තව තත්පර 3... 2... 1... යි...

ටාං ... ටාං... ටාං...

කෝ ඉක්මණට සල්ලි ටික දෙන්න

Hurry up guys බිස්කට් ඉවරවෙයි

කස්ටඩ් බිස්කට් එකයි පැනි කජු පහයි

උලුදු වඩේ පහයි කිරි පැකට් පහයි

එච්චර නේද

අන්කල් උලුදු වඩේ එකක් ...

බෙල් කරපු ගමන්

බරාස් හඩින් පුටු තුනක්

කෑම පෙට්ටි එක්ක පිටුපසට හැරුනා

' හැන්දක් නැතෝ මං අද ගෙනාවේ පාන් '

අපි ටිකක් වෙනස්

ඔක්කොම එකට අනාගෙන නොකෑවට

පියන් ටික අත් පහට නොවරදවාම යවාපු

' අනේ හලෝ මගේ හැන්ද සවලක් වගේ '

හිනාහඩින් කතාහඩින් පිරුනු අඩ හෝරාවක

රටේ නැති මලවිකාර කෑමවලට මුසුකරමින්

කස්ටඩ් බිස්කට් කරලියට එනකොට

' ඉක්මණට කන්නකෝ නලවන්නේ නැතුව '

අඩුවෙන් සැර දාපු පොල්සම්බල් එක්ක

පහටම හරියන්න සූස් ගාන චිලිපේස්ට් එක

තාත්තා හදන මැකරෝනි ෆ්‍රයිඩ් රයිස් මැද

' අනේ හලෝ අපි දෙන්නගේ පියන් මාරු වෙලා '

( දෙන්නටම තිබ්බෙ එකම කෑම පෙට්ටි ජාතිය ... )

අකමැතිම දවස

ඉස්සරහ පිටිපස්ස

එදාට කාට නැතත්

හති මුලු පන්තියටම

(අපේ ච්ට් පාස් කරලම )

Hp චරිත මැද hwarang චරිත උඩ

පිස්සු වැඩ කෝටියක් තුල

පන්තියේ විනීතම කෙල්ලෝ පහ

' බඩ රිදෙනවා නම් සිද්දාලේප ගාගන්න '

හරි ලස්සන අතීතයක්

මතක නෑ ඇරඹුම

ඒත් නිසැකයි නිමාවක් නොමැති

සුන්දර අනාගතයක් වෙතම පියමනින බව

MY RAP

ජිවිතේ මට ලැබුනු

හෘදයාංගම මිතුරු කැල ...

මගේ පාසල් ජීවිතේ යාලුවො විදිහට මට ලැබුනු හොදම බැදීම් ටික ... තාමත් වෙනස් නොවී තියන එකෙන්ම කොච්චර ශක්තිමත් ද කියලා තේරෙනවානේ ...