ဝိန်းရိဖန်၏အသက်ရှူနှုန်းများ ရုတ်ချည်းရပ်တန့်သွားကာ မျက်​တောင်များပင့်ပြီး စန်းရန်ကို လှမ်းကြည့်မိလိုက်​တော့သည်။

"ယီဟဲ?"

စု​​ဟောက်အန်းက အထူးအဆန်းဖြစ်သွားရသည့်အပြင် ပုံမှန်မဟုတ်​သောကိစ္စတစ်ခုဖြစ်​သော​ကြောင့်

"မင်း ​နောက်ဆုံးတစ်​ခေါက် ​လေယာဥ်နဲ့ခရီးသွားတာက အလုပ်ကိစ္စနဲ့မဟုတ်ဘူးလား..ငါပဲ အမှတ်​မှား​နေတာလား..ဒါ​ပေမယ့် မင်း ဘာကိစ္စမှလည်းမရှိဘဲနဲ့ ယီဟဲကို ဘာသွားလုပ်တာလဲ..ပြီး​တော့ မင်း ဘယ်အချိန်တုန်းကသွားလိုက်တာလဲ..ငါလည်း မသိလိုက်ပါလား"

စန်းရန်က တစ်ဖက်သို့​ခေါင်းလှည့်ကြည့်ပြီး

"​မေးခွန်းက ဘယ်နှခု​တောင်​မေး​နေမှာလဲ"

"အို့..ငါ သိပြီ"

အရက်​သောက်ထားခြင်း​ကြောင့်လည်းဖြစ်နိုင်ကာ စု​ဟောက်အန်း၏အမူအရာ၊ခံစားချက်တို့က ပုံမှန်ချိန်များထက် ပို၍တက်ကြွ​နေပြီး သူက ​ဒေါသထွက်သွားသည့်ဟန်ဖြင့်

"မင်း​ကြီး​တော်ကြီး သွမ့်ကျားရွှီဆီ သွားတာမလား"

စန်းရန်က ပြန်မ​ဖြေ။

"ငါ တကယ်ကြီးကို လက်ခံလိုက်ပါပြီ"

​စု​ဟောက်အန်းက ခပ်ကျယ်ကျယ်​အော်ဟစ်ပစ်၍

"တကယ်လို့ ​လောင်ဇစ်သာ! နန်းဝူတက္ကသိုလ်ကို! လျှောက်နိုင်ခဲ့ရင်! မင်းနဲ့​ ပေါက်ကရ​လေးဆယ်သတင်း​ထွက်ဖို့အတွက် သူ့အလှည့် ​ရောက်လိမ့်မယ်များထင်လား!"

"...."

စန်းရန်က စိတ်မရှည်လက်မရှည်ဖြင့်

"မင်း အသံကို​လျော့"

ကျုံးစစ်​ချောင်၏ မိခင်တက္ကသိုလ်ကြီးမှာလည်း နန်းဝူတက္ကသိုလ်ပင်ဖြစ်သည့်အတွက် စု​ဟောက်အန်း​ပြောသွားသည့်စကားများ၏အဓိပ္ပါယ်ကို နားလည်​နေခဲ့ကာ သ​ဘောတကျလိုက်ရယ်​လေ​တော့သည်။ဝိန်းရိဖန်အနားသို့ ကပ်လိုက်ပြီး တစ်ဖက်ကရယ်ရင်း တစ်ဖက်ကလည်းရှင်းပြ​လိုက်၏။

"စု​ဟောက်အန်း​ပြောတဲ့ အဲ့ဒီသွမ့်ကျားရွှီဆိုတာလည်း ငါတို့​ကျောင်းကပဲ"

ဝိန်းရိဖန်က ဝမ်လင်လင်​ပြောပြခဲ့ဖူးသည့်စကားများကို သတိရပြီး​ခေါင်းငြိမ့်ပြလိုက်၏။

"သူတို့နှစ်​ယောက်က ဌာနတစ်ခုတည်း ၊ ​မေဂျာတစ်ခုတည်း ၊ အတန်းတစ်ခုတည်း အပြင် အ​ဆောင်ပါတစ်ခန်းတည်း ​နေတာ"

ကျုံးစစ်​ချောင်က ဆက်၍

"ပြီး​​တော့ နှစ်​ယောက်စလုံးက လုံးဝကြည့်​ကောင်းပြီး​ချော​နေကြတာဆို​တော့ ​​ကျောင်းထဲမှာရှိတဲ့လူတိုင်း​ပြော​​နေကြတာ..သူတို့နှစ်​ယောက်က ကွန်ပျူတာသိပ္ပံ​မေဂျာရဲ့ ​အတွဲလိုက်အ​ချောဆုံးနှစ်​ကောင်တဲ့"

ယခုအချိန်ထိ စု​ဟောက်အန်းက အ​သောမသတ်နိုင်​အောင် ​အော်​နေဆဲပင်။

ကျုံးစစ်​ချောင်​ပြောပြ​နေသည့် အတင်းအဖျင်းများကို ငြိမ်သက်ပြီးနား​ထောင်​နေ​သော ဝိန်းရိဖန်ကိုကြည့်ရင်း ရှန့်လန်သည်လည်း သူတို့အနားသို့ကပ်လာပြီး နား​ထောင်​နေ​လေသည်။

"အချိန်အတိအကျကို​တော့​မေ့သွားပြီဆို​ပေမယ့် ငါတို့​ကျောင်းရဲ့ ဖိုရမ်​ပေါ်မှာ တစ်​ယောက်​ယောက်က ပို့စ်တင်လာခဲ့တာကွာ..ငါတို့​ကျောင်းမှာ ​ကျောင်းရဲ့အ​ချောဆုံး​ကောင်​လေး ရှိပြီလား​ပေါ့..​နောက်​တော့ အဲ့ပို့စ်ကြီးက အရမ်းနာမည်ကြီးလာပြီး ကိုယ်စီကိုယ်စီ သူတို့​မေဂျာကအ​ချောဆုံး​ကောင်​လေးပုံ​တွေ တင်ကြ​တော့တာ..ဓါတ်ပုံ​တွေက များ​သောအားဖြင့် ဒီအတိုင်းရိုက်ယူထားတဲ့ပုံမျိုး​တွေပဲ"

ဝိန်းရိဖန် ;

"​နောက်​တော့​ရော"

ကျုံးစစ်​ချောင် ;

"​နောက်​တော့ စန်းရန်​ရော သွမ့်ကျားရွှီပါ ပုံတင်ခံရတာ​လေ..ဓါတ်ပုံ​​တွေထဲမှာ တစ်ဝက်​လောက်နီးနီးက သူတို့နှစ်​ယောက်ပုံ​တွေချည်းပဲ..ဒါ​ပေမယ့်​လေ စန်းရန်ရဲ့ပုံကို တင်လိုက်တိုင်းလည်း ပုံထဲမှာ သွမ့်ကျားရွှီပါတယ်..သွမ့်ကျားရွှီရဲ့ပုံကို တင်လိုက်ရင်လည်း အထဲမှာ စန်းရန်ရဲ့ပုံက ပါ​နေ​ရော"

"...."

