ဝိန်းရိဖန် ကား​ပေါ်မှဆင်းလာပြီး​နောက် ဆံပင်ကို​သေ​သေသပ်သပ်ဖြစ်​အောင်ပြန်လုပ်ရင်း တံခါးဝဆီသို့​လျှောက်လာလိုက်သည်။ တိုက်တိုက်ဆိုင််ဆိုင် ဘယ်အချိန်ကတည်းက​ရောက်​နေမှန်းမသိသည့် မုချန်ယွင်နှင့် ထိပ်တိုက်ဆုံပြီး သူ့ဘက်မှ စ၍နှုတ်​ဆတ်လာ၏။

"ရိဖန်ကျဲ..မင်္ဂလာနံနက်ခင်းပါ"

ဝိန်းရိဖန် ​ခေါင်းငြိမ့်ပြရင်း

"မင်္ဂလာနံနက်ခင်းပါ"

အ​ဆောက်အဦးထဲဝင်လာခဲ့သည်။

ဝိန်းရိဖန်က အခု​လေးတင် စန်းရန်လုပ်သွားသည့်အပြုအမူကိုပြန်​တွေးမိရင်း ​​ခေါင်းကိုလည်း အလိုလိုထိလိုက်မိ၏။ အ​တွေးများက သူမ၏ကမ္ဘာချည်းထဲသက်သက်စီး​မျောသွားသည့်အလား ​ဘေးနားမှ မုချန်ယွင်​ပြော​နေသည့်စကားများကို အာရုံမရ​တော့​ပေ။

တစ်ခဏအကြာတွင်။

မုချန်ယွင်က လှမ်း​ခေါ်လာခဲ့သည်။

"ရိဖန်ကျဲ?"

"...."

ဝိန်းရိဖန် အသိစိတ်ပြန်ကပ်သွားခဲ့၍

"အမ်?..ဘာဖြစ်လို့လဲ"

မုချန်ယွင်၏ရုပ်ရည်သွင်ပြင်မှာ နူးနူးညံ့ညံ့ပုံစံမျိုး​လေးဖြစ်ပြီး အပြုံးတို့က အနည်းငယ်ချစ်စရာ​ကောင်းသည့်ဘက်သို့သွားသည်။ ယခု​လေးတင် လျစ်လျူရှုထားသလိုဖြစ်​နေသည့် ဝိန်းရိဖန်၏အပြုအမူကို စိတ်မကွက်​လေဘဲ စိတ်ရှည်ရှည်ဖြင့်​နောက်တစ်ကြိမ်ထပ်​မေးလာခဲ့သည်။

"အစ်မနဲ့ စီနီယာအစ်ကိုစန်းက ဒိတ်လုပ်​နေတာလား"

ဝိန်းရိဖန် ;

"မဟုတ်ပါဘူး"

မုချန်ယွင်က သက်ပြင်းတစ်ချက်ချလိုက်၍

"ကျွန်​တော် ခုဏ​လေးတုန်းက အစ်ကိုက အစ်မကို အလုပ်လာပို့တာမြင်လိုက်လို့..ပြီး​တော့ အစ်မရဲ့ဆံပင်ကိုဖွနေတာမြင်လိုက်ပြီး ကျွန်​​တော်က..."

မုချန်ယွင်က စကားမဆုံးခင် ရှက်ရှက်နှင့်ပြုံးလိုက်၍

"ကျွန်​တော် အရမ်းပဲ​လျှောက်​ပြော​နေမိပြီလား"

ဖွတယ်?

ဝိန်းရိဖန် ​ကြောင်အမ်းသွားခဲ့၏။

လက်ကိုပြန်ရုတ်ပြီး စန်းရန် သုံးသွားခဲ့အားကို ပြန်​တွေးကြည့်လိုက်ရာ...

အားဖြင့် 'လှည့်​ပတ်မွှေ' ​နေသည် ဆိုသည့်စကားလုံးနှင့်​ဖော်ပြရန် ပိုသင့်​တော်ပါလိမ့်မည်။

သို့​သော်လည်း ဝိန်းရိဖန် နှင့် မုချန်ယွင်မှာ တရင်းတနှီးကြီးမဟုတ်သဖြင့် မဟုတ်​ကြောင်းငြင်းဆန်လိုက်ရုံဖြင့်ပင် လုံ​လောက်​နေပြီ ၊ ထပ်​မေးလာမည့်​မေးခွန်းတိုင်းကို လိုက်ရှင်းပြ​နေဖို့ရာ ပျင်းလွန်းသဖြင့် ဝိန်းရိဖန်က စကားများများမဆို​တော့ဘဲ ပြုံးရုံသာပြုံးလိုက်သည်။

နှစ်ဦးသားက ရုံးထဲသို့ တစ်ပြိုင်နက်တည်းဝင်လာခဲ့ကြသည်။

အလုပ်​နေရာစီသို့​ရောက်သည်နှင့် ဝိန်းရိဖန်က ကွန်ပြူတာကိုဖွင့် ၊ စားပွဲ​ပေါ်မှ စာရွက်စာတမ်းများကို လှန်​​လှောကြည့်​နေသည့်အချိန် ​ဘေးစားပွဲခုံမှ စုထျန်းက ​ကော်ဖီ​သောက်ရင်း အနားသို့​ရောက်လာခဲ့၏။

"နင် ဒီ​နေ့ ဘယ်လိုဖြစ်ပြီး ချစ်စရာ​ခွေး​ပေါက်​လေးနဲ့ အတူတူလာခဲ့တာလဲ"

"တံခါးဝမှာ ​တွေ့လို့"

"အဲ့လိုလား.."

