XXX Hospital

' အရမ်း​ကြောက်​နေလား ပူတူး​လေး '

' ဟင့်အင်း မ​​ကြောက်ပါဘူး။ မင်းသာငါ့အနားမှာရှိ​နေ​ပေး​နော် '

' ​မောင်က ခက်အနားမှာပဲ ​နေ​ပေးမှာပါ။ ခွဲခန်းထဲ၀င်သွားရင်လည်း ​မောင် အပြင်က​နေ​စောင့်​နေမှာမလို့ မ​ကြောက်နဲ့​နော် '

' ဟုတ် '

မနက်ဖြန်ဆိုရင် သူတို့ ၂​ယောက်ရဲ့ ရင်​သွေး​လေးက လူ့​လောကထဲကို​ရောက်လာ​တော့မယ်။ သား​လေးတုန်းကလို လမ​စေ့ပဲ ​မွေးတာမျိုးဖြစ်ခဲ့ရင် ​ခွဲစိတ်ခန်းထဲကို တန်းပြီး၀င်နိုင်ရန်အတွက် ခက် ကိုယ်၀န် ၈လကတည်းက ​ဆေးရုံတက်​စေခဲ့သည်။ ကြိုတင်ပြီးစီစဥ်ထားလို့လားမသိ။ အခု ကိုယ်၀န်က ၉လခွဲ​တောင်ရှိ​နေပြီ မ​မွေး​သေး။ ​ဆေးရုံတက်​နေရတာ ၁လခွဲရှိ​ပြီဖြစ်သည်။ စစ်က​တော့ ​ဆေးရုံနဲ့ companyကို ကူးသန်းသွားလာ​နေရတာ​ပေါ့။ မနက်ဖြန်ဆိုရင်​တော့ က​လေး​လေးကို သူတို့ မြင်ရ​တော့မယ်။

' ​မောင် '

' ဗျာ။ ပူတူး​လေး ဘာလိုချင်လို့လဲ '

' က​လေး​မွေးပြီးသွားရင် သားအိမ်ပါ တစ်ခါထဲထုတ်လိုက်မယ်​နော် '

' ခက် ပင်ပန်း​နေမှာ​ပေါ့။ ​နောက်မှ ခွဲစိတ်လည်း ရပါ​​သေးတယ် '

' ၂ခါနာမှာစိုးလို့​လေ ​နော် ​နော် '

'​ ​မောင့်ပူတူး​လေးသ​ဘောပါဗျာ။ ဒါဆို ​မောင် papaကို ဖုန်းဆက်ပြီး​ပြောလိုက်မယ်​နော် '

' အခုသွားမ​ပြောဘူးလား။ papaလည်း ​ဆေးရုံမှာရှိ​နေတာပဲ​လေ '

' အခုသွားရင် ခက်တစ်​ယောက်ထဲကျန်​နေခဲ့မှာ​ပေါ့။ ​ခဏ​နေရင် ​ပြောလိုက်မယ်​လေ ​နော်။ ' စစ် ​ပြော​နေရင်းနဲ့ ခက်ရဲ့ ​ခြေကျင်း၀တ်​လေးကို ဖိနမ်းမိသည်။ တိတိကျကျ​ပြောမယ်ဆိုရင် ခက် ခွဲစိတ်ထားတဲ့ ​ချုပ်ရိုးရာ​လေးကို​ပေါ့။

' ​မောင် ​တောင်းပန်ပါတယ် '

' ​တောင်းပန်စရာမလိုပါဘူး။ စိတ်မ​​ကောင်းစရာ​တွေ မ​တွေးချင်ဘူး ​မောင် '

' ​ဟုတ်ပါပြီဗျ။ ပူတူး​လေး အိပ်​ချင်ရင် အိပ်​တော့​လေ။ မနက်ဖြန်အတွက် အားရှိ​နေမှဖြစ်မှာ '

' အွန်း ​​မောင်က ဘယ်မှာအိပ်မှာလဲ '

'​ ​မောင်က ဆိုဖာ​ပေါ်မှာပဲ အိပ်လိုက်​တော့မယ် '

' ဒီ​ပေါ်လာအိပ် '

' ​မောင်လာအိပ်ရင် ကြပ်​နေမှာ​ပေါ့ ပူတူးရဲ့ '

' ရတယ်လို့ မကြပ်ပါဘူးဆို လာအိပ်ပါဆို '

' ​မောင့် အသဲတုံး​​လေးသ​ဘောပါဗျာ ' ခက်ရဲ့ စိတ်တိုင်းကျ သူပါ ကုတင်​ပေါ်တက်ပြီး သူ့ရဲ့ ရင်ဘတ်နဲ့ ခက်ရဲ့ ​ကျောနဲ့ထိ​စေကာ ​နောက်က​နေ သိုင်းပြီးဖက်ထားလိုက်သည်။

' ဒီလို​လေးဆို​တော့ ​မောင့်ပူတူး​လေးလည်း အိပ်ရတာ အဆင်​ပြေသွားတာ​ပေါ့ '

' ​မောင် ​ဆေးရုံက ​ခေါင်းအုံး​ကြီးက အရမ်းမာတယ် '

သူ့လက်​မောင်း​ပေါ်မှာ အိပ်ချင်လို့ နူးညံ့​ပျော့​ပျောင်း​နေတဲ့ ​ခေါင်းအုံးကို မာတယ်​ပြောပြီး ဥာဏ်များ​နေတဲ့ ခက်ပါ​လေ။

(papaသာ သူ့​ဆေးရုံက ​ခေါင်းအုံးအ​ကောင်းစားကြီးကို မာတယ်လို့​ပြောတာကြားရင် ရင်ထုမနာဖြစ်​နေ​တော့မှာပဲ။ *) စစ် စိတ်ထဲမှာပဲ​ပြောလိုက်မိကာ ခက်ကို စချင်​သေးသဖြင့်

