ကိဝီလက်ဖျားများအေးလာသည့်အပြင် ခြေဖျားများပါ အေးလာ၏။ ဘေး၌ရှိနေသော ရဝိန်မှာတော့ အားပေးဖော်မရစွာရှိနေပေသည်။

ဒေါ်ပျိိုမဒီ ရှေ့၌ထိုင်နေသော သားဖြစ်သူနှင့် ​

ငြိမ်သက်စွာထိုင်​နေသော ကောင်လေးကို စေ့စေ့ကြည်လိုက်သည် ။ ချောတာထက်ကို လှတာဟုပြောလျှင် ပိုမှန်ပေသည်။ ဒါတောင် ဘာမှမပြင် ဆင်ထား။ အင်္ကျီသည်လည်း ရှပ်အင်္ကျီပြောင်လေးနှင် ယောပုဆိုးကိုသာ ဝတ်ဆင်ထားပြီး

ဂတုံးဆံပင်ပေါက်ကေဖြင့် ကောင်ချောလေးထံ ကြည်ပြီး စကားဆိုလိုက်သည်။

" အဟမ်း အဟမ်း "

ချောင်းဟန့်လိုက်သော်လည်း အမှီမပျက်ထိုင်နေသော သားတော်မောင်ကြောင့် မတ်မတ်လေးထိုင်နေသည် ကောင်လေးဆီကိုသာ အကြည်စူးစူးပိုထားလိုက်သည်။

" သေချာနားထောင် "

အတန်ကြာထိုင်ပြီးခါမှ စကားစလာသော ရဝိန်

အမေက စကားဆိုလာလျှင် ခေါင်းညိတ်ထောက် ခံပေးလိုက်သည်။ ခေါင်းတညိတ်ညိတ်ဖြင့် ရှိနေသော ကောင်လေးကြောင့် ဒေါ်ပျိုမဒီစကားဆက်လိုက်သည်။

" အန်တီသဘောမတူနိုင်ဘူး "

" ဗျာ "

" ဘာလို့ ! ! "

ကိဝီသည်သာမက မင်းရဝိန်ပါ လှုပ်လှုပ်ရှားရှားဖြစ်လာ၏။

" မကြားလိုက်ဘူးလား ငါ့သား "

မင်းရဝိန် မယုံနိုင်သေး။ မာမီက သဘောမတူဟု ဆိုလိုက်တာကို အံ့သြမိသည်။

" မာမီ "

" ဘာလဲ "

အသံကျယ်ကျယ်ဖြင့် ခေါ်လာသော သားဖြစ်သူကို သူ့နည်း၎င်း ပြန်ထူးလိုက်သည်။

" မာမီပဲ ပြောတယ်လေ၊ ကြိုက်ရင် လက်မနှေးနဲ့ဆို၊ ခုတော့ဗျာ..."

စိတ်ပျက်သည် အမူရာဖြင့် စကားဆိုလိုက်သော သားဖြစ်သူကြောင့် ဒေါ်ပျိုမဒီ မျက်စောင်းလေးဝင့်ပြီး ကောင်လေးဘက်သို့ကြည်လိုက်လျှင် အေးဆေးငြိမ်သက်စွာ ထိုင်နေပေသည်။

" အမယ်လေး လေး...မျက်နှာအမူရာက ဘာဖြစ်၊ မသိရင် ငါကပဲ လူဆိုးမကြီးကျနေတာပဲ "

" မာမီက လူဆိုးပဲ၊ စကားမတည်တဲ့ အန်တီကြီး "

" ဘယ်နားစကားမတည်လို့တုန်း၊ ပြောစမ်းပါအုန်း မင်းရဝိန် "

" လိုချင်ရအောင်လိုက်ဆို၊ ခုရတော့ သဘောမတူပြန်ဘူး၊ မာမီကတိမတည်တာ မဟုတ်ဘူးလား "

