သူ့မျက်နှာအမူအရာကို ကြည့်လိုက်ရခြင်းအားဖြင့် လက်ရှိအ​ခြေအ​နေမှာ မသိလိုက်ပါဘဲနှင့် ယမ်းနံ့များ​အောက်သို့​ရောက်သွားခဲ့ပြီဖြစ်မှန်း ဝိန်းရိဖန် သတိထားမိလိုက်သည်။

သို့​သော်လည်း ဝိန်းရိဖန်ထံ၌ စန်းရန်နှင့်ငြင်းခုန်လိုသည့်စိတ်မျိုးမရှိသည့်အပြင် ဘယ်စကားတစ်ခွန်းက သူ့အား မ​ပျော်မရွှင်ဖြစ်​အောင်လုပ်မိလိုက်မှန်းပင်မသိပါ​ပေ။သူမဘက်က စန်းရန်အ​ပေါ် မည်သည့်စိတ်ခံစားချက်မျိုးမှ မရှိ​နေသလို ​ဒေါသစိတ်များအားလုံးက ဝမ်လင်လင်တစ်​ယောက်တည်းကိုသာ ဦးတည်ခြင်းဖြစ်သည်။

"မဟုတ်ပါဘူး..နင် စိတ်မပူနဲ့"

ဝိန်းရိဖန်က တစ်ခဏမျှရပ်လိုက်ပြီးမှ တည်တည်ငြိမ်ငြိမ်ဖြင့်ဆက်၍

"နင် အာရုံ​နှောက်သွား​အောင်လည်း ငါမလုပ်ရဲပါဘူး"

"...."

"ပြီး​တော့ စိတ်ထဲလည်းမထည့်ထားဘူး..ငါ့ဘက်က အ​ခြေအ​နေ​တွေကို ရှင်းပြချင်ရုံသက်သက်ပဲ..ငါ​ပြောလိုက်တဲ့ထဲမှာ ဘယ်စကားတစ်ခွန်းက နင့်ကို မ​ပျော်မရွှင်ဖြစ်သွား​အောင် လုပ်မိလိုက်မှန်းမသိ​ပေမယ့် ဒီကိစ္စကြီးက ရုတ်တရက်ဖြစ်သွားခဲ့တာမလို့ ငါ့အ​နေနဲ့ ချက်ချင်းမတုန့်ပြန်တတ်သလိုဖြစ်သွားလို့ပါ..ပြီး​တော့ ငါတို့နှစ်​ယောက်လုံးရဲ့ လက်ရှိစိတ်အ​ခြေအ​နေက သိပ်မ​ကောင်းကြဘူးလို့ ငါထင်တယ်..ထပ်ပြီး အချိန်ကလည်း မ​စော​တော့တာမလို့...."

ဝိန်းရိဖန်က တစ်ခဏမျှ​တွေးကြည့်လိုက်ပြီး​နောက် ဆက်၍

"ဒါမှမဟုတ် ဒီလိုလုပ်ကြရ​အောင်..နင် ဒီ​နေ့ည​​တော့ ဒီမှာပဲ​နေလိုက်..ငါတို့နှစ်​ယောက် ​နောက်တစ်​ခေါက်ပြန်စဥ်းစားကြည့်ကြပြီး မနက်ဖြန် ငါ အလုပ်ဆင်းလာပြီးတဲ့အချိန်ကြမှ ပြန်​ဆွေး​နွေးကြမယ်"

စန်းရန်က ဝိန်းရိဖန်ကိုသာ ကြည့်​နေပြီး စကားတစ်ခွန်း​မဆိုပေ။

ဝိန်းရိဖန် ;

"အိမ်ခန်းကိုမျှ​နေတယ်ဆိုတာက အ​သေးအမွှားကိစ္စမှမဟုတ်တာ..ငါတို့ကလည်း အခုချက်ချင်း ဆုံးဖြတ်ချက်ချနိုင်တဲ့ စိတ်အ​ခြေအ​နေမျိုးမဟုတ်​သေးဘူး..ထပ်​ပြောရရင် နင် ဒီ​နေ့မှာ လက်ခံနိုင်တယ်ထင်တဲ့ကိစ္စက မနက်ဖြန်ကျရင် လက်မခံနိုင်​တော့တာမျိုးရှိနိုင်ပြီး ​အဲ့ကျမှရွှေ့မယ်​ပြောင်းမယ်ဆိုရင် ငါ့အ​နေနဲ့​ပြောရရင်​တော့ အရမ်းကိုအလုပ်ရှုပ်မှာ"

တစ်ခဏမျှ တိတ်ဆိတ်သွားပြန်​တော့သည်။

ဝိန်းရိဖန်က အမှန်တကယ် အိပ်ရာဝင်ချင်​နေပြီဖြစ်​သော်ငြား စန်းရန်က ဘာကိုမှမစိုးရိမ်သည့်အလား ထို​နေရာ၌သာထိုင်​နေ​လေသည်။ ထို​နေရာ၌ တစ်စက္ကန့်ပိုထိုင်​နေတိုင်း သူမ၏အိပ်ချိန်များကို တစ်စက္ကန့်ပိုဖြုန်းတီး​နေရသလိုပါပင်။ ဝိန်းရိဖန်က အနည်းငယ်စိတ်မရှည်ဟန်ဖြစ်လာပြီး

"ဒါဆို နင့်ဘာသာနင် စဥ်းစားကြည့်လိုက်​တော့​နော်..ငါ​တော့ အရင်...."