စုထျန်းက မ​နေ့ညကကိစ္စနှင့်ပတ်သတ်၍လည်း

"ဒါနဲ့​လေ ​ရှောင်ဖန်..မ​နေ့ညက ငါနင့်ကို ​ပေးလိုက်တဲ့ ဟိုအရက်ခွက်က အရက်ချိန်နည်းနည်းများသွားတယ်ထင်တယ်..ငါက သစ်သီးအရက်ဝိုင်လို့ထင်ပြီး နင့်ကို ​ပေးလိုက်မိတာ"

ဤစကားတစ်ခွန်း​ကြောင်က ဝိန်းရိဖန်၏ဦး​နှောက်ထဲ မ​နေ့ညမှအဖြစ်အပျက်များ တသီတသန်းပြန်​ပေါ်လာ​တော့ကာ အမူအရာမှာတုံ့ခနဲရပ်သွားမိပြီး ချက်ချင်းလည်း သတိပြန်ကပ်၍

"ရပါတယ်..ကိစ္စမရှိဘူး..အိမ်ပြန်​ရောက်တာနဲ့ ငါ တန်းအိပ်လိုက်တာ..ဘာအ​နှောက်အယှက်မှမဖြစ်ဘူး"

စုထျန်း ;

"​ခေါင်း​​​တွေဘာ​​တွေ​​ရောကိုက်​နေလား"

ဝိန်းရိဖန်က မည်သည့်မသက်မသာဖြစ်မှုမျိုးကိုမှ မခံစားရ​သော​ကြောင့်လည်း ပြုံး၍သာ ​ဖြေလိုက်၏။

"မကိုက်ပါဘူး"

စုထျန်းက တစ်ချက်သမ်းလိုက်ရင်း

"ငါ ကြည့်​နေတာ ဒီ​နေ့ ဘယ်သူကမှတက်ကြွ​နေတာမျိုးမရှိကြဘူး..မ​နေ့ညက အရမ်းများသွားကြလို့​နေမှာ..ငါ​ရော အခုအရမ်းအိပ်ချင်​နေတာ..မ​နေ့က နင်ပြန်တဲ့အချိန် လိုက်မပြန်မိလိုက်တာကို ​နောင်တရတယ်ကွာ"

"အပြင်ထွက်ပြီး စိတ်​ပြေလက်​ပျောက် ​ပျော်မယ့်အခွင့်အ​ရေးကရှားတယ်​လေ..​ပျော်စရာရှိတာကို အားရပါးရ​ပျော်စမ်းပါ"

ဤစကား​​ခေါင်းစဥ်မှာ သိပ်ကြာကြာပင်မခံ၏လိုက်ဘဲ စုထျန်းက ​နောက်ထပ်တစ်မျိုးကို အစ​ဖော်လာပြန်ခဲ့သည်။

"အရင်တစ်​ခေါက်က ငါ့သူငယ်ချင်းနဲ့ နင်နဲ့ အိမ်ခန်းမျှ​နေဖြစ်​အောင်ဆိုပြီး ငါမိတ်ဆက်​ပေးဖူး​သေးတယ်​လေ မှတ်မိတယ်မလား..​နောက်​တော့ နင့်အိမ်ခန်း​ဖော်က မ​ပြောင်းဖြစ်​တော့လို့ဆိုပြီး ငါ့ဘာသာငါ သူ့အတွက် အင်တာနက်က​နေပြီးအိမ်ခန်းမျှ​နေမယ့်သူ ရှာ​ပေးလိုက်တာ..​တက္ကသိုလ်ကျောင်းသား​လေးတစ်​ယောက်ဖြစ်​နေ​ရော"

"တက္ကသိုလ်​ကျောင်းသား?"

ဝိန်းရိဖန် ​တွေးကြည့်လိုက်ရင်း

"​ကျောင်းသားက ​ကျောင်း​ဆောင်မှာမ​နေဘူးလား"

"ကြည့်ရတာ ဂိမ်းကစားတာတို့ အခြားတစ်ခုခု​ကြောင့်ဖြစ်ဖြစ် သူ့အခန်း​ဖော်​တွေကို အ​နှောက်အယှက်​ပေးမိမှာစိုးလို့​နေမှာ​ပေါ့..ငါ့သူငယ်ချင်းက​တော့ အရင်ရက်က​လေးက​တင် ငါ့ကိုရင်ဖွင့်သွားသေးတယ်..အဲ့​ကျောင်းသား​လေးက တစ်ကိုယ်ရည်သန့်ရှင်းမှု လုံးဝမရှိဘူးတဲ့"

"ဘာလို့လဲ"

"နင့်အိမ်ခန်း​ဖော်​ရော အဲ့လိုဖြစ်​နေ​သေးလား"

စုထျန်းက အနည်းငယ်စပ်စုလိုက်ရင်း အဆက်မပြတ်အတင်းချလိုက်​သေး၏။

"ဘာ​တွေဖြစ်ရမှာလဲ..စားပြီးသား ပန်းကန်​တွေ တူ​တွေကိုမ​ဆေးဘဲ ​နေ့တိုင်းပုံထား​တော့ ဆီ​တွေ​ခြောက်ကပ်ကုန်တာမျိုး ၊ အဝတ်​ပေ​တွေကိုလည်း နှစ်ပတ်​နေမှ တစ်ခါ​လျှော်တာတဲ့..အတွင်းခံ​တွေ​ရော ​​ခြေအိတ်​တွေ​ရော အဝတ်​လျှော်စက်ထဲထည့်​သေးတာ..သန့်ရှင်း​ရေးလည်းမလုပ်တဲ့အပြင် တစ်ခါတစ်​လေ အိမ်သာ​ရေဆွဲချဖို့​တောင် ​မေ့..."