" ငါ ဘယ်တုန်းကပြော၊ ကောင်လေး မင်းပဲစဥ်းစားကြည်၊ လိုချင်ရင် ရအောင်လိုက်ပဲပြောလိုက်တာ၊ သဘောတူပေးမယ်လို့မှ ငါမပြောတာလေ၊ ဟုတ်တယ်မလား "

သားဖြစ်သူနှင့်စကားအရာလု၍ မိမိအား ပြိုင်ပွဲအတွင်း ဆွဲသွင်းလိုက်သူကြောင့် ရဝိန်ဘက်ကို ကြည်လိုက်လျှင် အဖြေကိုစောင့်စားနေဟန်ကို တွေ့လိုက်ရပေသည်။

" ဟုတ်ပါတယ် "

" ကိဝီ ! မင်းက ဘယ်ဘက်လဲ "

" ဘယ်ဘက်မှမဟုတ် "

" မရဘူး၊ ငါဘက်နေရမယ်လေ "

" ဘာကိစ္စနေရမှာလဲ၊ ငါမှန်တာ၊ မှန်တဲ့ဘက်နေ ကောင်လေး "

" မခေါ်နဲ့၊ ကျွန်တော်ကောင်လေးကို ကောင်လေးလို့မခေါ်နဲ့ မာမီ "

" ခေါ်တော့ ဘယ်ဖြစ်လဲ၊ ကောင်လေး "

" ဗျာ "

" မထူးနဲ့ ! ! ! "

" နင်က ဘာကြောင့်ထအော်တာလဲ၊ ငါကိုမခန့်တာလား "

" မခန့်ဘူးဗျာ၊ ကတိမတည်တဲ့သူဆို မခန့်ဘူး၊ လုံးဝပဲ"

" အေး၊ ငါလည်း လုံးဝသဘောမတူဘူး၊ နင်လို့ အရိုင်းအစိုင်းကောင်နဲ့ ကောင်လေးကို သဘောမတူနိုင်ဘူး "

" ဗျာ "

" စိတ်ချ ကောင်လေး၊ ကောင်လေးဖြစ်ဖြစ် ကောင်မလေးဖြစ်ဖြစ်ရတယ်၊ အန်တီရအောင်ရှာပေးမယ်၊ ဒီအရိုင်းစိုင်းကောင်ကိုသာ မေ့လိုက် "

" ရမလား၊ ပြန်မယ် ကိဝီ "

လက်ဆွဲ၍ ရဝိန်တစ်ယောက်ပြန်မယ်ဆိုလာ၏။ ထို့ကြောင့် ကိဝီထိုင်ရာမှ ထရပ်လိုက်ချိန်

" ထားခဲ့၊ ပြန်ချင်ရင် နင်ဘာသာပြန်၊ နင်ကောင်လေးကို ထားခဲ့ "

" မထားဘူး "

ဧည့်ခန်းမှထွက်သွားရန် ပြင်လိုက်လျှင်

" ပြန်ထိုင်လိုက် မင်းရဝိန် "

" ကျွန်တော်တို့နှစ်ယောက်ကို သဘောတူပေး "

" အိုကေ အရင်ထိုင်လိုက် "

ဒေါ်ပျိုမဒီ၏ အပြောကြောင့် ကိဝီအနားတိုးကပ်လျက် မင်းရဝိန်ထိုင်နေလိုက်သည်။

" ဟင်း..."

