အပိုင်း (၂၂) - ပြီးပြည့်စုံတဲ့ သူတို့ Date

Yang Yu Teng ရှေ့မှာ ဒီလိုမျိုးလုပ်ရဲတယ်ပေါ့ မင်းကို ဒီနေ့အလွတ်မပေးဘူး Lin Zi Hong !!!

"Yu Teng အရမ်းများနေပြီ ‌ပြန်ကြရအောင်လေ"

"ဘာလို့ပြန်ရမှာလဲ ငါက Yang Yu Teng ပါ ဖယ်!!"

"အင်း ဒါပေမယ့်လည်း နောက်ကျနေပြီလေ မိန်းကလေးတွေလည်း အိမ်ပြန်ရတော့မှာ"

"အဲ့ဒီမိန်းကလေးတွေပြန်ခိုင်းပေါ့ ငါ့ကိုဘာလို့လာပြန်ခိုင်းနေတာလဲ ဖယ်စမ်း!!"

"အယ် Yu Teng Ge Ge ကမူးရင် ချစ်စရာလေးနော်"

ရှစ်!! ဒီဘာနေနေ ဘူးမယ့် နှာဘူး‌မတွေကတစ်မျိုး... Lin Zi Hong မတတ်သာတော့ Yang Yu Teng က စကားအကောင်းပြောလို့မရဘူး!! သူ အတင်းဆွဲမပြန်မှရမယ်။ Yu Teng ကို မျက်တောင်မခတ်ကြည့်နေတဲ့ Chia Hao ဆိုတဲ့လူကိုလည်း သိပ်မကြည်တော့။ အကိုရော ညီမရော Yang Yu Teng ကိုပဲ ဘာလို့လိုက်ကြည့်နေကြတာလဲ။

"ခွင့်ပြုပါဦး ကျွန်တော်တို့သွားနှင့်ပါမယ်"

ထိုလူကို တစ်ချက်ကြည့်ပြီး ပြောတော့ ခေါင်းအသာအယာညိမ့်ကာ

"ကိုယ် ကားဆီလိုက်ပို့ပေးရဦးမလား"

"ရတယ်!!"

မူး‌ပြီးရစ်နေတဲ့ Yang Yu Teng ကို အတင်းဆွဲချီပြီး ကားဆီခေါ်လာရတော့တယ်။ ဒါတောင် သကောင့်သားက ယိမ်းထိုးနေကာ 'ငါ့ကိုမထိနဲ့ 'ဆိုတာချည်း အော်နေသည်။ ဟမ့် ငါကမထိလို့ ဘယ်သူကထိရမှာလဲ ငါက ဘယ်သူမို့မထိရမှာလဲ ထိမှာပဲကွာ။ တမင်ကို ကားပါကင်ထိဆွဲခေါ်လာပြီး ကားထဲထည့်တော့

"Lin Zi Hong!! ရူးနေလား!!! Lin Zi Hong Baka!! လူတွေကြည့်နေတာ မရှက်ဘူးလား!!"

"ငြိမ်ငြိမ်နေ ထိခိုက်မိမယ် လက်တွေက"

"မထိနဲ့!! ဖယ်!!"

သူစိတ်မရှည်တော့။

"ဘာလို့မထိရမှာလဲ ငါက မင်းရည်းစားမဟုတ်ဘူးလား ထိတယ်ကွာ ဘာလုပ်ချင်လဲ"

ပြောပြီး မျက်နှာကိုဆွဲညှစ်တော့ ထအော်သည်။

"ဘာရည်းစားလဲ!! ငါ့ကိုလဲ မချစ်ပဲနဲ့ ဘာရည်းစားလဲ!! ဖယ် လာမထိနဲ့"

သူ တချက်ဘာပြောရမလဲမသိတော့သလို ဆွံ့အသွားသည်။ တကယ်ပဲ ဒီကောင်လေးက အဲ့လိုတွေ တချိန်လုံးတွေးနေခဲ့တာလား။ ဘယ်လိုများတွေးရက်ရတာလဲ သူကမချစ်ဘူးလို့။ တစ်ရက်လေးတောင် ဝေးပြီးသူ့မှာ မနေနိုင်တာကို ... သူတချိန်လုံး Yang Yu Teng အတွက်ပဲ ခေါင်းထဲထည့်တွေးနေရတာကို...