ငါ​တော့ အရင်အိပ်နှင့်ပြီ။

"​ကောင်းပြီ​လေ"

စန်းရန်က ရုတ်တရက်စကားဖြတ်​ပြောလိုက်ကာ သူ့အသံတို့က စိတ်မဝင်စားသည့်ပုံစံမျိုးဖြင့်

"မနက်ဖြန် မင်း ဘယ်အချိန်အလုပ်ဆင်းမှာလဲ"

"မ​သေချာ​သေးဘူး"

ဝိန်းရိဖန် စက္ကန့်ပိုင်းမျှ​တွေးကြည့်လိုက်၍

"ည ၈နာရီထက် ​နောက်မကျ​အောင်​တော့ ပြန်လာခဲ့မယ်"

စန်းရန်က မျက်လုံးပင့်ကြည့်လာပြီး 'အင်း' ဟူ၍ ခပ်တိုးတိုးသာတုန့်ပြန်လိုက်သည်။

ထိုစကားတစ်ခွန်းကြားလိုက်ရပြီးသည်နှင့်တပြိုင်နက် ခွင့်လွှတ်နားလည်​ပေးမှုဆိုသည့်ခံစားချက်များကိုပါ တစ်ပါတည်းခံစားမိလိုက်ရ၏။ဝိန်းရိဖန်က မတ်တပ်ထရပ်ပြီး အတွင်းဘက်အား ညွှန်ပြ၍

"ဒါဆို နင် ဒီ​နေ့ည အိပ်ခန်းအကြီးထဲမှာ အိပ်လိုက်လို့ရတယ်..ဒါ​ပေမယ့် အထဲမှာ ဘာမှမရှိလို့ နင့်ဘာသာနင်​တော့ အိပ်ရာပြင်ရမှာ"

ထို့​နောက် စန်းရန်၏ခရီး​ဆောင်အိတ်ကို တစ်ချက်လှမ်းကြည့်လိုက်ပြီး

"​စောင်​တွေ ​ခေါင်းအုံး​တွေ​တော့ ယူလာခဲ့တယ်မလား"

စန်းရန်က ပြန်မ​ဖြေ။

ဝိန်းရိဖန်က ထပ်၍ အ​မေးအမြန်းမပြု​တော့ဘဲ

"ဒါဆိုလည်း ငါ ​ရေချိုးပြီးအိပ်​တော့မယ်..နင်လည်း ​စော​စောအနားယူပါ"

ထို့​နောက်တွင် ဝိန်းရိဖန်က အိပ်ခန်းထဲသို့ဝင်လာပြီး အဝတ်အစားလဲကာ ​ရေချိုးခန်းထဲသို့ ဝင်သွားခဲ့၏။ အရမ်းအိပ်ချင်​နေခဲ့သဖြင့် မျက်လုံးများ စပ်ဖျင်းဖျင်းဖြစ်ခဲ့သလို ဦး​နှောက်တစ်ခုလုံးသည်လည်း ​ပေါက်ကွဲထွက်မတတ်ပင်။ သို့သည်တိုင်​အောင် ​​ရေချိုးခြင်းအမှုကို​တော့ ဒီထက်မြန်​အောင်မလုပ်နိုင်​တော့​ချေ။

ဝိန်းရိဖန် ထွက်လာသည့်အချိန်တွင် ဧည့်ခန်းထဲ၌ စန်းရန်၏အရိပ်အ​ယောင်ကို မ​တွေ့။ သူ့ခရီး​ဆောင်အိတ်က နဂို​နေရာ၌သာ ရှိ​နေဆဲ ၊ အိပ်ခန်းကြီး၏တံခါးသည်လည်း ပုံမှန်အတိုင်းပိတ်ထားဆဲဖြစ်ရာ အတွင်းထဲမှ မည်သည့်လှုပ်ရှားသံကိုမှမကြားရသဖြင့် သူရှိမရှိကို​တော့ မ​သေချာ​ပေ။

ဝိန်းရိဖန်က ချိတုံချတုံဖြစ်​နေ​သေး​သော်လည်း စန်းရန်ကို​တော့ လှမ်းမ​ခေါ်ကြည့်မိ​တော့၏။

အိပ်ရာမဝင်ခင် ဝိန်းရိဖန်က ဖုန်းအားတစ်ချက်လှမ်းကြည့်လိုက်​သည်။

မကြာခင်အချိန်​လေးအတွင်း၌ ဝမ်လင်လင်က သူမအား မက်​ဆေ့များ ပို့ထားခဲ့​သေး၏။

ဝမ်လင်လင် ; [ ​ရှောင်ဖန်..​တောင်းပန်ပါတယ်​နော်..အစ်မ ခုဏတုန်းက အိပ်​​နေတာက​နေနိုးနိုးချင်းမလို့ စကား​ပြောတာ နည်းနည်းမာသွားခဲ့တယ်..ဒီကိစ္စက အစ်မဘက်က ​ကောင်း​ကောင်းမကိုင်​တွယ်လို့ ဖြစ်ရတာမှန်း အစ်မသိပါတယ်..အစ်မရဲ့​ကောင်​လေးကိုလည်း ​မေးကြည့်ပြီးပါပြီ..သူ​ပြောတာက သူလည်း များများစားစားမ​တွေးမိလိုက်လို့ပါတဲ့..ဒါ​ပေမယ့် ​သော့ကို အလွယ်တကူမ​ပေးလိုက်သင့်မှန်း အစ်မတို့နှစ်​ယောက်စလုံး နားလည်ပါတယ်..မင်းကို လန့်​အောင်လုပ်မိသွားခဲ့တဲ့အ​တွက် တကယ်ကို အားနာမိပါတယ် ]

ဝမ်လင်လင် ; [ သူ့ဘက်က စန်းရန်ကိုလည်း ရှင်းရှင်းလင်းလင်းဖြစ်​​အောင် ​ပြောပြလိုက်မယ်တဲ့..ပြီး​တော့ အစ်မကိုလည်း သူ့အစား ​တောင်းပန်ခိုင်းလိုက်​သေးတယ် ]

ဝမ်လင်လင် ; [ မင်း စိတ်မဆိုးပါနဲ့​နော်..ပြီး​တော့ ဟို Ferrari က အစ်မ ဝမ်းကွဲအစ်ကိုရဲ့ကားပါ..အထင်မလွဲနဲ့ဦး ( /kiss emoji ) ဒီကိစ္စကို​တော့ လျှို့ဝှက်​ပေးထား​နော်..အစ်မ​ကောင်​လေးကို မ​ပြောပြနဲ့ဦး..အစ်မနဲ့ ဝမ်းကွဲအစ်ကိုနဲ့ ပတ်သတ်တာကို သူ သိပ်သ​ဘောမကျဖြစ်​နေလို့ ]

ဝိန်းရိဖန်က စာမပြန်​တော့ဘဲ ယ​နေ့အဖြစ်အပျက်ကိုသာ ပြန်​တွေးကြည့်မိလိုက်သည်။

ထိုအချိန်တုန်းက ဝမ်လင်လင်အား အဘယ်​ကြောင့်အလွန်​ဒေါသထွက်သွားမိမှန်းကို ​သေချာမသိပါ​သော်ငြား သူမ၏စိတ်ခံစားချက်ကို မထိန်းချုပ်နိုင်လိုက်ရခြင်းမှာ​တော့ ကြောက်လန့်မိသွားခဲ့ခြင်း​ကြောင်းပင်။

အကယ်၍ ယ​နေ့​ရောက်လာသည့်သူက စန်းရန်သာ မဟုတ်လျှင်...

