අත්තම්මේ අත්තම්මේ මේ අහන්නකෝ...

දණට උඩින් අත නවාපු මල් මල් ගවුමේ ...

වරද කිමැයි මට නම් එය ලස්සනට පෙනේ...

පිරිමින් හැමතැන පෙන්නා අදින ඇදුමේ ඇද...

නොසොයන ගැහැනුම ...

ඇයිද අනේ දික් කරන්නේ ගැහැනියටම අත ...

දුක් වෙනවද ඔබ ලබාපු මේ ගැහැනුකම ...

නැතිනම් ඇයි මේ ගැරහුම් ඔබේ මිනිබිරියට ම...

ගෑනු ළමයි සංවරව අදින කාලෙට ...

ලස්සනයි ඉතින් එඅතර පැනයක් ද ඇත...

අත් කපාපු කොට ගවුමෙහිද අසංවරත්වය ...

නැත්නම් ඒ දෙස බලනා ගිජු බැල්මෙහිද ...

හොදට වහලා අදිනා සමහර පත්තිනිලා ...

රෑට රෑට රන් කරනවා දහසක් පිරිමිලා ...

එහෙව් සමාජෙක ඔබ මගෙ ඇද නොසොයාලා ...

හැකිද මගේ හදවත දෙස බැලුමට හැරිලා...

හොද පිරිසිදු හදවතකි මෙමට තියෙන්නෙ ..

කොල්ලනගේ බැල්මට නොව මෙමම අදින්නේ ...

කොල්ලොන්ට ඕනි නිසද අපි ඇදගන්නේ...

අපිට ඕනි විදිහට නොවැ අපි ඇගලන්නේ ...

මමී ඩැඩී කිව්වා කියලා මගේ මව්පියොට...

ආදරෙ නම් අඩුවක් නෑ ඔවුන්ට පුදන...

අම්මා තාත්තා කියලා බෙල්ල මිරිකන ...

උඩින් මිතුරු යටින් හතුරු දියනියන් මැද ...

මමී ඩැඩී කියා සිඹින මම වැරදිද ?

Yeye

කෙනෙක් මට කියපු සිද්ධියක් නිසා ලිව්වෙ ... මිනිස්සු ව පිටින් මනින්නවත් ශ්‍රේණිගත කරන්නවත් යන්න එපා ... ඔයාට කවදාවත් කෙනෙකුගේ ඇතුලාන්තය හරියට ම තේරුම්ගන්න බෑ ...

මං ගොඩාක් වෙලාවට අදින්නේ ගවුම් ... අත් දිගට දාපු , දණහිසට පහලට වෙන්න ඒව ... මං ඒවට කැමැති උනා කියලා හැමෝම එහෙම නැතිබවත් මං දන්නවා ... අනිත් කෙනාගේ කැමැත්තට ගරු කරන්න ...

ආසයි දවසක ටැටූ එකක් ගහගන්න 😁