Find the key of hearts.

***

"Bella naman, hindi ba pwedeng sa susunod na lang?" Nanlulumong tanong ko sa kaniya, habang patuloy pa din akong umaasa na sasabihin niyang pumapayag siya.

"Hindi Ayisha, matrtraining na tayo ngayon." Madiing banggit niya. Mabilis akong napasimagot dahil doon. Muka kasing hindi na magbabago ang nais niya. Ano pa bang magagawa ko?

"Hmp, ang daya. Matitiis mo iyang asawa mo ha?" Pangungulit ko pa, baka sakali na kapag si Kyle ang usapan ay papayagan na niya ako.

"Ayisha naman, bilis na para matapos na ang mga training mo." Pagpupumilit niya. Napa-bagsak naman ang balikat ko dahil doon.

Kainis naman si Bella, halos sampung araw na ang nakakaraan matapos silang ikasal ng asawa niya at hindi pa rin pinapa tawag si Vien at Kyle. Ang usapan kasi kapag pinatawag si Vien at Kyle dun lang nila sasabihin na kasal na sila.

Sa school naman iniiwasan ni Kyle at Bella na makita ang singsing nila. Iyon kasi ang simbolo na kasal na sila. Walang kaalam alam ang mga teacher doon at iba sa nangyari.

Bumalik din ako sa school matapos ang mga training ko. Kapangyarihan na lamang ng liwanag ang hindi ko pa kabisado, at ngayon nga pinipilit ako ni Bella na mag-simula na, ngunit ayoko pa at mas gugustuhin ko pang pumasok, dahil nakakapagod talaga mag-training.

Matapos ang pag-uusap namin ni Bella, wala akong nagawa kung hindi ang sumama sa kaniya para sa training.

Unang tinuro niya ay kung pano pailawin ang mga bagay bagay. Katulad ng inaasahan, nagkakamali pa din ako. Mapapailaw ko nga pagkatapos biglang mamatay tapos ilaw ulit. Patay-sindi ang nangyayari. Niloloko nga ako ni Bella, christmas lights na daw ang ginagawa ko. Hmp! Magaling na kasi siya.

Matagal bago ko nakuha kung paano talaga gawin iyon. Kapag hindi malabo yung ilaw sobrang tingkad naman. Kapag naman nagiging okay na, bigla mawawala. Naiisip ko nga, niloloko nga ata ako ng light charm. Nag-try pa din ako ng nag-try pero nahihirapan talaga ako. Nagtataka na nga ako sa sarili ko dahil pagdating naman sa ibang charm mabilis ko naman natutunan. Baka ayaw lang talaga ng light charm sa akin.

Nagconcentrate ako ng mas maigi kaysa kanina. Seryoso na talaga. Walang halong biro. Inayos ko yung ginagawa ko. Last na ito. Light na lang ang kailangan ko para makumpleto ko na ang training ng limang elemental charm.

Iyong fire nga pala hindi pa tapos, hindi ko pa makakalaban yung fire dragon. Pero, maayos ko nanaman nagagamit ang fire, kaya baka okay na iyon.

Pinagpatuloy ko na ulit ang pag-co-comcentrate, mabuti na lamang at nagawa ko na iyon ng maayos. Mamaya kasi magalit sa akin si Bella.

Nasa Enchanted forest kami ni Bella, dito sa Enchanted land. Tsaka, imbis na maliwanag kung nasaan kami. Nasa isang sobrang madilim na parte kami, akala mo gabi. Pagkatapos mayroon sa isang tabi na kweba. Subalit, kahit madilim maganda siya, kitang kita mo yung liwanag mula sa mga matitingkad na kulay sa mga puno. Ang langit naman kung makikita mo may mga bituin na at buwan, kahit umaga pa naman talaga.

"Think of a color and put it in the light." Nakangiting sabi niya. Plain white color pa lamang kasi ang nagagawa kong pailawin.

Sinunod ko naman siya. Gusto ko color blue! Nagconcentrate ako doon sa isang white light, unti unti parang may blue dot dun tapos kakainin noong color blue iyong color white kaya nagiging blue siya. Napatingin ako doon sa ibang ilaw na ginawa ko. Naging color blue din silang lahat. Palpak nanaman. Isang blue lang gusto ko.

Tiningnan ko naman iyong isa. Color pink ang nasa isip ko. Tiningnan ko at nagconcentrate ako dun. Unti unti naging pink siya, pero nawala naman iyong blue na nagawa ko. Aish.

