Kaysarap balikan ang mga panahong ikaw ay kausap

Mga sandaling ako ang lagi mong hinahanap

Sa bawat oras na tayo ay naging masaya

Sa sarili nating mundo na tayo lang ang may gawa

Kaysarap pakinggan ang mga kantang alay mo sakin

Bawat salita ay ramdam ko ang ibig sabihin

Sa bawat mensahe na nais mong iparating

Agad sayo, ako ay nahumaling

Pinilit nating ikubli sa isa't isa ang ating damdamin

Dahil alam nating ito ay hindi nararapat para sa atin

Ngunit anong magagawa natin sa ating pusong patuloy na humihiyaw

Na ang bawat nais ikaw at ako ay magtampisaw

Ilang beses tayong nagpaalaman

Pero hindi pa rin nag-iwanan

Dahil bawat paalam laging may iyakan

Kaya naman akala natin wala nang hanggan

Sa bawat araw na tayo lang ang magkausap na para bang wala nang bukas

Patuloy na lumalim ang pag-ibig na akala natin ay wagas

Sa bawat imahinasyon na tayo lang ang may likha

Walang batid ang ating tuwa na ikaw at ako ay parang magkasama

Dumating ang araw na ang lahat ay nagkatotoo

Halik at yakap mo ay damang-dama ko

Bigla na lang tumigil ang ating mundo

Tanging maririnig mo lang tibok ng ating puso

Ngunit biglang sumapit ang araw na kailangan nating magkalayo

Ikaw at ako ay hindi na muling magtatagpo

Dahil ito ang hatol sa atin ng mga tao na hindi alam ang puno't dulo

Ikaw at ako ay kailangang matuto

Umpisa pa lang alam na nating mangyayari ito

Pero bakit hindi natin napaghandaan ang dulo

Dahil ba ito ang gusto ng mapaglarong mundo

Na ang luha natin ay hayaang tumulo

Ang sakit.. sobrang sakit..

Buong katawan ko ramdam ang sakit

Di ko alam kung kanino kakapit

Dahil kahit anong pilit hindi maalis ang lahat ng pait

Buong katawan ko manhid na sa sakit

Para na nga akong mawawalan ng bait

Di ko alam kung kanino lalapit

Dahil sa lahat ng sinapit, ito ang pinakamalupit

Ang tanong ko lang sa sarili

Bakit ako naiwang mag-isa sa ere

Ako lang ba may gusto sa lahat nang nangyari

Bakit wala man lang pasabi na ako pala ay isasantabi

Hindi naman ako bingi

Pakikinggan ko ang bawat mamumutawi

Sa labi mong nakakawili

Sana man lang ikaw ay nagsabi

Bawat araw pilit akong lumalaban

Dahil pag-ibig natin ay di mo pinaglaban

Ang nais ko lang ay kaligayan

Na sana man lang ay muling maramdaman

Kelan ba ako makakabangon

Sa mundong mapanghamon

Durog-durog na ang aking puso

Kelan nga ba ito mabubuo

Hiling ko lang ay malaman ang katotohanan

Na ako talaga ay hindi mo pinaglaruan

Upang makalaya na ako sa ginawa nating mundo

At mamuhay sa lugar na kung saan lahat ay totoo

Wag mong ipagkait ang nais kong makamit

Hayaan mo akong maging malaya

Kagaya ng ginawa mong paglimot

Nang ako ay hayaang mawala.

-Ann Lorraine T. Juan

05/03/2018