Cкайлорыг эмнэлгээс гарснаас хойш гурван долоо хоног өнгөрч байна. Түүний бие өдөр ирэх тусам сайжирч байгаа. Тэр өвдөгний үеийн мэс засал хийлгэсэн болохоор өвдөгний хамгаалалт байнга зүүх болсон. Сүүлийн хэдэн долоо хоногт бид хоёр үнэхээр дотно байгаа. Хэрвээ би түүний дотуур байранд байхгүй бол би гэртээ түүнтэй үргэлж мессеж бичдэг, каллдаг, facetime хийдэг байсан. Тэр миний өөрөөс нь салахгүй наалдаад байгаад огтхон ч дургүйцсэнгүй. Би түүнийг залхаах гэсэндээ биш зүгээр л бүх зүйл хэвийн байгаа эсэхийг л шалгахыг хүссэн юм.

Түүнийг эмнэлгээс гарсны дараахан аав ээж Морган гурав дотуур байранд очиж түүнийг шалгасан. Хэдийгээр тэр хоол идэх дургүй байсан ч ээж түүнд маш их хоол хийж өгсөн. Чейс болон хөвгүүд бүх зүйлийг идэж дуусгасан гэдэгт итгэлтэй байна. Хэдэн долоо хоногийн дараа хичээлийн шинэ жил эхлэх тул би өнөөдөр Морганыг дагуулж явж хичээлийн хэрэгсэл цуглуулна.

"Хөөе, чи явахад бэлэн үү?" Би Морганы өрөө рүү шагайв.

Тэр шүүгээндээ баахан хувцас чихэж байв. "Тийм ээ бараг л"

Тэр охин гахай шиг амьдардаг. Тэр новшийн хувцасаа зүгээр л эвхээд шүүгээндээ хийхийн оронд чихээд хаячихдаг. Тийм болохоор биднийг том болцгооход би өөрийн гэсэн өрөөтэй болсон. Учир нь бид их эсрэг тэсрэг хүмүүс.

"Мэрэдит бидэнтэй хамт явна." гэж би хэллээ. Морган за гэж хэлээд үргэлжлүүлэн гутлаа орныхоо доор өшиглөв. Тэр эцэст нь түрийвчээ аваад бид гарлаа

Багш нар худалдаж авах ёстой зүйлсийнхээ жагсаалтыг хичээлийн эхний өдөр гаргаж өгдөг болохоор би ихэвчлэн түүнээс өмнө юм авдаггүй.

Бид Таргет дээр байгаа бөгөөд Морган манай тэргэн дэх бараг бүх зүйлийг шидэж байна. Азаар тэр хувцасны хэсэгт очиж хүрэм сонирхож эхлэв.

"Хөөе, Клей гэртээ үдэшлэг зохиож байгаа. Чи очих уу?" гэж Мэрэдит асуув.

Би толгой дохин "Мэдээж"

Цаг хугацаа хурдан өнгөрч байгаа нь галзуу юм. Үнэнийг хэлэхэд Аарон, Клей хоёр коллежид явахаар явж байгааг мэдээд гунигтай байна.

"Одоо 12-р ангид орно гэхээр итгэж өгөхгүй нь ээ." Мэрэдит гутлын хэсгийн ойролцоох жижиг вандан сандал дээр суув.

Би түүний хажууд суулаа. "Тиймээ, тэгээд коллеж"

"Биднийг төгсөхөд би уйлах байх даа" Мэрэдит хөнгөн инээв.

Энэ нь намайг инээлгэлээ. Би түүнд би бас тэгэх байх гэж хэлэв. Энэ тухай бодохоор л коллеж ямар байх бол гэсэн жаахан санаа зоволт төрж байгаа ч би яарсангүй.

Биднийг сууж байхад тэр Клей долоо хоногийн дараа Duke-ийн дотуур байранд орохоор явах гэж байгааг хэллээ. "Тэгэхээр түүнийг Талархалын өдөр, Зул сарын баярын амралтаар л харах болно." Мэрэдит дурдав.

"Чи түүнийг санана биз дээ, үгүй юм уу?" Би асуулаа.

Тэр хурдан дооглов. "Өө үгүй дээ. Би түүний өрөөг хувцасны шүүгээ болгож ашиглана."

Бид нэг нэгэн рүүгээ хараад инээцгээлээ.

Морган бидний өөдөөс сандарсан царай гарган ирж байлаа. "Та нар намайг хэнтэй таарсныг итгэхгүй дээ" гэж тэр хэлэв.

Мэрэдит бид 2 сандалнаас босон нэгэн зэрэг "Хэн?" гэлээ.

"Жожа Сива!"

Мэрэдитын ам газарт унаж "Амаа тат"

Морган толгойгоо дахин сэгсрээд "Би худлаа яриагүй байна." Тэр утсаа бид хоёр луу харууллаа. Тэр түүнтэй хамт зургаа авахуулсан байна. "Хар л даа" гээд тэр жуумалзав.

"Ойлголоо гайхалтай юм." гэж би амандаа бувтнаад "Яагаад бид хоёрт хэлээгүй юм?"

Тэр мөрөө хавчаад "Тэр яг эндээс гарах гэж байсан юм. Тэгээд би зураг даруулах сайхан боломжоо алдахгүй гээд л"

"Аан сонирхолтой юм." Би нүдээ анивчлаа.

Таргет -ээс гарсны дараа би Мэрэ гийн гэрт түүнтэй хамт цагийг өнгөрүүлэхээр шийдэв. Харин Морган гэртээ орж аав ээжид худалдаж авсан зүйлсээ үзүүлнэ гэлээ. Тэр өөрийгөө Youtuber болно гэж тангаргалсан.