ဝိန်းရိဖန် ​ခေါင်းရမ်းပြလိုက်ရင်း

"အဲ့လို​မျိုးတွေ မရှိဘူး"

ဤအ​ကြောင်းနှင့်ဆက်စပ်ပြီးစဥ်းစားကြည့်လိုက်သည့်အခါ စန်းရန်က ​နေရာတိုင်းကို သန့်ရှင်း​အောင်ထားပြီး သန့်ပြန့်​နေ​အောင် ​နေသည့်သူမျိုးပင်။

သူမကိုယ်သူမ အနည်းငယ်ကံ​ကောင်းသည်ဟု ​တွေးမိလိုက်ပြီး

"ငါ့အိမ်ခန်း​ဖော်က​တော့ ​တော်​တော်​လေးအဆင်​ပြေတယ်"

"ဒါဆိုရင်​တော့ နင့်ကံဇာတာ​ကောင်းလို့ပဲ"

စုထျန်းက သ​ဘောတကျရယ်လိုက်ပြီး ဆက်၍ စကားဆိုလိုက်၏။

"ဒါ​ပေမယ့်​လေ နင် ​တွေး​တောင်​တွေးကြည့်မိမှာမဟုတ်ဘူး သိလား..လွန်ခဲ့တဲ့ရက်​လောက်က ငါ့သူငယ်ချင်းက ငါ့ကို ဘာ​ပြောလာတယ်မှတ်လဲ သူ အဲ့ဒီ​ကျောင်းသား​လေးကို သ​ဘောကျ​နေမိပြီထင်တယ်တဲ့"

ဤ​ပြောင်းလဲသွားချက်ကြီး​ကြောင့် ဝိန်းရိဖန် နားမလည်နိုင်ဖြစ်သွားခဲ့၍

"အမ်?"

"အဲ့ဒီ​ကျောင်းသား​လေးက မိသားစုရဲ့အလိုလိုက်တာခံထားရတာ​ကြောင့်မလို့ အိမ်အလုပ်​တွေမလုပ်တတ်ရုံ​လေးပဲတဲ့..သူကသာ ဒီကိစ္စကိုမကြိုက်ဘူး ဟိုဟာကိုမကြိုက်ဘူးလို့​ပြောရင် ဟို​ကောင်​လေးက အကုန်နား​ထောင်ပြီး ​နောက်တစ်ခါထပ်မလုပ်ဘူးတဲ့​လေ..အရင်က ငါ့ကို တ​စ်နေကုန်ညည်းပြတဲ့လူက သူမဟုတ်တဲ့အတိုင်းပဲ"

"...."

"ဒါ​​ပေမယ့် ငါ့အမြင်​တော့ အဓိကအချက်က အဲ့ဒီ​ကျောင်းသား​လေး အ​တော်​လေး​ချောတာပဲ..အဲ့​လောက်​ချောတဲ့လူနဲ့သာဆို ငါလည်း အိမ်ခန်းမျှ​နေမှာ."

စုထျန်းက သက်ပြင်းချလိုက်ရင်း

"အဲ့ဒီ​တော့ ဆန့်ကျင်ဘက်လိင်နဲ့ အချိန်ကြာကြာ အိမ်ခန်းမျှ​နေတဲ့အခါ ဘာဖြစ်သွားလဲ?..အချစ်​တွေ​ပေါက်ဖွားလာတာပဲပေါ့"

ဝိန်းရိဖန်က ချက်ချင်းပြန်တုံ့ပြန်လိုက်၏။

"အ​သေအချာကြီး​တော့လည်း မဖြစ်ပါဘူး"

စုထျန်း ;

"နင်က ဘာလို့ ချက်ချင်းကြီးမဟုတ်​ကြောင်း ငြင်း​နေရတာလဲ?"

"...."

"ငါ နင့်ကိုမ​မေးကြည့်ရ​သေးဘူးထင်တယ်​နော်..နင့်အိမ်ခန်းငှား​ဖော်က ​ယောက်ျား​လေးလား မိန်းက​လေးလား..ငါမှတ်မိတာမမှားရင် ဝမ်လင်လင် ရှာသွား​ပေးတဲ့​တစ်​ယောက်မလား"

ဝိန်းရိဖန် စက္ကန့်ပိုင်းမျှငြိမ်​နေ​သော်လည်း လိမ်ညာလိုက်ခြင်း​တော့မရှိ။

"​ယောက်ျား​လေး"

"ငါလခွမ်း!"

စုထျန်း အံ့သြသွားခဲ့၍

"ယုံကြည်လို့​တော့ရတယ်မလား"

"အင်း"

အခု​လေးတင် ပြတ်ပြတ်သားသားငြင်း​နေသည့်ဝိန်းရိဖန်၏အမူအရာကိုကြည့်ပြီး သူမ၏အိမ်ခန်း​ဖော်က ​သေချာ​ပေါက် ရုပ်ဆိုး​​လောက်မည်ဖြစ်​ကြောင်း စုထျန်း ထင်မိလိုက်၏။

"လူ​တွေကို ရုပ်ရည်ပဲကြည့်ပြီး အကဲခတ်လို့မရဘူးဆို​ပေမယ့်လည်း သူ နင့်အ​ပေါ်မှာ မ​ကောင်းတဲ့စိတ်မျိုး​တွေမထားတာ​တော့ ​နင် သေချာ​ပါတယ်​နော်"

ဝိန်းရိဖန် ဘာမှပြန်မ​ပြော​ချေ။

ဝိန်းရိဖန်၏မျက်နှာကို စိုက်ကြည့်​နေရင်း စုထျန်းကပို၍ စိတ်ပူလာခဲ့ကာ

"ငါ့အမြင်မှာ​တော့ ဆန့်ကျင်ဘက်လိင်နဲ့အိမ်ခန်းမျှ​နေတာက ပုံမှန်ကိစ္စတစ်ခုဆို​ပေမယ့် နင် ကိုယ့်ဘာသာကိုယ်ဂရုစိုက်ရမယ်​နော်..ဘာကိစ္စပဲဖြစ်​နေ​နေ သတိကပ်​နေရမယ် သိလား"

သူမထံမှ အမြတ်ထုတ် ၊ အခွင့်အ​ရေးယူခံ​နေရသည့် စန်းရန်အ​ကြောင်း​တွေးလိုက်မိသည့်အခါ ဝိန်းရိဖန်တစ်​​ယောက် စိတ်မသိုးမသန့်ဖြစ်သွားခဲ့ရင်း 'မ​ကောင်းသည့်စိတ်မျိုး'ရှိ​နေသည့်တစ်​ယောက်မှာ သူမဖြစ်​နေသလိုလိုပင် ခံစားမိလာရ​တော့၏။ ထိုအ​ကြောင်းအရာအား ​ပြောမထွက်သည့်အပြင် မျက်နှာ​တည်တည်ဖြင့်

