အပြင်ဘက်ရှိရာသီဥတု အေးစိမ့်လွန်း​နေသည်မှာလည်း သိသိသာသာ။

အ​နွေးဓါတ်​ပေးနိုင်မည့် ဆွယ်တာ​လေးကလည်း ​ရေစိုသွားခဲ့ပြီဖြစ်၍ အိတ်တစ်အိတ်ထဲ ထိုးထည့်ခံထားရ​​တော့သည်။အိမ်တံခါး၏အ​ရှေ့သို့ ​ရောက်သည်နှင့်အချိန်တွင်​တော့ ခန္ဓာကိုယ်ကြီးက သူမ၏ထိန်းချုပ်နိုင်အောက်တွင်မရှိ​တော့သလိုမျိုးထိပါ ​အေးစက်​နေ​ကြောင်း ဝိန်းရိဖန် ခံစားမိလိုက်၏။အခန်းတံခါးကိုဖွင့်​နေသည့်အချိန် အကြည့်တစ်ချက်က ​ဘေးအခန်းသို့ အလိုလို​ရောက်သွားခဲ့​သေး၏။

ကြည့်ရသည်မှာ မျက်​စောင်းထိုးအခန်းမှထိုလူကြီး ပြန်​ရောက်​သေးပုံမရ​ပေ။

ပုံမှန်ဆိုလျှင် ည နှစ်နာရီ သုံးနာရီခန့် နှစ်နှစ်ခြိုက်ခြိုက်အိပ်​ပျော်သွားသည့်အချိန်မျိုး၌ ရည်ရွယ်ချက်ရှိရှိဖြင့် မာန်ပါပါတံခါး​ခေါက်​နေသည့် အသံများကိုကြားရကာ ညဥ့်နက်သန်း​ခေါင်ကြီးထဲတွင် ထိုတံခါး​ခေါက်​နေသည့်အသံများက မိုးခြိမ်းသံများလို ဆူညံအား​ကောင်း​နေခဲ့​သေးသည်။

ထို့​နောက်တွင် သူ့အခန်းဆီသို့ ပြန်​​သွားခဲ့ပြီး မည်သည့်ကိစ္စမှ အထူးတလည်မဖြစ်သွားသလိုပင်။

​တော်​တော် စိတ်အ​နှောက်အယှက်ဖြစ်ရပါသည့်တိုင် ​ဖြေရှင်းပစ်လိုက်ဖို့ရာလည်း ဘာမှမရှိသည့်အ​ခြေအ​နေမျိုး။

ဝိန်းရိဖန်က ဤကိစ္စအား အိမ်ခန်းပိုင်ရှင်ထံသို့ အကြိမ်ကြိမ်အ​ကြောင်းကြားထားပါ​သော်လည်း ​သေ​သေချာချာ​ဖြေရှင်း​ပေးထားပုံလည်းမရ။

အိမ်ခန်းတံခါးကို ​သော့ခတ်ပြီး​နောက် ဝိန်းရိဖန်က ​​ရေ​နွေးတစ်အိုးတည်ရင်း ကျုံးစစ်​ချောင်ထံသို့ Wechat မှတဆင့်စာပို့လိုက်၏။

[အိမ်ပြန်​ရောက်ပြီ]

ကျုံးစစ်​ချောင်၏​နေအိမ်က 'ရှန့်အန်း' ရပ်ကွက်နှင့် အလှမ်း​ဝေးသဖြင့် ​မြေ​အောက်ရထား​ပေါ်၌သာ ရှိ​နေဆဲ ;

[မြန်လှချည်လား..ငါ​တောင် ​ရောက်ဖို့မှတ်တိုင်နည်းနည်းလို​​သေးတယ်]

ကျုံးစစ်​ချောင် ; [အိုင်း]

ကျုံးစစ်​ချောင် ; [ငါ​ ခုဏတုန်းက​တောင် စန်းရန်ရဲ့ ဒီ​နေ့ည လုပ်ရပ်အ​ကြောင်းပြန်​တွေးကြည့်​နေတာ]

ကျုံးစစ်​ချောင် ; [နင်စဥ်းစားကြည့်..စန်းရန်က နင် အ​အေးမိသွားမှာ စိုးရိမ်လို့ အင်္ကျီပစ်​ပေးတာ​ရော မဖြစ်နိုင်ဘူးလား..ပြီးမှ ​သူ့ဘာသာသူ​နေရခက်ပြီး အဲ့လိုအ​ကြောင်းပြချက်မျိုး ​လျှောက်​ပေး​နေတာဆိုရင်​ရော]

ဝိန်းရိဖန်က အဝတ်အစားလဲရန် အင်္ကျီတစ်ထည်ယူ​နေရင်း ဤမက်​ဆေ့အား ​တွေ့လိုက်ရသည့်အခါ

[အဓိပ္ပါယ်ရှိတာကိုပဲ ​ပြောစမ်းပါ]

ကျုံးစစ်​ချောင် ; [?]

ကျုံးစစ်​ချောင် ; [ငါ့စကားက ဘယ်နားက အဓိပ္ပါယ်မရှိဖြစ်​နေလို့လဲ ! ! !]

ဝိန်းရိဖန် ; [ သူက ပြဿနာကိုလာ​ဖြေရှင်း​ပေးရုံပဲ]

ဝိန်းရိဖန် ; [ အဲ့ဒါ​ကြောင့်မလို့ ငါသာ အ​အေးမိပြီးဖျားသွားရင် သူ့ကို ​ဆေးဖိုးလာ​တောင်းမှာ ​ကြောက်လို့..ဟုတ်ပြီလား ]

ကျုံးစစ်​ချောင် ; [...]

ကျုံးစစ်​ချောင် ; [ အဲ့လိုဆိုရင်​တောင် တခြားသူက​နေတဆင့် အင်္ကျီရှာပြီး ပေးခိုင်းလိုက်လို့ရတာပဲ​လေ]

ဝိန်းရိဖန် ; [ ဒီ​လောက်​အေး​နေတဲ့ရာသီဥတုမှာ ဘယ်သူက လွယ်လွယ်ကူကူအင်္ကျီပေးမှာလဲ]

ကျုံးစစ်​ချောင် ; [?]

ဝိန်းရိဖန် ; [ သူ အခြားသူဆီကငှားလို့မရလို့ ​နေမှာ​ပေါ့]

ကျုံးစစ်​ချောင် ; [....]

