ညိုးလေးတထောင်ထောင်ဖြင့် တောင်းဆိုနေသူ​ကြောင့်

" ငါမေးတဲ့မေးခွန်းကိုဖြေနိုင်ရင် ခေါ်ပေးမယ်၊ ဘယ်လို့လဲ "

" ရတယ် မေး မေး "

" လင်မယားနှစ်ယောက်တောထဲကို အတူသွားခဲ့တယ်၊ မိန်းမဖြစ်သူကို ကျားချီသွားရင် ဘယ်သူကျန်ခဲ့မှာလဲ "

" ယောကျာ်း "

" အေးပြော မိန်းမ "

ရဝိန်အဖြေပြောလာပြီးပြီးချင်း အမြန်ပြန်ထူးလိုက်၏။

" မင်းလူလည်ကျပြန်ပြီး "

" ဦးသူစားစတမ်းပဲလေ။ မင်းမကြားဘူးဖူးလား ရဝိန် "

" ဘာမှလာမဦးနဲ့၊ ဒီညတော့ မင်းကိုငါစားမှာ "

" သေချာလှကြီးလား "

" လုံးဝသေချာတယ်၊ ဒီည မာမီမရှိဘူး၊ မနက်လည်း အလုပ်မသွားရဘူးဆိုတော့..."

" ဆိုတော့...ဟားဟားဟား... ခွေးကောင် မကိုက်နဲ့ ၊ ငါဘာသာငါ့လမ်းလျှောက်ပါမယ် "

" ငါကိုအထင်သေးတာလား၊ မချီနိုင်ဘူးထင်လို့လား၊ ငါ gym ဆော့ထားတာ အလကားမဟုတ်ကြောင်းပြမယ် "

" မင်းခြေလှမ်းတွေယိုင်နေတယ်၊ ဟားဟားဟား... "

မိန်းကလေးတစ်ဦးအား ယောကျာ်းလေးက ချီနိုင်ရန်မှာ သိပ်လွယ်သည်မဟုတ်။ အခုလို့ ဆိုဒ်တူ၊ အရပ်တူ ယောကျာ်းတစ်ယောက်ကို ချီနိုင်ရန်မှာ ပိုလို့သာ မလွယ်ပေ။ ရုပ်ရှင်တို့၌သာ တစ်ချက်ပွေ့တိုင်း အဆင်ပြေပြေပါသွားတတ်ကြပေမယ့် လက်တွေ့မှာတော့...

➡➡➡➡➡➡➡➡➡➡➡➡➡➡➡➡➡➡➡➡➡➡➡

လေလေးတဖြူးဖြူးတိုက်ခတ်နေသော ကန်​ရေ

ပြင်အနီးရှိ မလေးရှားပိတောက်ပင်းကြီးအောက်တွင် စုံတွဲတစ်တွဲသည် ပူးကပ်ထိုင်လျက် ဘဝရှေ့ရေးအကြောင်းကို ဆွေးနွေးနေကြပေသည်။

" မောင့်တို့လက်ထက်ပြီးကြရင် မေကမောင့်ကို ဘယ်လို့ခေါ်မှာလဲ "

" ကိုချစ်မောင်လို့ခေါ်မယ်လေ "

" စိမ်းသက်လှချည်းလား မေရယ်၊ ရက်စက်ပါပေ့ "

" ခစ်ခစ်ခစ်...ဘယ်လို့ခေါ်သင့်လဲ၊ မောင့်တွေးကြည်လေ၊ မဟုတ်မှ...ဦးချစ်မောင်လို့ ခေါ်စေချင်တာများလားကွယ် "

" ယောကျာ်းလို့ခေါ် ပါလား "

ရင်ခွင်ထဲမှ မေမျက်နှာဘေးကို မျက်နှာအသာကပ်လျက် စကားဆိုလိုက်သည်။

" မခေါ်ပါဘူး၊ ကမ္ဘာပေါ်မှာ ယောက်ျားတွေသိပ်များတာကို ယောကျာ်းလို့ခေါ်ချင်ပါဖူး မောင်ရယ် "

မေအပြောသည်လည်းမှန်ပေ၍ ချစ်မောင်မှာ

အင့်တင်တင်ဖြစ်သွားရပေ၏။ သို့သော်လည်း ဘယ်လို့ခေါ်ခေါ်ပါလေ။ ချစ်နေဖို့ပဲလိုတာမဟုတ်ပါလား။

" ခုနေကမောင့်ခေါ်စေချင်တာက ဘယ်လို့ "

" ယောကျာ်းလို့လေ "

" ဘယ်လို့ ဘယ်လို့ မောင့် "

" ယောကျာ်း "

" ခေါ်စေ "

" မေမနောက်နဲ့ "

" ခစ်ခစ်ခစ်...တော်ပါပြီး၊ ပြန််ကြရအောင် "

ချစ်မောင်ထိုင်နေသောအပင်မြစ်ထက်မှ ထရပ်လိုက်ပြီး ပဒုမ္မာအထည် လက်လျှော့အင်္ကျီ၊ ထဘီပြောင်လေးနှင့် လှရက်နေသူမေထံသို့ လက်ကမ်းပေးလိုက်သည်။ ကမ်းလာသောလက်ကို

အားပြုလျက် ခင်​လေးမေထိုင်ရာမှ ထရပ်လိုက် ၏။ ထို့နောက် မောင့်လက်မောင်းအား တွယ်ခိုကာဖြင့် လမ်းတစ်လျှောက် ချစ်စကားတီတီတာ တာဆိုလျက် အိမ်ပြန်လမ်းတွင် ချစ်သူနှစ်ဦး၏ ရင်ထဲ၌ ကြည်နူးပျော်ရွှင်နေလေတော့သည်။