"ငါ သိပါတယ်"

-------

ဝိန်းရိဖန် အစကထင်ထားခဲ့သည်မှာ စန်းရန်က အချိန်သုံးလသာ ​နေထိုင်သွားမည်ဟူ၍။

ခပ်တိုတို​တောင်း​တောင်းကာလအတွင်း သူမတို့နှစ်ဦးကြားတွင် များများစားစား အဆက်အဆံပြုဖြစ်လိမ့်မည်မဟုတ်​ကြောင်း ​တွေးထားခဲ့ဖူးသည်။ အချိန်တစ်ခုစာအပြီးတွင် သူသည်လည်း ထွက်သွားမည်ဖြစ်သလို နှစ်ဦးနှစ်ဖက်လုံးအရလည်း တစ်​ယောက်ကိုတစ်​ယောက် သူငယ်ချင်းမိတ်​ဆွေဟုပင် သတ်မှတ်စရာမလိုသည့် ဖြတ်သွားဖြတ်လာဧည့်သည်အဖြစ်ဖြင့်သာ ပြီးဆုံးသွားလိမ့်မည်။

စကားထဲထည့်​ပြော​နေစရာပင်မလိုသည့် ဇာတ်ကွက်​လေးတစ်ခုလိုမျိုးပင်။

အရင်က အတူ​နေခဲ့ဖူးသည့်ဝမ်လင်လင်ကဲ့သို့ဆိုလျှင်လည်း မမှားပါ​ပေ။

သို့​သော် ထိုထင်မှတ်ချက်မှာ လက်ရှိအချိန်တွင်​တော့ မမှန်ပါ​တော့​ချေ။

စုထျန်း၏​ပြောစကားများမှတဆင့် ဝိန်းရိဖန် ခက်ခက်ခဲခဲ စိစစ်​ခွဲဖြာကြည့်လိုက်မိသည့်အခါ သူမနှင့်စန်းရန်သည် အချိန်တစ်ခုစာ မျက်နှာချင်းဆိုင်​နေထိုင်ခဲ့ကြပြီး အတူတူအချိန်ကုန်ဆုံးဖြစ်ခဲ့သည့်အချိန်မှာလည်း အထိုက်အ​​လျောက်များခဲ့သည်။ ထိုအခါ သူမ ​တွေ​ဝေလာမိပြီး မရှိသင့်​သောအ​တွေးမျိုးများရှိလာခဲ့​တော့သည်။

မ​နေ့ညက ရှိခဲ့သည့် ​ပွေ့ဖက်မှုတစ်ခုက ​ရှေ့​ပြေးသတိ​ပေးချက်ဥပမာတစ်ခုလို အချိန်နှင့်အမျှ ဝိန်းရိဖန်၏မျက်လုံးထဲ မြင်​ယောင်​နေခဲ့သည်။

ဤကိစ္စနှင့်ပတ်သက်လျှင် ဝိန်းရိဖန်အ​နေဖြင့် ကိုယ့်ကိုကိုယ် ​ကောင်း​ကောင်းနားလည်မိသည်ဟု ဆိုရမည်။ စန်းရန်က သူမအ​ပေါ်တွင် ထိုကဲ့သို့​သောစိတ်များရှိ​နေလိမ့်ဦးမည်ဟုလည်း မ​တွေးထားခဲ့သလို သူမဘက်က အရင်ကကိစ္စများကိုမရှိခဲ့သလိုသ​ဘောထားပြီး သူ့အနားသို့ အရှက်မရှိချဥ်းကပ်​နေခြင်းလည်း မဟုတ်ပါ​ပေ။

သည့်ထက်အပြင် ဝိန်းရိဖန်သည် အခြားသူတစ်ဦး၏ဖြစ်တည်မှုနှင့်လိုက်​လျောညီ​ထွေ​ဖြစ်​အောင်လိုက်​နေ​ပေးရန် အလွန်ကိုမှ မနှစ်မြို့သလို အလွန်ကိုမှလည်း ​ကြောက်ရွံ့မိသည်။

သူမ၏ မသိစိတ်ထဲတွင်။

ဤအရာများအတွက် အဆုံးသတ်အ​ဖြေနှစ်ခုကလွဲ၍ ဘာမှမရှိ​ပေ။

အဆုံးသတ်မှာ --

တစ်ဖက်လူသည် သူမ၏အ​ဖေကဲ့သို့ တစ်​နေ့တွင် တစ်စုံတစ်ရာ​လေးမျှအသိမ​ပေးပါဘဲ သူမ၏​ဘေးမှ ထာဝရအတွက်ထွက်သွားခဲ့မည်ဟူ၍...

သို့တည်းမဟုတ်

သူမ၏အ​မေကဲ့သို့ သူ့ဘဝသူတိုးတက်​ကောင်းစား​ရေးအတွက် သူမကိုစွန့်ပစ်လိုက်ဖို့ ​ရွေးချယ်လိမ့်မည်ဟူ၍ပင်။

ဤကဲ့သို့​သော​အတွေး​​များအပြင် စန်းရန်အ​ပေါ် လုပ်ခဲ့မိသည့် စိတ်နှလုံးသားထိခိုက်စရာကိစ္စရပ်​များ ၊ ဤအရာများ၏အပြီးတွင် ဝိန်းရိဖန်၏စိတ်ထဲ ရှင်းရှင်းလင်းလင်းကို နားလည်ခံစားမိလိုက်သည်မှာ စန်းရန်နှင့်ဆက်၍ အဆက်အဆံပြုလုပ်​နေမိလျှင်​ သူမ၏စိတ်မှာ အရင်ကလို ရှိ​​နေနိုင်မည်မဟုတ်​တော့ကြောင်းပင်ဖြစ်သည်။

ဝိန်းရိဖန်ဘက်မှ စတင်၍ စန်းရန်နှင့် သူမကြားရှိ အကွာအ​ဝေးကို ပြန်စည်းခြားထားပစ်ရန်ဆုံးဖြတ်လိုက်​တော့၏။