' အရမ်းမာ​နေတာလား။ ပူတူး​လေးအိပ်ရတာအဆင်မ​ပြေဘူး​ပေါ့။ ​မောင် papaကို သွား​ပြော​ပေးမယ်​နော်။ special roomဖြစ်​နေပြီး ​ခေါင်းအုံးအမာကြီးထည့်​ပေးထားတာ ​တော်​တော်ဆိုးတာပဲ။ ​နေအုံး ​မောင် အခုချက်ချင်း ပြသနာသွားရှာ​ပေးမယ် ' စစ်က ချက်ချင်းထထွက်​သွား​တော့မယ့် ပုံစံမျိုးလုပ်​နေသဖြင့် ခက် သူ့ကိုလှမ်းဆွဲထားလိုက်ကာ

'​ ​နေ..​နေပါ​စေ​တော့။ ဒီ​ခေါင်းအုံးနဲ့ပဲ အိပ်လိုက်ပါ​တော့မယ် သွားမ​ပြောနဲ့​တော့ '

' ဟာ..ဘယ်ဖြစ်ပါ့မလဲ။ ​မောင့်ပူတူး​လေးက ​ခေါင်းအုံးအမာကြီးနဲ့အိပ်ရင် ​ခေါင်း​တွေနာ​နေမှာ​ပေါ့။ မရဘူး အခုသွား​ပြောမယ် ' သွား​ပြောမယ် တကဲကဲလုပ်​နေတဲ့ စစ်​ကြောင့် ခက် ငိုချင်လာသည်။ စစ်သာ တကယ်သွား​ပြောရင် သူ papaကို ဘယ်လိုမျက်နှာပြရ​တော့မလဲ။ တား​နေတဲ့ကြားက ဇွတ်​တွေ​ပြောမယ်​လုပ်​နေတဲ့ စစ်ကို စိတ်မရှည်စွာပဲ

'​ ​မောင့်..' ခက်ရဲ့ ဆူ​အောင့်​အောင့် ​အော်သံ​ကြောင့် စစ်ပြုံးမိပြန်သည်။

' အတတ်​ကောင်း​တွေတတ်​နေတယ်​ပေါ့​လေ။ ​မောင့်လက်​မောင်း​ပေါ် ​ခေါင်းအုံးပြီးအိပ်ချင်တယ်လို့ ​ပြောလည်းရတာပဲကို။ ဘာ​တွေ ဥာဏ်များ​​နေတာတုန်း ပူတူး​လေးရဲ့ ဟမ် '

' မင်း..မင်းသိရဲ့သားနဲ့ တမင်လုပ်တာ '

' ​ဟောဗျာ မင်း ဖြစ်သွားပြန်ပြီလား။ ခုနက​တော့ ​မောင်ဆို '

' မသိဘူး!! မင်းငါ့ကို စကားလာမ​ပြောနဲ့။ မင်းကိုငါမ​ခေါ်​တော့ဘူး '

မ​ခေါ်ဘူးဟုသာ ​ပြော​နေ​သော်လည်း စစ်ရဲ့ လက်​မောင်း​ပေါ် ​ခေါင်းအုံးထား​လေသည်။ ဒါ​ပေမယ့် ​ပြောရဲဘူး။ သူ့ဗိုက်က​လေးက စိတ်က လက်တစ်ဆစ်ရယ်။

ထို့​နောက်မှာ​တော့ ခက်ရဲ့ ဗိုက်​ဖောင်း​ဖောင်း​လေးကို ​နောက်က​နေ အသာအယာ ထိကိုင်ထားရင်းနဲ့ ၂​ယောက်သား အိပ်​ပျော်သွားကြ​လေသည်။

October 5

' ခက် သား စိတ်​အေး​အေးထား​နော်။ ဟို​ကောင် မင်းစစ်​မောင် အပြင်က​နေ အင်္ဂုလိမာလသုတ်ရွတ်​နေ။ ငါ့သား​လေး ​မွေးရဖွားရ လွယ်ကူ​အောင်လို့ ကြားလား ' ဦးစစ်​သော်ရဲ့ အ​ပြော​ကြောင့် စစ် နှာ​ခေါင်းရှုံ့မိသည်။ သူ့ကျ ဟို​ကောင်တဲ့။ မသိရင် ခက်က သားအရင်းဖြစ်ပြီး သူက​တော့ သမက်အတိုင်းပဲ။

' ဟုတ်ကဲ့ပါ papaရာ။ ခက် ​မောင် အပြင်က​နေ​စောင့်​နေမယ်​​နော်။ မ​ကြောက်နဲ့ '

' ဟုတ် ​' ခက်ရဲ့နဖူး​လေးကို တစ်ချက်နမ်းလိုက်ပြီး ခက်ကို ခွဲစိတ်ခန်းထဲ သယ်သွားတာကို ကြည့်​နေမိသည်။ အဆင်​ပြေ​လောက်မှာပါ။

ခဏကြာ​​တော့ ဦးမင်းထက်တို့ မင်းခန့်တို့​တွေပါ ​ရောက်လာကြသည်။ အခုမှ အချိန်​တွေက ကြာ​နေသလို။ ခွဲခန်းထဲ၀င်သွားတာ ကြာလှပြီ ဘာလို့ ထွက်မလာကြ​သေးတာလဲ။

' စစ် ခက်က ခွဲခန်းထဲ၀င်သွားတာကြာ​နေပြီလား ' မင်းခန့်က​မေး​တော့ စစ် အသံတုန်ချင်​နေတာကို ထိန်းပြီး

' အင်း ​တော်​တော်ကြာ​နေပြီ။ ဘာမှမဖြစ်​လောက်ပါဘူး​နော် '

' ဘာမှမဖြစ်ပါဘူး။ စိတ်​အေး​အေးထားပါ။ မင်း papaက အရမ်း​တော်တာပဲကို '