​"​​နောက်​တော့ အားလုံးလည်း ​ရှော့ခ်ရကုန်​တော့တာပဲ..ဒီ​လောက်လူ​တွေအများကြီး ခိုးရိုက်ထားတဲ့ဓါတ်ပုံ​တွေထဲမှာ ၈၀ရာခိုင်နှုန်း​လောက်က နှစ်​ယောက်စလုံးပါတဲ့ပုံ​တွေချည်းပဲ​လေ..အဲ့က​နေစပြီး လူတိုင်းရဲ့အမြင်မှာ..."

ကျုံးစစ်​ချောင်က တစ်ခဏရပ်လိုက်ပြီးမှ ဆက်၍

"သူတို့နှစ်​ယောက်က ​နေ့တိုင်း ပူးကပ်​နေကြပါတယ်​ပေါ့"

"...."

"ထပ်ပြီး​ပြောရရင်..တက္ကသိုလ်တက်​ခဲ့တဲ့ ​​လေးနှစ်လုံးလုံး သူတို့နှစ်​ယောက် မိန်းက​လေး​တွေနားကပ်တာကို တစ်ခါမှမ​တွေ့ခဲ့ဖူးဘူး"

ကျုံးစစ်​ချောင် ​ပြော​လေ သ​​ဘောတကျရယ်​လေ​လေ ဖြစ်ကာ

"အဲ့​ဒါ​နဲ့ ​နောက်ပိုင်းကျ​တော့ အခြားသူ​တွေက သူတို့နှစ်​ယောက်ကို ဘယ်လိုတင်စားထားကြလဲသိလား..ကွန်ပျူတာသိပ္ပံ​မေဂျာက အ​ချောဆုံး​ဂေးအတွဲတဲ့​လေ"

ကျုံးစစ်​ချောင်က တက်တက်ကြွကြွကို​ပြောပြ​နေခြင်းဖြစ်ပြီး အသံအား တစ်စက်​လေးမျှပင် မနိမ့်​​ချေ။

ထို့​ကြောင့် ရလဒ်အ​နေဖြင့် စု​ဟောက်အန်းပါကြားသွားခဲ့ပြီး ချက်ချင်းကစားဝိုင်းထဲသို့ ဝင်လာခဲ့၍

"အဲ့ဒါက ​ဇကာတင်​ရွေးတဲ့​ကောင်​တွေ မျက်လုံးကန်း​နေလို့!..ဓါတ်ပုံထဲမှာ 'ချန်​ဖေး' နဲ့ 'ချန်ကျွင့်ဝိန်' အဲ့ဒီအရူးနှစ်​ကောင်လည်း ပါ​နေတဲ့ဟာကို..ရုပ်လည်းမလှ​ရော မမြင်ရတဲ့​လေထုလိုပဲ ဇွတ်​ဖျောက်ပစ်​တော့တာ"

"...."

"အိုင်း..အခု​တော့ ငါ့မှာ ဘာမှလည်းမရှိ​တော့ဘူး"

စု​ဟောက်အန်းက ရုတ်တရက်ဆိုသလို

"ငါ ထပ်ပြီးလည်း ချစ်သူမရှာ​တော့ဘူးဟာ"

"...."

စု​ဟောက်အန်းက စန်းရန်အား လှမ်းကြည့်လိုက်၍

"သူငယ်ချင်းကြီး..ငါတို့နှစ်​ယောက်က အ​ကောင်းဆုံးညီအစ်ကို​တွေဟုတ်တယ်မလား..ငါ့မှာ မင်းရှိ​နေရင်ရပြီ..မင်းလည်း ငါ့ကို မင်းနှလုံးသားထဲမှာ NO.1 အဖြစ်ထား​ပေး..သိလား"

သူတို့နှစ်​ဦး ဘာဆက်​ပြော​နေကြမှန်းမသိ။

​ပေါက်ကရ​လေးဆယ်​ကောလဟလစကားများက ဤအတိုင်းအတာထိ​ရောက်လာသည့်အတွက်​ကြောင့် ကျုံးစစ်​ချောင်က အနည်းငယ်အားနာသွားဟန်ဖြင့် စန်းရန်အား တစ်ချက်လှမ်းကြည့်ကာ စကားစဆိုလိုက်၏။

"အားလုံးက ​ဟာသအဖြစ်​လျှောက်​ပြော​နေကြတာ​တွေချည်းပါပဲ..လာ လာ..ငါတို့ ဆက်ပြီး ကစားရ​အောင်"

ဝိန်းရိဖန်လည်း ခန္ဓာကိုယ်အား အ​ရှေ့သို့တိုးသွားကာ အန်စာခွက်အား​ခေါက်လိုက်၏။

မျက်ဝန်း​ထောင့်စွန်းမှ​နေပြီး သူမ မြင်​နေရသည့်စန်းရန်က မည်သည့်လှုပ်ရှားမှုမှလည်း မရှိသလို စု​ဟောက်အန်း၏အ​မေးကိုလည်း ပြန်မ​ဖြေ။ဆိုဖာကိုသာ မှီ၍ထိုင်​နေပြီး သူ့ဖုန်းအား တစ်ချက်ကြည့်လိုက်ကာ ရုတ်တရက် မတ်တပ်ထရပ်၍

"မင်းတို့ပဲ ကစား​တော့"

စု​ဟောက်အန်း ;

"အာ?..မင်း ဘာသွားလုပ်မလို့လဲ"

စန်းရန်က ပါးစပ်ထဲရှိသည့်စကားတစ်ခွန်းအား အလျင်းသင့်သလို ဆိုလိုက်၏။

"အိပ်ချင်​နေပြီ..သွားအိပ်​တော့မလို့"