ကံ​ကောင်းစွာဖြင့် ဖုန်းဘက်ထရီအားမရှိ​တော့​ကြောင်း သတိ​ပေးလာခဲ့​လေသည်။

ဝိန်းရိဖန်က ဖုန်းကို စားပွဲ​ပေါ်တင်၍ ဘက်ထရီအားသွင်းထားခဲ့ပြီး ​​ရေချိုးခန်းထဲ ဝင်လာခဲ့လိုက်၏။မိတ်ကပ်ဖျက်ပြီး​နောက်တွင်​တော့ မှန်ထဲတွင် မြင်​နေရသည့်သူမ၏မျက်နှာအား စိုက်ကြည့်​နေမိကာ လှုပ်ရှားမှုများအားလုံး ရပ်တန့်သွားခဲ့ရသည်။

မကြာ​သေးခင်ကမှ​တွေ့ခဲ့ရသည့် မရင်းနှီး​တော့​သောမျက်ခုံးတစ်စုံအား ဦး​နှောက်ထဲ ပြန်မြင်​ယောင်လာမိ၏။

ဝိန်းရိဖန်က မျက်လွှာကို​အောက်သို့စိတ်ချလိုက်ပြီး မိတ်ကပ်ဖျက်ထားသည့်ဂွမ်းစအား အမှိုက်ပုံးထဲသို့ စိတ်နှင့်ကိုယ်နှင့်မကပ်​တော့သလို ပစ်ထည့်ပစ်လိုက်သည်။

လက်ရှိအချိန်ကိုမဆိုထားနှင့် ၊ အလွန်ရင်းနှီးခဲ့ကြဖူး​သော အတိတ်အချိန်တုန်းကပင်လျှင် ဝိန်းရိဖန်ဘက်မှ စန်းရန်၏စိတ်ကို အများအစားနားလည်ခဲ့သည်ဟု ယူဆ၍မရခဲ့​။ ထို့​ကြောင့် လက်ရှိတွင် စန်းရန်က အမှန်တကယ် သူမကို မမှတ်မိခြင်းလား သို့မဟုတ် မမှတ်မိချင်​ယောင်​ဆောင်​နေခြင်းလား အတွက်​တော့ သူမလည်း သဲသဲကွဲကွဲမခွဲခြားတတ်ပါ​ပေ။

အ​ခြေအ​နေက အ​ကြွေ​စေ့လှန်ကစားသည့် ကစားနည်းမျိုးနှင့် တူ​နေ​လေပြီး သဲလွန်စဟူ၍လည်းမရှိ မှန်းဆစရာဟူ၍လည်းမရှိဘဲ ကံတရား၏အကူအညီသာ ရှိ​နေ​လေ​တော့သည်။

သူမ၏အမြင်တွင်​တော့ ထိုဖြစ်နိုင်​ချေရှိသည့်အ​​ကြောင်းပြချက်နှစ်ခုလုံးက စန်းရန်ဘက်မှ လုပ်ပြနိုင်သည့်အ​ခြေအ​နေများပင် ဖြစ်သည်။

ဆံပင်​ခြောက်​အောင် ​လေမှုတ်ပြီးသည့်​နောက်တွင် ဝိန်းရိဖန်က ထုံးစံအတိုင်း လပ်​တော့ကိုဖွင့်၍ သတင်းအသစ်များကို စာစီ​နေလိုက်၏။ငိုက်မျည်းလာပြီး အိပ်ချင်စိတ်ဝင်လာခဲ့သည့်အခါမှသာ အိပ်ရာ​ပေါ်တက်ပြီး စားပွဲ​ပေါ်မှဖုန်းအား လှမ်းယူလိုက်​သည်။

သူမ ​ရေချိုးခန်းဝင်​နေသည့်တစ်​လျှောက်တွင်လည်း ကျုံးစစ်​ချောင်က မက်​ဆေ့အနည်းငယ်ပို့ထား​သေးသည်။

[ဘယ်ဟာမဆို ဖြစ်နိုင်တာပဲ​လေ ဟုတ်တယ်မလား..ဖြစ်နိုင်​ချေက တစ်ခုမှ မဟုတ်ခဲ့ရင်​တောင် ငါတို့က ဦး​နှောက်ကို အလုပ်​ပေးထားတယ်လို့ပဲ သတ်မှတ်လိုက်]

ကျုံးစစ်​ချောင် ; [ ဒါနဲ့​လေ ငါ တကယ်ကြီးကိုသိချင်​နေတာရှိ​သေးတယ်..နင် အခု စန်းရန်နဲ့ပြန်​တွေ့တဲ့အချိန် ဘယ်လိုခံစားရလဲ]

အ​နောက်ဘက်တွင် ပြုံးဖြီးဖြီးလုပ်​နေသည့် Emoji ပါ​သေးသည်။

ဝိန်းရိဖန်က တစ်ခဏမျှ ​တွေးကြည့်လိုက်၍

[​တော်​တော်​လေး ​ချောတာ​တော့ ​သေချာတယ်]

ကျုံးစစ်​ချောင် ; [....]

ကျုံးစစ်​ချောင် ; [ ဒါပဲလား?]

ဝိန်းရိဖန် ; [ တခြားဟာ​တွေ မစဥ်းစားမိ​သေးဘူး..စဥ်းစားလို့ရရင် ထပ်ပြီး ​ပြောပြမယ်]

ဝိန်းရိဖန် ; [ ငါ အိပ်​တော့မယ်..အရမ်းအိပ်ချင်​နေပြီ]

အရိုးသားဆုံး​ပြောပြရလျှင် ဘာမှမခံစားရဘူးဆိုသည့်စကားက အမှန်တကယ် အလိမ်အညာပင် ဖြစ်ပါလိမ့်မည်။သို့သည်တိုင် ​ပြောပြလို့မ​ကောင်းသည့်စကားတစ်ခွန်းအား သူမ ထုတ်​ဖော်ပြသမ​နေချင်​ ၊ စကားစလိုက်သည်နှင့် မဆုံးနိုင်​အောင် ရှင်းပြ​နေရမည့်အ​ကြောင်းဆိုလည်းမမှား​ပေ။ ထို့​ကြောင့် အချိန်ကုန်ခံ​နေမည့်အစား အိပ်လိုက်တာမှ အကျိုးရှိဦးမည်။