Мэрэдит бид 2 тэднийд Netflix- ээс Stranger Things-ийн ангиудыг үзэхээр болов. "Би үнэндээ Steve-ийг үзэн яддаг." гэж тэр хэллээ.

"Нээрээ юу? Би Jonathan-д дургүй үнэндээ. Тэр үнэхээр уйтгартай." хэмээн би хариуллаа.

Би босч уух юм хийхээр явлаа. Мэрэдит надад хамт авчраарай гэж хэлэв. Гал тогоо руу очоод хөргөгчнөөс 2 sprite гаргаж ирлээ.

"Сайн уу" гэх хоолой ардаас сонсогдов.

Би эргэж харвал Клей гал тогооны дэргэд зогсож байлаа. "Сайн уу, Клей."

"Скайлор та хоёр ямархуу байна даа? Тэр зүгээр байгаа биз дээ?" Тэр хаалга налан зогсов.

Би толгой дохиод "Тийм ээ, тэр өвдөгний хамгаалалтаа хэдэн долоо хоногийн дотор авна." Клей миний нүд рүү эгцэлж хараад байсан болохоор би газар луу харлаа. Би үүнийг тийм ч эвгүй байна гэж бодоогүй гэхдээ тийм байна. Клеэ-ээс Скайлор луу очсон нь түүнээр тоглоод хаясан юм шиг санагдаж байгаа ч би ингье гэж огт бодоогүй шүү дээ. "Сонсооч Клей би-"

"Хэрэггүй ээ." тэр яриаг минь таслав. "Би чамайг юу гэх гэж байгааг мэдэж байна."

"Нээрээ юу?" би хөмсгөө өргөлөө.

Тэр хаалга налахаа болиод "Бид 2-ын хооронд эвгүй байдал үүсэх хэрэггүй байх, тийм биз? Хоёулаа салж чи одоо Скайлортой байгааг чинь ойлгож байна, гэхдээ тэр өдрөөс хойш 2 удаа л хоорондоо юм ярьсан тэр нь зүгээр л сайн уу эсвэл дараа уулзъя байсан."

Би түүний юу яриад байгааг бүгдийг ойлгож байна. Бид маш их зүйл хоорондоо ярьдаг байсан одоо бол бидний хооронд зай үүсчихээд байна. "Тийм ээ сүүлийн үед бид хоорондоо харьцахгүй байгаа. Гэхдээ найзууд хэвээрээ үлдэж болно биз дээ. Бас чи коллеж гээд хол газар луу явах гэж байгаа." би нэмж хэлэв.

"Би дэлхийгээс явах гээгүй шүү. Дараа нь юм бодож олно гэж найдаж байна." Тэр инээв.

Би мөр лүү нь зөөлөн цохиод "Сайн байна"

•

Оройн 11 цаг би Скайлортой facetime хийж байлаа. Тэр орон дээрээ хэвтэж байх бөгөөд гараа хүзүүнийхээ араар оруулсан байна.

Энэ удаан үргэлжилдэг оройн яриануудын нэг байв. Бид бүх л зүйлийн талаар ярьсан. Би түүнтэй дахиад хэдэн цаг ярьсан ч уйдахгүй байх аа. Тэр инженер болж технелогийн компанид ажиллана гэж хэлсэн.

"Гоё санаа байна. Би ямар мэргэжилтэй болохоо одоо болтол бодож байгаа." гэсээр би толгой дохив.

"Чи юу ч хийхээр болсон түүнийгээ хашраана гэдгийг би сайн мэдэж байна." тэр хэллээ.

Энэ нь намайг улаан болгов. "Би олны танил хүн болмоор байна. Ингэхэд нээрээ би Жожо Сиваг таних уу?" гэж би асуув.

Тэр хөмсгөө өргөн "Кино юм уу?"

Би нүдээ эргэлдүүлэн "Үгүй ээ."

Жейсон цаанаас нь "Би хэн гэдгийг нь мэднэ шд." Тэр камерт орж ирээд "Ima come back like a boomerang"

Скайлор эргэлзсэн харагдах нь үнэхээр хөгжилтэй. Би баахан инээв.

Би амьсгаагаа аван "Тэр жоохон хүүхдүүдийн дунд алдартай. Морган өнөөдөр таарсан."

Скайлор Жейсон руу хараад "Чи яаж түүнийг мэддэг юм?" гэж асуув.

"Би арван настай дүүтэй хүн." Тэр мөрөө хавчлаа.

Чейс хуруугаараа заан "Өө би ойлголоо. Чи энийг уух юманд нь хийх хэрэгтэй."

Жейсон толгойгоо Чейс рүү толгойгоо сэгсрээд "Тэнэг санаа байна, яагаад тэр үүнийг түүний уух юманд хийнэ гэж. Харин хоолонд нь хий." тэр санал болгов.

Би нүүрээ гараараа нуулаа.

"Ингэж байгаад тэр үхчихвэл яах юм?" Кравфорд хэлээд над руу харав. "Гутланд нь хий. Тэгвэл тэр гутлаа өмсөхдөө мэднэ."

Би хүндээр санаа алдаад "Муу тэнэгүүд" Би Чейс Жейсон хоёр луу зааж байгаад "Та 2 түүнийг хахуулахыг хүсээ юу?" Би Кравфорд руу хараад "Харин чиний санаа бүтэх эсэхийг мэдэхгүй байна тэр аль хэдийнээ гутлаа өмссөн байгаа шүү дээ." гээд би толгойгоо сэгсрэв.

"Тэгвэл яагаад түүний ээж ч юм уу дүүгээс нь асууж болохгүй гэж?" Жейсон санал болгов.

Би хэдэн секунд бодоод "Тэгнээ. Гэхдээ надад өөр төлөвлөгөө байна. Эхлээд та нарт харуулахыг хүссэн юм."

🤍