"ពិចនិច"

Episode 11

ថ្ងៃថ្មីយើងបានឃើញកំលោះក្រមុំមួយគូកំពុងស្វិតស្វាញធ្វើអាហារជាមួយគ្នា ពួកគេធ្វើបណ្តើរជជែកគ្នាលេងបណ្តើរហាក់គ្មានខ្វល់ខ្វាយពីអ្វីទាំងអស់សម្លេងសើចក្អាកក្អាយបន្លឺចេញពីមាត់នាងក្រមុំ បន្ទាប់មកក៏ដួសអាហារបញ្ចុកនាក់ម្ខាងទៀតហើយក៏ឆ្លៀតសួរ...

«ឆ្ងាញ់ទេ?»Kuxingមើលទៅនាយដោយការចង់ ដឹងគេមិននិយាយអ្វីទេប៉ុន្តែងក់ក្បាលជំនួស នាងញោចមាត់ញញឹមឡើងបន្ទាប់មកក៏ចាប់ផ្តើមដួសអាហាររៀបចំដាក់ក្នុងប្រអប់ដាក់អាហារពណ៌ស្វាយ បន្ទាប់មកនាងដើរទៅបើកទូទឹកកកយកcakeដែលនាងនិងJungkookធ្វើពីយប់មិញចេញមករួចកាត់ជា3ចំណែកដោយ2ចំណែកនាងយកទៅដាក់នៅក្នុងប្រអប់អាហារនិងមួយចំណែកធំនាងទុកនៅក្នុងទូទឹកកកដដែល និងយកផ្លែឈើខ្លះចេញមក

«ម៉ោះចាំបងជួយ»Jungkookស្នើខ្លួនជាអ្នករៀបចំcakeដាក់ក្នុងប្រអប់ នាងក៏យល់ព្រមហើយគេក៏យកcakeនិងផ្លែឈើមួយចំនួនដែលនាងយកចេញពីទូទឹកកកដាក់ចូលទៅក្នុងប្រអប់អាហារយ៉ាងមានរបៀបរៀបរយរួចបិទគម្របយ៉ាងស្អាត

«រួចហើយ»Jungkookនិយាយឡើងដោយមានមោទនភាពចំពោះខ្លួនឯងព្រោះនេះជាលើកទីមួយហើយដែលគេរៀបចំអាហារដោយខ្លួនឯងសម្រាប់ពិចនិច

«ពួកយើងឆាប់ទៅមុជទឹកប្តូរសម្លៀកបំពាក់ទៅ ធ្វើអាហារមួយថ្ងៃឡើងជាប់ក្លិនពេញខ្លួនហើយ»

Kuxingអោនហិតសម្លៀកបំពាក់និងខ្លួនរបស់នាងគឺសុទ្ធតែក្លិនចេញពីម្ហូបដែលនាងធ្វើទាំងអស់ Jungkookក៏លើកអាវខ្លួនមកហិតមើលឃើញថាដូចអ្វីដែលនាងនិយាយមែន

«ល្អៗ»នាយក៏តបយ៉ាងរហ័ស ស្រីតូចក៏ដោះអៀមដែលពាក់ជាប់ខ្លួនដាក់ទៅលើតុបាយហើយក៏ដើរចូលទៅក្នុងបន្ទប់ដើម្បីមុជទឹកសម្អាតខ្លួន ចំណែកប្រុសសង្ហាយើងវិញក៏ដោះអៀមចេញហើយដើរទៅតាមក្រោយ