"Huwag mo ikalat iyong light power, sa isa mo lanh ibahagi iyon, kontrolin mo." Sabi ulit ni Bella. Tumango ako sa kaniya. Sinunod ko iyong sinabi niya.

Matapos iyon nagawa ko na siya ng maayos. May iba't-ibang kulay na akong nagawa. Salamat naman at umaayos na sa kagustuhan ko iyong charm. Ang hirap kasi.

Maya maya may napansin akong parang maliit na insekto doon sa ilaw na ginawa ko, at bigla na lamang itong namatay. Kaya't nagulat ako.

"I think nalagayan mo ng defensive style iyong ilaw kaya namatay siya. Ginagamit iyong ilaw na iyon na may lason kapag nakikipaglaban ka, pero meron din naman na ilaw na pwede mong gawin--- like for designs." Paliwanag niya kaya't napatango ako ng marahan.

"Paano mawawala iyong lason?" Tanong ko.

"Concentrate, don't you think any threats. Just for fun." Nakangiting tungon ni Bella. Kaya naman sinunod ko iyong payo niya. Noong magawa ko din naman iyon kinalaunan.

"Light is the most powerful among the five." Biglang sabi ni Bella, na ipinagtaka ko, kaya't nagtanong ako sa kaniya. "Bakit?"

"Light. Pinakamakapangyarihan sa limang elemento. Malaki kasi ang threat ng charm ko sa mga dark sorcerers, kaya naman halos paubos na ang mga light charmer. Konting ilaw lang na matitigan nila mula sa charm namin maari na nilang ikamatay, subalit may isang clan ang dark sorcerer na kayang tapatan ang light power at iyon ay ang mga evil ebony. Sila ang kabilang sa clan ng dark coven mayroon silang taglay na raven power. Ang raven power ay ang darkest form of light. Natatapan nito ang light power at natatalo nito ang mga light charmers." Paliwanag niya.

"Dark coven? Evil ebony? Raven Power?" Sunod sunod na tanong ko.

"Dark Coven ay clan ng mga dark sorcerer na sobrang makakapangyarihan kabilang dyan ang hari at reyna nila, pati na din mga goddesses at gods." Paliwanag niya kaya naman napatango ako. Clan pala iyon.

"Ang evil ebony naman ay ang makapangyarihan sorcerer nila. Kumbaga kung mayroon tayong charm five na nag-kokontrol ng mga pinakamatataas na lebel sa mga elemental charms. Sila naman ay may counterpart na evil ebony. Kayang-kaya nilang tapatan ang elemental powers lalong lalo na ang light power. Isa sila sa pinakamahirap talunin. Ang members ng evil ebony ay mga estudyante din na tinulungan din ng mga dark gods at goddesses nila." Parang kami pala ang mga evil ebony. Tumango ulit ako kay Bella para ipatuloy niya ang ipinapaliwanag niya

"Ang raven power naman ay ang pinakamakapangyarihang charm ng dark sorcerer, kaya nitong mag hatid ng kamatayan sa isang iglap. Kapag inisip ng taong may kapangyarihan noon na mamatay ka, tumingin ka lang sa kanya patay ka na. Not a simple death but a painful one, once na mapasailalim ka ng kapangyarihang iyon kontrolado ka nila. Mamatay ka o gagamitin ka nila. Marami ng napinsala ang kapangyarihang iyon. Kaya dapat kapag lalaban ka sa kanila don't look directly into their eyes, hindi mo alam kung sinong nagtataglay ng raven power sa kanila." Nalinawan agad ako sa sinasabi ni Bella.

Medyo natakot din ako sa mga nalaman ko, dahil ganoon pala kahirap talunin ang mga dark sorcerers lalo na kung walang teamwork na mangyayari dito sa charm world.

"Huwag kang mag-alala biglang elemental guardian, ikaw ang pinaka makapangyarihan sa aming lahat. Kaya sana, kapag nagkaroon ulit ng digmaan, kabisado mo na lahat ng kapangyarihan para naman hindi na maulit iyong mga nangyaring digmaan dati na napakaraming nag-buwis ng buhay." Bigla tuloy akong ginanahan dahil sa sinabi ni Bella. Malaking obligasyon pala ang nakapatong sa balikat ko, kaya kahit anong mangyari kailangan kong magampanan ito ng maayos.

"Balik na tayo sa training, gumawa tayo ng sword."