အကယ်၍ ဝမ်လင်လင် ​သော့​ပေးလိုက်သည့်သူက အခြားသူစိမ်း​ယောက်ျားတစ်​ယောက်ဖြစ်​နေပြီး ယခင်က အိမ်နီးချင်းကဲ့သို့​သော လူမျိုးဖြစ်​နေခဲ့လျှင် သူမ အခုလိုမျိုး ​အေး​အေးချမ်းချမ်းနှင့်အိပ်​နေနိုင်ပါဦးမလား...

ဝိန်းရိဖန် ထပ်ပြီး သက်ပြင်းချလိုက်မိ​တော့၏။

ဘယ်လိုပင်ဖြစ်​စေ ဝိန်းရိဖန်အ​နေဖြင့် ဝမ်လင်လင်နှင့်ထပ်၍ အဆက်အဆံမလုပ်ချင်​တော့​၏။

ထို့​နောက်ဆက်ပြီး စန်းရန်နှင့် အိမ်ခန်းမျှ​နေကြမည့်အ​ကြောင်းအား ​စဥ်းစားကြည့်လိုက်သည်။

စိတ်ခံစားချက်များတည်ငြိမ်သွားခဲ့ပြီး​နောက် ​​နောက်တစ်ကြိမ်ပြန်​တွေးကြည့်သည့်အခါ ဤကိစ္စက သူမအတွက် လက်ခံ​ပေးလိုက်ရန်မခက်ခဲမှန်း နားလည်မိလိုက်သည်။ သူမအ​နေဖြင့် အတူ​နေမည့်အိမ်ခန်း​ဖော်က ဘယ်လိုဘယ်ပုံရှိ​နေရမည်ဆိုသည့် သတ်မှတ်ချက်မှာ များများစားစားမရှိ ၊ မိန်းက​လေးချင်းဖြစ်​နေလျှင်​တော့ အ​ကောင်းဆုံးပင်ဖြစ်​သော်ငြား ဆန့်ကျင်ဘက်လိင်ဆိုလျှင်လည်း အကျင့်စာရိတ္တ​သာကောင်းမွန်​လျှင် ပြဿနာမရှိ​ပေ။

စန်းရန်က စကားဆိုးများ​ အနည်းငယ်ပြောတတ်​သော်လည်း သူ့အကျင့်စာရိတ္တကို​တော့ ဝိန်းရိဖန် ယုံကြည်​နေဆဲဖြစ်၏။

ထို့အပြင် စန်းရန်က အချိန်ကြာကြာ​​နေမည်မဟုတ်ဘဲ သုံးလသာ ​နေထိုင်မည်ဖြစ်ပြီး ၊ ထိုအချိန်များအတွင်း၌ သူမနှင့်​ရေရှည်​နေထိုင်သွားမည့် အခန်း​ဖော်အသစ်တစ်​ယောက်အားရှာ​ဖွေရန်လည်း အချိန်ပိုရှိသွားခဲ့မည်ဖြစ်၏။

သို့​သော်လည်း ဝိန်းရိဖန် ခံစား​နေမိသည်မှာ...

'အပြင် ယခုတ​လော စန်းရန်မှ သူမအ​ပေါ်ဆက်ဆံခဲ့သည့်အပြုအမူများအရ သူ့ဘက်က သူမနှင့် ​နေ့တိုင်းညတိုင်း မျက်နှာချင်းဆိုင်​နေချင်​လောက်မည် မဟုတ်၏။

​နောက်တစ်​နေ့မနက်ခင်းတွင် ဝိန်းရိဖန်က ဖုန်း​ခေါ်ဆိုမှုတစ်ခု​ကြောင့် နိုးလာခဲ့သည်။

ဖုန်း​​ခေါ်ဆိုသူနံပါတ်အား မကြည့်ဖြစ်လိုက်ဘဲ မှုန်စုံ​ဝေဝါးဖြင့်လက်ခံ​ဖြေဆိုလိုက်ရာ အခြားတစ်ဖက်မှ သူမ၏အ​မေဖြစ်သူ '​ကျောက်ယွမ့်တုံ' ၏အသံကို ကြားလိုက်ရ၏။

"အားကျန့်"

ဝိန်းရိဖန်၏မျက်ခွံအား လှုပ်ခတ်သွားရင်း 'အင်း' ဟူ၍ ဝိုးတိုးဝါးတား​ဖြေလိုက်သည်။

​ကျောက်ယွမ့်တုံ ​ခေါ်လိုက်သည်မှာ သူမ၏ အိမ်နာမည်။

ဝိန်းရိဖန်​မွေးသည့်​နေ့တွင် တိုက်တိုက်ဆိုင်ဆိုင် ပထမဆုံးဆီးနှင်းများ ကျလာခဲ့ခြင်း​ကြောင့် အမည်မ​ပေးရ​သေးသည့်သူမအား အ​ဖေဖြစ်သူက '​ရှောင်ရွှမ်းကျန့်'(နှင်းစက်​လေး)ဟု ​အရင်ဦးစွာ​ခေါ်​စေခဲ့၏။​ နာမည်​​ပေးပြီး​နောက်ပိုင်းတွင်​လည်း အကျင့်ဖြစ်သွားကြ​သော​ကြောင့် အိမ်နာမည်ကိုသာ အ​ခေါ်အ​ဝေါ်များခဲ့ကြသည်။

အသက်အနည်းငယ်ကြီးလာသည့်အချိန်တွင် ထိုအိမ်နာမည်အား တဖြည်းဖြည်းဖြင့် 'အားကျန့်' ဟူ၍ နှစ်လုံးတည်းသာ အတိုချုံ့လိုက်ကြ​တော့သည်။သို့​သော် ဤအိမ်နာမည်အား မိသားစုဝင်များမှလွဲ၍ လက်ရှိအချိန်တွင် အခြားမည်သူတစ်ဦးတစ်​ယောက်ကမှ ​ခေါ်​ဝေါ်ခြင်းမရှိကြ​တော့​ပေ။

​ကျောက်ယွမ့်တုံ ;

"အိပ်​​နေတုန်းလား..​မေ​မေ ခဏ​နေ​လောက်မှ ဖုန်းထပ်​ခေါ်လာရမလား"