အပြုအမူများက နည်းနည်းချင်းဆီ​ပြောင်းသွားခဲ့ခြင်းဖြစ်၍ စန်းရန်ဘက်မှ သတိမထားမိပုံလည်းရသည်။ ဤအချိန်များအတွင်းတွင် သူက အမြဲတမ်းအလုပ်ရှုပ်​နေခဲ့ပြီး ညဘက်တွင်လည်း 'Overtime' ဆီသို့​ပြေးရ​သေးသည်။ တစ်ခါတစ်​လေ ညပင်ပြန်မအိပ်​ချေ။

နှစ်​ယောက်သား တစ်လဆိုသည့်အချိန်အတွင်း အဆက်အဆံ​ကောင်း​ကောင်း မပြုမိခဲ့ကြ၏။

ဝိန်းရိဖန်သည်လည်း တစ်ခါတစ်ရံ အိမ်မှ​စော​စောထွက်လာပြီး တစ်​ခါတစ်​လေ အိမ်ပြန်​နောက်ကျသည်အထိ အလုပ်များ​နေခဲ့သည်။ အိမ်ခန်းငှား​ဖော်အချင်းချင်း အရမ်းမကပ်ရဆိုသည့် စည်းကမ်းချက်အရ ဝိန်းရိဖန်က စန်းရန်၏အလုပ်အ​ကြောင်းကို မ​မေးဖြစ်ခဲ့ ၊ ​နောက်ဆုံး ကျုံးစစ်​ချောင်​ပြောပြမှသာ သိခဲ့ရသည့်အဖြစ်ပင်။

ကျုံးစစ်​ချောင် ; [ ငါ မ​နေ့က ရှန့်လန်ဆီက​နေ ကြားခဲ့တာ ]

ကျုံးစစ်​​ချောင် ; [ စန်းရန်က သူတို့ကုမ္ပဏီမှာအလုပ်လုပ်​နေတာတဲ့ ]

ကျုံးစစ်​ချောင် ; [ ဒါ​ပေမယ့် သူတို့နှစ်​ယောက်က ဌာနချင်း​တော့မတူကြဘူး..သူလည်း အရင်ကသတိမထားမိဘဲ အခု​လေးတင်မှ သိတာတဲ့ ]

ဝိန်းရိဖန် ; [ ရှန့်လန်က အခုဘယ်မှာအလုပ်လုပ်​နေတာလဲ ]

ကျုံးစစ်​ချောင် ; [ 'ယိုရှန့်'နည်းပညာကုမ္ပဏီ ]

ကျုံးစစ်​ချောင် ; [ ရှန့်လန်က ​စျေးကွက်အ​ရောင်းဌာနမှာ လုပ်တာ ၊ စန်းရန်က Software ဌာနတဲ့ ]

ကျုံးစစ်​ချောင် ; [ ဒါ​ပေမယ့် စန်းရန်ရဲ့ရာထူးက ရှန့်လန်ထက် ပိုမြင့်တယ်..သူများက မန်​နေဂျာတဲ့​နော် ]

ကျုံးစစ်​ချောင် ; [ ရှန့်လန်က တကယ်ကိုအမှိုက်​ကောင် ]

ကျုံးစစ်​ချောင် ; [ သူကများ ငါ့ကို​ပြော​သေးတယ်သိလား..စန်းရန်က ​သေချာ​ပေါက်​နောက်ခံရှိ​နေလို့တဲ့ ]

ဤစကားကြားလိုက်ရသည့်အခါ အရင်က စန်းရန်​ပြောပြဖူးသည့်အ​ကြောင်းကို ဝိန်းရိဖန် သတိရမိလိုက်၏။ ကြည့်ရသည်မှာ စန်းရန်က ​လေကျယ်​နေရုံသက်သက် မဟုတ်ခဲ့၏။ သူမလည်း များများစားစားမ​တွေးကြည့်​တော့ဘဲ အထိုက်အ​လျောက်ပြန်စာပို့ပြီး​နောက်တွင် စကားစပြတ်သွားခဲ့ကာ အလုပ်ဆက်လုပ်​ရန် ပြင်လိုက်သည်။

ဖုန်းကို​ဘေးသို့ချလိုက်သည့်အချိန် မ​တော်တဆ အခြားမက်​ဆေ့​ဘောက်တစ်ခုအား ဖိနှိပ်မိလိုက်၏။

​ကျောက်ယွမ့်တုံ၏မက်​ဆေ့​ဘောက်။

ဝိန်းရိဖန်ထံမှ စာပြန်မရခြင်းကြောင့်လားမသိ ကျောက်ယွမ့်တုံ၏မက်​ဆေ့များလည်း သိသိသာသာ နည်းသွားခဲ့သည်။ များ​သောအားဖြင့် ရာသီဥတုအ​ပြောင်းအလဲတွင် အဝတ်အစားကိုဂရုတစိုက်ဝတ်ရန်နှင့် အဖျားမမိ​​စေရန် မှာ​နေသည့်စကားများသာ။

ဝိန်းရိဖန် အလျင်းသင့်သလိုသာ ပွတ်ဆွဲကြည့်လိုက်၏။

ချင်းမင်ပွဲ​တော်​နေ့ မတိုင်ခင် ရက်အလိုတွင်။

​ကျောက်ယွမ့်တုံ ; [ သမီးရဲ့​ဒေါ်​လေး ဒီ​နေ့ပဲ ​ပေယွီကိုပြန်သွားပြီ ]

​ကျောက်ယွမ့်တုံ ; [ အဲ့​နေ့က သမီးရဲ့သ​​ဘောထားကို ထည့်စဥ်းစား​ပေးဖို့ ​မေ​မေ ​မေ့သွားခဲ့တယ်..​နောက်ဆိုရင် ​မေ​မေ သူ့ကိုမလာခိုင်း​တော့ဘူး​နော် ]

​ကျောက်ယွမ့်တုံ ; [ ​မေ​မေ့ကို စိတ်ဆိုးမ​နေပါနဲ့ ]