ប្រហែល40នាទីក្រោយមកកំលោះក្រមុំរបស់យើងក៏ដើចេញពីបន្ទប់ដោយមាននាយសង្ហាជាអ្នកនាំមុខ។ Jungkookស្ថិតនៅក្នុងឈុតអាវយឺតសមានអាវក្រៅដៃខ្លីពណ៌សាច់ក្រឡាការ៉ូ រួមជាមួយនឹងខោខូវប៊ូតជើងវែងហើយមានកាំមេរ៉ាពណ៌ខ្មៅពាក់នៅនឹងកទៀត មើលទៅសាកសមជាមួយនឹងគេណាស់ និយាយពីស្រីតូចរបស់យើងវិញនាងពាក់អាវបែបcrop topដៃប៉ោងចំហរទ្រូងបន្តិចពណ៌លឿងខ្ចីជាមួយនឹងខោសាច់ក្រណាត់ពណ៌សខ្លីត្រឹមភ្លៅរីឯសក់ចងលើកឡើងទៅលើខ្ពស់បន្ថែមដោយកាបូបពណ៌សផង។ អ្នកទាំងពីរក៏ដើរទៅផ្ទះបាយដើម្បីរៀបចំរបស់របរដើម្បីយកទៅពិចនិចក្រោយពីរៀបចំហើយពួកគេក៏ចាក់ចេញពីcondo។

___

ឡានសេរីទំនើបរបស់នាយកំលោះJeon Jungkookបានឈប់នៅនឹងសួនមួយកន្លែងក្នុងទីក្រុងSeoulដែលជាកន្លែងដែលពួកគេត្រូវមកពិចនិច នាយបើកទ្វារចុះពីលើឡានខណៈពេលដែលស្រីល្អក៏ចុះមកដូចគ្នាពួកគេក៏ដើរទៅរកគូទឡានដើម្បីយករបស់បរ ក្រោយពេលដែលយករួចពួកគេក៏ដើរទៅរកកន្លែងសមរមមួយ ភ្លាមនោះKuxingក៏ងាកទៅឃើញដើមឈើធំមួយដុះឡើងបែកមែកសាខាជាម្លប់ត្រជាក់។

«Jungkookត្រង់នោះ»Kuxingហៅអ្នកជាសង្សារ ឯម្រាមដៃចង្អុរទៅកន្លែងដើមឈើធំនោះ គេក៏ងាកទៅតាមដៃរបស់នាងបន្ទាប់ពីឃើញកន្លែងដែលអាចឲ្យពួកគេធ្វើពិចនិចបានអ្នកទាំងពីរក៏ដើរតម្រង់ទៅរកដើមឈើធំនោះ បន្ទាប់មកJungkookក៏ក្រាលក្រណាត់ដែលខ្លួនកាន់នៅនឹងដៃទៅលើវាលស្មៅខៀវខ្ចី ពេលដែលក្រាលបានរៀបរយហើយKuxing

ក៏ទម្លាក់ខ្លួនទៅលើក្រណាត់នោះនិងទុកប្រអប់អាហារទៅលើក្រណាត់ រាងក្រាស់ក៏ទម្លាក់ខ្លួនអង្គុយក្បែរនាង

«អាកាសធាតុថ្ងៃនេះល្អដល់ហើយ»Jungkook

ពោលឡើង ហើយក៏ស្រូបយកខ្យល់អាកាសចូលពេញពោះរួចក៏បញ្ចេញមកវិញទាំងអារម្មណ៍ស្រស់ស្រាយ

«ពិតមែនហើយ»Kuxingឆ្លើយតបស្របនឹងភ្នែកដែលងាកមើលជុំវិញនោះឃើញថានៅទីនេះមិនសូវមានមនុស្សប៉ុន្មានទេ និងមានសភាពស្ងប់ស្ងាត់ល្អសមស្របសម្រាប់គូស្នេហ៍ដូចជាពួកគេមកលំហែរកាយ

គ្រូក!