စု​ဟောက်အန်း ;

"အခုမှ ဘယ်နှနာရီပဲ ရှိ​သေးတာမလို့လဲ"

စန်းရန်က ရှားရှားပါးပါးကိုရှင်းပြ​နေခြင်းဖြစ်၍

"မ​နေ့ညက အိပ်တာ ​နောက်ကျလို့"

​နောက်တွင်​တော့ သူက အရက်တစ်ခွက်အား စနစ်ကျကျငှဲ့လိုက်ပြီး နှုတ်ခမ်း​ထောင့်စွန်းများက မသိမသာ​လေး​ကွေးညွှတ်ပြ၍

"ဒီ​နေ့ ​အ​ပျော်​တွေကိုဖျက်မိသွားတာ ငါ ပါ..မင်းတို့ပဲ ဆက်ကစားကြ​တော့"

ထို့​နောက် စု​ဟောက်အန်းရှိရာဘက်သို့ လှမ်းကြည့်ပြီး

"မင်း ဧည့်ခံလိုက်​တော့..ကျသင့်​ငွေကို ငါ့စာရင်းထဲ ထည့်မှတ်လိုက်"

စကား​ပြောဆိုပြီးသည်နှင့် စန်းရန်က မည်သူ့ကိုမှ မကြည့်​တော့ဘဲ စားပွဲ​ပေါ်မှ မီးခြစ်အား လှမ်းယူကာ ထွက်သွားခဲ့​တော့၏။

စန်းရန်၏စိတ်အ​ခြေအ​နေက ပုံမှန်မျိုးသာဖြစ်ပြီး သူ့အရင်အပြုအမူ၊အမူအရာများနှင့်ယှဥ်လျှင် အ​တော်​လေးနူးညံ့သွားပုံလည်းရသည်။အခြားသူများအ​နေဖြင့် မူမမှန်သည့်မည်သည့်အရာမျိုးကိုမှ မခံစားရ​သော်ငြား ဝိန်းရိဖန်အ​နေဖြင့်​တော့ အ​ကြောင်းပြချက်မရှိပါဘဲနှင့် အနည်းငယ်မွန်းကြပ်သလိုခံစား​နေမိ​တော့သည်။

သုံး​လေးကြိမ်မျှ ဆက်ကစား​နေပြီး​နောက် စု​ဟောက်အန်းက စန်းရန်ရှိမ​နေ​တော့သည့်အတွက်​ကြောင့်လည်း ဤငယ်​ပေါင်းကြီး​ဖော်သူငယ်ချင်းသုံး​ယောက်ကြားတွင် ​နေစရာမရှိထိုင်စရာမရှိဖြစ်​နေရကာ သိပ်မကြာလိုက်ခင်ပင် အ​ကြောင်းပြချက်တစ်ခုရှာပြီး ထွက်သွားခဲ့​တော့၏။

သူတို့ သုံးဦးသာ ကျန်​နေခဲ့၏။

အခြားသူနှစ်​ယောက်ထွက်သွားရုံဖြင့် ​လေထု၏အရှိန်မှာ မကျသွားခဲ့​ပေ။

သို့​သော် ဝိန်းရိဖန်မှာ​တော့ အနည်းငယ်စိတ်လွတ်ကိုယ်လွတ်ဖြစ်လာရ​တော့၏။

နှစ်ဦးသားစကား​ပြော​နေကြသည့်အချိန်၌ ရုတ်တရက်ဆိုသလို​ခေါ်လိုက်၏။

"​ချောင်​ချောင်"

ကျုံးစစ်​ချောင် ;

"အာ?..ဘာလဲ"

"နင် ခုဏတုန်းက​ပြောတဲ့ ဟို သွမ့်ကျားရွှီဆိုတဲ့တစ်​ယောက်​လေ..သူနဲ့စန်းရန်ရဲ့ဆက်ဆံ​ရေးက အရမ်း​ကောင်းတာလား"

"အရမ်း​ကောင်းမယ်လို့ ထင်တာပဲ..မဟုတ်ရင် ဒီလို​ပေါက်ကရသတင်းမျိုး​တွေထွက်လာမှာမဟုတ်ဘူး​လေ..ငါလည်း ​သေ​သေချာချာသိ​နေတာမျိုး​တော့မဟုတ်ဘူး..ငါနဲ့ သူတို့နဲ့မှ ​မေဂျာချင်းမတူတာ..ဒါ​ပေမယ့် ငါ့အခန်း​ဖော်တစ်​ယောက်က အရင်တုန်းက စန်းရန်ကို လိုက်ဖူးတယ်..သူ့​ပြောစကားအရ​တော့ စန်းရန်ကိုလိုက်မယ်ဆိုရင် သွမ့်ကျားရွှီကိုပါ အချစ်ပြိုင်ဖက်ထဲထည့်ထားဖို့ လိုတယ်တဲ့"

"...."

ဝိန်းရိဖန် ;

"သွမ့်ကျားရွှီက အခု ယီဟဲ မှာလား"

"ဟုတ်တယ်..သူက ယီဟဲဇာတိလားလို့..ဘွဲ့ရပြီး​နောက်ပိုင်း အလုပ်လုပ်ဖို့ပြန်သွားခဲ့တာ"

ကျုံးစစ်​ချောင်က မျက်​တောင်ပုတ်ခတ်ပုတ်ခတ်လုပ်ရင်း

"နင် ဘာလို့ ရုတ်တရက်ကြီး အဲ့တစ်​ယောက်ကို စိတ်ဝင်တစားဖြစ်​နေရတာလဲ..နင် ယီဟဲမှာ​နေ​တုန်းက ​တွေ့ဖူးလိုက်လို့လား"

ဝိန်းရိဖန်က သက်ပြင်းချလိုက်ရင်း

"မဟုတ်ပါဘူး..ငါ ဒီတိုင်း​မေးကြည့်တာ"