လက်ကိုင်ဖုန်းကို အ​ဝေးသို့ ပစ်ထားလိုက်ပြီး စတင်​မှေးအိပ်လိုက်​တော့သည်။

ဤတစ်ကြိမ်အိပ်​မောကျသွားခြင်းကလည်း ဝိန်းရိဖန်အတွက် အမှန်တကယ်အိပ်​ပျော်သွားခဲ့ခြင်းမျိုးမဟုတ်ပြန်။

နိုးတစ်ဝက် အိပ်တစ်ဝက်အ​ခြေအ​နေကြီးထဲတွင် ​ရေး​တေး​တေးအိပ်မက်များ၏ အမဲလိုက်ခြင်းကိုပါ ခံ​နေရ​သေးသည်။​နောက်တစ်စက္ကန့်အတွင်း လွတ်​မြောက်ခွင့်ရ​တော့မည့်ခံစားချက်ကြီး၏အလွန် နှစ်နှစ်ခြိုက်ခြိုက်အိပ်​မောကျခြင်းဆီသို့ ကူးစက်​ခါနီးတွင်​တော့ ထိုကျက်သတုံး၏အခန်းတံခါး​ခေါက်သံ အကျယ်ကြီးကို ကြားလိုက်ရ​လေ​တော့သည်။

ခြုံ​စောင်ကို ​ခေါင်း​​ပေါ်ထိဆွဲတင်လိုက်ပြီး​နောက်တွင်​ ဝိန်းရိဖန်၏​​ဒေါသမီး​တောက်များက ​နေရာတိုင်းမှကို အုံကြွလာခဲ့၏။

ဝိန်းရိဖန်၏စိတ်အ​ခြေအ​နေက အမြဲတမ်းလိုလို သ​ဘော​ကောင်းသည့်အထဲတွင်ပါသည်ဟု ဆိုနိုင်​ပြီး မည်သည့်ကိစ္စမျိုးကိုမဆိုလည်း ​အေး​အေး​ဆေး​ဆေးသာ​ဖြေရှင်းတတ်ကာ စိတ်ခံစားချက်ကိုအလွန်အမင်း ဦးစား​ပေး​ဖော်ပြသည်မှာ ရှားပါးလွန်းလှသည်။

လူတစ်​​ယောက်ချင်းဆီတိုင်းတွင် ​ပေါက်ကွဲတတ်သည့်အကျင့်ဟူ၍ ရှိစမြဲ။

ထို့​ကြောင့် ဝိန်းရိဖန်းက အိပ်ရာထဲမှ ​ဒေါသပြင်းပြင်း ​ကောက်ထလာခဲ့ပြီး ဆူဆူညံညံလုပ်​နေခြင်း​ကြောင့် နိုးလာရသဖြင့်လည်း စိတ်မကြည်​​တော့​ပေ။

​အခြားအချိန်မျိုးကို မဆိုထားနှင့် ၊ လက်ရှိအ​ခြေအ​နေက ​နောက်စက္ကန့်ပိုင်းအတွင်း၌ သူမ အိပ်​ပျော်​တော့မည့်အချိန်။

ဝိန်းရိဖန်က စိတ်ကိုထိန်းထားရင်း တံခါးအပြင်ဘက်မှလူက ခါတိုင်းလို သုံး​လေးချက် ထုရိုက်ပြီး ခပ်မြန်မြန်ထွက်သွားဖို့

ကိုသာ ဆု​တောင်း​နေလိုက်၏။

မထင်မှတ်ထားသည့်အတိုင်း ထိုလူက သည်တစ်ကြိမ်​တွင် ဘီလူးသရဲစီးခံ​နေသည့်အလား တံခါးကို အဆက်မပြတ်ထုရိုက်​နေကာ ပါးစပ်မှ​နေပြီး စကားလုံးများကိုလည်း တတွတ်တွတ်​ပြော​နေ​သေး၏။

"မနိုးလာ​သေးဘူးလား? မမလှလှ​လေး..တစ်ခု​လောက်ကူညီပါဦး..ကျွန်​တော့်အိမ်က ​ရေချိုးခန်းက ပျက်​နေတာ..ဒီမှာလာပြီး ​ရေချိုးလို့ရမလား.."

ဝိန်းရိဖန်က မျက်လုံးကိုမှိတ်ချလိုက်ပြီး​နောက် မတ်တပ်ထရပ်လိုက်ကာ ကင်မရာကိုဖွင့် ၊ အ​နေအထားချိန်ညှိပြီး တံခါးရှိ​နေသည့်ဦးတည်ရာအတိုင်း ဗွီဒီယိုရိုက်ယူထားလိုက်၏။ထို့​နောက် လက်ကိုင်ဖုန်းကိုယူပြီး 110 သို့ဆက်သွယ်လိုက်ကာ အ​ခြေအ​နေအားလုံးကို အ​ကြောင်းကြားလိုက်သည်။

ယခုလိုစိတ်ပျက်လက်ပျက်အ​ခြေအ​နေကြီး​ကြောင့် အိပ်ချင်စိတ်များသည်လည်း ​ပျောက်ခြင်းမလှ​ပျောက်သွားခဲ့ပြီ။

ညသန်း​ခေါင်ကြီးထဲ တစ်​ယောက်တည်း​နေရသည့်အချိန် တံခါးအပြင်ဘက်မှ အရက်သမား၏​​နှောက်ယှက်ခြင်းကိုလည်း ခံ​နေရ​သေးသည်။

ဤအ​ခြေအ​နေမျိုးတွင် ​ထိတ်လန့်​ကြောက်ရွံ့​နေသင့်ပါ​သော်ငြား သည်တစ်ကြိမ်တွင်​တော့ ဝိန်းရိဖန်တစ်​ယောက် ပင်ပန်း​နေသည်ကလွဲ၍ အခြားခံစားချက်ကိုခံစား​နေဖို့ရာ ခွန်အားမရှိပါ​တော့​ပေ။

အတွင်းဘက်မှ တုန့်ပြန်လာသည့်အသံမျိုးမရှိသဖြင့် ထိုလူက ရဲများမ​ရောက်လာခင် အခန်း​ရှေ့မှထွက်သွားနှင့်ပြီဖြစ်၏။

ဝိန်းရိဖန်က ဗွီဒီယိုကို သက်​​သေအဖြစ်ပြရင်း ပြဿနာအား​ဖြေရှင်း​ပေးရန် ရဲစခန်းထံသို့ အကူအညီ​တောင်းယူလိုက်၏။ရဲအရာရှိများထံ အမှုဖွင့်လိုက်ပြီဖြစ်၍ သူမအ​နေဖြင့် ဤကိစ္စအား ပြန်လည်ဖျန်​ဖြေ​ပေးဖို့ရာ​ရော မသိသလို​ကျော်သွားပစ်လိုက်ဖို့ရာအတွက်ပါ အစီအစဥ်မရှိ​တော့​ချေ။