សម្លេងអ្វីម្យ៉ាងបន្លឺឡើងនាំឲ្យរាងស្តើងធ្វើមុខឆ្ងល់ហើយក៏ងាកមើលទៅកាន់មាឌមាំដែលសើចទាំងមិនសមនិងយកដៃខ្ទប់ពោះផងធ្វើឲ្យនាងដឹងភ្លាមថាសម្លេងមិញនេះគឺចេញមកពីពោះរបស់គេហ្នឹងហើយ នាងក៏មើលមុខគេទាំងក្រឺតខ្នាញ់។

«បងថាពួកយើងញ៉ាំអាហារដែលយើងធ្វើទៅល្អទេព្រោះបងឃ្លានហើយ»Jungkookនិយាយឡើង រាងស្តើងក៏សើចបន្តិចនឹងចរិតដូចជាកូនក្មេងរបស់គេ

«ល្អ»ថារួចKuxingក៏ចាប់យកប្រអប់អាហារដែលខ្លួននិងសង្សារធ្វើ នាងបើកប្រអប់អាហារនោះឡើងបង្ហើរក្លិនឈ្ងុយចេញមក រាងក្រាស់ក៏ចាប់កាន់ស្លាបព្រានិងសមដែលដាក់នៅក្នុងប្រអប់ផ្សេងមួយទៀតក៏ហុចស្លាបព្រានិងសមទៅឲ្យរាងតូច នាងទទួលយកហើយក៏ញញឹម អាហារទាំងអស់គឺមាន5ប្រអប់តូចៗ ដោយប្រអប់មួយគឺដាក់

Bibimbap មួយប្រអប់ទៀតគឺសាំងវ៉ិច និងមួយប្រអប់ទៀតគឺSpaghetti ប្រអប់មួយទៀតគឺដាក់ផ្លែឈើ ហើយប្រអប់ចុងក្រោយគឺជាcakeនោះឯង Kuxingក៏ចាប់ផ្តើច្របល់Bibimbapចូលគ្នារួចហុចទៅឲ្យJungkook ចំណែកខ្លួននាងក៏ចាប់កាន់យកប្រអប់Spaghetti

«ហាមាត់មក»Jungkookដួសbibimbapឡើងនិងប្រាប់ទៅរាងតូចឲ្យហាមាត់ហើយនាងក៏ធ្វើតាម ទើបអ្នកំលោះរហ័សបញ្ចុកនាងតែម្តង ស្រីតូចរបស់យើងក៏ដួសSpaghettiបញ្ចុកនាយដូចគ្នា ហើយអ្នកទាំងពីក៏ចាប់ផ្តើមញ៉ាំអាហារទាំងនោះរហូតទាល់តែអស់ Kuxingក្រោយពេលដែលញ៉ាំអាហារឆ្អែតហើយកនាងក៏ចាក់ទឹកក្រូចច្របាច់ដែលយកមកពីផ្ទះចូលទៅក្នុងកែវនិងហុចទៅឲ្យមាឌមាំគេទទួលទាំងញញឹម នាងក៏ចាក់មួយសម្រាប់ខ្លួនឯងហើយលើកមកក្រេបបន្តិច

«ស្រស់ស្រាយដល់ហើយ»Jungkookនិយាយឡើងដោយស្នាមញញឹម ខ្យល់ត្រជាក់បក់មកល្ហៀកៗមកប៉ះនឹងផ្ទៃមុខរបស់នាយ ទេសភាពពណ៌បៃតងនិងភាពស្ងប់ស្ងាត់ធ្វើឲ្យចិត្តរបស់អ្នកទាំងពីរមានអារម្មណ៍កាន់តែធូរស្រាលបន្ទាប់ពីចំណាយពេលស្ទើពេញមួយអាទិត្យគិតទៅលើរឿងរៀននិងរឿងផ្សេងៗដែលធ្វើឲ្យខួរក្បាលនិងចិត្តរបស់ពួកគេស្មុកស្មាញ

គូសង្សាររបស់យើងក៏ចាប់ផ្តើមជជែកគ្នាលេងពីនេះពីនោះនិងសើចសប្បាយជាមួយគ្នា កន្លងទៅប្រមាណជា2ម៉ោងធ្វើឲ្យថ្ងៃចាប់ផ្តើមជ្រេរដែលបញ្ជាក់ថាពេលនេះជាពេលរសៀលទៅហើយ Jungkookក៏បេះផ្លែក្រូចមួយចំណិតបញ្ចុកទៅអ្នកដែលកំពុងគេងនៅលើភ្លៅរបស់គេ។