ဝိန်းရိဖန်က မနက်ဖြန်အလုပ်သွားရဦးမည်ကိုသိ​သော​ကြောင့် သုံး​ယောက်သားက ကြာကြာမ​နေဖြစ်ခဲ့ကြဘဲ ဆယ်နာရီခွဲဝန်းကျင်၌ပင် ဘားထဲမှ ထွက်လာကြခဲ့၏။ ရှန့်လန်က ကျသင့်​ငွေကိုရှင်းချင်​သော်လည်း ဘားထဲ၌ရှိ​နေဆဲဖြစ်သည့် စု​ဟောက်အန်းက အတင်းတား​သည့်အပြင် ကားပါကင်ထိပါ တက်တက်ကြွကြွလိုက်ပို့​ပေးခဲ့သည်။

ရှန့်လန်က ကား​မောင်းရမည်ဖြစ်​သော​ကြောင့် တစ်ညလုံးအရက်မ​သောက်ထားခဲ့။

ဝိန်းရိဖန်နှင့်ကျုံးစစ်​ချောင်က အ​နောက်ခန်းထဲ၌ ဝင်ထိုင်လိုက်၏။

အိမ်ပြန်သည့်လမ်းတွင် ကျုံးစစ်​ချောင်က ဝိန်းရိဖန်နှင့်စန်းရန်တို့ အိမ်ခန်းမျှ​နေကြသည့်ကိစ္စကို ပြန်သတိရလာပြီး

"​အေ့..အစက်အစက်"

ဤနာမည်​ပြောင်အား သတိရလိုက်ပြီးကတည်းက ကျုံးစစ်​ချောင်က မကြာခဏဆိုသလို ​ခေါ်​နေ​တော့၏။

"နင် စန်းရန်နဲ့ အိမ်ခန်းမျှ​နေရတာ တကယ်​ရောအဆင်​ပြေလို့လား..မ​ပြေရင် နင် ရှန့်လန်​နေရာမှာ သွား​နေလိုက်..ရှန့်လန်ကို စန်းရန်နဲ့ ​နေခိုင်းလိုက်မယ်"

ရှန့်လန် ;

"ငါက ဘာမဆိုအဆင်​ပြေတယ်"

"ဘာအဆင်​မ​ပြေစရာရှိနိုင်မှာမလို့လဲ..ငါတို့နှစ်​ယောက်က အိမ်မှာဆိုရင် သူစိမ်း​တွေလိုပဲ..စကား​တောင်မ​ပြောကြဘူး..နင်တို့ ဒီ​နေ့မြင်တဲ့အတိုင်း သူက စကားများများ​ပြောရတာကိုကြိုက်တဲ့သူမျိုးမှမဟုတ်တာ..ငါတို့ ဒီတိုင်း အိမ်ခန်းမျှ​နေကြရုံ​လေးပဲ"

ရှန့်လန် ;

"တကယ်လို့ မင်း​ပြောင်းလာချင်တယ်ဆိုရင် ငါ့ကို လာ​ပြော​နော်"

-----

ရှန့်လန်​နေသည့်​နေရာက ကျုံးစစ်ချောင်အိမ်နှင့် နီး​သောကြောင့် ဝိန်းရိဖန်အား အရင်လိုက်ပို့ခဲ့၏။

စန်းရန်​ပြောခဲ့သည့် 'သွားအိပ်​တော့မယ်' ဆို​သောစကားကို​တွေးမိလိုက်ရင်း ဝိန်းရိဖန် အိမ်ထဲသို့ဝင်လာသည့်အချိန် အနည်းငယ်​အေး​အေးလူလူဖြစ်​နေခဲ့ကာ ပိန်းပိတ်​အောင်​မှောင်​နေသည့်ဧည့်ခန်းအား မြင်လိုက်ရသည့်အချိန်တွင်​​တော့ တစ်ခဏမျှ​ကြောင်အရင်း မီးဖွင့်လိုက်​တော့၏။

ဧည့်ခန်းအတွင်း တစ်စုံတစ်​ယောက်ပြန်လာသွားသည့်အရိပ်အ​ယောင်မျိုးမရှိ။

ဝိန်းရိဖန်က အိမ်​နေရင်းဖိနပ်ကိုလဲစီးပြီး သူမ၏အိပ်ခန်းဆီသို့​လျှောက်သွားသည့်အချိန် ၊ အိပ်ခန်းငယ်​ရှေ့မှ ဖြတ်လာရသည့်အခိုက် အလိုလိုတစ်ချက်လှမ်းကြည့်မိကာ ချက်ချင်းအကြည့်လွှဲပစ်လိုက်၏။အချိန်လည်း​နောက်ကျ​နေပြီဖြစ်​သော​ကြောင့် အိပ်ခန်းထဲသို့ဝင်ပြီး ​ရေအမြန်ချိုးလိုက်၏။

ပြန်ထွက်လာသည့်အချိန် လက်ကိုင်ဖုန်းအားဖွင့်ကြည့်လိုက်၏။

အခု​လေးတင် စန်းရန်ပို့ထားသည့် Wechat မှမက်​ဆေ့နှစ်​စောင်အား မြင်လိုက်ရသည်။

စန်းရန် ; [ ဒီ​နေ့ည ပြန်မလာဘူး ]

စန်းရန် ; [ တံခါးကို​သော့ခတ်ထားလိုက် ]

ဝိန်းရိဖန်က ခဏကြာကြာငြိမ်သက်​နေပြီး​နောက်မှ စာပြန်ပို့လိုက်၏။

[​ ကောင်းပြီ ]

စာပို့ပြီး​နောက်တွင် ဝိန်းရိဖန်က အိမ်တံခါးအား​သော့ခတ်လိုက်​တော့သည်။အနည်းငယ်ပင်ပန်း​နေသဖြင့်လည်း ဆံပင်​ရေစို​နေပါ​သေးသည့်တိုင် ​​လေမှုတ်ရမည်အား ပျင်း​နေမိ၏။ဆိုဖာ​ပေါ်ထိုင်လိုက်ရင်း သတင်းများတစ်ခဏကြည့်ပြီး​နောက် ပျင်းရိလာပြန်သဖြင့် တီဗွီဖွင့်ကြည့်လိုက်သည်။

ဖွင့်ဖွင့်လိုက်ချင်း မြို့​တော်ချန်နယ်ဖြစ်​နေကာ 'ချွမ်တ'သတင်းဌာန၏မနက်ခင်းသတင်းများကို ပြန်ပြသ​နေခြင်းဖြစ်သည်။တိုက်တိုက်ဆိုင်ဆိုင် သူမ လိုက်ထားသည့် အဓမ္မပြုကျင့်ရန် ကြိုးပမ်းမှု၏​နောက်ဆက်တွဲသ​တင်းပင်။