ဗွီဒီယိုထဲတွင် အခန်းတံခါးက ​​တော်​တော်​လေးကိုလှုပ်​နေပြီး ​ယောက်ျားတစ်ဦး၏ ကမှုးရှူးထိုးအသံများကိုပါ ကြား​နေရကာ ကြည့်​နေရုံဖြင့်ပင် ထိတ်လန့်စရာ​ကောင်း​​နေခဲ့သည်။

ရဲအရာရှိများက မျက်​စောင်းထိုးအခန်းတံခါးအား ​ခေါက်လိုက်၏။

တစ်ခဏတွင် ​ယောက်ျားတစ်ဦး တံခါးဖွင့်​ပေးလာပြီး စိတ်မရှည်သည့်အမူအရာမျိုးဖြင့်

"ဘယ်သူလဲ!"

"ကျွန်​တော်တို့ဆီ တိုင်ကြားမှုတစ်ခု​ရောက်ထားလို့ပါ"

ရဲအရာရှိကဆက်၍

"ခင်ဗျားက ညသန်း​ခေါင်အချိန်မှာ အိမ်နီးနားချင်း​တွေကို ​အ​နှောက်အယှက်​ပေး​နေပါတယ်ဆိုပြီး"

"ဘာ​နှောက်ယှက်တာလဲ"

​ထို​ယောက်ျားက တစ်ခဏမျှငြိမ်သွားပြီး အသိစိတ်ကပ်​နေသည့်ပုံစံမျိုးပြုမူလိုက်ကာ အသံအ​နေအထားကအစ ခုဏကထက် ယဥ်​ကျေးလာခဲ့၏။

"ရဲအရာရှိကြီး..ကျွန်​တော် ခုဏ​လေးကမှ ​သောက်ပြီးလို့ပြန်လာတာပါ..အရက်မူး​နေတဲ့အတွက် တံခါး​တွေကို တိုက်မိသွားတာ​နေမှာ..နားလည်မှုလွဲတာ နားလည်မှုလွဲတာ"

ရဲအရာရှိက မျက်နှာခပ်တင်းတင်းဖြင့်

"တစ်ဖက်လူရဲ့ ဗွီီဒီယိုအ​ထောက်အထားထဲမှာ​တော့ ခင်ဗျားက အခန်းတံခါးကိုမှားခေါက်ပြီး သူများအိမ်​မှာ ရေချိုးချင်တဲ့အ​ကြောင်း ​အော်​နေတာက​ရော?..ဆင်​ခြေ​တွေ​လျှောက်​ပေးမ​နေနဲ့​​တော့..မြန်မြန်လုပ်..အခုချက်ချင်း ကျွန်​တော်တို့နဲ့ စခန်းကိုလိုက်ခဲ့ရမယ်"

ယခုလိုရာသီဥတုမျိုးတွင် ထို​ယောက်ျားက လက်ပြတ်အင်္ကျီကိုသာဝတ်ထားပြီး လက်​မောင်းသား​ပေါ်စှိ ကျားပုံစံတက်တူးကြီးကို လှစ်ပြထားသည်။ခန္ဓာကိုယ်တည်​ဆောက်ပုံက သန်မာပြီး ကြွက်သားများက နံရံကြီးတစ်ခုသဖွယ်ထင်းထွက်​နေ​သေးသည်။

ထို​ယောက်ျားက သုံး​လေးကြိမ်ခန့်မျှရှင်းပြ​နေ​သေး​သော်လည်း အသုံးမဝင်မှန်းသိသွားပြီး​နောက်တွင်​တော့ လက်​လျော့​လိုက်၏။

ထို့​နောက် ​ခေါင်း​မော့လာပြီး အဓိပ္ပါယ်ပါပါမျက်လုံးများဖြင့် ရဲအရာရှိများ၏အ​နောက်ဘက်တွင်ရပ်​နေသည့် ဝိန်းရိဖန်အား စိုက်ကြည့်လာ​တော့သည်။

လက်ပိုက်ပြီး တံခါး​ဘောင်ကိုမှီရပ်​နေသည့် ဝိန်းရိဖန်သည်လည်း ထိုလူအား မထူးမခြားနားစိုက်ကြည့်​နေခြင်းဖြစ်ကာ မျက်ဝန်းထဲတွင်​တော့ ​ကြောက်လန့်​နေသည့်အရိပ်အ​ယောင်မျိုးလုံးဝမရှိပါဘဲ အညစ်အ​ကြေးတစ်ခုကိုစိုက်ကြည့်​နေသည့်အလားပင်။

-------

ရဲစခန်းထဲတွင်။

ထို​ယောက်ျားက အရက်မူး၍စကား​လျှောက်​ပြောမိသည်ဟူ၍သာ အ​ကြောက်အကန်ငြင်းဆန်​နေသည့်အချိန် ဝိန်းရိဖန်က အခြားတစ်ဖက်တွင် အ​ခြေအ​နေအားလုံးကို ရှင်းရှင်းလင်းလင်းဖြစ်​​အောင် ထွက်ဆို​နေခဲ့သည်။သို့​သော် ဤပြဿနာသည် ပစ္စည်းဥစ္စာများ ဆုံးရှုံးထိပါးခံရခြင်းမျိုးမရှိဘဲ စိတ်ကိုသာအနှောက်အယှက်​ပေးမှုဖြစ်​သဖြင့် အဆုံးသတ်ရလဒ်အ​​​ဖြေမှာ ထို​ယောက်ျားအား ​​ငွေရာချီ ဒဏ်​ကြေး​ပေး​ဆောင်​စေပြီး ရက်အနည်းငယ်ထိန်းသိမ်းထားရုံဖြင့်သာ ပြီးသွားခဲ့သည်။

ရဲစခန်းမှ ထွက်မလာခင်တွင် လုပ်သက်ရင့်​နေသည့်အရာရှိတစ်ဦးက သူမအား အုပ်စုဖွဲ့ငှားရမ်းထားသည့်​အိမ်ခန်းမျိုးတွင် မ​နေထိုင်ရန် ဂရုတစိုက်သတိ​​ပေးလာခဲ့​၏။ ယခုလိုပြဿနာမျိုးများရှိရုံသာမက လုံခြုံ​ရေးနှင့်သက်ဆိုင်သည့်ကိစ္စများပါ ရှိ​နေနိုင်​သော​ကြောင့် ဖြစ်၏။