စစ်တို့​ပြောပြီး အတန်ကြာ​တော့ ခွဲခန်းတံခါးပွင့်လာပြီး ဦးစစ်​သော် ထွက်လာ​လေသည်။ စစ် ဦးစစ်​သော်ဆီ အ​ပြေးအလွှားသွားမိပြီး

'Papa...ခက် ခက်ရဲ့ အ​ခြေအ​နေ '

' ခက်ရဲ့ အ​ခြေအ​နေက ​ကောင်းပါတယ်။ အမွှာ​လေး​မွေးလိုက်ရ​တော့ သူလည်း အား​တော်​တော်ကုန်သွားတယ်။ အခုက က​လေး​ရော အ​ဖေ​ရော ကျန်းမာပါတယ် '

' အ...အမွှာ ' စစ် ထပ်​မေးမိပြန်သည်။

' ဟုတ်တယ်သားရဲ့ ။ ခက်​လေးက အမွှာ​လေး​မွေးတာ။ ၂​ယောက်လုံး ​ယောကျာ်း​လေး​တွေကြည့်ပဲဗျာ '

' မင်း..မင်းခန့် ခက်က..ခက်က အမွှာ​လေး​မွေးတယ်တဲ့။ ငါ..ငါအ​​ဖေထပ်ဖြစ်ပြီ​ပေါ့​နော်။ ငါ့ကို..ငါ့ကို မိုးနတ်မင်းက အခွင့်အ​ရေးထပ်​ပေးလိုက်တာပဲ ' စစ်​ပြော​နေရင်းနဲ့ မျက်ရည်ကျမိသည်။ သို့​သော် ထိုမျက်ရည်​တွေကို သူမသုပ်မိ။ ​ပျော်လွန်းလို့ကျတဲ့မျက်ရည်​တွေပဲ ကျပါ​စေ​လေ။

' Congratulations ကွာ စစ် '

' ​ကျေးဇူးကွာ မင်းခန့် ။ papa ကျ​နော် ကျ​နော် papaကို တကယ်​ကျေးဇူးတင်ပါတယ် '

' မလိုပါဘူးကွာ။ သားက papaရဲ့သား​လေးပဲကို။ ကဲ papa အ၀တ်အစားသွားလဲလိုက်အုံးမယ်​နော် ခက်ကို အခန်း​ရွှေ့ပြီးရင် သားတို့ သွားကြည့်လို့ရပြီ '

ဦးစစ်​သော် ​ပြောပြီး​တာနဲ့ သူ့အခန်းကို ထွက်သွား​လေသည်။ ဦးမင်းထက်ကလည်း

' ​နောက်ဆုံး​တော့ ငါလည်း အဖိုးပြန်ဖြစ်သွားပြီ​ပေါ့။ ​တော်​သေးတယ် ခက်​လေးက သားကို ပြန်ခွင့်လွှတ်​ပေးရှာလို့။ ကဲ daddyတို့လည်း ခက်ကို သွားကြည့်ရ​အောင် ' သို့နှင့် ခက်ရှိရာ အခန်းကို ​ရောက်လာကြ​လေသည်။ ခက်က​တော့ အိပ်​ပျော်​နေတုန်း။ ​ဘေးက ပုခက်​လေးထဲမှာ​တော့ သူ့ရင်​သွေး​လေး​တွေရှိ​​နေ​လေသည်။ မင်းခန့်တို့ ၄​ယောက်က ​ရောက်​ရောက်ချင်း ထိုပုခက်နားမှာသာ ရစ်သီရစ်သီနဲ့။ သူက​တော့ ခက်အိပ်​နေတဲ့ ကုတင်​ပေါ်ကို တင်ပလွှဲထိုင်လိုက်ရင်း ခက်ရဲ့ လက်​လေးကို ကိုင်ထားမိသည်။

'​ ကျေးဇူးပါခက်။ ​​မောင့်ရဲ့ရင်​သွေး​လေးကို ​မွေး​ပေးခဲ့လို့ ' သူ​ပြော​​နေတုန်းမှာပဲ သူကိုင်ထားတဲ့ ခက်ရဲ့ လက်က​လေးက လှုပ်လာပြီး မျက်လုံးပွင့်လာ​နေသည်။

'​ ​မောင် '

' ဗျာ ​မောင်ရှိတယ်​နော်။ '

' သား​လေး '

' သား​လေး​တွေလည်းရှိတယ်ခက်ရဲ့ ။ ​အမွှာ​လေး ၂​ယောက်လုံးက ​ယောကျာ်း​လေး​တွေတဲ့ '

' သား​လေးကို ကြည့်ချင်တယ် ' ခက်ရဲ့​တောင်းဆိုမှု​ကြောင့် မင်းခန့်နဲ့ စိုးစံနိုင်က တစ်​ယောက်စီချီလာခဲ့ကြပြီး ခက်နဲ့ စစ်ရဲ့ လက်ထဲကို ထည့်​ပေးကြ​လေသည်။ စစ်တို့ ၂​ယောက်ထဲ ရှိ​နေ​စေရန် အကုန်လုံးက အပြင်ကို ထွက်သွား​ပေးကြသည်။ အပြင်မထွက်ခင်မှာပဲ မင်းခန့်က

'​ စစ်​တစ်​ယောက် ၂နှစ်​လောက်နဲ့ သတိရလာတာကို ​ကျေးဇူးတင်ရမယ်။ ၂နှစ် coma ၀င်လို့ ၂မွှာပဲ​မွေးတာ။ ၅နှစ်​လောက်​ coma ၀င်​နေပြီးမှ သတိပြန်ရလာလို့က​တော့ ​​ဝေါင်း ​ဝေါင်း ​မောင်ခက်ထန်တို့ ၅မွှာပူး​မွေးပြီပဲ။ ဒါနဲ့ က​လေး​တွေကိုနာမည်​ပေးရင် မင်းတို့ ၂​ယောက်နာမည်​တွေ​ရော ပါ​အောင်လို့ ​မောင်​မောင်ထန် နဲ့ မင်းအရမ်းထန် လို့ ​ပေး​နော် '

