အပိုင်း (၅) - ဘယ်လိုပြောင်းလဲမှုမျိူးလဲ?

ခရီးတစ်လျှောက်လုံးဟာ သူ့တစ်သက်လုံး မခံစားဖူးတဲ့လွတ်လပ်မှုတွေနဲ့ အရမ်းပျော်စရာကောင်းခဲ့တယ်။

အေးတိအေးစက် ရေခဲတုန်းလေး Yang Yu Tengကနေ Evan ဖိုးနဲ့ဖွားနဲ့ ချစ်တဲ့ မြေးချောလေးဖြစ်နေပြီ။ ဖွားဆိုရင် သူ့ကိုအချစ်ဆုံးလို့တောင်ထုတ်ပြောသည်။ မြေးအရင်း Evan ရယ် မြေးသမက်လေး Richardရယ်က သူ့ထက်အဆင့်နိမ့်သွားတာမို့ သူကတော့ပျော်မဆုံး။

Lin Zi Hongဟာ ပုံမှန်လိုပဲ ဂရုစိုက်တာဆိုပေမယ့် ပြောင်းလဲလာတဲ့ သူ့ကြောင့် သူတို့နှစ်ယောက်ကြားမှာ သာမန်နဲ့မတူတဲ့ တစ်ခုခု

အင်းး Romanceလို့ပြောဖို့လောက်ထိ မဟုတ်သေးပေမယ့် တစ်ခုခုတော့ရှိလာတယ်။

ခရီးနောက်ဆုံးနေ့

သူတို့မပြန်ချင်ကြသေး... သူတို့သုံးယောက်ကမပြန်ချင်‌ပေမယ့် Lin Zi Hongကဘာလို့ အလျင်လိုနေတာလဲ ဆက်နေမယ်ပြောတာလည်းမရ။ မင်းတို့နေရင်နေ ငါ့အိမ်ကိစ္စလေးအရေးကြီးလို့ ဟုသာ ဆိုသည်။

တချိန်လုံး ပေါ့ပါးပျော်ရွှင်နေတဲ့ Yuဟာ အနည်းငယ် ညစ်ထွေးလာသည်။

အမြဲ ပွင့်လင်းတတ်တဲ့ Lin Zi Hongဟာ မိသားစုကိစ္စ အိမ်ကိစ္စဆို ထုတ်ပြောလေ့မရှိ။ ပေါင်းလာတဲ့သက်တမ်း တစ်လျှောက်မှာ Lin Zi Hongဟာ ဒီလိုကိစ္စတွေကိုမပြောချင်ဘူးလို့ သူခံစားမိသည်။ ဒါကြောင့် သူလည်း အကြောင်းအရင်းကို ထပ်မမေးချင်တော့။

ပြန်လာတဲ့ လမ်းတစ်လျှောက်ဟာ လာခဲ့တဲ့လမ်းနဲ့ကွာခြားမှုမရှိပေမယ့်လည်း ကားပေါ်က လေထုကတော့ ကွဲပြားစွာ ငြိမ်သက်နေသည်။

Evan - ငြိမ်လိုက်ကျတာ!! Richard ကိုယ့်ကိုမင်းအိတ်ထဲက မျက်မှန်လေးတချက်လောက်!

Richard က မျက်မှန်ကိုရှာဖွေရင်း

"Yu Teng ဘာဖြစ်နေတာလဲ နောက်ပိတ်ရက်ပြန်လာမယ်လေကွာ အေးဆေးပေါ့ "

Yu အသာခေါင်းခါရင်း ပြန်ဖြေဖို့အလုပ်မှာပဲ Lin Zi Hongဆီက သူတစ်ခါမှမကြားဖူးတဲ့ အသံမျိုးနှင့်

"မင်း ဘယ်လိုဖြစ်နေတာလဲ နေခဲ့ကြဆိုတော့လည်း မဟုတ်ဘူး မသာမယာနဲ့ စိတ်ညစ်ဖို့ကောင်းလိုက်တာ"

What??? Nani?? ဘာလဲ ဒါသူ့ကိုပြောလိုက်တဲ့ပုံစံပေါ့။ သူဘာလုပ်လို့လဲ ဘာပြောလို့လဲ?