နန်းဝူမြို့၏အစိုးရဘက်မှ အုပ်စုဖွဲ့ငှားရမ်း​နေကြသည့်အိမ်ခန်းများတွင် လျှပ်စစ်မီးအလွန်အကျွံသုံးစွဲမှု​ကြောင့် မီး​ဘေးအန္တရာယ်များရှိလာသည့်အ​​ပေါ် အာရုံစူးစိုက်​နေပြီဖြစ်ကာ မကြာခင်အတွင်း ပြဌာန်းချက်များဖြင့် အ​သေအချာစီမံကြ​တော့မည်ဖြစ်သည်။

ဝိန်းရိဖန်က ​​ခေါင်းငြိမ့်ပြပြီး ​ကျေးဇူးတင်စကားဆိုလိုက်၏။

အပြင်ဘက်တွင် မိုးလင်း​နေပြီ။

ထို့​ကြောင့် သူမ၏ အလုပ်ဌာနဆီသို့သာ တန်းလာခဲ့လိုက်သည်။

နန်းဝူမြို့သို့ ပြန်​ရောက်လာပြီး​နောက်ပိုင်းတွင် ဝိန်းရိဖန်က လူမှုအစည်းအရုံးမှတဆင့် နန်းဝူမြို့ရှိ ရုပ်မြင်သံကြားနယ်ပယ်ထဲမှ 'ချွမ်တ' သတင်းချန်နယ်ထံသို့ ကိုယ်​ရေးအကျဥ်းများတင်ပြပြီး အလုပ်​လျှောက်ခဲ့သည်။

'ချွမ်တ' သတင်းချန်နယ်မှာ နေ့စဥ်လှုပ်ရှားမှုဖြစ်ရပ်များကို သတင်း​ရေးသား​ဖော်ပြသည့်ဌာနလည်းဖြစ်ကာ များ​သောအားဖြင့် ဤမြို့တွင်းမှ သတင်းများနှင့် ပတ်ပတ်လည်မြို့များမှသတင်းများကို ​ရေးသား​နေခြင်းဖြစ်သည်။

သူမကိုယ်တိုင်ကြုံ​တွေ့​နေရ​သော ပြဿနာသည်လည်း အ​ရေး​ပေးအာရုံစိုက်ခံရသင့်သည့်ကိစ္စအဖြစ် ယူဆမိကာ ဤ​​အကြောင်းအား သတင်း​ခေါင်းစဥ်တစ်ခုအဖြစ် ​ရေးသင့်မ​​ရေးသင့်စဥ်းစားရင်း အလုပ်ဌာနထဲသို့ ​ဝင်လာခဲ့သည်။

အတွင်းဘက်တွင် မီးများထွန်းထားပါ​သော်လည်း မည်သူမှမရှိ​သေး။

လက်ဖက်ရည်ခွက်များထားသည့်အခန်းထဲသို့ဝင်ကာ ​ကော်ဖီတစ်ခွက်​ဖျော်လိုက်၏။ယခုအချိန်တွင် မနက်စာစားချင်သည့်စိတ်လည်းရှိမ​နေသလို အိပ်ချင်စိတ်ပါ ကုန်ဆုံး​နေ​တော့သဖြင့် သတင်း​ရေးသည့် App ကိုဖွင့်ပြီး စာရိုက်​နေလိုက်၏။

တစ်​နေ့တာလုံး ရှုပ်ရှုပ်ယှက်ယှက်ဖြင့် ကုန်ဆုံးသွားရပြန်ဦးမည်။

အသစ်​ရောက်ထားသည့်အလုပ်သင်​လေး 'ဖုကျွမ့်' နှင့်အတူ အပြင်ဘက်ထွက်ပြီး အင်တာဗျူးများလုပ်​နေကြသည့်အချိန်တွင်​တော့ သူ့အမူအရာက တစ်ခုခု​ပြောရန် ဝန်​လေး​နေသည့်ပုံစံမျိုးဖြင့်

"ရိဖန်ကျဲ..ကျွန်​တော် တစ်ခုခုများ အမှားလုပ်မိထားလို့လား"

ထိုအချိန်မှသာ ဝိန်းရိဖန်က တစ်​နေ့လုံး အိပ်​ရေးမဝသည့်ပြဿနာဖြစ်​နေမှန်း သတိထားမိလိုက်​တော့၏။

ထို့​ကြောင့် ဝိန်းရိဖန်က သတင်းအသစ်မအပ်ရ​သေးခင် ပထမဆုံးအကြိမ်အဖြစ် အချိန်ပို မဆင်း​လေ​တော့ဘဲ အထုပ်အပိုးများသယ်ကာ ထွက်လာခဲ့လိုက်​တော့၏။

ညအချိန်ရှိ ရာသီဥတုအ​နွေးဓါတ်မှာ သိသိသာသာ​လျော့ပါးသွားခဲ့ပြီး ​လေ​အေးများက ​ရေခဲဓါးသွားများအလား နားရွက်ဖျားနှစ်ဖက်ကို ခပ်ထက်ထက်​လေးတိုး​ဝှေ့​နေသ​ယောင်​ယောင်။

​ခြေလှမ်း သုံး​လေးလှမ်းမျှပင်မလှမ်းရ​သေး ၊ ဝိန်းရိဖန်က ကျုံးစစ်​ချောင်ထံမှ မက်​ဆေ့ကို လက်ခံရရှိလိုက်၏။

ကျုံးစစ်​ချောင် ; [ ဝိန်းရိဖန်..ငါ​တော့ ​သေပြီ]

ဝိန်းရိဖန် ; [?]

ကျုံးစစ်​ချောင် ; [ငါ! တကယ်! ​သေ! ​တော့! မှာ!]

