"ដើរលេង"

Episode 8

នាពេលព្រឹកព្រះសូរិយារះឡើងមកបំភ្លឺលោកាដាស់អស់មនុស្ស សត្វដែលកំពុងសោយសុខដំណេក។ ទ្រនិចនាឡិកានៅក្នុងបន្ទប់មួយចង្អុលទៅលេខ8និងលេខ12បញ្ជាក់វេលាថាម៉ោង8:00ព្រឹក សម្លេងអ្វីមួយក៏បានបន្លឺឡើងជាចង្វាក់ ដៃសក្បុសលូករាវទៅលើតុ ក៏ទៅប៉ះនឹងនាឡិកាដែលកំពុងរោទ៍ឥតឈប់ឈរ នាងក៏ចុចបិទ។ បាត់អស់សម្លេងនៅសល់តែកាយល្អិតដែលមិនទាន់អស់ងងុយ ខំប្រឹងទាញខ្លួនឲ្យក្រោកឡើងទាំងមិនទាន់បើកភ្នែក។ បន្ទាប់ពីបានអង្គុយស្រួលបួលហើយត្របកភ្នែកនាងចាប់ផ្តើមកម្រើកបើកមកបន្តិចម្តងៗរហូតដល់ពន្លឺថ្ងៃដែលខំប្រឹងជ្រៀតខ្លួនតាមវាំងននសក្បុសនោះជះចូលមកពេញភ្នែករបស់នាង រាងស្តើងលើកដៃយីភ្នែករួចក៏ពត់ពែនប្រាណ នាងយោងខ្លួនឡើងដើរទៅបើវាំងននឲ្យពន្លឺបានចូលមក។ Kuxingបែរនាំខ្លួនដើរទៅរកបន្ទប់ទឹកដើម្បីសម្អាតកាយ។

8:30AM

រាងកាយល្អិតដែលប្រាកដខ្លួននៅក្នុងផ្ទះបាយដើម្បីរកអ្វីមកញ៉ាំ។ ស្រីស្រស់ដើរទៅបើទូរទឹកកកយកស៊ុតទាពីរគ្រាប់និងសាច់ជ្រូកបីជាន់ដែលត្រូវបានហាន់ជាបន្ទះវែងនិងស្តើងមកពីរផងដែរ ដៃស្តើងលូកយកខ្ទះដែលដាក់ភ្ជួរនៅជាប់ជញ្ជាំងមកដាក់នៅលើចង្ក្រាន បន្ទាប់មកបើកភ្លើងចាក់ខ្លាញ់ចូលហើយក៏ដាក់សាច់ជ្រូកចូលទៅក្នុងខ្ទះ ក្រោយពីឆ្អិននាងក៏គោះពងទាទាំងពីរគ្រាប់ចូលទៅក្នុងខ្ទះពេលឆ្អិននាងក៏ដួសដាកទៅក្នុងចាន។ ស្រីល្អយកចានអាហារនិងទឹកដោះគោស្រស់ដែលទើបចាក់ចូលកែវរួចទៅដាក់លើតុអាហារ នាងដាក់ខ្លួនអង្គុយស្រួលបួលហើយក៏ចាប់ផ្តើមញ៉ាំ។

ក្រោយពីញ៉ាំអាហារពេលព្រឹករួចនាងក្រមុំរបស់យើងក៏ទៅអង្គុយនៅសាឡុងមើលទូរទស្សន៍។ ថ្ងៃនេះជាថ្ងៃអាទិត្យនាងមិនចាំបាច់ទៅរៀននោះទេ សប្បាយចិត្តរកអ្វីប្រៀបមិនបានចាប់តាំងពីពេលដែលនាងដឹងថាខ្លួនមានភារកិច្ចជាប់ខ្លួនមករឿងអ្វីក៏ធ្លាប់ជួប ធ្លាប់ធ្វើមករួចដែរ ពេលខ្លះស្ទើរតែមិនបានសម្រាក កាលបើបាននៅផ្ទះមួយថ្ងៃសម្រាប់នាងប្រៀបបាននឹងវិសមកាលប្រចាំឆ្នាំ គឺជាពេលវេលាដែលល្អបំផុតដែលមិនអាចបរិយាយបាន។