"ရတယ်..နိုး​နေပြီ"

"ယီဟဲမှာ ရာသီဥတု​အေးလား..အင်္ကျီကိုထူထူထဲထဲဝတ်ဖို့ မ​မေ့​နဲ့​နော်..​မေ​မေ မိုး​လေဝသသတင်းကိုကြည့်ထားတာ​..ယီဟဲဘက်မှာ -10/20 ဒီဂရီ​တောင်​ရောက်တယ်ဆို..​ကြောက်စရာ​ကောင်းလိုက်တာ..အ​အေးမမိ​စေနဲ့ဦး"

"​ကောင်းပါပြီ"

​ကျောက်ယွမ့်တုံက သက်ပြင်းချ၍

"သမီးဘက်က ​မေ​မေ့ဆီဖုန်းမဆက်တာ ဘယ်​လောက်​တောင်ကြာသွားခဲ့ပြီလဲ"

"အာ.."

ဝိန်းရိဖန် အသံတစ်ချက်ဖြင့်အာ​မေဍိတ်ပြုမိလိုက်ပြီး

"အခုတ​လော အလုပ်များ​နေလို့"

"သမီးအလုပ်များ​နေမှန်းသိလို့ ​မေ​မေလည်း အ​နှောက်အယှက်ဖြစ်မှာစိုးလို့ ဖုန်းမဆက်ရဲတာ​ပေါ့..ဒါ​ပေမယ့် မကြာခင်ပဲ နှစ်သစ်ကူး​ရောက်​တော့မှာ​လေ..​မေ​မေ ​​မေးကြည့်ချင်တာက ဒီနှစ် ပြန်လာဖြစ်မှာလားဆိုတာ"

(အရင်တစ်​ခေါက် နှစ်သစ်ကူးက Dec 31 ပါ ၊ အခုက တရုတ်လိုနှစ်သစ်ကူးပါ)

"...."

ဝိန်းရိဖန်က ပြန်​ဖြေရမည့်အစား ပြန်​မေးခွန်းထုတ်လိုက်၏။

"ဘယ်ကိုပြန်ရမှာလဲ"

ဖုန်း၏အခြားတစ်ဖက်တွင် စက္ကန့်ပိုင်း​လောက်တိတ်ဆိတ်သွားခဲ့ပြီး စကားသံတို့က ပုံမှန်အတိုင်းမ​ဖြောင့်ဖြူး​တော့ဘဲ

"ဘယ်လို 'ဘယ်ကိုပြန်ရမှာလဲ' တုန်း..​မေ​မေ့ဆီ ပြန်လာရမှာ​ပေါ့..​မေ​မေ သမီးကို မ​တွေ့ရတာ ဘယ်နှနှစ်​တောင်ရှိ​နေပြီလဲ..သမီးရဲ့ ဦး​လေးကျိန့်ကလည်း သမီးကိုသတိရ​နေတာ"

ဝိန်းရိဖန်က မျက်လုံးတစ်စုံကိုဖွင့်လိုက်ပြီး ငြင်ငြင်သာသာ​လေးဖြင့်

"အ​မေက သမီးကို ဘကြီးတို့ဆီသွားခိုင်းမယ်လို့ထင်​နေမိလို့"

သူမ၏စကား​ကြောင့် ​ကျောက်ယွမ့်တုံက ပြုံးလိုက်ပြီး

"​မေ​မေကလည်း သမီးကို ​မေ​မေ့ဆီပဲလာရမယ်လို့ ​ပြော​နေတာမဟုတ်ပါဘူး..ဘကြီးတို့ဆီသွားချင်ရင်လည်း သွား​လေ"

"သမီးက အ​မေ့ဆီကို ပိုလာချင်တာ"

ဝိန်းရိဖန်၏စကားသံတို့က ငြင်သာဆဲဖြစ်ပြီး ငြင်းခုန်လိုခြင်းအလျင်းမရှိ။

"ဒါ​ပေမယ့် အ​မေက 'ကျိန့်ခယ်ကျား' ကို ​ပြောပြပြီးပြီမလို့လား..သူ့(မ)ဘက်က​ရော နှစ်သစ်ကူးကို သူတို့နဲ့အတူတူ ဖြတ်သန်း​စေချင်လို့လား"

ထပ်၍ တိတ်ဆိတ်သွားပြန်​တော့၏။

ဤရုတ်တရက်ဆန်ဆန်​​မေးလိုက်သည့်​မေးခွန်းမှာ ယဥ်​ကျေးမှုအရ​ စကားအဖြစ်မေးလိုက်သည့်​မေးခွန်းတစ်ခုသာဖြစ်ပြီး ထိုသူမဘက်မှ လက်ခံ​ပေးရန် ​မျှော်လင့်​နေခြင်းမဟုတ်။

ဝိန်းရိဖန်က နှုတ်ခမ်းကို​ကွေးညွှတ်လိုက်ပြီး ချက်ချင်းဆိုသလို

"သမီးက အ​မေ့ကို ​နောက်​နေတာ..သမီး ဘယ်​နေရာကိုမှ မပြန်ဘူး"

​ကျောက်ယွမ့်တုံဘက်မှ မတုန့်ပြန်ခင် သူတို့နှစ်ဦး၏စကားဝိုင်းထဲသို့ စူးရှတက်ကြွ​နေသည့်​က​လေးမလေးတစ်​ယောက်အသံက ကြားဖြတ်ဝင်လာ၍

"​မေ​မေ..မြန်မြန်လာလို့!..ဒီလိ​မ္မော်သီး​တွေက ဘယ်လို​ရွေးရတာလဲ"

ထိုစကားသံက ကသိက​အောက်နိုင်​နေသည့်​လေထုကို ချိုးဖျက်လိုက်ခြင်းနှင့်တူသလိုလိုနှင့် ပို၍ ပြင်းထန်​သွား​အောင် ပြုလုပ်လိုက်ခြင်းပင်။

စကားသံကိုနား​ထောင်လိုက်ရခြင်းဖြင့် အသံပိုင်ရှင်က 'ကျိန့်ခယ်ကျား' မှန်း ဝိန်းရိဖန် ခန့်မှန်းနိုင်လိုက်၏။

"​အေ့!..​မေ​​မေက ဘာလို့ဖုန်း​​ပြော​နေတာလဲ..​မေ​မေ ဒီလိုလုပ်​နေရင် ​နောက်​ဆို ​စျေးဝယ်ထွက်ရင်အ​ဖော်မလိုက်​ပေး​တော့ဘူး"

"​အင်းပါ အင်းပါ အင်းပါ..အခုလာပြီ!"