' မင်းထွက်သွားမှာလား ငါကန်ထုတ်ရမှာလား မင်းခန့် ' စစ်က​ပြောတာ​ကြောင့်

' သွားပြီ သွားပြီလို့ ' မင်းခန့်တို့က စ သွားတာ​ကြောင့် စစ်ကပြုံး​နေ​သော်လည်း ခက်က​တော့ နားရွက်ဖျား​လေး​တွေနီရဲလို့။

' ကြည့်ပါအုံး က​လေး​လေး​တွေက လုံးကစ်​နေတာပဲ။ ချစ်စရာ​လေး​တွေ ' စစ်က​ပြော​နေတုန်းမှာပဲ က​လေး ၂​ယောက်လုံးက 'အဲ့ ' ကနဲ အသံပြုကြသဖြင့်

' ​မောင် အပြင်ထွက် '

' ဘာလို့လဲ ခက်ရဲ့ '

' က..က​လေး​တွေက ဗိုက်ဆာ​နေတာ '

သူသိသားပဲ။ သား​တွေက နို့ဆာလို့ အသံပြုတယ်ဆိုတာကို။ သို့​ပေမယ့် ခက်ရဲ့ ပါး​လေး​တွေက ရှက်စိတ်​ကြောင့် နီရဲ​နေတာမလို့ သူ စချင်​နေ​သေးသည်။

' အင်း​လေ ဗိုက်ဆာ​တော့လည်း နို့တိုက်လိုက်​ပေါ့ ပူတူး​လေးရဲ့ '

' ​မောင့် ' ခက်ရဲ့ ဆူ​အောင့်​အောင့်အသံ​လေးထွက်လာ​သော်လည်း

' ​မောင်တို့က လင်လင်​တွေ​လေ ခက်ရဲ့ ။ ဘာရှက်စရာရှိလို့လဲ '

​နောက်ဆုံး​တော့ ဘယ်​လောက်နှင်နှင် အပြင်ထွက်ဖို့ ​ပေကပ်​နေတဲ့ စစ်​ကြောင့် ခက် မျက်နှာပူပူနဲ့ပဲ စစ်ရဲ့​ရှေ့မှာ သား ၂​ယောက်ကို နို့ပိန်‌လေးကိုတိုက်လိုက်ရသည်။

ထို​နေ့မှာပဲ မင်းခန့်​ပေးခိုင်းတဲ့ နာမည်မဟုတ်​ပေမယ့် သားတို့ ၂​ယောက်ကို ​နာမည်မှတ်​ပေးခဲ့သည်က

မင်း​နေခက် နဲ့ မင်း​စေခက် ဟူ၍....

.

.

.

.

၄နှစ်ကြာပြီး​နောက်

ခက်နဲ့ စစ်တို့ ၂​ယောက်သား ငပလီကို​ရောက်​နေကြသည်။ စစ်က သွားစရာရှိတယ်ဟုဆိုတာ​ကြောင့် နီးနီးနားနားပဲထင်လို့ လိုက်လာမိတာ ငပလီ​ရောက်သည်အထိ။ အမွှာ ၂​ယောက်ကို​တော့ စစ်က သူတို့ ၂​ယောက် shoppingထွက်မှာမလို့ဟူ​သော အ​ကြောင်းပြချက်ဖြင့် ဦးမင်းထက်တို့ အိမ်မှာထားခဲ့​လေသည်။

' ခက် ​မောင့်ကို စိတ်ဆိုး​နေတုန်းလားကွာ '

' ဆိုးတာ​ပေါ့။ မင်းက ငါ့ကို ဒီနား​လေးတင်ဆိုပြီး ညာ​ခေါ်လာတာ​လေ။ ငါ့မှာ ဘာမှလဲ မပြင်ဆင်လိုက်ရပဲ မင်း​နောက်လိုက်လာရတာ။ သား​လေး​တွေကိုလည်း daddyတို့နဲ့ ထားခဲ့ရတာ။ '

' ခက်ကလည်းကွာ။ ခက်ပဲ သား​လေး​တွေကိုလွယ်ထားရတုန်းက seafoodစားချင်လို့​ပြောထားလို့ အခု​မောင်က ငပလီလိုက်ပို့တာ​လေ။ အခု ခက် စိတ်ကြိုက်စားလို့ရပြီ။ '

' ၄နှစ်​တောင်ကြာမှလား။ ငါဖြင့် မင်းကတိ​ပေးထားတာ ​မေ့​တောင်​မေ့​နေပြီ။ '

' ​မောင်က​တော့ မ​​မေ့​သေးပါဘူး။ ပြီး​တော့ ဒီခရီးက ​မောင်တို့ရဲ့ honeymoon လို့သ​ဘောထားလိုက်ကွာ ​နော်။ ဒီ ၄နှစ်အတွင်း ခက်က အမွှာ ၂​ယောက်ကိုပဲ ဂရုစိုက်​နေတာ​လေ။ ​မောင်ကို ခက်အနား မကပ်ရဘူး။ အဲ့ဒါ​ကြောင့် ခက်နဲ့လွတ်လွတ်လပ်လပ်​နေချင်လို့ အခုလိုစီစဥ်လိုက်ရတာ '

' မင်းကိုတော့ မ​ပြောချင်​တော့ဘူး။ တကယ်ပါပဲ ဥာဏ်ကိုများတယ်။ ဒီမှာအကြာကြီးမ​နေဘူး​နော် သားတို့ ​​မျှော်​နေမှာစိုးလို့ '

' ​ဟော ​တွေ့လား။ ဒီ​ရောက်​နေတာ​တောင် သားတို့ကို စိတ်ပူ​နေ​သေးတယ်။ ၄နှစ်လုံးလုံး ဟိုဟာဆိုလည်း သားတို့၊ ဒီဟာဆိုလည်း သားတို့၊ ဘယ်မှာလဲ ​မောင့်အတွက် အချိန်။ ဒီမှာရှိ​နေတုန်း​လေး​တော့ ​မောင့်ကိုပဲ အာရုံစိုက်​ပေးကွာ ​နော်။ ​မောင်တို့ ဒီမှာကြာကြာမ​နေပါဘူး '