ပုံမှန် စကားနည်းနေကျသူက ဒီလိုချိန် စကားတွေဖောင်ဖွဲ့ပြောလာရမှာလား?

Yu အင်မတန်စိတ်တိုမိပေမယ့် ပါးစပ်ကတော့ ဘာအသံမှထွက်မလာခဲ့။ အတွေး‌နဲ့သာ မကျေနပ်ချက်တွေများနေပေမယ့် သူနှုတ်ခမ်း‌ကို တင်းတင်းစေ့ထားလိုက်သည်။

ကျိန်းသေတာက သူ့မျက်လုံးတွေကလည်း ခံစားချက်ရှိမနေတဲ့ မျက်လုံးသေတွေပဲဖြစ်နေမှာ။

" ကဲပါကွာ Lin Zi Hongကားသာ သေချာမောင်းပါ ရှေ့တစ်ခါနားပြီး ငါမောင်းလိုက်ရမလား"

"ရတယ် Evan ငါ့ဘာသာဆက်မောင်းလိုက်မယ်"

လေထုက ပိုမို အေးစက်သွားသည်။

သူတို့မြို့ဆီအဝင်

"Lin Zi Hong မင်းအရေးကြီးတယ်ဆို မင်းဆီအရင်သွားလိုက် ငါ ကျန်တဲ့ ၂ယောက်ကို ပို့လိုက်မယ်"

"ရတယ် Evan သူတို့နှစ်ယောက်ကိုပို့ပြီးမှ ငါ့ဆီဝင်မယ် အဲ့ကနေ မင်းအိမ်နဲ့သင့်‌တော့ မင်းကားမင်း ဆက်မောင်းသွားလိုက်ပေါ့"

"ငါ Richardအိမ်မှာပဲ ခနနေခဲ့မယ် လုပ်စရာရှိလို့"

Lin Zi Hong ဟာ backမှန်ကနေတဆင့် သူ့ကို တချက်သာကြည့်ပြီး တိတ်တိတ်ဆိတ်ဆိတ်ဆက်မောင်းသည်။

ဘာတွေဘယ်လိုမှားခဲ့တာလဲ? ဘယ်ကနေစမှားခဲ့တာလဲ? မသိပေမယ့် တစ်ပတ်ကြာလျှင် ပြန်ဖွင့်မယ့် ကျောင်းတက်ရက်ပထမဆုံးနေ့ထိ Lin Zi Hongနဲ့ Yang Yu Tengဟာ အဆက်အသွယ်ပြတ်ခဲ့သည်။

သူ့ဘက်က တကယ်ကြီးနှစ်ဝင်ပြီး ပွင့်ပွင့်လင်းလင်းနဲ့ ပျော်ပျော်နေတော့မည်ဟု ဆုံးဖြတ်လိုက်ကာမှ ဒီလိုဖြစ်လာရတာကတော့ Yang Yu Tengရဲ့ ကံကြမ္မာအလိုတော်အတိုင်းနေမည်။

အရင်ကဆို မပြတ်ဆက်သွယ်တတ်တဲ့ Lin Zi Hongက ပြောင်းလဲသွားပေမယ့်လည်း သူ ထူးထွေနာကျင် မပြချင်တော့ပါ။ ရင်ထဲမှာ သေအောင်နာ‌ကျင်နေပေမယ့်လည်း သူဘာမှထုတ်မပြချင်တော့။ ဒီလောက်နဲ့ပဲ သူလုံလောက်ပါပြီ။ ရှေ့ဆက်ရင် ဒီထက်ပိုနာကျင်ရမှန်းသိပြီမို့ ဒီလောက်နဲ့ သူ့အဆင့်သူသိဖို့ အသိတရားပေးဝင်စေခဲ့တာကိုပင် ကျေးဇူးတင်ရပါသည်။

~tbc

Yours'Mina 🌟