ဆိုင်ပိုင်ရှင်အမျိုးသား၏မျက်နှာက အညိုအမည်းများဖြင့်ပြည့်​နေ​သော်ငြား ရိုးသားသည့်မူ​က မ​ပျောက်သွား​ပေ။

ဤဗွီဒီယို​ကြောင့် ဝိန်းရိဖန်တစ်​ယောက် မြို့​တော်​ဆေးရုံ၌ ကျိန့်ခယ်ကျားနှင့်​တွေ့ခဲ့​သောကိစ္စအား ပြန်သတိရမိသွားကာ လုံးလုံးလျားလျားကိုစိတ်ရှုပ်​ထွေးသွားခဲ့ပြီး တီဗွီကိုပိတ် ၊ အိပ်ခန်းထဲသို့သာ ဝင်လာခဲ့သည်။

ကွန်ပျူတာအားဖွင့်လိုက်သည့်အချိန်တွင် ကျုံးစစ်​ချောင်ထံမှ မက်​ဆေ့​ရောက်လာခဲ့၏။

[ ငါ့ရဲ့ အ​ကောင့်ကို Like ​ပေး! ]

ကျုံးစစ်​ချောင် ;

[ ငါ မနက်ဖြန်ကျရင် အသားကင်သွားစားမလို့! Like 100 ရရင် ယွမ် ၁၀၀ ​လျော့​ပေးမှာတဲ့! ]

ဝိန်းရိဖန်က 'အင်း' ဟု ချက်ချင်းစာပြန်ပို့လိုက်၏။

ကျုံးစစ်​ချောင်၏ Profile ပုံကိုနှိပ်ပြီး အ​ကောင့်ထဲသို့ဝင်ပြီး ​နောက်ဆုံးတစ်ခုအား Like ​ပေးလိုက်၏။ ​အောက်သို့ ဆက်ဆွဲ၍ကြည့်လိုက်သည့်အခိုက်တွင် လျှပ်တပြက်ဆိုသလို ကျုံးစစ်​ချောင်တင်ထားသည့် နှစ်သစ်ကူးညပို့စ်တစ်ခုအား မြင်လိုက်ရ၏။

ကျုံးစစ်​ချောင် ; ဒီ​နေ့ည မီးရှုးမီးပန်းသွားကြည့်! (smile emoji) ဒါ​ပေမယ့် အ​စောတည်းကကြိုသိခဲ့ရင် 'တုန်းကျို'ရင်ပြင်ကို ​ရွေးပါတယ်..​ငါ့ရဲ့ အချိန်ပိုဆင်း​နေရတဲ့ဖန်ဖန်​လေးနဲ့ နှစ်သစ်ကူးကို အ​ဖော်လုပ်​ပေးချင်လို့ (cry emoji) ။

ဝိန်းရိဖန်က လှစ်ခနဲပြုံးလိုက်ပြီး ထိုပို့စ်အား လက်မတစ်ခု ​ပေးလိုက်၏။

ယ​နေ့ အိပ်ရာထ​နောက်ကျထားခြင်း​ကြောင့်လည်း ဝိန်းရိဖန်က အိပ်ချင်စိတ် သိပ်မရှိ​သေး။

သို့​သော်လည်း ယ​နေ့ည ဝိုင်အနည်းငယ်​ကြောင့်လားမသိ ၊ ကွန်ပျူတာကို ကြည့်​လာသည်နှင့်အမျှ မျက်ခွံများက သိသိသာသာငိုက်ကျလာခဲ့​​တော့၏။ ဝိန်းရိဖန်က သူမ၏အိပ်ငိုက်သွားသည့်စိတ်က​လေးကို အမြတ်တနိုးတန်ဖိုးထားလွန်းသူဖြစ်ရာ စာဆက်မ​ရေး​တော့ဘဲ အိပ်ရာ​ပေါ် တန်း​ရောက်လာ​လေ​တော့သည်။

အိပ်မ​ပျော်​သေးခင် ယ​နေ့ည ပြန်မလာသည့် စန်းရန်အ​ကြောင်းအား ​တွေးကြည့်မိလိုက်၏။

စု​ဟောက်အန်း​ပြောသွားသည့်စကားများမှာ ကျိုးသင့်​ကြောင်းသင့်မရှိခြင်းမျိုး​တော့ မဟုတ်။

စန်းရန်ကလည်း စု​​ဟောက်အန်း​ကို နှစ်သိမ့်အား​ပေးချင်​သော​ကြောင့် ပြန်မလာဘဲ...

စု​ဟောက်အန်းသည်လည်း ဝမ်လင်လင် ​ခြေရှုပ်​နေသည့်အ​ကြောင်းကို သိ​ကောင်းသိသွားခြင်း​ကြောင့်ပင် ဖြစ်လိမ့်မည်။

------

ယ​နေ့တွင် အတိတ်မှအဖြစ်အပျက်​ပေါင်းများစွာကို အစ​ဖော်ခံလိုက်ရခြင်းကြာင့် ဤတစ်ကြိမ်အိပ်စက်ခြင်းတွင် ဝိန်းရိဖန်သည် အထက်တန်း​ကျောင်းတုန်းမှကိစ္စတစ်ခုအား အိပ်မက်မက်ပါ​တော့သည်။

ဝိန်းရိဖန်၏ ​နွေး​နွေး​ထွေး​​ထွေး ​နှေး​နှေး​ကွေး​​ကွေးအကျင့်စရိုက်​လေးအရ အခြားသူများ သူငယ်ချင်းအ​ပေါင်းအသင်းများရပြီး​နေသည့်အချိန်ထိ သူမတွင် အတန်းထဲ၌ ရင်းနှီးလွန်းသည့်သူငယ်ချင်းဟူ၍ မရှိပါ​သေး​ချေ။ ထို့​ကြောင့် ​ကျောင်းဖွင့်ပြီး​တော်​တော်ကြာသည်အထိ ကျုံးစစ်​ချောင် ၊ ရှန့်လန် တို့နှင့်သာ ​နေ့လည်စာ စားဖြစ်ခဲ့ကြသည်။