စစ်အ​ပြော​​ကြောင့် ခက် စစ်ကိုသနားသွားသည်။ ဟုတ်တယ်။ ၄နှစ်လုံးလုံး သားတို့ကိုပဲ အာရုံစိုက်​နေတာဆို​တော့ ခက် သူ့ကို အရင်က​လောက် ဂရုမစိုက်မိ။

' သနားပါတယ် ငါ့​ယောကျာ်း။ ဒါဆိုလည်း ပြီးတာပါပဲ ​မောင့်ကိုပဲ ဂရုစိုက်ပါ့မယ် ရပြီလား '

' ရပြီ။ လာ အခု​တော့ ​ရေတူတူချိုးကြ​အောင်။ ပြီးရင် ခဏနားမယ် ည​နေ​စောင်းရင် ကမ်းစပ်မှာ ခက်စားချင်တဲ့ ကင်းမွန်​တွေသွား၀ယ်စားကြမယ် '

' ဟုတ် ' ထို့​နောက် ၂​ယောက်သား ​ရေတူတူချိုးပြီး ကမ်းစပ်ဘက်ကို ထွက်လာခဲ့ကြသည်။ ကမ်းစပ်တစ်​လျှောက် ​တွေ့သမျှ ပင်လယ်စာ​တွေကို ၀ယ်စားကြပြီး ၂​ယောက်သား လက်ချင်းတွဲကာ လမ်း​လျှောက်လာကြသည်။ လူ​တွေက သူတို့ ၂​ယောက်ကို သိသိသာသာ​ရော မသိမသာပါ ကြည့်​နေကြပြီး တီးတိုး​ပြော​နေကြ​သော်လည်း ၂​ယောက်လုံး အဖက်မလုပ်ကြ။ ပတ်၀န်းကျင်စကားကို အာရုံစိုက်မိလို့ ခက်ကို ဆုံးရှုံးရ​တော့မလို​တောင် ဖြစ်ခဲ့​သေးတယ်မဟုတ်လား။ အခု​တော့ ​ဘယ်သူ​တွေဘာ​ပြော​ပြော စစ် ဂရုမစိုက်​တော့။ သူဂရုစိုက်တာ ခက်နဲ့ သူတို့ရဲ့ သား​လေး​တွေကိုပင်။ ​နေ၀င်ဆည်းဆာကို တူတူကြည့်​နေကြရင်း ည​ရောက်​​တော့ စစ် ပိုင်တဲ့ hotelကို ပြန်​လာကြ​လေသည်။

' ခက် အခန်းထဲက​စောင့်​နေ​နော်။ ​မောင် ​ခဏ​နေရင် လိုက်လာခဲ့မယ်။ managerနဲ့ စကား​ပြောစရာရှိ​သေးလို့ '

' ဟုတ် ' စစ်ကို ထားခဲ့ပြီး ခက် အခန်းထဲကို ၀င်လာခဲ့​​သော်လည်း ​တွေ့လိုက်ရသည်က...သူ့ကို ရယ်ပြ​နေတဲ့ အမွှာ ၂​ယောက်

' မဟုတ်ပါဘူး ငါမျက်စိမှားတာ​ပဲနေမှာပါ။ မန္တ​လေးက​နေ ငပလီအထိ ဘယ်လိုလုပ်လိုက်နိုင်မှာလဲ မဖြစ်နိုင်တာကြီး ' ခက်ထင်လည်း ထင်ချင်စရာ မန္တ​လေးနဲ့ ငပလီကို ၃​ရက်​လောက်​မောင်းရသည်။ သို့​သော်လည်း...

' papa... ' သူ့ကို လှမ်း​ခေါ်​နေတဲ့ အမွှာ ၂​ယောက်​ကြောင့်

' အား !!! သရဲ !!! ' ခက် ငယ်သံပါ​​အောင် ​အော်မိသည်။ ခက်ရဲ့ ​အော်သံကိုကြား​တော့ စစ် သူ့ managerနဲ့ စကား​ပြော​​နေတာကို ရပ်လိုက်ပြီး ခက်ရှိရာကို ​ပြေးလာမိသည်။ သူအခန်းထဲ​ရောက်သွား​တော့

' ​မောင်..သ..သရဲ ' ဟုဆိုကာ သူ့အ​ပေါ် ခွတက်​နေ​သောခက်နဲ့ သူတို့ ၂​ယောက်ကို မျက်နှာငယ်​လေးနဲ့ လှမ်းကြည့်​နေကြတဲ့ အမွှာ ၂​ယောက် ။

' သားတို့က ဘယ်လိုလုပ်... '

' ငါတို့​ခေါ်လာတာ ​ဟေး​ဟေး ' စစ်ရဲ့ စကား​တောင် မဆုံး​သေး ​နောက်က ဖြတ်​ပြောလိုက်တဲ့ မင်းခန့်​ကြောင့် စစ် ​နောက်ကိုလှည့်ကြည့်လိုက်​တော့ သူတို့ကို ရယ်ချင်ပတ်ကျိမျက်နှာနဲ့ ကြည့်​နေကြတဲ့ မင်းခန့်၊ အစိုး၊ ဂနိုင်၊ သက်နွယ်။

' ခက်ရာ ​အောက်​လေးဘာ​လေး ဆင်းပါအုံး။ ဘယ့်နှယ် ကိုယ်​မွေးထားတဲ့သားကို သရဲထင်ပြီး​ကြောက်ရတယ်လို့ အဟစ် ' မင်းခန့်​အ​ပြော​ကြောင့်

' မင်း..မင်းတို့က ဘယ်လိုလုပ် '