​ကျောက်ယွမ့်တုံက တစ်ဖက်သို့အ​ကြောင်းပြန်ပြီးသည်နှင့် အသံကိုတိုးနိမ့်လိုက်ကာ

"အားကျန့်..​မေ​မေ ​နောက်မှပြန်​ခေါ်လာခဲ့မယ်​နော်"

သူမဘက်မှ ဘာစကားမှမဆိုလိုက်ရ​သေးခင် ​ကျောက်ယွမ်တုံ ဖုန်းချသွားခဲ့၏။

ဤမျှထိ ​လော​လောပြာပြာပုံစံမျိုးဖြင့်...

ကြည့်ရသည်မှာ ဆက်ခံသူအ​သေး​လေး စိတ်ဆိုးသွားမည်ကို စိုးရိမ်​နေသည့်ပုံ။

ဝိန်းရိဖန်က ဖုန်းအား ​ဘေးတစ်ဖက်သို့ပစ်တင်လိုက်ကာ ပြန်အိပ်​ပျော်ရန် ကြိုးစားလိုက်​တော့၏။

သူမက ဤဖုန်း​ခေါ်ဆိုမှု​ကြောင့် စိတ်အ​နှောက်အယှက်ပြုခံရခြင်း​ကြောင့်မဟုတ်လျှင်​တောင် အစတည်းက ​ကောင်း​ကောင်းမွန်မွန်အိပ်​ပျော်​နေခြင်းမျိုးမဟုတ်။

ဝိန်းရိဖန်သည် အိပ်​မောကျ​​နေရာမှအနှိုးခံလိုက်ရလျှင် အလွန်အမင်းအိပ်ချင်​နေလျှင်​တောင် ပြန်အိပ်​ပျော်ဖို့ရန်ခက်ခဲသည့် အမျိုးအစားထဲတွင်ပါသဖြင့် ဖုန်းကိုသာ​နောက်တစ်ကြိမ်​လှမ်းယူပြီး အချိန်တစ်ချက်ကြည့်ကာ အိပ်ရာမှထလာခဲ့သည်။

​ရေချိုးခန်းဆီသို့ သွားသည့်အချိန် ဧည့်ခန်းထဲမှ ခရီး​ဆောင်အိတ်အား လှမ်းမြင်လိုက်ရပြန်​တော့၏။

တစ်ညလုံး ဘယ်​နေရာမှမ​ရွေ့ဘဲ ရှိ​နေဆဲ။

ဝိန်းရိဖန်က မ​နေ့ညမှဖြစ်အပျက်အား ဝိုးတဝါးပြန်​တွေးကြည့်ရင်း...

စန်းရန်က ​ရေချိုးပြီး အင်္ကျီမလဲဘူးလား???

ဝိန်းရိဖန် များများစားစားမ​တွေး​နေ​တော့ဘဲ အလျင်အမြန်ကိုယ်လက်​​ဆေး​ကြောကာ အဝတ်အစားလဲပြီး အပြင်ထွက်ရန်ပြင်လိုက်​တော့၏။ တံခါး​ပေါက်ဝဆီသို့​ရောက်လာပြီး ဖိနပ်လဲမည်အပြုတွင် စန်းရန်၏ဖိနပ် ရှိမ​နေ​ကြောင်းကို သတိထားမိလိုက်၏။

အကယ်၍ စန်းရန်၏ခရီး​ဆောင်အိတ်သာ ထို​နေရာ၌ ရှိမ​နေခဲ့လျှင် ​ဝိန်းရိဖန် ​သေချာ​ပေါက်​​တွေးလိုက်မိမည်မှာ စန်းရန်က သူမနှင့် နည်းနည်လေးမှအတူမျှမ​နေချင်ဘဲ ထွက်သွားခဲ့သည် ဟူ၍ပင်။

ဝိန်းရိဖန်က တစ်ခဏတာချိတုံချတုံ​တွေ​ဝေ​နေပြီး​နောက်တွင်​တော့ အိပ်ခန်းကြီး၏တံခါးအားခေါက်ရန် စိတ်ဆုံးဖြတ်ချက်ချလိုက်သည်။ခပ်ကြာကြာ​လေး​စောင့်ပြီးသည်အထိ ဘာမှမထူးခြား​သေး။ ​နောက်ထပ် သုံးကြိမ်ခန့်ထပ်​ခေါက်လိုက်ရင်းဖြင့်

"ငါ ဝင်လာမယ်​နော်"

တစ်ခဏကြာကြာ ထပ်​စောင့်လိုက်၏။

​နောက်တွင် ဝိန်းရိဖန်က တံခါးလက်ကိုင်အား လှည့်ဖွင့်ပြီး အသာအယာတွန်းဝင်လာခဲ့လိုက်သည်။

အထဲတွင် ဗလာကျင်းလျက် ၊ ကုတင်​ပေါ်မှ ​မွေ့ရာသာရှိပြီး တစ်​ယောက်​ယောက်အိပ်သွားသည့်အစအနမျိုးမရှိ​ ၊ ဝမ်လင်လင်ထွက်သွားသည့်အချိန်ကနှင့် မခြားမနား​ပေ။ မည်သူမှမ​နေ​သေးသည့်အတွက်လည်း စားပွဲ​ပေါ်၌ ဖုန်မှုန့်များပင် ရှိ​နေ​သေးသည်။

ဝိန်းရိဖန် ပြန်ထွက်လာပြီး ၊ ကုမ္ပဏီသို့သွားရန် ​မြေ​အောက်ရထား​ပေါ်၌ ​ရောက်​နေသည့်အချိန်။

ဤအဖြစ်အပျက်နှင့်ပတ်သတ်၍ သူမဘက်က မည်သည့်အမှားမျိုးမှမရှိ​နေ​ကြောင်း ​သေချာပါသည့်တိုင် စန်းရန်ညအိပ်မ​နေဘဲထွက်သွားခဲ့သည့်အမှုကြောင့် သူမသည်သာ လူစိတ်မရှိ ကိုယ်ချင်းစာစိတ်မရှိသည့်သူတစ်​ယောက်နှယ် ခံစားမိလိုက်​တော့သည်။

သူ့ပုံစံမှာ - သူ့အား ညအိပ်​နေသွားရန် ​ပြောသည့်စကားက မသိလျှင် သူမဘက်က မ​ကောင်းတတ်၍​ပြော​နေရသည့်အလား ၊ သူမ၏အပြုအမူက ဆိုးရွားလွန်း​နေ​သော​ကြောင့် တစ်ဖက်လူက ဂုဏ်သိက္ခာမာနများထိခိုက်သွားရပြီး သည်းညည်းမခံ​နိုင်​​​တော့သည့်အလားပင်။

သူမကသာ ဗီလန် ဖြစ်​နေသလိုလို...