သူ့မှာတကယ်ကို ပြောင်းလဲသွားတဲ့အခြေအနေတွေကြားထဲ Yu Teng ခြယ်လိုက်တဲ့ လိုက်အရောင်တွေကြားထဲ ဘာမှသေချာဆန်းစစ်ဖို့အချိန်တောင်မရှိခဲ့။ Yang Yu Teng ဆိုတဲ့ကောင်လေးက နည်းနည်းဆိုးသည်။ သူပဲ ချစ်တယ်လို့ပြောပြီး သူပဲပစ်ထားသည်။ သူပဲ တွဲရအောင်ဟုပြောကာ ခုတော့ သူကပဲ မချစ်ပါဘူးဟု ဆွဲချက်တင်ပြန်သည်။

သူ့မှာတော့ တစ်ရက်တောင်ဝေးကွာပြီးမနေခဲ့ဖူးတာမို့ နေသားမကျ။ ဘာကိုမှမတွေးမိပဲ သူ့နှလုံးသားက Yang Yu Teng အတွက်သာဖြစ်နေခဲ့သည်။ ဘယ်အချိန်ထဲကလည်းဆိုတာ မသိပေမယ့်လည်း Yang Yu Tengကသာ သူ့ဘဝဖြစ်နေခဲ့တာ။ သူ့နှလုံးသားတင်မဟုတ်ပဲ သူ့ဘဝတစ်ခုလုံးကိုပါ Yang Yu Teng ကိုပဲ ပုံအပ်ထားတာ။Yang Yu Teng မပါတဲ့ အနာဂတ်ဆိုတာကို Lin Zi Hong တစ်ခါမှ တွေး‌တောင်မကြည့်ဖူးခဲ့...

"မဟုတ်တာကွာ ကိုယ်က မချစ်ပဲဘယ်နေပါ့မလဲ"

မျက်လုံးတွေအသာအယာမှိတ်ထားကာ သူ့စကားသံကိုမကြားသလိုနေနေတဲ့ ကောင်လေးကို ကြည့်ပြီး သူမနေသာတော့။ ပါးဖောင်းဖောင်းတွေကို လက်နှစ်ဖက်နဲ့ကိုင်ကာ

"ဒီဖက်လှည့် မျက်လုံးဖွင့်"

"ဖယ်စမ်းပါ!! မကိုင်ပါနဲ့ဆို"

"ဘယ်သူပြောလဲ မင်းကို ကိုယ်ကမချစ်ဘူးလို့"

အတင်းရုန်းထွက်ကာ ဖြေမလာတဲ့ကောင်လေးကြောင့်

"ငြိမ်ငြိမ်နေ အသားတွေနာမယ်လို့ မရုန်းနဲ့ မျက်လုံးမဖွင့်ဘူးလား"

"မင်းကို မကြည့်ချင်ဘူး"

"အိုကေလေ"

လက်တွေလည်း မလွှတ်ပေး စကားသံလည်းမကြားရတော့တာကြောင့် သူမျက်လုံးတွေအသာမှေးဖွင့်ကာ ခိုးကြည့်တော့ သူ့ကို စိုက်ကြည့်နေတဲ့ Lin Zi Hong ကို တွေ့လိုက်ရသည်။ ရုတ်တရတ် နှလုံးခုံသံက ဒိတ်ခနဲဖြစ်ကာ မျက်လုံးတွေကို အရင်ကထက် ဖိမှိတ်ထားမိသည်။ အဲ့ဒီနောက် သူ့မျက်လုံးတွေပေါ်ကျရောက်လာတဲ့ အနမ်း... ပြီးတော့

"ပြွတ်စ်"

သူ့နှုတ်ခမ်းပေါ် ဖျတ်ခနဲ နမ်းသွားသော Lin Zi Hong ကြောင့် သူမျက်နှာကြီးအောက်ငုံ့ချမိပေမယ့် Lin Zi Hong လက်ဖဝါးတွေထဲရောက်နေတာကြောင့် ငုံ့မရ။

"သိလား!! ငါမင်းကိုချစ်တယ်ဆိုတာ!!"

"ပါးတွေနာနေပြီ"

"ဒါဆို မရုန်းနဲ့တော့ ဖွ‌ဖွလေးကိုင်မယ်"

"အင်း"

"မျက်လုံးတွေဖွင့်"

မျက်လုံးတွေကိုဖွင့်ဆိုလို့ ဖွင့်လိုက်ပေမယ့်လည်း တိုးကပ်လာတဲ့ မျက်ဝန်းတွေကြောင့်ပြန်ပိတ်လိုက်ရတဲ့ မျက်ဝန်းတစ်စုံ။ နောက်တစ်ခါ သူ့မျက်နှာအနီးကပ်လာတဲ့ Lin Zi Hong ရဲ့ အသက်ရှုသံသဲ့သဲ့။ ဒီတစ်ခါတော့ ဖွဖွကိုင်ထားတဲ့ လက်တွေကြားမှာ ပိုရှည်ကြာတဲ့ အနမ်းတွေနဲ့.... သူတို့ရဲ့ပထမဆုံး Date မှာပဲ ... Lin Zi Hong က သူ့ကို ချစ်သည်တဲ့...

~tbc

Yours' Mina 🌟

--------------------------------------------------

အလွတ်မပေးဘူးလို့ ကျိန်းခဲ့တာ Yu Teng ပေမယ့် တကယ်အလွတ်မပေးခဲ့တာကတော့

ကိုကိုပါတဲ့ 😆