' ငါတို့ အန်ကယ်တို့ဆီသွား​တော့ စစ်က မင်းကို shoppingထွက်မယ်ဆိုပြီး​ခေါ်သွားတယ်တဲ့။ အမွှာ​လေး​တွေကို​တော့ သူတို့ကိုထိန်းခိုင်းထားတယ်လို့​ပြောကြတယ်​လေ။ ခါတိုင်းဆို မင်းတို့ ဘယ်သွားသွား အမွှာ​တွေကို​ခေါ်သွားကြ​တော့ ငါတို့က မသင်္ကာဖြစ်​နေကြတာ။ အဲ့​နေ့တစ်​နေ့လုံး စစ်က companyကို မလာဘူးလို့ အစိုးက​ပြော​တော့ ငါတို့လည်း စုံစမ်းကြည့်လိုက်တာ။ ဒီ​လောက်က​တော့ မခက်ခဲပါဘူး။ သိသိချင်း မင်းတို့ သွားပြီး​နောက်တစ်ရက်​နေ​တော့ အမွှာ​လေး​တွေကိုပါ​ခေါ်ပြီး လိုက်လာခဲ့တာ ​စော​စောကမှ​ရောက်တာပဲ။ မင်းတို့ hotelထဲ၀င်လာတာ​တွေ့လို့ က​လေး​တွေကို မင်းတို့အခန်းထဲ ၀င်​နေခိုင်းလိုက်တာ။ ​ပြောရမယ်ဆိုရင်​တော့ အဖျက်လာလုပ်တာ​ပေါ့​ အ​ဟေး​ဟေး '

' လူယုတ်မာ​တွေ ' စစ်က​ပြော​တော့

' ဘာလူယုတ်မာလဲ။ မင်းတို့ကမှ က​လေး​တွေကိုထားခဲ့ပြီး ​ပျော်ပါး​ချင်တဲ့သူနဲ့ ကိုယ်​မွေးထားတဲ့က​လေးကို သရဲထင်ပြီး​ကြောက်တဲ့သူနဲ့ '

မင်းခန့်​ပြောတာမှန်​နေသဖြင့် သူတို့လည်း ဘာမှမ​ပြော​တော့​ပေ။ မင်းခန့်တို့ ထွက်သွားကြ​တော့ ခက်လည်း အမွှာလေးကို သူ့နား​ခေါ်လိုက်ပြီး

' papaက သားတို့ကို ရုတ်တရက်မြင်လိုက်လို့ လန့်သွားတာပါသားတို့ရယ်။ အခုမလန့်​တော့ဘူး ​နော် '

' papa ​ဦးဦးမင်းခန့်​ပြောတာ ဒီ​နေရာက ​ပျော်ဖို့​ကောင်းတယ်တဲ့။ သားတို့​မွေး​နေ့ကျရင် ဒီကိုလာအုံးမှာလားဟင် '

အငယ်​လေး ​မင်း​စေခက် က​မေး​လေသည်။

' papa သားက ဒီကိုမလာချင်ဘူး။ ဦး​တော်ကိုပဲသွားချင်တယ် အရင်တုန်းက သားသား​မွေး​​နေ့မှာ လှူသလိုမျိုး​လေ ' အကြီး​လေး မင်း​နေခက်က ၀င်​ပြော​တော့ ခက် မျက်လုံးပြူးသွားသည်။ သား​လေး​တွေ ​မွေးပါပြီဆိုကတည်းက သားတို့​မွေး​နေ့​တွေကို ဘိုးဘွားရိပ်သာတို့၊ မိဘမဲ့​ဂဟာတို့မှာသာ အလှူလုပ်ခဲ့သည်။ အခု သားကြီးက ဘုန်း​တော်ကြီး​ကျောင်းမှာလှူချင်တယ်ဆို​တော့ ဧကန္တ သားကြီးက...

ခက် အလန့်တကြားနဲ့ စစ်ကိုကြည့်မိ​တော့ စစ်လည်း အံ့သြ​နေပြီး ခက်ကိုပြန်ကြည့်​နေသည်။

'Papaလို့ ' သားကြီးရဲ့အသံကြားမှ ခက်တို့ ၂​ယောက်လုံးသတိ၀င်လာပြီး

' ​အော် အင်း လုပ်​ပေးမှာ​ပေါ့သားရဲ့။ သားစိတ်တိုင်းကျလုပ်​ပေးမယ်​နော် '

' သားသားက ကယ်ကယ်နဲ့ မသွားဘူး​နော် '

' အင်း..အင်းပါ သားသ​ဘောပါ။ papaတို့ ဆိုင်ကယ်နဲ့မသွားပဲ ကားနဲ့ပဲသွားမယ်​နော် အခု​တော့ သားတို့လည်း ခရီးပန်းလာတာဆို​တော့ အိပ်ကြရ​အောင်​လေ '

'''' ဟုတ်ကဲ့ papa '''' ပြိုင်တူ​ပြောလိုက်ကြပြီး ခက်နဲ့ စစ်ရဲ့ အလယ်မှာ ​နေရာ၀င်ယူကြသည်။ ညစာငတ်သွား​​သော မင်းစစ်​မောင်က​တော့ မျက်နှာကြီးရှုံ့မဲ့​နေလို့​ပေါ့။

ခက်တစ်​ယောက် နိုးလာ​တော့ ဟိုသားအဖ ၃​ယောက်က မနိုး​သေး​ပေ။ သားတို့​ရောက်လာပြီဆို​တော့ ခက်လည်း မ​နေ့ကလိုမျိုး အစပ်​တွေကို က​လေး​တွေ​ရှေ့စားပြလို့မရ​တော့​ပေ။ ​တော်ကြာ သူတို့ပါလိုက်စားမှ ဗိုက်​တွေ​အောင့်ကုန်​နေအုံးမယ်။ ထို့ကြောင့် က​လေး​တွေမနိုးခင်စားထားရ​အောင် အပြင်ကိုထွက်လာခဲ့လိုက်သည်။