​တွေးရင်း​တွေးရင်း ဝိန်းရိဖန်က Wechat မှတဆင့် စာပို့လိုက်၏။

[ နင် မ​နေ့ညက ဘယ်မှာအိပ်တာလဲ ]

မက်​ဆေ့ပို့ထား​သော်လည်း ဝိန်းရိဖန် ဌာနသို့​ရောက်သည့်အချိန်ထိ စန်းရန်က ပြန်စာမပို့လာ​သေး​ပေ။

​နောက်တွင်​တော့ ထိုအရာများကို ​တွေးချိန်ပင်မရ​တော့ဘဲ ​​တောက်​လျှောက်အလုပ်များ​နေခဲ့ကာ နေ့လည်ခင်း နှစ်နာရီထိုးသည့်အချိန်မှသာ အသက်ရှူ​ချောင်ရ​တော့၏။ဝိန်းရိဖန်က ဖုန်းကိုကြည့်လိုက်​သော်လည်း စန်းရန်ထံမှ ပြန်စာတစ်လုံးပင်မရှိ​သေး။

သူ၏ ဤအပြုအမူအရ ယ​နေ့ည သူတို့နှစ်ဦးစကား​ပြောမည့်ကိစ္စမှာ အဆင်များ​ပြေနိုင်ပါဦးမလား။

ဝိန်းရိဖန်က မက်​ဆေ့တစ်​စောင်ထပ်ပို့လိုက်၏။

[ ငါတို့ ဘယ်​နေရာမှာ စကားပြောမှာလဲ ]

ဝိန်းရိဖန် ; [ အိမ်မှာ​ပြောမှာလား ဒါမှမဟုတ် တခြား​နေရာမှာ ချိန်းပြီးမှ​ပြောကြမလား ]

ဤတစ်ကြိမ်တွင် စန်းရန်၏ပြန်စာက ခပ်မြန်မြန်​ရောက်လာခဲ့၏။

ဝိန်းရိဖန် ​နေ့လည်စာစားမပြီးခင်ပင်

[ ည ရှစ်နာရီ..မင်းအိမ်မှာ ]

ဝိန်းရိဖန် ; "...."

မင်း​မေကြီး​တော်ကြီး..ဘယ်လို​တောင် ဒီ​လောက်ထိ ဟိုလိုလိုဒီလိုလို ပြောနိုင်ရတာလဲ?..

မက်​ဆေ့ကိုစိုက်ကြည့်​နေရင်း တစ်ခုခုပုံမှန်မဟုတ်မှန်း ဝိန်းရိဖန် ခံစား​နေမိပါသည့်တိုင် ပြန်စာမပို့လျှင် မ​ကောင်းတတ်သည့်အတွက် 'OK' ဟုသာ ဟန်​ဆောင်ပန်​ဆောင်ပို့​ပေးလိုက်သည်။

-------

အလုပ်မဆင်းခင်တွင် ချန်​ဝေ့ဟွာက သတင်းတစ်ခုအား ရုတ်တရက်​ပေးလာပြီး စာမူအဖြစ်အ​ချော​ရေးခိုင်းလာခဲ့​လေသည်။ထို့​ကြောင့် အလုပ်ကိစ္စဖြင့် အချိန်ပိုဆင်းလိုက်ရပြီး ဌာနမှထွက်လာသည့်အချိန်တွင် ည ရှစ်နာရီ ထိုးလုနီးနီး။

​စန်းရန် စိတ်မရှည်ဖြစ်​နေမည်ကို စိုးရိမ်သဖြင့် ဝိန်းရိဖန်က သူ့အား အကျိုးအ​ကြောင်း​အရင်ပြောပြထားလိုက်​သည်။

အိမ်တံခါး​ရှေ့​ရောက်သည့်အချိန်တွင် ရှစ်နာရီခွဲပြီ ဖြစ်၏။

ဝိန်းရိဖန် တံခါးဖွင့်ပြီး အိမ်ထဲဝင်လာလိုက်၏။

အထဲတွင် ပိန်းပိတ်​အောင်​မှောင်မည်း​နေကာ စန်းရန်က ပြန်မ​ရောက်​သေး။

​သော့အား ဖိနပ်​စင်ပေါ်သို့တင်လိုက်သည့်အချိန်တွင်​တော့ ဝမ်လင်လင်၏​သော့ပါ ရှိ​နေ​ကြောင်း ဝိန်းရိဖန် သတိထားမိလိုက်​တော့၏။လှုပ်ရှားမှုများ ရပ်တန့်ကုန်ကာ ​သော့ကိုလှမ်းယူပြီး စိုက်ကြည့်​နေမိ၏။

စန်းရန်က ​သော့ကိုပင် မယူသွားခဲ့ခြင်း။

ဝိန်းရိဖန်က အ​တွေးများမ​နေ​တော့ဘဲ ​ရေ​နွေးတစ်အိုးတည်ကာ ဆိုဖာ​ပေါ်၌ထိုင်​နေလိုက်သည်။ ဧည့်ခန်းက သိသိသာသာကိုတိတ်ဆိတ်​နေသဖြင့် ဝိန်းရိဖန်က တီဗွီဖွင့်လိုက်ပြီး ​၊ ရေ​နွေးအိုးဆူလာသည့်အခိုက်တွင် အိမ်တံခါးဘဲလ်လည်း မြည်လာခဲ့သည်။

သူမ တံခါးသွားဖွင့်​​ပေးလိုက်လျှင် စန်းရန်က အိတ်ကပ်ထဲသို့လက်ထည့်ပြီး မတ်တပ်ရပ်​နေကာ ဝတ်ထားသည့်အနက်​ရောင်ဂျက်ကတ်က အသစ်ဝယ်ထားပုံရသည်။သူ့မျက်လုံးတစ်ဝိုက်တွင် အနည်းငယ်မည်း​နေပြီး တစ်ညလုံးအိပ်​ရေးပျက်ထားသည့်အလား သူ့ပုံစံက မှိန်​တွေ​တွေဖြစ်​နေ​သေး၏။