ကျုံးစစ်ချောင် ; [ ငါ့လက်​ကောက်ကို မ​တွေ့​တော့ဘူး ]

ကျုံးစစ်​ချောင် ; [ ငါ့နတ်ဘုရား​ကောင်​လေး ​ပေးထားတဲ့ဟာ! ငါ ဝတ်ထား​တာတောင် ဘယ်နှကြိမ်မှမရှိဘူး ဝူး ဝူး ဝူး]

ဝိန်းရိဖန် ; [ ရှာမ​တွေ့လို့လား]

ကျုံးစစ်​ချောင် ; [ ဟုတ်ပါ့ ]

ကျုံးစစ်​ချောင် ; [ ငါ ဒီ​နေ့မနက် ကုမ္ပဏီကို​ရောက်မှ ​ပျောက်​နေမှန်းသတိထားမိတာ..ငါက အိမ်မှာများ ကျန်ခဲ့တာလားဆိုပြီး အခု​လေးတင်အိမ်ပြန်​ရောက်​တော့ ရှာကြည့်ပြီးပြီ..မ​တွေ့ဘူး ]

ကျုံးစစ်​ချောင် ; [ ငါ ထင်တာ​တော့ စန်းရန်ရဲ့ Bar မှာ ကျခဲ့တာလားမသိဘူး]

ကျုံးစစ်​ချောင် ; [ နင် အလုပ်ဆင်းရင် ငါ့ကိုကူညီပြီး သွား​မေး​ပေးပါလား..'ရှန့်အန်း'ရပ်ကွက်က ငါ့အိမ်နဲ့ဆို အရမ်း​ဝေး​တာ]

ဝိန်းရိဖန် ; [ အင်း ]

ဝိန်းရိဖန် ; [ နင်လည်း အရမ်းစိတ်ပူမ​နေနဲ့ဦး]

ဝိန်းရိဖန်၏ဦး​နှောက်မှာ သံ​ချေးတက်​နေသည်အလား သွားရမည့်​​နေရာကို မှုန်ဝါးဝါးသာ မှတ်မိ​​နေ​တော့သည်။​သေ​သေချာချာ စဥ်းစားပြီးကာမှ လမ်းသရဲလမ်းမကြီးသည် သူမ​ရောက်​နေသည့်​နေရာဖြင့်ဆိုလျှင် အလှမ်းမ​ဝေး​တော့ဘဲ ခုနှစ်မိနစ် ရှစ်မိနစ်ခန့် လမ်း​လျှောက်သွားရုံဖြင့်​ရောက်နိုင်​ကြောင်း သတိထားမိလိုက်၏။

လမ်းအတွင်းထဲသို့​ရောက်လာကာ 'Overtime' Bar ကို ရှာ​တွေ့ပြီး အတွင်းထဲဝင်လာလိုက်၏။

မ​နေ့ညကနှင့်မတူညီသည့်အ​ခြေအ​နေမှာ ခပ်ဝိုင်းဝိုင်းစတိတ်စင်​ပေါ်တွင် Rock Band တစ်ဖွဲ့က​နေရာယူထားပြီး သီချင်းသံများက နားစည်ကွဲမတတ်ကို ဆူညံ​နေ​သည်။Bar အတွင်းရှိမီး​ရောင်များမှာ ​မှေးမှိန်​နေပြီး ပတ်ဝန်းကျင်က မြူးကြွ​သည့်ပုံစံမျိုးဖြစ်ကာ ​ရောင်စုံမီးလုံးများကလည်း ပြိုးပြိုးပျက်ပျက်။

ဝိန်းရိဖန်က ဘားခုံနားသို့ ​လျှောက်လာလိုက်၏။

အတွင်းထဲ၌ရှိ​နေသည့်သူမှာ အရင်တစ်​ခေါက်က​တွေ့ခဲ့သည့် ဆံပင်အဝါ​ရောင်နှင့် ယမကာအ​ဖျော်ဆရာ။

ဝိန်းရိဖန် ;

"မင်္ဂလာပါ"

ယမကာအ​ဖျော်ဆရာက ပြုံးပြ၍

"မင်္ဂလာည​နေခင်းပါ..အမျိုးသမီး​လေး..ဘာများ သုံး​ဆောင်ချင်လို့လဲ"

ဝိန်းရိဖန်က ​ခေါင်းရမ်းပြ၍ ​ရောက်လာရသည့်အ​ကြောင်းအရင်းကို တည့်တိုး​ပြောပြလိုက်၏။

"မ​နေ့ညက ကျွန်မနဲ့သူငယ်ချင်းတစ်​ယောက် ဒီကိုလာတဲ့အချိန် လက်​ကောက်ပြုတ်ကျခဲ့လို့..ဒီကများ ​ကောက်ရထားသလား သိချင်လို့ပါ"

ထိုစကား​ကြောင့် ယမကာအ​ဖျော်ဆရာက သူမအား မှတ်မိသွားပုံရကာ ချက်ချင်း​ခေါင်းငြိမ့်ပြ၍

"ရှိတယ်..အမျိုးသမီး​လေး ခဏ​လောက်​စောင့်​ပေးပါဦး"

"​ဟုတ်ကဲ့..အလုပ်များ​စေမိပြီ"

ဝိန်းရိဖန်က ​နေရာတွင်ရပ်ပြီး ​စောင့်​နေလိုက်၏။

ယမကာအ​ဖျော်ဆရာက အံဆွဲတစ်ခုကိုဖွင့်ပြီး အတွင်းထဲသို့ ​မွှေ​နှောက်ရှာ​နေသည်ကို ရပ်ကြည့်​နေလိုက်၏။ထို့​နောက် ​နောက်ထပ်အံဆွဲတစ်ခု ​ထပ်၍ အံဆွဲတစ်ခု။​နောက်တွင် သူ့လှုပ်ရှားမှုများ ရုတ်တရက်ရပ်တန့်သွားကာ လက်တစ်ဖက်ကို​မြှောက်ပြီး အခြားဦးတည်ရာအရပ်မှလူအား လှမ်း​အော်​ခေါ်လိုက်၍

"ယွိ​ကျော"

ယွိ​ကျောဟု​ခေါ်သည့် စားပွဲထိုး​လေးက အနား​ရောက်လာပြီး

"​အေ့..​ရှောင်ဟယ်​ကော..ဘာဖြစ်လို့လဲ"

ဝိန်းရိဖန်လည်း လှမ်းကြည့်လာ၏။

တစ်ချက်ကြည့်ရုံဖြင့် မ​နေ့ညက အရက်​လောင်းချမိသွားခဲ့သည့်စားပွဲထိုး​လေးမှန်း ချက်ချင်းမှိတ်မိလိုက်သည်။

ယမကာအ​ဖျော်ဆရာက

"မ​နေ့က မင်း​ကောက်ရထားတဲ့ လက်​ကောက်​လေ..ဒီထဲမှာ သိမ်းထားတာမဟုတ်ဘူးလား..ရှာလို့မ​တွေ့ဘူးဖြစ်​နေတယ်"

"အာ..ဟိုလက်​ကောက်.."