တစ်ခါက။

ကျုံးစစ်​ချောင် အသင်းဝင်ထားသည့် အဖွဲ့က အသင်းလှုပ်ရှားများရှိ​နေခဲ့သည့်အတွက် ဝိန်းရိဖန်နှင့်ရှန့်လန် နှစ်​ယောက်တည်းသာ ထမင်းအတူစားဖြစ်ခဲ့သည်။

​နောက်တွင် ထမင်းစားခန်းထဲ၌ စန်းရန်နှင့် ဆုံ​လေသည်။

စန်းရန်၏​ယောက်ျား​လေးချင်း​ပေါင်းသင်းဆက်ဆံ​ရေးက အ​တော်​လေးကို​ကောင်းမွန်ကာ ဝိန်းရိဖန်မှ သူ့ကို​တွေ့လိုက်ရသည့်အချိန်တိုင်းတွင် သူ့​ဘေးပတ်ပတ်လည်၌ ​ယောက်ျား​လေးတစ်အုပ်ကြီးက ဝိုင်း​နေမြဲဖြစ်ပြီး သုံး​လေး​ယောက်ကသာ အမြဲတမ်းပါသည့်သူများဖြစ်ကြ၍ ကျန်သည့်​ကောင်​လေးများက တစ်ခါနှင့်တစ်ခါ မတူ။

ကြည့်လိုက်သည်နှင့် ​ပျော်​ပျော်ပါးပါး ဆူဆူညံညံမျိုးပင်။

လူတစ်အုပ်ကြီးက ထမင်းစားပြီး​နောက်တွင် ​နေရာတစ်​နေရာရှာပြီး ထိုင်​နေကြ၏။

ရုတ်တရက်ဆိုသလို ဝိန်းရိဖန်နှင့်ရှန့်လန်တို့ မျက်နှာချင်းဆိုင်ထမင်းထိုင်စား​နေကြသည်ကိုမြင်ပြီး စန်းရန်၏မျက်ခုံးများ ပင့်​မြှောက်ကုန်​တော့၏။

အခြား​ကောင်​လေးများကလည်း တဝူးဝူးထ​အော်လာကြကာ သိပ်မကြာလိုက်ခင်ပင် ​နေရာမှထွက်သွားခဲ့ကြ၏။

ထို​နေ့ည​နေခင်းတွင်။

နှစ်​ယောက်သား၏ အစကတည်းက အဆက်မပြတ်ထွက်​နေသည့်သတင်းများက ဤကိစ္စ​ကြောင့် ပို၍ပင် သတင်းပိုများလာပါ​တော့သည်။

လုပ်ကြံဖန်တီးပြီးအသစ်ထွက်လာသည့်သတင်းများမှာ - ပန်းအိုးမ​လေးဝိန်းက စန်းရန်ဆို​သောတစ်​ယောက်ကို လုံးဝသ​ဘောမကျ​ပေမယ့် သူ့ဘက်က လက်မလွတ်တမ်းလိုက်ပိုးပမ်း​နေတာ​ကြောင့် မ​ကောင်းတတ်လို့လက်ခံရခြင်း ၊ ဒါ​ပေမယ့် ပိုသာ​သောတစ်​ယောက်ကို​တွေ့လိုက်ရသည့်အချိန် ​ဖောက်ပြန်သွားခဲ့​သည်ဟူ၍။

ဝိန်းရိဖန်က အခြား​ကျောင်းသားများကဲ့သို့ ည​နေခင်းကိုယ်ပိုင်စာကြည့်ချိန်တွင် အတန်းဝင်စရာမလိုဘဲ ည​နေခင်းစာကြည့်ချိန်တိုင်း အက​လေ့ကျင့်​ရေးခန်းထဲ၌ အချိန်ကုန်​လေ့ရှိသဖြင့် အသစ်ထွက်လာသည့်သတင်းများနှင့်ပတ်သတ်ပြီး ဘာမှမသိ​သေး​ပေ။

အ​ဆောင်ထဲတွင်လည်း အခန်း​ဖော်ပါ​နေသည့်အတင်းအဖျင်းကို ​အခန်း​ဖော်အား ပြော​ပြနေမည်မျိုးလည်းမဟုတ်။

သို့သည်တိုင် အ​ဆောင်ထဲသို့ပြန်​ရောက်လာသည့်အချိန်တွင် ပတ်ဝန်းကျင်က အနည်းငယ်ထူးဆန်း​နေသည်ကို​တော့ သူမ သတိထားမိလိုက်ပါ​သေး၏။

​နောက်တစ်​​နေ့တွင်။

ဝိန်းရိဖန် အတန်းထဲသို့​ရောက်လာသည့်အချိန် အခြားသူများက သူမအားထူးထူးဆန်းဆန်းဝိုင်းကြည့်​နေ​ကြောင်း ခံစားလိုက်ရ၏။ပထမတွင် များများစားစားမ​တွေးလိုက်ဘဲ အ​ခြေအမြစ်မရှိသည့်အတင်းအဖျင်းများ​ကြောင့်ဟုသာယူဆထားလိုက်သည်။

မထင်မှတ်ထားသည့်အတိုင်း အတန်းနှစ်ခုကြားရှိ သန့်စင်ခန်းအတွင်းသို့ဝင်လာသည့်အချိန်တွင် အခြားအတန်း​ဖော်များ​ပြော​နေကြသည့် သူမ၏အ​ကြောင်းကို အမှတ်တမဲ့ကြားလိုက်ရ၏။

"ငါဖြင့် ပန်းအိုးမဝိန်းက ဒီလိုဟာမျိုးမှန်း ထင်​တောင်မထင်ထားဘူး...."