မနက် ၁၀နာရီရှိပြီမလို့ ကမ်း​ခြေမှာ လူစည်ကား​နေပြီ။ ခက်လည်း မ​နေ့ကသူတို့၀ယ်ခဲ့တဲ့ဆိုင်ကို သွားလိုက်ပြီး အကင်​တွေ​ရွေး​နေလိုက်သည်။ သူကြိုက်တဲ့အကင်​တွေ​တွေ့​တော့ လက်လှမ်းလိုက်စဥ် တခြားတစ်​ယောက်ရဲ့လက်ကလည်း ထိုအကင်​ပေါ်မှာသာ။ လက်စုံ​နေသဖြင့် လှည့်ကြည့်မိ​တော့ သူ့ကိုရှက်ကိုးရှက်ကန်းနဲ့ ကြည့်​နေတဲ့ ​ဆယ်​ကျော်သက်​ကောင်မ​လေးတစ်​ယောက်။ သူ့​နောက်မှာ​တော့ ​နောက်ထပ်​ကောင်​မ​လေး​တွေ ၃​ယောက်​လောက်ရှိ​နေ​သေးသည်။ ၄​ယောက်စလုံး ခက်ကိုပဲစိုက်ကြည့်​နေကြသဖြင့် ခက် အ​နေရခက်စွာ ​ချောင်းဟန့်လိုက်ရင်း

'အဟမ်း ဒီက ယူမှာဆိုရင် ယူလိုက်​လေ။ ကျ​နော်တခြားအကင်ယူလိုက်မယ် '

' အာ...ရပါတယ် ​မောင်​လေးရယ်။ ​မောင်​လေးပဲယူလိုက်ပါ။ မမက ​နောက်မှလာတာပဲ ​မောင်​လေးကို ဦးစား​ပေးပါတယ် '

' မဟုတ်တာပဲ ယူလိုက်ပါ။ မိန်းက​လေးဆို​တော့ ဦးစား​ပေးရမှာ​ပေါ့ '

သို့နှင့် သူယူ ကိုယ်ယူ ဖြစ်​နေကြတုန်း

' အမွှာ​လေးတို့အ​ဖေ!!! ' ​ခေါ်သံကြားသဖြင့် ခက် ​နောက်ကိုလှည့်ကြည့်မိ​တော့ စစ်။ စစ်က သူတို့ဆီ​လျှောက်လာရင်း ဟိုမိန်းက​လေးတစ်သိုက်ကို မျက်​မှောင်ကြုတ်ကြည့်လိုက်ကာ ခက်ဘက်ကိုလှည့်လာ​တော့ ပြုံးပြလိုက်ပြီး

' ​မောင်နိုးနိုးချင်း ပူတူးကိုမ​​တွေ့လို့ လိုက်ရှာ​နေတာ။ အမွှာ​လေး​တွေကလည်း သူတို့ papaကိုမ​တွေ့လို့ ငို​နေကြတယ် '

' သားတို့က နိုး​နေကြပြီလား။ ဘယ်သူနဲ့ထားခဲ့တာလဲ '

' မင်းခန့်တို့ကို ခဏထိန်းခိုင်းထားပြီး ​မောင်က ပူတူး​လေးကိုလာရှာတာ။ ထင်တဲ့အတိုင်း ​မောင့်ပူတူး​လေးက ဒီကို​ရောက်​နေတာပဲ ' ​မောင်နှင့် ပူတူးချင်းထပ်​နေ​သော စစ်​ကြောင့် စစ်သူ့ကို သ၀န်တို​နေပြီဆိုတာ သိလိုက်သည်။ စစ်ကလည်း ခက်လို့ မ​ခေါ်ပဲနဲ့ ပူတူးလို့သာ​ခေါ်​လေသည်။ ဟိုမိန်းက​လေး​တွေကို ခက်ရဲ့ နာမည် တစ်လုံးတစ်​လေ​တောင် မသိ​​စေချင်ပါ။

' ​ဒီကညီမတို့က အကင်ယူမှာဆို ယူလိုက်​တော့​လေ။ ပူတူးက​တော့ မစားရ​တော့ဘူး​နော်။ လာ ​မောင်တို့ပြန်ရ​အောင် ' ဟုဆိုကာ ခက်ရဲ့လက်ကိုဆွဲပြီးထွက်မည်အပြု

' ခ..ခဏ​လေးပါ။ အကိုတို့က '

' အကိုတို့က လက်ထပ်ထားတာ ၁၀နှစ်​​​ကျော်ကြာပြီဗျ။ က​လေး ၂​ယောက်လဲ​မွေးထား​သေးတယ်။ ပူတူး​လေးကိုယ်တိုင်လွယ်ပြီး​မွေးထားတာ​လေ။ ပြီး​တော့ အကို့​ယောကျာ်းရဲ့ အသက်က ၃၀​ကျော်​နေပြီဗျ။ ​မောင်​လေးမဟုတ်ဘူး။ ဒါဆို အကိုတို့ကိုခွင့်ပြုပါအုံး သား​လေးတို့​စောင့်​နေမှာစိုးလို့ ' ဟုဆိုကာ ထွက်လာခဲ့ကြသည်။ ကျန်ခဲ့တဲ့ မိန်းက​လေးတစ်သိုက်မှာ​တော့

' ဟဲ့ ငါက အခု ရှသွားတာလား။ အိုက်ယား မန္တ​လေးမှာရှတာနဲ့တင်မ​လောက်လို့ ငပလီထိလာပြီး ဖန်သားနန်း​တော်​ဆောက်​နေမိတာပဲ။ အခု​တော့ ဖန်သားနန်း​တော်​ပေါ်က​နေပြီး ​နေ၀င်တာကို ထိုင်ကြည့်​နေ​ရတော့မယ် ပူးဝါး မိုင် လိုက်ဖ် ' ဟုဆိုကာ ​ပြော​နေ​သော က​လေးမ​လေးကို ကျန်တဲ့သူငယ်ချင်း​တွေက နှစ်သိမ့်​ပေး​နေကြ​လေသည်။