"Sword?" Tanong ko, kasi wala namang pag-gawa ng sword sa ibang elemental power, tanging blades, balls, shuriken at madami pang iba, lang ang mayroon.

"Yes. I told you, it's the most powerful power among all." Namangha na lang ako sa mga nalalaman ko. Sobrang makapangyarihan din siguro si Bella. Ang hirap siguro niyang kalabanin.

"Bella may itatanong ako. Bakit hindi mo natalo si Louie sa level noon sa school?" Biglang tanong ko. Napatawa naman siya dahil doon.

"Sa panlaban gamit ang light power lalong lalo na ang kapangyarihan nito, hindi sa demo." Natatawang tugon niya.

"Eh?"

"Oo nga kulit e. Mas makapangyarihan ang Light kesa Fire, magaling Lang talaga yung Louie mo, train na train na kumbaga." Agad ko namang hinampas ng mahina si Bella sa braso noong sabihin niya iyon. Nako, huwag na huwag niya lang mabanggit sa harap ni Louie iyan, talagang lalaki ang ulo noon.

Tinuruan ako ni Bella na gumawa noon. Nagawa ko naman ito ng maayos. Pati na ang iba pang mga puwedeng gamitin para sa labanan sinabi niya sa akin. Ginanahan ako mula sa lahat ng nalaman ko kaya parang naging madali lamang sa akin ang lahat.

Nagpahinga muna kami ni Bella bago po nagpatuloy ang pagtrtraining.

Matapos naming magpahinga ng konti ni Bella. Pumasok kami sa loob noong kweba. Malaki naman doon sa loob. Pinaliwanag din ni Bella ang paligid kaya naman hindi na nakakatakot ang itsura nito.

"Next. Light shield." Wika ni Bella. Itong shield naman na ito ay iyong shield na makakapagprotekta sa madaming tao. Iyong ginamit noon ni Bella noong napatumba ko iyong mga parang robot na gumagawa ng shield.

Medyo mahirap siyang gawin noong una pero naging okay din naman. Nagawa ko siya ng maayos.

"Iyan na lang muna sa ngayon. Bumalik na tayo." Agad akong sumang-ayon sa sinabi niya dahil medyo pagod na din ako, sa dami niyang itinuro sa akin.

Paalis na sana kami, pero bigla na lamang akong naliho sa hindi malamang dahilan. Umiikot ang paligid ko, kaya't unti-unti bumagsak ako sa lupa at nawalan ng malay.

***

Minulat ko iyong mga mata ko unti unting nagkaroon ng liwanag. Napakagandang liwanag na nagmumula sa light goddess.

Ngumiti ito sa akin, nasa isang parang hanging garden kami. Ngumiti ako sa kaniya dinala niya ko sa may isang parang pabilog na gazebo umupo kami doon, hindi pa rin ito nagsasalita. Ako naman nagtataka sa mga nangyayari. Anong ginagawa ko dito?

Hinawakan niya iyong kamay ko. "Ayisha Ryleen Heartlock." Wika nito, hindi ko alam pero kinabahan ako ng todo dahil doon.

"Bakit po ako andito?" Tanong ko, kahit medyo nahihirapan ako dahil sa pagka-ilang at kaba. Para kasing may mali.

"Masaya ako na malapit mo ng matapos ang limang elemento, mahabang panahon na din ang nagdaan sa pamamalagi mo dito sa Charm World. Kamusta ang iyong paninirahan dito?" Malumanay na tanong nito, kahit papaano sa tanong na iyon, nawala iyong nararamdaman ko kanina.

"Maayos naman po." Magalang na sagot ko dito.

"Mabuti naman kung ganoon. May kailangan akong pinagawa sayo, pagkatapos mong maging official light charmer, kailangan mahanap nyo ang key of hearts." Direct to the point na sabi nito.

Key of hearts?

"Ano pong itsura nun?" Pag-uusisa ko. Baka mamaya nakita ko na pala iyon.

"Isang susi na may nakalagay na dyamante na kulay puti at hugis puso." Napahawak naman ako sa dibdib ko iyong kwintas ni mama. Ganoong ganoom ang itsura noon. Bumalik ulit ang kaba ko dahil doon.

"Kapag nahanap mo na, dalhin mo ito sa library ng school iyong glass display doon na maylamang libro at iba pang mga susi, kunin mo iyong libro at ilagay doon ang key of hearts kasama ang ibang mga susi at mabubuksan iyon." Paliwanag niya.