ဒေါ်ပျိုမဒီ သက်ပြင်းချလိုက်သည်။ ပြီးလျှင် သားမောင်မျက်နှာကိုကြည်၍ မပြီးဆုံးသေးသော စကားအချို့ကို ဆက်ဆိုလိုက်သည်။

" သဘောမတူနိုင်ဘူးဆိုတာ "

စကားမဆုံးခင် ထပြောရန်ပါးစပ်ပြင်လာလေသူကြောင့် လက်ကာ၍ အမြန်တားလိုက်ရသည်။ မင်းရဝိန်ပြောချင်သော စကားတို့ကို ​ဝင်မပြောတော့ဘဲ ဆက်နားထောင်လိုက်သည်။

" ဒါပေမယ့် အန်တီသားအဖြစ်နဲ့ပဲ လက်ခံနိုင်

တယ်၊ ဒါကြောင့် မွေးစားသားလုပ်ရမယ် "

" ဗျာ ! "

" ရှုပ်သွားလား၊ ကောင်လေးကိုလည်း အန်တီက သားအဖြင့် မွေးစားချင်တယ်၊ ဒါမှအခြားသူတွေကို မိတ်ဆက်ရအဆင်ပြေတာပေါ့ မဟုတ်ဘူးလား "

" ကျေးဇူးပါ အန်တီ "

" မလိုပါဘူး၊ ဟိုကောင်လို့ ပြန်မပြောရင်ရပြီး ဟွန့် "

မျက်စောင်းထိုးကြည်၍ စကားဆိုလာသော မာမီကြောင့် ရဝိန်မျက်နှာချို​သွေးလိုက်သည်။

" မာမီကလည်းဗျာ၊ ကျွန်တော်စိတ်ပူသွားလို့ပါ "

" အမယ်လေးနော်...ပြောင်းလဲမြန်ချက်၊ ခုနက

ငါကို အန်တီကြီးလို့ပြောတာ ဘယ်တစ်ယောက်ပါလိမ့် "

" မာမီကို ဘယ်ကောင်ပြောတာလဲ၊ တွေ့လို့က တော့လေ..."

" ဘာဖြစ်မလဲ "

" ကိဝီနဲ့ပေးစားလိုက်မှာ "

" နစ်နာသွားပါအုန်းမယ် မင်းရဝိန် "

တစ်ယောက်မျက်နှာ တစ်ယောက်ကြည်ပြုံးနေကြသော ရဝိန်နှင့် အန်တီတို့သည် ခဏကမှ စကားများခဲ့ကြသူတွေမဟုတ်ခဲ့သည်အတိုင်း ပြုံးရွှင်နေကြပေသည်။

မျက်နှာအထက်သို့ ကျရောက်လာသော နေခြည်နုနုကြောင့် ကိဝီမျက်လုံးအစုံကို ဖွင့်လိုက်သည်။ နာရီကြည်လိုက်တော့ ၇ နာရီထိုးလုနီးပြီ။ မွေ့ယာဘေးတစ်ခြမ်းတွင် ရဝိန်တစ်ယောက်မှောက်ယက်လေးအိပ်နေဆဲ။

မျက်နှာသစ်၊ သွားတိုက်ပြီးစီးသည်အထိ ရဝိန်မနိုးသေး။ ထို့ကြောင့် အောက်ထပ်သို့ဆင်းသွားလိုက်လျှင် အလုပ်သမများကို တွေ့လိုက်ရပေသည်။ ထမင်းစားခန်းထဲ ဝင်လာခဲ့လိုက်လျှင်

" နိုးပြီးလား၊ လာထိုင် "

" ဟုတ်ကဲ့ အန်တီ "

" မာမီလို့ခေါ်၊ သားစားချင်တာ ကောင်မလေးတွေကိုပြောလိုက် "

ဘေးဘက်မှာ ရပ်နေသော အလုပ်သမတစ်ယောက်ကို ထမင်းကြော်စားချင်ကြောင်း ဆိုလိုက်သည်။

" အော်...ခဏနေ ရှေ့နေရောက်လိမ့်မယ်၊ သားအဖြစ်စာချုပ်မချုပ်ခင် မာမီတစ်ခုမေးချင်တယ် "

စာချုပ်စာတမ်းဖြင့် မွေးစားမည်လို့တော့ မထင်ထားခဲ့။ ဒီအတိုင်း သားအဖြစ်အမည်ခံမိတ်ဆက်ရန်ဟုသာ တွေးထင်ထားသော်လည်း ခု၌ အတည်လုပ်ချလာပေသည်။