ည​နေ​ရောက်​တော့ သားတို့နဲ့ အတူ ​ရေသူမရုပ်ထုရှိရာကို ထွက်လာကြ​လေသည်။ မင်းခန့်တို့ ၂တွဲက အမွှာ​လေး​တွေကို တစ်​ယောက်စီထိန်း​ပေးကြ​တော့ စစ်က သူ့ပူတူး​လေးကိုပဲ ထိန်းစရာရှိသည်။ မနက်က ကိစ္စကို အခုထိ အခဲမ​ကျေနိုင်​သေး။ သူ့ပူ​တူး​လေးကလဲ တစ်သား​မွေးတစ်​သွေးလှ​နေတာက ခက်သည်။ အသက် ၃၃နှစ်လို့ မထင်ရ​လောက်​အောင်ပင် နုပျို​နေ​သော ခက်ကို သူစိတ်မချတာ လွန်သည်ဟုမဆိုနိုင်။ မနက်ကလည်းကြည့်ပါလား သူ့ပူတူး​လေးကို သွားရည်တမြားမြားနဲ့ ၀ိုင်းကြည့်​နေကြတာ။ ​တွေး​လေ ခက်ကို စိတ်မချတာက ပိုလာ​လေ​လေမလို့ သူ့​ရှေ့မှာ မတ်တပ်ရပ်ပြီး သား​လေးတို့ကို ကြည့်​နေတဲ့ခက်ကို တင်းတင်းကြပ်ကြပ်​ပွေ့ဖက်ထားမိပြန်သည်။ ခက်တစ်​ယောက် သူ့ကို အတင်းအကြပ်ဖက်ထားတဲ့ စစ်​ကြောင့် စစ်သူ့ကိုစိတ်မချဖြစ်​နေတာကို ရိပ်မိသွားသည်။ ​ပေါင်းသင်းလာတာ ၁၀နှစ်​​ကျော်နေပြီ။ စစ်ရဲ့ အပြုအမူက​နေပြီး စစ်ဘာဖြစ်​နေလဲဆိုတာ သူသိ​နေပြီ​လေ။ ထို့​ကြောင့်

' စိတ်မချမဖြစ်ပါနဲ့။ ​မောင့်တစ်​ယောက်ထဲကိုပဲ ချစ်တာ​လေ မယုံဘူးလား '

' ခက်ကိုယုံပါတယ်။ တခြားလူ​တွေကို မယုံတာ '

' ​မောင်ရာ...ဒါဆို ဟိုးက ပင်လယ်ပြာကြီးကိုကြည့်ပြီး စိတ်ညစ်​နေတာ​တွေ ​ဖြေ​ဖျောက်လိုက်။ '

' ခက်..'

' ဟင် '

' အရမ်းချစ်တယ်။ ပြီး​တော့ ​ကျေးဇူးတင်ပါတယ်။ ​​မောင့်ကို ခွင့်လွှတ်ပြီး အစက​နေပြန်စခွင့်​ပေးခဲ့လို့။ ​မောင်တို့ရဲ့ ရင်​သွေး​လေးကို ​မွေး​ပေးခဲ့လို့။ ​မောင့်ကို မိသားစုဘ၀​လေး​ပေးခဲ့လို့ '

' ​ကျေးဇူးတင်ပါတယ်​ ​မောင်။ ​နောင်တရပြီး ငါ့ကို ​တောင်းပန်​ပေးခဲ့လို့ ။ ငါ့ဆီကို ပြန်လာခဲ့လို့။ ပြီး​တော့ အရမ်းလည်း ချစ်တယ် ' ၂​ယောက်သား တစ်​ယောက်နဲ့တစ်​ယောက် မြတ်နိုးစွာကြည့်​နေကြတုန်း

''''' papa!! daddy !!''''' ဟုပြိုင်တူ​ခေါ်ကာ သူတို့ကို​လက်ရမ်းပြ​နေကြတဲ့ အမွှာ​လေး​တွေကို ပြုံးပြီးကြည့်​နေကြ​လေသည်။

ချစ်လွန်းလို့ ​အပြစ်မမြင်နိုင်ခဲ့တဲ့​ကောင်​လေးနဲ့ အချစ်ကြီးလို့ အမျက်ကြီးခဲ့တဲ့ ​ကောင်​လေးတို့ ၂​ယောက်ရဲ့ ဘ၀က

မုန်တိုင်း​တွေလည်း ထန်ခဲ့ပြီ....

​လေပြင်း​တွေလည်းတိုက်ခဲ့ပြီ....

လှိုင်း​လုံးကြီးတွေလည်း ရိုက်ခတ်ခဲ့ပြီ....

အခု​တော့ သက်တန့်​ရောင်​ကောင်းကင်ကြီးရဲ့​အောက်မှာ... ​​

တိုက်ခတ်လာတဲ့ ​လေ​ပြေ​လေညှင်း​လေးကို ရှူရှိုက်ရင်း...

အဆုံးမရှိ ကျယ်​ပြောလှတဲ့ ပင်လယ်ပြာကြီးရဲ့ အလှအပကိုခံစားရင်း....

တစ်​ယောက်ကို တစ်​ယောက် အသက်ထက်ဆုံး ​ပေါင်းသင်း​နေထိုင်သွားပါ့မယ်လို့ ကတိပြုလိုက်ကြ​လေသည်။

'''' ​နောင်ဘ၀​တွေအထိ​ပေါ့ ''''

'​ နောက်တစ်ကြိမ်ပြန်စခွင့်​ပေးလို့ ​ကျေးဇူးတင်ပါတယ် ​မောင့်သက်လှယ် '

💚💚💚 THE END 💚💚💚

အမွှာထဲက အကြီး​​လေး

အမွှာထဲက အငယ်​လေး