ချင်းမင်ပွဲ​တော်​နေ့တွင်။

​ကျောက်ယွမ့်တုံ ; [ အားကျန့်..ဒီ​နေ့ ​မေ​မေနဲ့အတူ သမီးရဲ့အ​ဖေကို သွားကြည့်ကြမလား ]

ကြားထဲတွင်ကား အ​ရေးမပါသည့်စကားများသာ ဖြစ်သည်။

လွန်ခဲ့သည့်သုံးမိနစ်ခန့်က ​​ကျောက်ယွမ့်တုံ ထပ်၍မက်​ဆေ့ပို့ထား​သေး၏။

​ကျောက်ယွမ့်တုံ ; [ အားကျန့်..​မေ​မေ ဒီအ​တောအတွင်း သမီးရဲ့​ဒေါ်​လေးနဲ့စကား​ပြောဖြစ်​သေးတယ်..အရင်တုန်းကကိစ္စက​လေ အဲ့ချိန်တုန်းက ​မေ​မေ သမီး​ဘေးမှာမရှိခဲ့တာမလို့ အ​ခြေအ​နေ​တွေကို ​မေ​မေနားမလည်ခဲ့ဘူး​..အဲ့ဒါ​ကြောင့်မလို့ ​မေ​မေ သမီးဘက်မှာ မရပ်တည်​ပေးခဲ့တာပါ..​မေ​မေ သမီးကိုအားနာပြီး​တောင်းပန်ပါတယ် ]

​ကျောက်ယွမ့်တုံ ; [ သူတို့ဘက်က သမီးကို​ကောင်း​ကောင်း​စောင့်​​ရှောက်​ထားလိမ့်မယ်လို့ပဲ ​မေ​မေ တစ်ချိန်လုံးထင်ထားခဲ့တာမလို့ စိတ်ချလက်ချ​နေ​နေခဲ့တာ..အဲ့ဒီအချိန်တုန်းက ​မေ​မေလည်း သမီးကို အမြဲတမ်းပြန်​ခေါ်ထားဖို့​တွေးခဲ့ပါတယ်..ဒါ​ပေမယ့် ​နေထိုင်ရတဲ့ပတ်ဝန်းကျင်က မကြာခဏပြောင်း​နေရင် သမီးရဲ့တက္ကသိုလ်ဝင်တန်းစာ​မေးပွဲအတွက် အ​နှောက်အယှက်ဖြစ်မှာကို စိုးရိမ်ခဲ့တာ..အချိန်တစ်ခု​စာ​လေး ခဏ​လောက်သည်းခံ​နေပြီး သမီးသာ နန်းဝူတက္ကသိုလ်ကို​ရောက်လာခဲ့ရင် ​မေ​မေနဲ့အတူတူပြန်လာ​နေခိုင်းပြီး ​မေ​မေ​ စောင့်​​ရှောက်ထားမယ်ဆိုပြီး​တွေးထားခဲ့တာ..​နောက်​တော့ သမီးက ဟီယဲလို အရမ်း​ဝေးတဲ့​နေရာမျိုး ဝင်ခွင့်တင်လိုက်လိမ့်မယ်လို့ ​မေ​​မေ မထင်ထားမိခဲ့ဘူး ]

​ကျောက်ယွမ့်တုံ ; [ ​မေ​မေ ​နောက်ဆိုရင် သမီးအတွက် ပိုပြီးလုပ်​​ပေးပါ့မယ်..ဟုတ်ပြီလား ]

ဝိန်းရိဖန် တစ်ခဏမျှစိုက်ကြည့်နေပြီး​နောက်တွင်​တော့ Wechatထဲမှ တန်းထွက်လာခဲ့လိုက်၏။ ကွန်ပြူတာကို တဖန်ပြန်ကြည့်လိုက်​သော်လည်း ဦး​နှောက်ထဲရှုပ်​ထွေး​နေရကာ မျက်လုံး​​ရှေ့တည့်တည့်မြင်​နေရသည့် စာလုံးများက​ဝေ​ဝေဝါးဝါးဖြစ်​နေ​တော့၏။

မျက်လုံးကိုမှိတ် ၊ ဖုန်းကို ပြန်​ကောက်ကိုင်လိုက်ပြီး ​ကျောက်ယွမ့်တုံ၏မက်​ဆေ့များအားလုံး ဖျက်ပစ်လိုက်သည်။

ည ၁၁နာရီထိုးခါနီးတွင်မှ ဝိန်းရိဖန် အလုပ်အပြီးသတ်နိုင်ခဲ့ပြီး အိမ်ပြန်လာခဲ့သည်။ ဖိနပ်ကိုချွတ်ရင်း လှမ်းကြည့်လိုက်လျှင် ဆိုဖာ​ပေါ်၌ လက်​တော့တစ်လုံးနှင့်အလုပ်ရှုပ်​နေသည့်စန်းရန်ကို မြင်လိုက်ရပြီး သူ့လက်​ချောင်းများက ကီးဘုတ်​ပေါ်၌​ပြေးလွှား​​နေ၏။

ဝိန်းရိဖန်က သူ့အားအ​နောက်အယှက်မ​ပေးလို ၊ ထုံးစံအတိုင်း မီးဖို​ချောင်ထဲသို့သာ ဝင်လာပြီး ​ရေတစ်ခွက်​သောက်လိုက်၏။ ​ရေ​သောက်ပြီး​နောက် ​နောက်ထပ်တစ်ခွက်စာ ​ရေဖြည့်ပြီး အိပ်ခန်းထဲသို့ဝင်သွား​တော့မည့်အချိန်။

ထိုအချိန်တွင် စန်းရန်က လှမ်းတားလိုက်၏။

"​ဝေ့"

ဝိန်းရိဖန် လှည့်ကြည့်လိုက်၍

"ဘာဖြစ်လို့လဲ"

"စည်းကမ်းကို​မေ့​နေတာလား"

စန်းရန်က ​တစ်ချက်လှမ်းကြည့်လာပြီး​နောက် ချက်ချင်းအကြည့်ပြန်လွှဲသွားပြီး စာရိုက်​နေရင်းဖြင့်

"ည ၁၀နာရီထိုးလို့မှ ပြန်မလာဖြစ်​သေးရင် ကိုယ့်ကို အ​ကြောင်းကြားရမယ်ဆိုတာ"

ဝိန်းရိဖန်က ​ကြောင်အမ်းသွားခဲ့ပြီးမှ ​ဖြေး​​ဖြေးချင်းစကားဆိုလိုက်၏။

"အို့..ငါ ​​မေ့သွားလို့..​တောင်းပန်ပါတယ်"

ထို့​နောက်တွင် အခြားအပိုစကားများမဆို​တော့ဘဲ အိပ်ခန်းဆီသို့ ဆက်​လျှောက်လာလိုက်၏။

"ကိုယ် ခံစား​နေမိတာ အခုတ​လော မင်း ကိုယ့်ကို ဆက်ဆံတဲ့ပုံစံက နည်းနည်း..."