«Jungkook-ah»Kuxingពោលហៅនាយតិចទាំងកំពុងទំពារផ្លែក្រូចនៅឡើយ គេក៏យកផ្លែក្រូចមកញ៉ាំទើបអោនចុះមកមើលនាង

«ហ៊ឹម?»នាយគ្រហឹមបំពុងកលើកចិញ្ចើមចាំស្តាប់នាងនិយាយ

«បងមានធ្លាប់គិតទេថាបើថ្ងៃណាមួយអូនទៅបាត់បងនឹងធ្វើយ៉ាងណា?»

«ម៉េចក៏អូនសួរអ៊ីចឹង?»Jungkookសួរអ្នកដែលគេងលើភ្លៅខ្លួនទាំងមិនយល់ទាំងមានមន្ទិលនៅក្នុងចិត្ត

«អូនចង់ដឹង»

«បងគ្មានចម្លើយឲ្យអូននោះទេ»Jungkookឆ្លើយហើយក៏ងើយទៅមើលមេឃដែលស្រឡះធេងខុសពីចិត្តរបស់គេនៅពេលនេះ

«ហេតុអី?»

«ព្រោះបងគ្មានថ្ងៃឲ្យអូនទៅណាចោលបងជាដាច់ខាត»Jungkookអោនមើលនាងនិយាយដោយទឹកមុខប្រាកដប្រជា

«បងស្រឡាញ់អូនខ្លាំងណាស់មែនទេ

Jungkook?»

«ប្រាកដហើយ! អូនជាស្នេហាដំបូងរបស់បង ពេលដែលអូនចូលមកក្នុងជីវិតបង មានរឿងជាច្រើនដែលផ្លាស់ប្តូរ ហើយអូនក៏ជាមនុស្សតែម្នាក់ដែលអាចមកបំពេញចន្លោះខ្វះខាតនៅក្នុងបេះដូងរបស់បងទាំងដែលវាតែងតែមានប្រហោងតាំងពីដើមមកហើយ រួមទាំងអូនគួរស្រឡាញ់ទៀតទើបបានជាបងស្រឡាញ់អូនយ៉ាងនេះហ្នឹងណា»Jungkookក៏រៀបរាប់ពីទំហំនៃក្តីស្រឡាញ់របស់គេប្រាប់ទៅនាងជាមួយស្នាមញញឹមដ៏មានក្តីសុខ គេក៏លូកដៃទៅច្បិចថ្ពាល់របស់នាងលេង Kuxingសម្លឹងមើលទាំងទឹកមុខហាក់មិនសូវសប្បាយចិត្តសោះតែក៏ព្យាយាមញញឹមដើម្បីកុំឲ្យនាយចាប់បាន បើមនុស្សធម្មតាពេលបានឮអ្នកជាទីស្រឡាញ់និយាយបែបនេះច្បាស់ជាសប្បាយចិត្តរហូតដល់ហក់លោតពេញហ្នឹងក៏ថាបាន តែសម្រាប់នាងពេលបានឮហើយនាងមានអារម្មណ៍ខុសនិងខូចចិត្តណាស់ ដែលនាងមានអារម្មណ៍បែបនេះមិនមែននាងមិនស្រឡាញ់គេទេ ត្បិតនាងក៏ស្រឡាញ់គេណាស់ដែរ ប៉ុន្តែនាងមិនចង់ឲ្យគេស្រឡាញ់នាងខ្លាំងព្រោះបើស្រឡាញ់ខ្លាំងឈឺក៏ខ្លាំងដែរ

«Jungkookអូនសួរពិតមែនណា៎ បើថ្ងៃណាមួយអូនទៅបាត់តើបងនឹងធ្វើយ៉ាងណា៎?»Kuxingងើបខ្លួនឡើងអង្គុយហើយរៀបសក់ឲ្យស្រួលបួលនិងសួរនាយនូវសំណួរដដែល