" နာမည်က ကိဝီနော်၊ မှတ်ပုံတင်ထဲလည်း နာ မည်အပြည့်စုံကလည်း ကိဝီပဲလား "

" ကျွန်တော်မှတ်ပုံတင်နာမည်က မိုးထက်မြင့်ပါ၊ နာမည်ကနည်းနည်း... အဟမ်း သိပ်မသုံးဖြစ်ဘူးဗျ၊ ပြီးတော့ ကျွန်တော်က ခြံအလုပ်ပဲလုပ်တော့ နာမည်သုံးစရာမလိုဘူးလေ "

လည်းပင်အားလက်ဖြင့်ပွတ်သပ်လျက် စကားဆိုနေသော ကိဝီ တစ်နည်း မိုးထက်မြင့်။ ဒေါ်ပျိုမဒီ ရှေ့မှကောင်လေးကိုကြည်ပြီး ဂရုဏာသက်မိ သည်။ စုံးစမ်းသိရသလောက်တော့ ဆွေမျိုးများများ မရှိသူ၊ ပညာရေးဆုံးခန်းမရောက်ခဲ့ရသူ

စသော အခြေနေတို့ကိုသိခဲ့ရသော်လည်း မိမိသားချစ်မှတော့ မိမိလည်း လိုက်ချစ်ပေးရန် ဆုံးဖြတ်ထားသည်။

" သားမိုးထက်မြင့် "

နာမည်အရင်းအား ခေါ်လာသူကြောင့် ကိဝီမျက်နှာချင်းဆိုင်မှ သူထံသို့ ကြည်လိုက်မိသည်။ မျက်ရည်များဝေ့တတ်လာသည်အထိ ကြည်နူးမိသည်။ အရာရာနိမ့်ကျခဲ့သော ဘဝအခြေနေကြောင့် မွေးမိခင်ပေးခဲ့သော တစ်ခုတည်းသောအမွေဟုဆိုရမည် နာမည်ကိုပင် သိပ်မသုံးဖြစ်ခဲ့။ သုံးရန်လည်း မသင့်ပါလေ။ နာမည်သည်သာ

"မိုးထက်မြင့်" ဖြစ်သော်လည်း ဘဝအခြေနေမှာ မြေကြီးထဲဝင်မတတ်ရုန်းကန်ခဲ့ရသည် မဟုတ်ပါလား။ ထို့ကြောင့်လည်း ဒေါ်လေးခေါ်ခဲ့သော

"ကိဝီ"ဟူသော အမည်ကိုသာ အသုံးပြုဖြစ်ပေသည်။

" မငိုပါနဲ့ သား၊ မာမီက အမေတစ်ယောက်လို့မချစ်ပေးနိုင်ရင်တောင်မှ အစ်မကြီးတစ်ယောက်အနေတော့ မေတ္တာပေးနိုင်မှာပါ၊ မာမီကို အားကိုးလိုက်ပါ။ သားအနောက်မှာ မာမီအမြဲတမ်းရှိနေပေးပါမယ် "

မျက်ရည်စတို့ကို အသာအယာဖယ်ရှားပေး၍ စကားဆိုနေသူကြောင့် ကိဝီ ဝမ်းနည်း၊ ဝမ်းသာ ခံစားမိပေသည်။

" မာမီ "

" ပြော သား "

တုံ့ပြန်စကားလေးကြောင့် ဒေါ်ပျိုမဒီအား ဖက်ထားလိုက်မိသည်။ မမျှော်လင့်ထားသော နာမ် စားလေးအား ပိုင်ဆိုင်ခွင့်ရခဲ့၍ ဝမ်းသာကြည်နူး

မျက်ရည်များသည်လည်း အပြေးအလွှားခုန်ထွက်လာပေ၏။

" မာမီ "