1:10PM

រាងកាយស្តើងកំពុងគេងនៅលើសាឡុងដោយមិនខ្វល់ពីអ្វីទាំងអស់។ ម្រាមដៃដូចបន្លាក្រូចកម្រើកតិចៗបន្ទាប់មកភ្នែកទាំងគូរក៏បើកឡើង មាឌល្អិតលើកដៃយីភ្នែកនិងស្ងាបដូចជាមិនទាន់អស់ងងុយ ភ្លាមសម្លេងកណ្តឹងក៏បន្លឺឡើងមក ស្រីស្រស់ក៏ងើបដើរទៅបើកទ្វារ បង្ហាញរូបរាងរបស់អ្នកកំលោះរូបសង្ហារម្នាក់ឈរញញឹមយ៉ាងស្រស់មកកាន់នាង។ Jungkookសម្លឹងមើលនាងតាំងពីក្បាលដល់ចុងជើងឃើញថាសភាពរបស់នាងគឺទើបងើបពីគេងច្បាស់ណាស់។

«នាងទើបតែភ្ញាក់ទេឬ?»

«មិនមែនទេខ្ញុំភ្ញាក់យូរហើយប៉ុន្តែខ្ញុំគេងទៅវិញប្រហែលជា2 3ម៉ោងមុននេះ»Kuxingរហ័សបកស្រាយកុំឲ្យគេយល់ច្រឡំថានាងជាមនុស្សដែលគេងទ្រមក់ នាងមិនមែនជាអ្នកដែលគេងទ្រមក់ទេគ្រាន់តែនាងចូលចិត្តគេង

«ខ្ញុំប្រហែលជារំខានការគេងរបស់នាងហើយ សុំទោស»Jungkookអោនបន្តិចនិងសុំទោសនាងដែលគេមករំខានការគេងរបស់នាងដោយមិនបានដឹងជាមុន ឃើញគេធ្វើបែបនេះនាងក៏រហ័សប្រកែក...

«អត់ទេខ្ញុំភ្ញាក់មុនលោកចុចកណ្តឹងបន្តិច»

«លោកមានការអីមែនទេ?»

«គឺ ខ្ញុំចង់បបួលទៅដើរលេង នាងចង់ទៅដែរទេ?»Jungkookនិយាយចូលសាច់ការតែម្តងដោយមិនចង់ចំណាយពេលច្រើនព្រោះជាគោលបំណងដែលគេខំតែងខ្លួនស្អាតបាត ហើយឡើងមករកនាងដល់បន្ទប់

«ដើរលេង?ខ្ញុំ...»Kuxingហាក់ស្ទាក់ស្ទើរ នាងចង់ចំណាយពេលទំនេររបស់នាងសម្រាកនៅផ្ទះច្រើនជាជាងចេញទៅខាងក្រៅ

«ទៅៗណា ខ្ញុំចង់សងគុណនាងខ្លះនាងជួយខ្ញុំច្រើនណាស់ខ្ញុំមិនទាន់បានធ្វើអ្វីដើម្បីនាងនោះទេ ចាត់ទុកថាខ្ញុំទៅចុះ»

Jungkookព្រិចភ្នែកម៉ក់ៗបូករួមជាមួយទឹកមុខអង្វរកររបស់គេមិនអាចឲ្យនាងនិយាយពាក្យថា "ទេ" ចេញមកបានឡើយ

«បានប៉ុន្តែលោកចូលក្នុងសិនមក»Kuxingនាំនាយទៅអង្គុយលើសាឡុង

«ចាំខ្ញុំមួយភ្លេតខ្ញុំទៅតែងខ្លួនបន្តិចសិន»Jungkookងក់ក្បាលទាំងមានស្នាមញញឹមនៅជាប់មាត់ ក្រោយពីទទួលបានការយល់ព្រមហើយមាឌតូចក៏ចូលទៅក្នុងបន្ទប់ដោយមិនភ្លេចបិទទ្វារ