"​တော်​တော်​လေးရွံစရာ​ကောင်းတာ​နော်"

"ရုပ်လှတယ်ဆိုကတည်းက အထင်​သေးလို့မရဘူး​လေ"

"အကျင့်စရိုက်ကပုတ်​နေရင် ရုပ်လှ​တော့လည်း ဘာထူးမှာလဲ"

------

ဝိန်းရိဖန်က လုံးဝကိုဆွံအသွားခဲ့ရင်း ဘယ်က​နေဘယ်လိုဖြစ်သွားခဲ့ပြီး အတန်းထဲ၌ 'ရွံစရာ​ကောင်းသည့်သတ္တဝါ'ဖြစ်သွားမှန်း မသိလိုက်ပါ​ချေ။ အခြားအတန်း​​ဖော်များထွက်သွားခဲ့သည့်အချိန်ထိ​စောင့်ပြီးမှ သန့်စင်ခန်းထဲက ထွက်လာကာ လက်​ဆေး​နေရင်း ယခုတ​လော သူမလုပ်မိထား​လောက်မည့် အပြစ်​ပြောစရာ​ကောင်းသည့်လုပ်ရပ်များကို ပြန်စဥ်းစားကြည့်လိုက်၏။

မည်သည့်အရာကိုမှ မစဥ်းစားမိ။

ထို့​ကြောင့် ဘယ်ဘက်နားမှဝင်လာပြီး ညာဘက်နားမှထွက်သွားသည့်အတိုင်း မကြားချင်​ယောင်သာ​ဆောင်လိုက်သည်။

အတန်းထဲသို့ ပြန်​ရောက်သည့်အချိန် ၊ ဝိန်းရိဖန်က သူမ၏ထိုင်ခုံ​နေရာ၌ ထိုင်ချလိုက်ချင်းတွင်...

စန်းရန်က ​ကောင်​လေးတစ်​ယောက်၏အင်္ကျီ​ကော်လံအား ရုတ်တရက်ဆွဲ​ဆောင့်ပြီး ဝိန်းရိဖန်အ​ရှေ့သို့ ဆွဲ​ခေါ်လာခဲ့၏။

"​တောင်းပန်"

ဤလှုပ်ရှားမှုအဖြစ်အပျက်များအားလုံးက ရုတ်တရက်​ရောက်ချလာခြင်း​ပင်။

ဝိန်းရိဖန်က ​ကြောင်အမ်းသွားခဲ့ပြီး သူမအား ​တောင်းပန်ခိုင်း​နေသည်ဟူ၍ ထင်မှတ်မိလိုက်သည်။

စန်းရန်၏ ဆရာကြီးစတိုင်လ်နှင့်အချိန်မ​ရွေး လူထရိုက်​တော့မည့်ပုံစံကို လှမ်းကြည့်ရင်း သူမအ​နေဖြင့် ပြန်​ပြောဖို့ပင်သတ္တိမရှိ ၊ သူမဘက်မှ အမှားတစ်ခုမှလုပ်ထားခြင်းမရှိပါသည့်တိုင် ချက်ချင်း စကားဆိုလိုက်၏။

"​တောင်းပန်ပါတယ်"

"...."

စန်းရန်က နဖူးကိုတွန့်လိုက်၍

"မင်းကို ​တောင်းပန်ခိုင်း​​နေတာ မဟုတ်ဘူး"

အင်္ကျီ​ကော်လံအား ဆွဲဆုတ်ခံထားသည့်​ကောင်​လေးက မျက်မှန်နှင့်ဖြစ်ပြီး ​ကြောက်​ကြောက်လန့်လန့်နှင့်လှမ်းကြည့်​နေ​လေသည်။

စန်းရန်က ထို​ကောင်​လေးကို ​အောက်စိုက်ကြည့်လိုက်၏။

"ငါ မင်းကို သင်ပြ​ပေး​နေရဦးမှာလား"

"ငါက ဒီတိုင်းစကားအဖြစ်​လျှောက်​ပြောတာပါ..."

မျက်မှန်နှင့်​ကောင်​လေးက ​ကြောက်လန့်တကြားရယ်​နေရင်း

"ဟာသအဖြစ် ​နောက်နေတာ..ပြီး​တော့ ငါတစ်​ယောက်တည်း​ပြော​နေတာမှမဟုတ်တာ...မင်း ငါ့ကို အရင်လွှတ်​ပေးပါလား"

"ဟာသအဖြစ် ​နောက်နေတာ?"

စန်းရန်က အသံထွက်​အောင်ရယ်ပြီး

"မင်းလိုယောက်ျားရင့်မာကြီးတစ်​ယောက်ရဲ့ပါးစပ်က ဒီ​လောက်​စျေး​ပေါ​နေတာ..မရှက်တတ်ဘူးလား"

"...."

"ငါစကားကို ဒီထိပဲ​ပြောမယ်..​နောက်ကို ဒီလို​သောက်အဓိပ္ပါယ်မရှိတဲ့သတင်း​တွေ ဆက်ဖြန့်​နေဦးမယ်ဆိုရင်..."

စန်းရန်က ​ခေါင်း​မော့လာကာ အခန်းပတ်ပတ်လည်အား တစ်ချက်​ဝေ့ကြည့်လိုက်၍ စကားလုံးတစ်လုံးချင်းစီဆိုလာခဲ့​တော့၏။

"ဘယ်သူ​ပြောတာပဲဖြစ်​နေ​နေ ​လောင်ဇစ်ကြားလိုက်ပြီဆိုတာနဲ့ တစ်​ယောက်ချင်းစီ စာရင်းလာရှင်း​ပေးမယ်"

စန်းရန် ;

"ငါဆိုတဲ့ ဒီ​ကောင်က​လေ ဘာကိုမှ စိတ်ဝင်တစားမရှိဘူး..တစ်ခုတည်း​သောဝါသနာကလည်း လက်စားလိုက်​ချေ​နေရတာကိုပဲ"

စကား​ပြောပြီးသည်နှင့် စန်းရန်က ထို​ကောင်​လေး၏အင်္ကျီ​ကော်လံအား လွှတ်ချပစ်လိုက်သည်။

မျက်မှန်တပ်ထားသည့်​ကောင်​လေးက ချက်ချင်းဆိုသလို ​ခေါင်းငုံ့ပြီး ဝိန်းရိဖန်အား ​တောင်းပန်လာခဲ့၏။

"​တောင်း..​တောင်းပန်ပါတယ်..နင် ​ဖောက်ပြန်​နေတယ်ဆိုပြီး ငါ တခြားသူ​တွေကို ​လျှောက်​ပြောမိပါတယ်..ငါ့မှာ ဘာသက်​သေမှမရှိဘဲ အလိမ်​အညာ​တွေပြောမိတာပါ..​နောက်ဆို မလုပ်​တော့ပါဘူး"

"...."

ဘာကို ​ဖောက်ပြန်တာလဲ?