"Ah?--"

"Marahil nagtataka kung bakit. Sa librong iyon nandoon ang mga propisiya. Kailangan na natin iyon, nararamdaman ko na ang lumalakas na enerhiya ng kalaban. Sana'y magawa mo ng maayos." Mahinanong wika nito, pagkatapos ay parang unti-unting nag-lalaho ang mga nasa paligid.

"Mag ingat ka lalong lalo na sa kakambal ko, ang goddess of darkness. Sana magtagumpay ka." Magsasalita pa sana ako at ipapakita ko pa sana iyong kwintas na nasa akin, pero nawala na lang lahat bigla.

***

Nagmulat ako muka ni Bella ang nakita ko. Hindi lamang iyon, pati na din muka ni Kyle, Louie, Charlene at Vien. Agad akong napa-upo dahil doon.

"Ryleen!"

"Ayisha!"

"Anong nangyari?" Tanong ko.

"Nahimatay ka kanina tapos, humingi ako ng tulong kay Kyle na dalhin ka dito pabalik sa bahay dahil hindi kita kaya." Saad ni Bella. Napatango na lang ako, at pilit na inalala ang mga nangyari kanina.

"Anong nangyari sa'yo? Bakit ka nahimatay?" Biglang tanong ni Louie pagkatapos ay tinabihan niya ako. Muka siyang nag-aalala sa akin.

"Hindi ko----" Hindi ko na natapos ang sasabihin ko noong parang kumirot ang ulo ko pagkatapos ay biglang may nag-flashback sa akin.

"Kapag nahanap mo na, dalhin mo ito sa library ng school iyong glass display doon na may lamang libro at iba pang mga susi, kunin mo iyong libro at ilagay doon ang key of hearts kasama ang ibang mga susi at mabubuksan iyon."

"Key of hearts." Bigla ko na lamang itong nabanggit.

"Bakit? Anong mayroon sa key of hearts?" Tanong ni Kyle. Kinapa ko iyong kwintas sa dibdib ko, makahinga ako ng maluwag noong andoon pa iyon.

"Kailangan nating hanapin iyon. Sinabi ng light goddess." Pahayag ko, kaya't parang natigilan sila.

"San naman natin hahanapin iyon?" Tanong ni Charlene.

"Oo nga. Sa pagkakaalam ko matagal ng nawawala iyon. Nawala iyon nong nakaraang digmaan dito sa charm world. Halos nineteen o twenty years na nawawala iyon." Wika ni Vien

"Sa tingin ko hindi na kailangan hanapin iyon." Unti unti ko nilabas yung kwintas na bigay ng mama ko.

Nagulat silang lahat noong makita ito. "Puwedeng hawakan, Ayisha?" Biglang tanong ni Bella, noong makabawi sa pagkakabigla.

Tumango naman ako, at tinanggal iyong kwintas at inabot sa kaniya. Noong hawakan niya iyon, iyong simpleng white diamond na heart shape naging yellow. "Ito nga!" Masayang bigkas ni Bella.

Inabot niya kay kyle iyon pagkatapos naging blue naman. Ngumiti lang si Kyle dahil sa nasaksihan niya. Noong inabot iyon kay Louie umilaw iyon ng red. At noong sa akin inabot naging green, blue, red, white that glows, at yellow. Siguro dahil taglay ko ang limang elemento kaya ganoon.

"Iyan nga ang key of hearts! Panong na sa'yo iyan?" Charlene queried.

"Ewan ko. Binigay ito nang mama ko. I mean iyong mama ko na umampon sa akin." Paliwanag ko.

"Anong pangalan ng mama mo?" Pagtatakhang tanong ni Vien.

"Arisa Heartlock." Mahinang banggit ko.

"Wala naman akong kilalang Arisa Heartlock, nakapagtataka paano na punta sa isang mortal iyan?" Nalilitong tanong ni Bella.

"Hindi ko din alam." Pag-sasabi ko ng totoo.

"Basta ang mahalaga nasa atin ang key of hearts, at hindi napunta iyan sa dark sorcerer." Kyle stated.

Tumango na lang ako sa kaniya. "Puwede akin muna ito? Iyan na lang kasi ang alaala ko kay Mama." Nakatungong wika ko. Naramdaman ko na lang kamay ni Bella sa balikat ko.

"Oo naman. Ikaw ang mangalaga dyan." Pagkatapos sabihin iyon ni Bella, niyakap nila akong lahat.

***