Kuxingឈរនៅមុខទូរខោអាវដែលមានខោអាវជាច្រើននៅខាងក្នុងមិនដឹងថាគួររើសមួយណាមកពាក់ ដៃម្ខាងអូសទៅលើខោអាវចុះឡើង នាងផ្អៀង

ផ្អងមើលមួយសន្ទុះក៏ឃើញសម្លៀកបំពាក់ដែលត្រូវចិត្ត ស្រីស្រស់ចាប់យកសម្លៀកបំពាក់ដែលពេញចិត្តបោះទៅលើពូកបន្ទាប់មកបង្វែរខ្លួនទៅរកបន្ទប់ទឹកដើម្បីសម្អាតខ្លួន។ ក្រោយពីមុជទឹកជម្រះ

កាយរួចរាងស្តើងចេញមកដោយមានចងពុំនឹងកន្សែងស ស្រីតូចដាក់បង្គុយលើកៅអីទល់មុខតុសម្អាងមុននឹងចាប់ផ្តើមតុបតែងខ្លួន។

ងាកមកអ្នកដែលអង្គុយរងចាំនៅក្រៅវិញ Jungkookផ្ទៀងមើលនាឡិកាតម្លៃពាន់ដុល្លាមានដាំពេជ្រនៅជុំវិញផងមើលទៅស្អាតនិងថ្លៃថ្នូរ។ រយៈពេល2ម៉ោងហើយដែលនាងល្អចូលទៅក្នុងបន្ទប់ ស្ងាត់គ្មានសូរសម្លេងសូម្បីបន្តិចឬនាងគេងលក់នៅបាត់ហើយទេដឹង។ នាយចង់ទៅគោះទ្វារបន្ទប់បន្តិចអត់បន្តិច បើនាងគេងមែននាំតែរំខានដល់នាង។ ភ្លាមនោះទ្វារបន្ទប់គេងរបស់នាងក៏បើក នាយរហ័សងាកទៅក៏ប្រទះកាយស្តើងដែលស្ថិតក្នុងឈុតអាវចាក់ខៀវលាយសនិងខោខូវប៊ូយនិងមានកាបូបស្ពាយសផងពិតជាស៊ីគ្នាជាមួយឈុតអាវយឺតសជាមួយអាវក្រៅពណ៌ដូចអាវរបស់រាងស្តើងបូករូមជាមួយខោជើងវែងពណ៌ខ្មៅរបស់គេខ្លាំងណាស់។ អ្នកកំលោះក្រោកឈរពេលនាងដើរមកជិត។

«ខ្ញុំស្លៀកឈុតនេះមិនស្អាតទេមែនទេបានជាលោកមើលមិនឈប់បែបនេះ»

«ស្អាតៗណាស់»Jungkookមើលទៅនាងទាំងញញឹមមិនដាច់ពីមាត់ ធ្លាប់តែឃើញនាងស្លៀកឈុតសិស្សសាលាដល់មកស្លៀកពាក់បែបនេះកាន់ប្លែកភ្នែក

«បើអ៊ីចឹងទៅបានឬនៅ?»

«បានសូមអញ្ជើញ»

___

«លោកក៏មានឡានដែរហេតុអីមិនបើកទៅរៀន?»Kuxingសួរទៅនាយសង្ហារពេលដែលនាងកំពុងនៅក្នុងឡានម៉ាកMcLaren 720sដែលជាឡានរបស់អ្នកកំលោះ

«មកពីខ្ញុំខ្ជិល»Jungkookអង្គុយនៅកន្លែងបើក និយាយហីៗត្បិតជាការពិត និងកាច់សោរឡានបម្រុងនឹងបើកចេញទៅ

«ចុះថ្ងៃនេះម៉េចក៏បើកឡានមក?»