ဝိန်းရိဖန်က ​ကြောင်အ​နေဆဲ။

​တောင်းပန်စကားဆိုပြီး​နောက် မျက်မှန်တပ်ထားသည့်​ကောင်​လေးက သူ့​နေရာသူ ပြန်သွားထိုင်​တော့မည်ပြင်လိုက်သည့်အခိုက်တွင် စန်းရန်က သူ့​ခြေ​ထောက်အား​မြှောက်လာပြီး ​ဘေးနားရှိစားပွဲခုံ​အောက်မှ သံတိုင်​ပေါ်တွင်တင်လိုက်ကာ ထို​ကောင်​လေး၏လမ်းကိုပိတ်လိုက်သည်။ထို့​နောက်တွင် သတိ​ပေးသည့်အသံဖြင့် ​ဖြေး​ဖြေးချင်းဆိုလာ၏။

"ငါက​ရော ခံရတဲ့သူ မဟုတ်ဘူးလား?"

"...."

"မင်း​ပြောသွားတဲ့အ​ခြေအ​နေကြီးကို ပြန်စဥ်းစားကြည့်စမ်းပါ..တစ်ဖက်လူက ငါ့ထက်သာတဲ့​ကောင်ကို​တွေ့လို့ ငါ့ကိုပစ်သွားတယ်ဆိုတဲ့စကားက ဘာလဲ"

ဤစကားကို​ပြော​နေရင်း စန်းရန်က ဝိန်းရိဖန်ရှိရာဆီသို့ ရုတ်တရက်လှမ်းကြည့်လိုက်၍

"တကယ်လို့များ ငါ့ဘက်က​နေ လက်မလွှတ်ချင်​​​လောက်အောင် လိုက်ပိုးပမ်း​ရတဲ့သူသာ ရှိလာခဲ့ရင်.."

ဝိန်းရိဖန်က သူ့အား ​မော့ကြည့်​နေ၏။

စန်းရန်၏မျက်နှာတစ်ခြမ်းက ​နေ​ရောင်ခြည်အားဆန့်ကျင်ထားကာ အမူအရာတို့က မ​ပြောင်းမလဲခက်ထန်​နေဆဲ။

"တစ်ဖက်လူကို ငါကပဲ ဆွဲ​ဆောင်ထား​နိုင်ရမယ်..နားလည်လား?"

(Zawgyi)

ဝိန္းရိဖန္၏အသက္ရႉႏႈန္းမ်ား ႐ုတ္ခ်ည္းရပ္တန့္သြားကာ မ်က္ေတာင္မ်ားပင့္ၿပီး စန္းရန္ကို လွမ္းၾကည့္မိလိုက္ေတာ့သည္။

"ယီဟဲ?"

စုေဟာက္အန္းက အထူးအဆန္းျဖစ္သြားရသည့္အျပင္ ပုံမွန္မဟုတ္ေသာကိစၥတစ္ခုျဖစ္ေသာေၾကာင့္

"မင္း ေနာက္ဆုံးတစ္ေခါက္ ေလယာဥ္နဲ႕ခရီးသြားတာက အလုပ္ကိစၥနဲ႕မဟုတ္ဘူးလား..ငါပဲ အမွတ္မွားေနတာလား..ဒါေပမယ့္ မင္း ဘာကိစၥမွလည္းမရွိဘဲနဲ႕ ယီဟဲကို ဘာသြားလုပ္တာလဲ..ၿပီးေတာ့ မင္း ဘယ္အခ်ိန္တုန္းကသြားလိုက္တာလဲ..ငါလည္း မသိလိုက္ပါလား"

စန္းရန္က တစ္ဖက္သို႔ေခါင္းလွည့္ၾကည့္ၿပီး

"ေမးခြန္းက ဘယ္ႏွခုေတာင္ေမးေနမွာလဲ"

"အို႔..ငါ သိၿပီ"

အရက္ေသာက္ထားျခင္းေၾကာင့္လည္းျဖစ္နိုင္ကာ စုေဟာက္အန္း၏အမူအရာ၊ခံစားခ်က္တို႔က ပုံမွန္ခ်ိန္မ်ားထက္ ပို၍တက္ႂကြေနၿပီး သူက ေဒါသထြက္သြားသည့္ဟန္ျဖင့္

"မင္းႀကီးေတာ္ႀကီး သြမ့္က်ား႐ႊီဆီ သြားတာမလား"

စန္းရန္က ျပန္မေျဖ။

"ငါ တကယ္ႀကီးကို လက္ခံလိုက္ပါၿပီ"

စုေဟာက္အန္းက ခပ္က်ယ္က်ယ္ေအာ္ဟစ္ပစ္၍

"တကယ္လို႔ ေလာင္ဇစ္သာ! နန္းဝူတကၠသိုလ္ကို! ေလွ်ာက္နိုင္ခဲ့ရင္! မင္းနဲ႕ ေပါက္ကရေလးဆယ္သတင္းထြက္ဖို႔အတြက္ သူ႕အလွည့္ ေရာက္လိမ့္မယ္မ်ားထင္လား!"

"...."

စန္းရန္က စိတ္မရွည္လက္မရွည္ျဖင့္

"မင္း အသံကိုေလ်ာ့"

က်ဳံးစစ္ေခ်ာင္၏ မိခင္တကၠသိုလ္ႀကီးမွာလည္း နန္းဝူတကၠသိုလ္ပင္ျဖစ္သည့္အတြက္ စုေဟာက္အန္းပြောသွားသည့်စကားများ၏အဓိပ္ပါယ်ကို နားလည္ေနခဲ့ကာ သေဘာတက်လိဳက္ရယ္ေလေတာ့သည္။ဝိန္းရိဖန္အနားသို႔ ကပ္လိုက္ၿပီး တစ္ဖက္ကရယ္ရင္း တစ္ဖက္ကလည္းရွင္းျပလိုက္၏။

"စုေဟာက္အန္းေျပာတဲ့ အဲ့ဒီသြမ့္က်ား႐ႊီဆိုတာလည္း ငါတို႔ေက်ာင္းကပဲ"

ဝိန္းရိဖန္က ဝမ္လင္လင္ေျပာျပခဲ့ဖူးသည့္စကားမ်ားကို သတိရၿပီးေခါင္းၿငိမ့္ျပလိုက္၏။

"သူတို႔ႏွစ္ေယာက္က ဌာနတစ္ခုတည္း ၊ ေမဂ်ာတစ္ခုတည္း ၊ အတန္းတစ္ခုတည္း အျပင္ အေဆာင္ပါတစ္ခန္းတည္း ေနတာ"

က်ဳံးစစ္ေခ်ာင္က ဆက္၍