ဝိန်းရိဖန်က နှုတ်ဆက်ရင်း သူ့အား လမ်းဖယ်​ပေး၍

"အရင်ဆုံး ထိုင်​လေ"

စန်းရန်က စကားတစ်ခွန်းပြန်မ​ပြောဘဲ အိမ်ထဲသို့​လျှောက်ဝင်လာကာ နှစ်​ယောက်သားက မ​နေ့ကထိုင်ခဲ့သည့်​နေရာအတိုင်း ပြန်ထိုင်​နေကြ​တော့သည်။

ဝိန်းရိဖန်က သူ့အတွက် ​ရေ​နွေး​နွေးတစ်ခွက်ငှဲ့​ပေးလိုက်ပြီး အဓိကအ​ကြောင်းအရာအား မ​ဆွေး​နွေးခင် အလျင်းသင့်သည့်စကားတစ်ခွန်းအားအရင်ဆိုလိုက်၏။

"မ​နေ့ညက ဘယ်မှာအိပ်တာလဲ..ကြည့်ရတာ အိပ်ခန်းကြီးထဲမှာ နင် မအိပ်သွားဘူးလားလို့"

စန်းရန်က ​ရေ​နွေးကို လှမ်းယူလိုက်​သော်လည်း မ​သောက်ဘဲနှင့်

"ဟိုတယ်"

ဝိန်းရိဖန်က အနည်းငယ်အံ့အားသင့်သွားသလိုမျိုးဖြင့်

"နင်​ပြော​တော့ သွားရမှာပျင်းတယ်ဆို"

စန်းရန် ;

"သူများအိမ်မှာ အိပ်တတ်တဲ့အကျင့်မရှိလို့"

"...."

သူ့ ဒီစကားတစ်ခွန်းက အဓိပ္ပါယ်​အကြီးကြီးကို ပါ​နေတယ်မလား???

မ​နေ့ညက သူ့ဘက်မှ ​ပြောင်းလာ​နေဖြစ်မည့်အ​ကြောင်းအား ဆုံးဖြတ်ချက်မချရ​သေးသဖြင့် ဤအိမ်ခန်းက ဝိန်းရိဖန်၏အိမ်ဟု သတ်မှတ်၍ရကာ ၊ အကယ်၍ မ​နေ့ညကသာ ဤအိမ်ခန်းထဲ၌​နေလိုက်လျှင် သူ့အဖြစ်က သူမဆီမှသနားခံရပြီး အိမ်​ခြေရာမဲ့သတ္တဝါ​လေးတစ်​ကောင် ဖြစ်သွား​တော့မည့်အလားပင်။

"နင် အိပ်တာအဆင်​ပြေရင် ပြီးတာပါပဲ"

ဝိန်းရိဖန်က ​ရေတစ်ငုံ​သောက်လိုက်ပြီးမှ

"ဒါဆို ငါတို့ စပြီး​ဆွေး​နွေးကြမလား?..မ​နေ့က ငါနင့်ကို​ပြောပြတဲ့ဟာ​ကို​ရော နင် နားလည်တယ်မလား"

"အင်း"

ဝိန်းရိဖန် ;

"နင် ​သေချာစဥ်းစားပြီးပြီလား"

စန်းရန်က သူမအား လှမ်းကြည့်၍ ပြန်​မေးလိုက်သည်။

"မင်း ​သေချာစဥ်းစားပြီးပြီလား"

"အင်း..ငါ့အ​နေနဲ့ အတူမျှ​နေမယ့်အိမ်ခန်း​ဖော်နဲ့ပတ်သတ်ပြီး လိုချင်တဲ့စည်းကမ်းချက်​တွေက သိပ်မများဘူး..အကျင့်စာရိတ္တမှာ ပြဿနာမရှိတာရယ် ၊ တစ်​ယောက်ကိုတစ်​ယောက် အရမ်းစွက်ဖက်တာမျိုး မရှိရင်ရပြီ..ပြီး​တော့ နင်က သုံးလပဲ​နေမှာမလား..အရမ်းမှမကြာတာ"

စန်းရန်က မျက်ခုံးများပင့်​မြှောက်လိုက်၍

"မင်းက ကိုယ်နဲ့ပတ်သတ်ပြီး အဲ့​လောက်​တောင်စိတ်ချလက်ချ​နေနိုင်တယ်လား"

ဝိန်းရိဖန်က ​ကြောင်အသွားလျက်ဖြင့်

"စိတ်မချစရာအ​ကြောင်းမှမရှိတာ"

စန်းရန်က ပြုံးလိုက်ကာ ​ဖြေး​ဖြေးချင်းစကားဆိုလာလိုက်၏။

"ဒါ​ပေမယ့် ကိုယ်က​တော့ မင်းနဲ့ပတ်သတ်ပြီး သိပ်စိတ်မချနိုင်ဘူး​ရော်"

"...."

ဒါဆိုလည်း နင် မ​နေနဲ့​လေ..

သူ၏ ကိုယ့်ကိုကိုယ်အထင်ကြီးဂုဏ်ဆာလွန်း​နေသည့်အပြုအမူကြောင့် ​ဝိန်းရိဖန်တစ်​ယောက် ပြောစရာစကား​ပျောက်ရှသွားခဲ့ရ​သော်လည်း သည်းညည်းခံလိုက်ရကာ

"ငါက ပုံမှန်ဆိုရင်လည်း အိမ်မှာ​နေ​နေတဲ့အချိန်မှာ အခန်း​ဖော်​နဲ့သိပ်ပြီးအဆက်အဆံလုပ်​လေ့မရှိဘူး..ဝမ်လင်လင်နဲ့​နေတုန်းကလည်း ဒီလိုပဲ..တကယ်လို့ နင် စိတ်မချဘူးဆိုရင် နင် အခန်းထဲမှာရှိ​နေတဲ့အခါ အခန်းတံခါးကို​လော့ချထားလိုက်​လေ"

​​သော့​ပေါင်းရှစ်​ထောင်​လောက် ခတ်ထားလည်း သူမ ဂရုမစိုက်ဘူး​ဟေ့..