«ថ្ងៃនេះខ្ញុំនាំអ្នកនាងKuxingទៅដើរលេងមួយទាំងមូលម៉េចនឹងអាចជិះឡានតាក់ស៊ីបាន»ស្របសម្តីរបស់នាយJungkookក៏ងាកទៅរកអ្នកដែលអង្គុយនៅខាងឆ្វេងដៃ

«ខ្ញុំពិសេសដល់ម្លឹងអ្ហេស៎?»Kuxingសួរទាំងមិនហ៊ានសម្លឹងមុខគេចំ ចំណែករាងក្រាស់វិញឆ្លើយដោយគ្មានការស្ទាក់ស្ទើរសូម្បីបន្តិច

«ពិសេសណាស់»Kuxingងាកមើលអ្នកដែលកំពុងសម្លឹងនាងនិងញញឹម ភ្នែកទាំងគូរបើកធំៗមិនគិតគេនិយាយបែបនេះមកកាន់នាងឡើយ រាងតូចងាកមុខទៅកញ្ចក់ឡានពេលប្រឈមជាមួយក្រសែភ្នែក

Jungkook នាងមិនអាចសម្លឹងកែវភ្នែកមួយគូរបស់គេបានយូរទេ បើមិនអ៊ីចឹងបេះដូងរបស់ប្រាកដជាលោតសឹងចេញមកខាងក្រៅមិន

ខាន

«ក្រែងថានាំខ្ញុំទៅដើរលេងនោះអីឆាប់ទៅៗ»Kuxingនិយាយ តែភ្នែកនិងមុខរបស់នាងសម្លឹងទៅក្រៅបង្អួចជាប់ នាងមិនចង់ឲ្យគេឃើញមុខដ៏ក្រហមដូចជាម្ទេសទុំរបស់នាងនោះទេ ឡានពណ៌ក្រហមនោះក៏បរចេញទៅតាមការបញ្ជាររបស់មាឌមាំ

___

នៅតាមផ្លូវដ៏វែងអន្លាយ ដែលមានឡានបរកាត់ខ្វាត់ខ្វែង។ នៅក្នុងឡានរបស់Jungkookមានសភាពស្ងាត់ជ្រងំពុំមាននរណានិយាយស្តីអ្វីនោះឡើយបន្ទាប់ពីនាយបើកឡានចាកចេញពីCondo។ Kuxingអង្គុយបែរមុខទៅរកកញ្ចក់និងយកម្រាមដៃគោះលើកញ្ចក់តិចៗមុននឹងសួរទៅកាន់រាងក្រាស់...

«លោកនាំខ្ញុំទៅដើរលេងនៅឯណា?»Kuxingមើលនាយឡេងឡង់ គេប្រាប់ថានាំមកដើរលេងតែឃើញជិះឡានយូរគួរសមដែរហើយនៅមិនទាន់ដល់ទៀត គេមិនមែនចង់នាំនាងជិះឡានដើរលេងជុំវិញទីក្រុងSeoulទេឬ?

«ទៅដល់នឹងដឹងហើយ»Jungkookឆ្លើយតមតែភ្នែកមិនបានដកចេញពីផ្លូវឡើយ មាឌល្អិតព្រូសដង្ហើមចេញពីពោះប្រលែងភាពធុញថប់ដែលមាននៅក្នុងខ្លួន អ្នកណាមិនធុញអង្គុយជិះឡានទាំងមិនដឹងថាគេនាំនាងទៅណាហើយថែមទាំងមិននិយាយអ្វីមួយម៉ាត់ទៀត

ប្រហែលជា15នាទីក្រោយមកពួកគេក៏មកដល់ផ្សារមួយកន្លែងនៅក្នុងទីក្រុង។ Jungkookឈប់ឡាននៅកន្លែងដែលមានគំនូសសម្រាប់ឡានចត នាយចុះពីលើឡានចំណែកKuxingក៏ចុះមកដូចគ្នា។ អ្នកកំលោះមកឈរក្បែរនាងក្រមុំហើយក៏និយាយ...