ယွိ​ကျောက တစ်ခုခုကို​တွေး​နေဟန်ရပြီး ရုတ်တရက်သတိရလာသည့်အမူအရာဖြင့်

"အို့..ဟုတ်သားပဲ..ရန်​ကော ​အောက်ဆင်းပြီးအင်္ကျီလာယူတုန်းက အဲ့လက်​ကောက်ကိုပါ ယူသွားတယ်"

"...."

ကိုယ့်ဘာသာကိုယ် နားကြားမှားသွားသည်ဟုထင်လိုက်မိသည့် ဝိန်းရိဖန်က မ​နေနိုင်​အောင် အသံတစ်ချက်ထွက်လာ၍

"ဘယ်လို.."

ယွိ​ကျောက ​နောက်ထပ်တဖန်​ပြောပြလာခဲ့၏။

"ရန်​ကော ယူသွားတာ​လေ"

"....."

ဤတစ်ကြိမ်တွင်​တော့ ဝိန်းရိဖန်က ရှင်းရှင်းလင်းလင်းကြားလိုက်ရပါသည့်တိုင် မယုံကြည်နိုင်ဖြစ်​နေရ​သေးသည်။

ဒီ​လောက်နာမည်ကြီး​နေတဲ့ Bar တစ်ခုကိုဖွင့်ထားတဲ့ သူ​ဌေးက ဧည့်သည်ကျကျန်ခဲ့တဲ့ပစ္စည်းကို သူ့စိတ်ကြိုက်သူ ​ပြောင်​ပြောင်တင်းတင်း ယူသွားရသလား။

ယမကာအ​ဖျော်ဆရာက ဤအ​ကြောင်းကို လုံးဝ မသိထားသည့်ပုံရပြီး နားမလည်သလိုလှမ်းကြည့်​နေ၍

"ရန်​ကောက ဘယ်လိုလုပ်ပြီးယူသွားမှာလဲ..ဒါဆို သူ ဘယ်သွားခဲ့တာလဲ..ခုဏက​တောင် ရှိ​နေ​သေးတယ်မလား"

ယွိ​ကျောသည်လည်း ဆွံ့အ​နေလျက်ဖြင့်

"ကျွန်​တော်လည်း မသိဘူး​လေ"

တစ်ခဏမျှ ငြိမ်သက်သွားကြ​တော့သည်။

ယမကာအ​ဖျော်ဆရာက ဝိန်းရိဖန်အား အားနာ​နေသည့်အမူအရာဖြင့် လှမ်းကြည့်လာခဲ့၍

"​တောင်းပန်ပါတယ်..ကျွန်​တော်တို့ဆီမှာ ကျန်ခဲ့တဲ့ပစ္စည်း​တွေကို သူ​ဌေးကပဲ တာဝန်ယူကိုင်တွယ်တာမလို့ပါ..ဒါမှမဟုတ် လူကြီးမင်းကိုဆက်သွယ်လို့ရမယ့်လိပ်စာ အရင်ထားခဲ့မလား..ဒါမှမဟုတ်လည်း ခဏ​လေး​စောင့်​ပေးပါ..ကျွန်​တော် သူ​ဌေးဆီ အခုချက်ချင်းဆက်သွယ်ပေးပါ့မယ်"

ဝိန်းရိဖန်က ဤ​နေရာတွင် ခပ်ကြာကြာမ​နေလိုသည့်အပြင် မနက်ဖြန်မှ လာယူလျှင်လည်း မထူးမခြားနားသည်ဖြစ်၍

"ကိစ္စမရှိပါဘူး..ကျွန်မ ဆက်သွယ်ရမယ့်ဖုန်းနံပါတ် ​ပေးခဲ့လိုက်မယ်"

"​ကောင်းပါပြီ"

ယမကာအ​ဖျော်ဆရာက ​​​ဘေးနားရှိ လိပ်စာကဒ်တစ်ကဒ်အား လှမ်း​ပေးလိုက်၏။

"ဒီ​ပေါ်မှာ ​ရေး​ပေးလိုက်ပါ"

ဝိန်းရိဖန် ​ခေါင်းငုံ့ပြီး ဖုန်းနံပါတ်တသီတသန်းကို​ရေးကာ ပြန်လှမ်း​ပေးလိုက်၍

"ဒါဆို ​ကျေးဇူးပြုပြီး ရှာထား​ပေးပါဦး..ရှာလို့​တွေ့ရင် ဒီဖုန်းနံပါတ်ကိုဆက်သွယ်...."

စကားမဆုံးခင် လက်ထဲမှ လိပ်စာကဒ်က အ​နောက်ဘက်မှ​နေ၍ ရုတ်တရက်ဆွဲလုယူခံလိုက်ရ၏။

ဝိန်းရိဖန်က အလိုလို ​နောက်လှည့်ကြည့်မိလိုက်၏။

သူမ၏အ​နောက်ဘက်တွင် ရပ်​နေသည့် စန်းရန်ကို မြင်လိုက်ရကာ သူမအား ပိတ်​​​လှောင်ထားသည့်အ​နေအထားမျိုးဖြင့် အနီးကပ်ဆုံးရှိ​နေခဲ့သည်။အရပ်မြင့်ပြီး ပိန်ပိန်ပါးပါးရှိသည့်သူက ​ခေါင်းကိုအသာအယာ​စောင်းပြီး လိပ်စာကဒ်အား တစ်ချက်လှမ်းကြည့်လိုက်၏။

ထို့​နောက် သူမ၏အကြည့်များဖြင့် ဆုံ​စေလိုက်သည်။

ဝိုင်နီများတည်ခင်းထား​သော ​နေရာ ၊ နားအူ​စေနိုင်​သော တီးလုံးများ ၊ ​စီးကရက်နံ့များအပြင် ခပ်သင်းသင်း စန္ဒကူးရနံ့တစ်ခု ကြီးစိုး​နေသည့်​ဒေသ။

​ယောက်ျား​လေး၏ ​​မွေးရာပါ ​အေးစက်စက်​နေတတ်သည့် မျက်ခုံးတို့က ယခုအချိန်တွင် တစ်ဖက်လူအား အနည်းငယ်ပျက်ရယ်ပြု​နေသည့် သ​ဘောတရားကို ​ဆောင်ကျဥ်းထား​သေးသည်။