«ម៉េចក៏អូនសួរសំណួរហ្នឹងទៀតហើយ?»Jungkookតបទាំងអារម្មណ៍មិនល្អ គេមិនយល់សោះហេតុអីទើបនាងសួរសំណួរដែលគេមិនរំពឹងថានឹងមិនអាចកើតឡើងនោះ

«ឆ្លើយនឹងអូនមកJungkookអូនពិតជាដឹងពិតមែន»

«បងមិនដឹងទេ! បងមិនដែលគិតថាអូននឹងចេញពីបងទេ ស្តាប់ទៅអូនអាចថាបងល្ងង់ឬក៏គិតថាបងនិយាយកុហកព្រោះតែយើងទើបទាក់ទងគ្នាបានជាង3ខែប៉ុណ្ណោះប៉ុន្តែអ្វីដែលបងនិយាយសុទ្ធតែចេញពីចិត្តពិត»Jungkookតបទាំងមុខស្រពោន មានអារម្មណ៍ដូចឈឺឆៀបៗក្នុងទ្រូងពេលគិតរឿងដែលនាងសួរ

«បងមិនគិតមិនបានទេ»Kuxingប្រាប់ទៅនាយតែក៏លួចគិតបន្ថែមនៅក្នុងចិត្ត

"ព្រោះអូននឹងចាកចេញពីបងនៅថ្ងៃណាមួយហើយ"នាងមិនចង់និយាយពាក្យនេះចេញមកទេព្រោះមិនទាន់ដល់ពេល ហើយក៏មិនចង់និយាយនាំឲ្យអ្នកម្ខាងទៀតខូចចិត្តដែរទើបនាងបានទេគិតក្នុងចិត្តតែឯង

«ហេតុអី?»Jungkookជ្រឹបចិញ្ចើមសួរនាង ត្បិតតែមួយរយៈនេះនាងចូលចិត្តធ្វើខ្លួនប្លែកៗសួរសំណួរប្លែក ហើយមិនព្រមប្រាប់គេឡើយថានាងកើតអី

«ហិហិហិ អូនសួរលេងហ្នឹងណាចង់ដឹងថាបងនឹងគិតយ៉ាងម៉េចតែប៉ុណ្ណឹងឯង»Kuxingសើចហើយប្រែទឹកមុខទៅជាស្រស់ស្រាយវិញ គេក៏សម្លឹងនាងដូចចង់ចាប់នាងឆីទាំងរស់អ៊ីចឹង នៅសុខៗក៏មកលេងសើចជាមួយអារម្មណ៍របស់គេធ្វើឲ្យគេភ័យស្ទើស្លាប់

«ណេះ សុំទោសណាដែលធ្វើឲ្យបងអារម្មណ៍មិនល្អទាំងដែលថ្ងៃនេះពួកយើងមកដើរលេង»Kuxingយកសាំងវ៉ិចចេញពីប្រអប់ហើយឲ្យរាងក្រាស់ជាការលួងលោម គេទទួលយកមកហើយក៏ខាំក្រឹបៗ ឆ្លៀតពេលដែលស្រីតូចរបស់យើងញ៉ាំភ្លេចខ្លួននាយក៏លើកកាំមេរ៉ាដែលពាក់នៅនឹងកថតនាងក្រឹប ភ្លាមនោះកាំមេរ៉ាក៏printចេញរូបថតរបស់មាឌតូចកំពុងញ៉ាំសាំងវ៉ិច គេមើលទៅរូបនោះទាំងញញឹមខ្ចឹប ភ្លាមនោះស្រីល្អក៏កញ្ឆក់រូបថតចេញពីដៃរបស់គេយកមកមើលឃើញថាជារូបរបស់នាង

«បងលួចថតរូបអូនអ្ហេស៎?»