«មកដល់ហើយ»Jungkookញញឹមពព្រាយសម្លឹងមើលទៅកន្លែងដែលគេនាំនាងមក ស្រីស្រស់មើលគេទាំងមីងមាំងហើយមិននិយាយអ្វីនោះឡើយរហូតដល់អ្នកកំលោះដាច់ចិត្តសួរ...

«ហេតុអីនាងធ្វើមុខបែបនេះ?មិនចូលចិត្តមែនទេ?»

Jungkookទម្លាក់ទឹកមុខសប្បាយអរ នាយគិតថានាងនឹងចូលចិត្តពេលគេនាំមកកន្លែងនេះតែឃើញទឹកមុខរបស់នាងរួចគេអាចដឹងចម្លើយហើយ

«អ្នកណាថាមិនចូលចិត្ត?ម៉ោះឆាប់ឡើងខ្ញុំចង់មកលេងទីនេះយូរហើយ»Kuxingញញឹមសឹងរហែកមាត់ដល់គុម្ពត្រចៀក នាងចាប់អូសដៃអ្នកប្រុសJeonទាំងគេមិនបានត្រៀមខ្លួន អ្នកទាំងឆ្លងផ្លូវរួចក៏ដើរចូលទៅខាងក្នុង

Insa-dongជាផ្សារមួយកន្លែងនៅក្នុងទីក្រុSeoul ផ្សារនេះមានហាងទំនិញជាច្រើន ខ្លះជាហាង ខ្លះទៀតជាតូបតូចៗ។ ទីនេះមានលក់គ្រប់មុខទំនិញ មានទាំងអាហារ របស់របរប្រើប្រាស់ វត្ថុអនុស្សាវរីយ៍ និងសំភារៈជាច្រើនមុខទៀត។ មិនត្រឹមតែលក់របស់ច្រើនទេសូម្បីមនុស្សមកដើរទិញទំនិញក៏ច្រើនដូចគ្នា។ Kuxingអូសដៃរាងក្រាស់ដើរកាត់ហ្វូងមនុស្ស ម្តងទៅនេះម្តងទៅនោះ មើលទៅនាងពិតជាសប្បាយចិត្តនិងរីករាយណាស់ តែមិនសប្បាយចិត្តទើបចម្លែកព្រោះកញ្ញាKuxing

កម្រមានពេលបានដើរលេងមើលនេះ មើលនោះណាស់ ពេលទំនេរភាគច្រើនគឺនាងសម្ងំនៅក្នុងផ្ទះមិនចេញទៅណាឡើយ។

«Jungkookតុក្កតាមួយនេះគួរឲ្យស្រឡាញ់ដែរទេ?»Kuxingលើកកូនតុក្កតាឆ្មាពណ៌ខ្មៅលាយសមួយឡើងមកបង្ហាញអ្នកដែលឈរក្បែរខ្លួន នាងញញឹមយ៉ាងស្រស់ហើយក្រវីតុក្កតាចុះឡើង ពេលបែបនេះនាងគួរឲ្យស្រឡាញ់ណាស់ Jungkook

ញញឹមមុននឹងនិយាយ...

«គួរឲ្យស្រឡាញ់ប៉ុន្តែនៅចាញ់នាងទេ»Jungkook

ញញឹមខិលមកកាន់នាងល្អ ពិតមែនហើយតុក្កតាដែលនៅក្នុងដៃនាងទោះជាគួរឲ្យស្រឡាញ់យ៉ាងក៏ដោយតែសម្រាប់គេនាងគួរឲ្យស្រឡាញ់ជាង រាងតូចសម្លក់គេបន្តិចក៏ដាក់តុក្កតាចុះវិញ

«យើងទៅមើលអីផ្សេងទៀតទៅ»Kuxingប្រាប់ទៅនាយហើយក៏ដើរទៅមុនបាត់ទុកឲ្យគេនៅឈរម្នាក់ឯង នាយក្រវីក្បាលហើយក៏ដើរទៅតាមពីក្រោយនាង។ រាងស្តើងដើរបានបន្តិចក៏ឈប់ធ្វើឲ្យ

Jungkookឆ្ងល់ទើបសួរ...