စန်းရန်က မျက်ခုံးကိုသာ ပင့်​မြှောက်လိုက်ပြီး စကားတစ်ခွန်း ပြန်မဆို။

ဝိန်းရိဖန်က ဆက်၍

"တကယ်လို့ နင် လက်ခံနိုင်ပြီဆိုရင် ငါတို့ အိမ်ခန်းကိုမျှ​နေတဲ့အချိန် လိုအပ်မယ့်​ဆောင်ရန်​ရှောင်ရန်အချက်​တွေကို ​​ဆွေး​​နွေးရ​အောင်"

စန်းရန် ;

"ဘာ​ဆွေး​နွေးမှာလဲ"

"ပထမဆုံးတစ်ခုက အိမ်ခန်းငှားခနဲ့စရံ​ငွေ"

ဝိန်းရိဖန်က စီးပွား​ရေးဆန်ဆန်ဖြင့် တည့်တိုးသာစကားဆို​လေသည်။

"ဝမ်လင်လင်​ပြောင်းသွားတဲ့အချိန်တုန်းက အိမ်ခန်းပိုင်ရှင်ရဲ့ wechat အ​ကောင့်ကို ငါ့ဆီ​​ပေးထားခဲ့တယ်..အခန်းငှားစာချုပ်က ဝမ်လင်လင်တစ်​ယောက်တည်းရဲ့နာမည်နဲ့ စာချုပ်ချုပ်ထားပြီး​တော့ ​နောက်ထပ် ၆လ​နေမှ သက်တမ်းကုန်မှာ"

ဝိန်းရိဖန် ; "အိမ်ခန်းငှားခက တစ်လကို ယွမ် ၅၀၀၀..စရံ​ငွေက တစ်လစာကြို​ပေးထားရတယ်..အခု​လော​လောဆယ်​တော့ ငါပဲ ​ပေးထားတာ..နင် ​ပြောင်းလာပြီဆိုမှ​တော့ ငါတို့နှစ်​ယောက် တစ်​ယောက်တစ်ဝက်ညီတူမျှတူခွဲကြမလား"

စန်းရန်က ပျင်းတိပျင်းရွဲဖြင့်

"ရတယ်"

"ဒါဆို ငါ နင့်ကို ပိုပြီးရှင်းသွား​အောင်​ပြောပြမယ်"

ဝိန်းရိဖန်က ခန္ဓာကိုယ်ကိုကိုင်းကာ ​စားပွဲ​အောက်မှ ​ဘောပင်နှင့်စာအုပ်ကို လှမ်းယူလိုက်ပြီး နံပါတ်စဥ်များ တပ်လိုက်၏။

"ငါက အခု အိပ်ခန်းငယ်ထဲမှာ ​နေ​နေတာ..နင့်အခန်းက ဝမ်လင်လင်​​နေသွားခဲ့တဲ့အိပ်ခန်းကြီး..အိပ်ခန်းကြီးထဲမှာ ​ရေချိုးခန်းပါတယ်..ဒါ​ကြောင့်မလို့ ငှားခက ငါ့ထက်​တော့များလိမ့်မယ်..တစ်လကို ယွမ် ၃၀၀၀"

ဤအထိ စကားဆိုလာပြီး​နောက် ဝိန်းရိဖန်က တစ်ခဏရပ်ကာ ​ခေါင်း​မော့ကြည့်လိုက်၍

"ဒီလိုဆိုရင်​​ရော နင် အဆင်​​ပြေတယ်မလား"

စန်းရန်၏လက်တစ်ဖက်က သူ့​မေးဖျားအားပွတ်သပ်​နေရင်း မျက်ဝန်းများက သူမအ​ပေါ်၌သာ ကျ​ရောက်​နေလျက်ရှိပြီး ​​ပေါ့ပျက်ပျက်ဖြင့်နား​ထောင်​နေ​လေသည်။

"အင်း"

ခြားနား​နေသည့်အကွာအ​ဝေးမှာ စကား​ပြော​နေကြခြင်း​ကြောင့် နှစ်​ယောက်သားက ပို၍နီးသထက်နီးလာခဲ့ကြသည်။

"​ရေဖိုးနဲ့မီတာခွန်က စာအုပ်နဲ့သပ်သပ်စီ​​ပေးရတယ်..ငါ ဟိုတ​လောတုန်းကမှ ​ရေဖိုးသွား​ပေးထား​တာမလို့"

ဝိန်းရိဖန်က ​လျှောကျလာသည့်ဆံပင်စများအား နားရွက်အ​နောက်သို့သပ်တင်လိုက်ကာ စာအုပ်အားလှမ်းပြလိုက်၍

"ဒီထဲမှာ ယွမ် ၈၀၀ ရှိ​သေးတယ်"

ဝိန်းရိဖန်က ဆက်၍

"ဒါဆို နင် ငါ့ကိုအရင်ဆုံး ယွမ် ၅၉၀၀ လွှဲ​ပေးထားလိုက်ရင်ရပြီ"

( တစ်လစာ စရံ​ငွေတစ်ဝက် ၂၅၀၀ ၊ အိပ်ခန်းကြီးတစ်လငှားခ ၃၀၀၀ ၊ ​ရေဖိုးမီးဖိုး တစ်ဝက် ၄၀၀ )

စကား​ပြော​နေရင်း ဝိန်းရိဖန်က စန်းရန်အား လှမ်းကြည့်လိုက်လျှင် စန်းရန်က အကြည့်များကိုလွှဲလိုက်၍

"ဖြစ်တယ်"

"အခြားဟာ​တွေက​တော့..ဘာပဲဖြစ်ဖြစ် အတူတူမျှ​နေကြ​​တာဆို​တော့ တစ်ချို့ပစ္စည်း​တွေက နင့်ဟာ ငါ့ဟာဆိုပြီး ​သေ​သေချာချာခွဲလို့မရတာမျိုး​တွေရှိတယ်​လေ..အိမ်သုံးပစ္စည်း​တွေကို​ရော ငါတို့မျှသုံးကြမှာလား?..သုံးမယ်ဆိုရင် ငါ မနက်ဖြန်ကျမှ စာရင်းအတိအကျလုပ်​ပေးခဲ့မယ်..နင့်ဘက်က မလုပ်ချင်ဘူးဆိုရင်​တော့ ငါတို့ ကိုယ့်ပစ္စည်းကိုယ်ခွဲသုံးလည်း အဆင်​ပြေတယ်"