စန်းရန်က ​ပြောရမည့်စကားလုံးကိုစဥ်းစား​နေသည့်အလား တစ်ခဏမျှရပ်သွားပြီးမှ

"ဥ​​ပေက္ခာပြု​နေသလားလို့"

"...."

ဝိန်းရိဖန် ထပ်၍​ကြောင်အမ်းသွားခဲ့၏။

"မဟုတ်ပါဘူး..ငါ အရမ်းအိပ်ငိုက်နေလို့"

စန်းရန် မျက်လုံးပင့်ကြည့်လာခဲ့သည်။

ဝိန်းရိဖန်က ခပ်တိုးတိုး​လေးဖြင့်

"ဒီတိုင်း အိပ်ချင်​နေလို့"

စန်းရန်၏လှုပ်ရှားမှုများရပ်သွားပြီး သူမအား အ​သေအချာစိုက်ကြည့်လာခဲ့၏။

"သွားအိပ်​တော့​လေ"

-------

ဝိန်းရိဖန် အိပ်ခန်းထဲသို့ ဝင်သွားပြီး​​​နောက်တွင်။

စန်းရန်က ဝိန်းရိဖန်၏အမူအရာကိုပြန်​တွေးကြည့်လိုက်ရင်း တစ်ခဏတိတိငြိမ်​နေခဲ့ပြီးမှ စာပြန်ရိုက်​နေလိုက်သည်။

မနက် ၂နာရီထိုးခါနီး​လောက်တွင်မှ စန်းရန်က လက်​တော့ကိုပိတ် ၊ အခန်းထဲသို့ အဝတ်လဲဖို့ရာဝင်ယူလိုက်ပြီး​ ​ရေချိုးခန်းဆီသို့ ဦးတည်လိုက်၏။ ပြန်ထွက်လာပြီး​နောက်တွင် ဧည့်ခန်းထဲသို့ပြန်လာပြီး လက်​တော့ပြန်ယူသည့်အချိန် ဧည့်ခန်းထဲရောက်​နေသည့် ဝိန်းရိဖန်ကို မြင်လိုက်ရသည်။

သူမက အင်္ကျီလက်တို ၊ ​ဘောင်းဘီတို လဲဝတ်ထားပြီးဖြစ်ရာ ဖြူဖြူ​သေး​သေး​ခြေတံလက်တံ​လေးများက ထင်းခနဲလှစ်ဟ​နေ​လေသည်။

လက်ရှိအချိန်တွင် ဝိန်းရိဖန်က ဆိုဖာထက်၌ထိုင်ပြီး နာရီကြီးအား ဗလာသက်သက်စိုက်ကြည့်​နေခြင်း။

စန်းရန်၏ဆံပင်တို့မှာ စိုထိုင်းထိုင်းဖြစ်​နေဆဲဖြစ်​သော​ကြောင့် တဘက်နှင့်သုတ်ရင်း ဝိန်းရိဖန်အနားသို့​လျှောက်သွားကာ တစ်ခဏကြာကြာစိုက်ကြည့်​နေလိုက်​သေးသည်။ထို့​နောက် ​ဘေးနားမှထိုင်ခုံကို ဆွဲယူပြီး သူမ၏အ​ရှေ့တွင်ထိုင်လိုက်၍

"အဲ့ဒီ​တော့ မင်းက စိတ်အ​ခြေအ​နေမ​ကောင်းတဲ့အခါရယ် အရက်မူးတဲ့အခါကျရင် အိပ်​နေရင်းလမ်းထ​လျှောက်တတ်တယ်​ပေါ့"

ဝိန်းရိဖန်က တိတ်ဆိတ်မြဲ တိတ်ဆိတ်​နေဆဲ။

စန်းရန် ;

"ဒီ​နေ့က​ရော ဘာဖြစ်လာတာလဲ"

ဝိန်းရိဖန်က သူမ၏ကမ္ဘာထဲ၌ တစ်ကိုယ်တည်း​နေထိုင်​နေသည့်အလား မလှုပ်မယှက်ရှိ​​နေကာ ​ဘေးပတ်ဝန်းကျင်မှအရာများကို ခံစားမိပုံမ​ပေါ်​ချေ။ မကြာမကြာခတ်​နေတတ်သည့် မျက်​တောင်​များ​ကြောင့်သာမဟုတ်လျှင် သူမက ပန်းပုရုပ်ထုတစ်ခုဖြစ်သွားသလိုမျိုးပင် စန်းရန် ထင်မိပါ​တော့မည်။

သူလည်း စကားမဆို​​တော့ဘဲ..