«នាងកើតអីឬ?»

«នំនោះទំនងណាស់ ខ្ញុំចង់ញ៉ាំ»Kuxingចង្អុលទៅតូបដែលគេដាក់លក់នំ នាយក៏មើលតាមដៃរបស់នាង គេញញឹុុមដោយហួសចិត្តបន្តិចស្មានថានាងកើតអី ដើរៗក៏ឈប់តាមពិតគឺចង់ញ៉ាំនំសោះ

«បានចាំត្រង់នេះហើយ ចាំខ្ញុំទៅទិញមកឲ្យ»Jungkookនិយាយចប់ក៏ទៅទិញនំដែលស្រីល្អចង់ញ៉ាំ ប៉ុន្តែត្រូវចំណាយពេលរងចាំបន្តិចព្រោះមានអ្នកទិញច្រើនគួរសម

ប្រហែលជា15នាទីក្រោយរាងក្រាស់ក៏ទទួលបាននំដែលកុម្ម៉ង់ នាយដើរមកកន្លែងដើមបម្រុងយកនំឲ្យនាងប៉ុន្តែមិនឃើញនាងឈរនៅកន្លែងដើមឡើយ នាយងាកមើលឆ្វេងស្តាំក្រែងល៎ឃើញនាងនៅក្បែរនេះ តែមិនឃើញសូម្បីស្រមោលរបស់នាង។ បេះដូងរបស់គេប្រែជាលោតញាប់ដូចម៉ាស៊ីនខ្លាចថានាងដើរទៅណាហើយវង្វេង ណាមួយនាងមិនធ្លាប់មកទីនេះទេបើនាងវង្វេងបាត់ឲ្យគេគិតយ៉ាងម៉េច។ Jungkookព្យាយាមស្វែងរកនាងគ្រប់ទីកន្លែង មិនតែប៉ុណ្ណោះនាយនៅសួរអ្នកនៅម្តុំនោះក្រែងមានអ្នកណាបានឃើញនាងប៉ុន្តែចម្លើយដែលទទួលបានគឺ ពួកគេមិនបានឃើញនាងទេ ក្នុងទ្រូងរបស់នាយពិតជាភ័យណាស់មិនដឹងថាពេលនេះនាងនៅទីណាទេ គេធ្វើអ្វីលែងត្រូវហើយ។ បន្ទាប់សាកសួរគេជាច្រើនអ្នកមកJungkookក៏បន្តការដើររកនាងល្អិត គេដើររកនាងស្ទើរតែពេញផ្សារហើយនៅរកមិនទាន់ឃើញទៀត។ តើនាងបាត់ទៅណា?ឬនាងត្រឡប់ទៅកន្លែងដើមវិញបាត់ហើយ?ប៉ុន្តែគេមិនទាន់បាននិយាយអារម្មណ៍ពិតរបស់គេប្រាប់នាងទេ នាងមិនត្រូវការបំណងប្រាថ្នាចុងក្រោយទៀតទេឬ?

«មិនអាចទេ»Jungkookពោលទាំងក្រវីក្បាលបណ្តេញគ្រប់រឿងរ៉ាវដែលគេបានគិត គ្រប់រឿងដែលបានហូរចូលមកក្នុងខួរក្បាលរបស់គេ រឿងទាំងនេះធ្វើឲ្យនាយខ្លាចណាស់ហើយក៏រត់រកនាងបន្តទៀត សង្ឃឹមថាគ្រប់យ៉ាងមិនដូចអ្វីដែលគេផងចុះ

To be continue...