«បងជាសង្សារអូនបើគ្មានរូបអូនសោះម៉េចនឹងកើត»

«ម៉ោះ! ឲ្យមកបងវិញ»Jungkookឈោងដៃប្រុងទៅយករូបថតវិញតែរាងតូចក៏រហ័សដកដៃទៅម្ខាង គេមើលនាងទាំងជ្រួញចិញ្ចើម

«មិនឲ្យទេ»Kuxingក្រវីក្បាលបដិសេធមិនព្រមឲ្យរូបនោះទៅនាយវិញហើយថែមកាន់ជាប់ដៃទៀត

«ហេតុអី?»

«រូបនេះជារូបថតសន្លឹមដំបូងរបស់អូនអ៊ីចឹងអូនសុំ»Kuxingថារួចក៏ស៊ករូបថតចូលទៅក្នុងហោប៉ៅខោបាត់ គេមើលនាងទាំងស្រឡាំងកាំងមិនងាយនោះទេទម្រាំបានថតរូបនាងពេលនេះរូបតែមួយសន្លឹកគត់ដែលគេខំថតក៏ត្រូវនាងយកទៅបាត់

«ចុះបងបានអី?»

«រូបនៅក្នុងកាំមេរ៉ានោះអី»Kuxingចង្អុលទៅកាំមេរ៉ាដែលពាក់នៅនឹងករបស់គេ ទើបគេនឹកឃើញហើយក៏យល់ព្រមឲ្យរូបនោះទៅនាង

«អ៊ីចឹងក៏បាន»

"រូបដំបូងរបស់អូនក៏ជារូបចុងក្រោយដែរ"

___

ម៉ោង4:45នាទីល្ងាចអ្នកទាំងពីរក៏ត្រឡប់ដល់

Condoតែស្រីស្រស់នាងសុំឡើងទៅបន្ទប់របស់ខ្លួនមួយភ្លេតឯនាយក៏មិនបានសួរអ្វីទេ ក៏ព្រមឲ្យនាងទៅ។ Kuxingឡើងមកដល់បន្ទប់ នាងក៏តម្រង់ទៅក្នុងបន្ទប់ កាយតូចដាក់ខ្លួនអង្គុយនៅលើពូក បើកថតតុរួចយកប៊ិចមួយចេញហើយក៏សរសេរអ្វីមិនដឹងទៅខ្នងរបស់រូបថតដែលនាងបានដណ្តើមយកពីJungkook ពេលសរសេររួចនាងក៏ទុករូបថតនិងប៊ិចទៅក្នុងថតតុនោះតែម្តង។ ក្រោយពេលដែលចាក់សោរបន្ទប់រួចស្រីល្អក៏ត្រឡប់មកបន្ទប់របស់

Jungkookវិញ។

ចាប់តាំងពីពេលដែលនាងទាក់ទងជាមួយគេបាន1ខែគេក៏សុំឲ្យនាងរើមកនៅជាមួយ ពីដំបូងនាងមិនចង់ប៉ុន្មានទេប៉ុន្តែពេលនឹកឃើញដល់រឿងមួយនាងក៏យល់ព្រមភ្លាម ទោះបីជារស់នៅក្នុងបន្ទប់តែមួយមែនពិតតែអ្នកទាំងពីរមិនដែលបានធ្វើអ្វីជ្រុលជ្រួសឡើយ ដោយគ្រាន់តែអោបឬថើបប៉ុណ្ណោះ។ ត្រឹមតែរយៈពេលជាង3ខែទំនាក់ទំនងពួកគេប្រែក្លាយទៅជាស្អិតរមួតជាងមុន និងស្រឡាញ់គ្នាកាន់តែខ្លាំងឡើងពីមួយថ្ងៃទៅមួយថ្ងៃ។

តើអ្នកដឹងទេថាកាលដែលយើងស្រឡាញ់នរណាម្នាក់កាន់តែខ្លាំងភាគរយដែលធ្វើឲ្យយើងឈឺចាប់មានកាន់តែខ្ពស់?

To be continue...