ရင်းနှီးခဲ့ဖူး​သော ထပ်၍လည်း မရင်းနှီး​တော့​သော မျက်ဝန်းများ။

သူမအား မှတ်မိသွားသည့်ပုံစံမျိုးဖြင့်

ရုတ်တရက်

သူ့နှုတ်ခမ်းပါးများက ခပ်လျော့​လျော့​လေးပြုံးလိုက်၍

"လက်မ​လျော့​သေးဘူး​ပေါ့"

သူ​ပြောသည့်စကား၏ဆိုလိုရင်းကို နားမလည်လိုက်သည့် ဝိန်းရိဖန်က ​ကြောင်အသွားခဲ့ရ၏။

စန်းရန်က လိပ်စာကဒ်အား သူမ၏အ​ရှေ့သို့ အလျင်းသင့်သလိုပစ်​ပေးလာခဲ့ကာ ​ဖြေး​ဖြေးချင်းမတ်မတ်ရပ်လိုက်ရင်းက သူမတို့ကြားရှိ အကွာအ​ဝေးကို သိသိသာသာချဲ့ပစ်လိုက်၏။

"ဆက်သွယ်ရမယ့်နံပါတ်​ပေးဖို့အတွက် တကူးတကကို လာခဲ့​တာလား"

(Zawgyi)

အျပင္ဘက္ရွိရာသီဥတု ေအးစိမ့္လြန္းေနသည္မွာလည္း သိသိသာသာ။

အႏြေးဓါတ္ေပးနိုင္မည့္ ဆြယ္တာေလးကလည္း ေရစိုသြားခဲ့ၿပီျဖစ္၍ အိတ္တစ္အိတ္ထဲ ထိုးထည့္ခံထားရေတာ့သည္။အိမ္တံခါး၏အေရွ႕သို႔ ေရာက္သည္ႏွင့္အခ်ိန္တြင္ေတာ့ ခႏၶာကိုယ္ႀကီးက သူမ၏ထိန္းခ်ဳပ္နိုင္ေအာက္တြင္မရွိေတာ့သလိုမ်ိဳးထိပါ ေအးစက္ေနေၾကာင္း ဝိန္းရိဖန္ ခံစားမိလိုက္၏။အခန္းတံခါးကိုဖြင့္ေနသည့္အခ်ိန္ အၾကည့္တစ္ခ်က္က ေဘးအခန္းသို႔ အလိုလိုေရာက္သြားခဲ့ေသး၏။

ၾကည့္ရသည္မွာ မ်က္ေစာင္းထိုးအခန္းမွထိုလူႀကီး ျပန္ေရာက္ေသးပုံမရေပ။

ပုံမွန္ဆိုလွ်င္ ည ႏွစ္နာရီ သုံးနာရီခန့္ ႏွစ္ႏွစ္ၿခိဳက္ၿခိဳက္အိပ္ေပ်ာ္သြားသည့္အခ်ိန္မ်ိဳး၌ ရည္႐ြယ္ခ်က္ရွိရွိျဖင့္ မာန္ပါပါတံခါးေခါက္ေနသည့္ အသံမ်ားကိုၾကားရကာ ညဥ့္နက္သန္းေခါင္ႀကီးထဲတြင္ ထိုတံခါးေခါက္ေနသည့္အသံမ်ားက မိုးၿခိမ္းသံမ်ားလို ဆူညံအားေကာင္းေနခဲ့ေသးသည္။

ထို႔ေနာက္တြင္ သူ႕အခန္းဆီသို႔ ျပန္သြားခဲ့ၿပီး မည္သည့္ကိစၥမွ အထူးတလည္မျဖစ္သြားသလိုပင္။

ေတာ္ေတာ္ စိတ္အႏွောက္အယွက္ျဖစ္ရပါသည့္တိုင္ ေျဖရွင္းပစ္လိုက္ဖို႔ရာလည္း ဘာမွမရွိသည့္အေျခအေနမ်ိဳး။

ဝိန္းရိဖန္က ဤကိစၥအား အိမ္ခန္းပိုင္ရွင္ထံသို႔ အႀကိမ္ႀကိမ္အေၾကာင္းၾကားထားပါေသာ္လည္း ေသေသခ်ာခ်ာေျဖရွင္းေပးထားပုံလည္းမရ။

အိမ္ခန္းတံခါးကို ေသာ့ခတ္ၿပီးေနာက္ ဝိန္းရိဖန္က ေရႏြေးတစ္အိုးတည္ရင္း က်ဳံးစစ္ေခ်ာင္ထံသို႔ Wechat မွတဆင့္စာပို႔လိုက္၏။

[အိမ္ျပန္ေရာက္ၿပီ]

က်ဳံးစစ္ေခ်ာင္၏ေနအိမ္က 'ရွန့္အန္း' ရပ္ကြက္ႏွင့္ အလွမ္းေဝးသျဖင့္ ေျမေအာက္ရထားေပၚ၌သာ ရွိေနဆဲ ;

[ျမန္လွခ်ည္လား..ငါေတာင္ ေရာက္ဖို႔မွတ္တိုင္နည္းနည္းလိုေသးတယ္]

က်ဳံးစစ္ေခ်ာင္ ; [အိုင္း]

က်ဳံးစစ္ေခ်ာင္ ; [ငါ ခုဏတုန္းကေတာင္ စန္းရန္ရဲ႕ ဒီေန႕ည လုပ္ရပ္အေၾကာင္းျပန္ေတြးၾကည့္ေနတာ]

က်ဳံးစစ္ေခ်ာင္ ; [နင္စဥ္းစားၾကည့္..စန္းရန္က နင္ အေအးမိသြားမွာ စိုးရိမ္လို႔ အကၤ်ီပစ္ေပးတာေရာ မျဖစ္နိုင္ဘူးလား..ၿပီးမွ သူ႕ဘာသာသူေနရခက္ၿပီး အဲ့လိုအေၾကာင္းျပခ်က္မ်ိဳး ေလွ်ာက္ေပးေနတာဆိုရင္ေရာ]

ဝိန္းရိဖန္က အဝတ္အစားလဲရန္ အကၤ်ီတစ္ထည္ယူေနရင္း ဤမက္ေဆ့အား ေတြ႕လိုက္ရသည့္အခါ

[အဓိပ္ပါယ်ရှိတာကိုပဲ ေျပာစမ္းပါ]