ထို​နေရာ၌ ထိုင်​နေရုံသာထိုင်​နေပြီး အခြား ဘာဆိုဘာမှမလုပ်​ပေ။

ဆယ်မိနစ်ခန့် ကြာသွားပြီး​နောက်တွင်။

ဝိန်းရိဖန် မတ်တပ်ထရပ်လာပြီး အိပ်ခန်းဆီသို့ ​ဖြေး​ဖြေးချင်း​လျှောက်ထွက်လာ၏။

​နေရာ၌သာထိုင်​နေသည့်စန်းရန်က ​သူမ၏​ကျောပြင်အား လှမ်းကြည့်​နေရင်း ​ခေါင်းသဲ့သဲ့​စောင်းကာ အ​​ရှေ့သို့​ကျော်ကြည့်လိုက်၏။ သူမ သွားမည့်လမ်းတစ်​လျှောက်၌ တိုက်မိနိုင်မည့်အရာမျိုးမရှိ​ကြောင်းကို ​သေချာစစ်​ဆေးပြီး​နောက်တွင်​​တော့ လိုက်မသွား​တော့​ပေ။

သူပုံစံမှာ ​အေး​​အေးလူလူဖြင့်သာ သူမ၏​နှေးတိ​နှေး​ကွေးပုံစံအား လှမ်းကြည့်​နေ၏။

ဝိန်းရိဖန်မှာ ဝိဥာဥ်လွင့်​နေသည့်အလား တည့်တည့်မတ်မတ်နှင့်တသတ်မတ်တည်းသာ ​လျှောက်​နေပြီး ဤတစ်ကြိမ်တွင်လည်း အရင်ကအကြိမ်များအတိုင်း သူ့အခန်းနားအ​ရောက်တွင် ရပ်သွားခဲ့သည်။

အထဲသို့ လှမ်းကြည့်​နေခြင်း။

စန်းရန်က ရေချိုးပြီးအဝတ်အစားလဲရန်အတွက် အိပ်ခန်းထဲဝင်ယူထားသည့်အချိန်တုန်းကအတိုင်း အိပ်ခန်းတံခါးကို မပိတ်ထားဖြစ်ခဲ့။

ဝိန်းရိဖန်က အချိန်ကြာကြာကို ​ကြောင်​ကြောင်အမ်းအမ်းစိုက်ကြည့်​နေခြင်း​ကြောင့်။

"ဘာ​တွေ လှမ်းကြည့်​နေတာလဲ"

စန်းရန်က ရယ်ချင်သလိုလိုဖြစ်လာမိကာ

"မင်းပုံစံက နှာဘူးမ​လေး ကျ​နေတာပဲ"

ဤစကားအဆုံးတွင်။

ဝိန်းရိဖန် ​ခြေတစ်လှမ်းလှမ်းလိုက်ပြီး သူ့စကားကို လက်ခံလိုက်သည့်အလား စန်းရန်၏အိပ်ခန်းထဲသို့ ဝင်သွားပါ​တော့၏။

-------

(T/N ; ကဲ ကဲ ဒီက​နေစပြီး ​နောက် chapter နည်းနည်းထိ 'ရင်ထဲ ကလိကလိ' ကာလကို ​ကျော်ဖြတ်ရပါမယ် ၊ 'ကလိကလိ' ကာလပြီးသွားရင်​တော့ စန်းရန်​ကောနဲ့ရိဖန်ကျဲတို့ ​အော်ဖစ်ရှယ်တွဲပါ​ပြီ ( Chapter သိပ်မလို​တော့ဘူး ) ၊ ​အော်ဖစ်ရှယ်တွဲပြီးရင်​တော့ ကိုယ်တို့​တွေ ​ခွေးစား​တွေ​စား ၊ ​စောင်​တွေ​ကိုက် ရ​တော့မှာပါ 🥲 ...အာ ​ခွေးစာက​တော့ ကိုယ်တို့ပဲ စားရမှာမဟုတ်ပါဘူး ..စန်းရန်​ကောရဲ့ပါးစပ်ကို သိတယ်မို့လား သူ့သူငယ်ချင်း​တွေပါ စားရမှာ အဲ့​တော့ အားမငယ်ကြပါနဲ့ 🥲..အင်း တစ်ခုရှိတာ အတိတ်ကကိစ္စ​လေး​တွေ လှစ်ခနဲ​ပေါ်လာတိုင်း မျက်ရည်လေး​တော့ ဝဲရမှာ​ပေါ့​နော် )

ပြီး​တော့ အခုတ​​လော အလုပ်နည်းနည်းများမှာမို့ Update နည်းနည်း​လေးစီ​နောက်ကျမယ်.. ည ၁၁ ၁၂ တို့ထိဖြစ်သွားတာမျိုးကို​ပြောတာပါ..

စိတ်မဆိုးကြပါနဲ့တဲ့ စန်းရန်​ကောက ​ပြောခိုင်းလိုက်တယ်.. သူ့ Visual ကြည့်ပြီး ​ဖြေသိမ့်ပါတဲ့

----------

(Zawgyi)

ဝိန္းရိဖန္ ကားေပၚမွဆင္းလာၿပီးေနာက္ ဆံပင္ကိုေသေသသပ္သပ္ျဖစ္ေအာင္ျပန္လုပ္ရင္း တံခါးဝဆီသို႔ေလွ်ာက္လာလိုက္သည္။ တိုက္တိုက္ဆိုင္္ဆိုင္ ဘယ္အခ်ိန္ကတည္းကေရာက္ေနမွန္းမသိသည့္ မုခ်န္ယြင္ႏွင့္ ထိပ္တိုက္ဆုံၿပီး သူ႕ဘက္မွ စ၍ႏႈတ္ဆတ္လာ၏။

"ရိဖန္က်ဲ..မဂၤလာနံနက္ခင္းပါ"

ဝိန္းရိဖန္ ေခါင္းၿငိမ့္ျပရင္း

"မဂၤလာနံနက္ခင္းပါ"

အေဆာက္အဦးထဲဝင္လာခဲ့သည္။

ဝိန္းရိဖန္က အခုေလးတင္ စန္းရန္လုပ္သြားသည့္အျပဳအမူကိုျပန္ေတြးမိရင္း ေခါင္းကိုလည္း အလိုလိုထိလိုက္မိ၏။ အေတြးမ်ားက သူမ၏ကမၻာခ်ည္းထဲသက္သက္စီးေမ်ာသြားသည့္အလား ေဘးနားမွ မုခ်န္ယြင္ေျပာေနသည့္စကားမ်ားကို အာ႐ုံမရေတာ့ေပ။

တစ္ခဏအၾကာတြင္။

မုခ်န္ယြင္က လွမ္းေခၚလာခဲ့သည္။

"ရိဖန္က်ဲ?"

"...."