"Юу?" гэж тэр асуулаа.

Би зуслан дээр байгаа зураг руугаа заан "Энэ би байна."

"Худлаа ярьж байгааг чинь мэдэж байна."

Би утсаа гаргаж ирээд зургууд дундаасаа үүний ганцаараа авахуулсан нөгөөхийг нь түүнд харуулав.

Тэр дэлгэц рүү дахин нэг шалгаж харсны дараа түүний ам ялимгүй ангайсан байлаа. "Ойлголоо би ялагдлаа." гээд тэр гараа үс рүүгээ явуулаад "Тэгэхээр үнэн хэрэгтээ хоёулаа өмнө нь аль хэдийн бие биенээ мэддэг байсан гэх гээд байна уу?" Тэр хөмсгөө зангидав.

"Хачин ч гэсэн тийм болж таарах нь.Зураг үнэнийг хэлдэг шүү дээ" гэсээр би түүний нүүрэнд утсаа наалаа.

Тэр инээсээр зургийг харж дуусахад бидний хоорондын зай маш ойрхон болсон байв. Яг бидний үнсэлцэж байсан байрлал шиг. Тэр хоолойгоо засчхаад утсыг минь эргүүлж өглөө. "Энэ үнэхээр хачин тохиолдол юм. Би энэ охиныг хэзээ ч чамайг гэж бодож байгаагүй. Энэ л чамайг анх харахад мэддэг юм шиг санагдсаны шалтгаан байх нь."

"Чи анх найзыг маань зодно гэж заналхийлж байсан биз дээ." гэсээр түүнийг шоолон бараг л жилийн өмнө болсон тэр явдлыг эргэн саналаа.

Тэр ч гэсэн инээн "Тийм ээ. Ингэж байсанд уучлаарай."

*Утас дуугарав*

Скайлор утсаа аваад богино хариулт өгөөд удсангүй таслав.

"Тэгэхээр миний дотуур байр бэлэн болсон байна." гэсээр тэр утсаа халаасандаа хийлээ.

Би "Хөөх бүр догдолчихлоо."

"Би гэртээ харьчхаад юмыг чинь баглахад тусалъя "

Тэр миний гарнаас эргүүлж бариад "Тэгье"

Би түүнийг ганцааранг нь үлдээмээргүй байгаа ч гэнэт Клей-ээс салаагүй мөртлөө түүний араар Скайлортой үнсэлцсэндээ харамслаа.

"Нээрээ өнөөдөр би Бонни Жон хоёртой уулзана гээд тохирчихсон юм байна. Уучлаарай." Бурхан минь би ч аймшигтай худалч болж дээ.

"Өө." Тэр аяархан санаа алдав.

Түүний царай барайсан байгааг хараад дотуур байранд нь дараа очъё гэж хэллээ. Үүнийг сонсоод тэр нүүрэндээ буцаад инээмсэглэл тодруулав.

• • •

Ээж Бонни Жон хоёрыг үдэж өгөхөөр бидэнд хоол хийж өглөө. Би тэднийг явуулмааргүй байна. Тэд энд ирээд дөнгөж л 2 хонож байна шүү дээ.

"Гуйя битгий яв л даа." гээд би тэр хоёрыг зуурна.

"Амьсгалж. Чадахгүй нь. Скай." гэсээр Жон ханиалгав.

Би тэр хоёрыг тавиад "Уучлаарай."

Тэр хоёр энэ намраас Калифорнийн Их Сургуульд сурч эхэлнэ.Энэ яг л бид хэсэг болж салаад явж байгаа юм шиг л санагдаж байна.Тэдэнтэй дахиад хэзээ уулзах нь тодорхойгүй шүү дээ.

"Скай, чи уйлаад байгаа юм уу даа?" гэсээр Бонни намайг дахин тэвэрлээ.

Би нусаа татаад нулимсаа арчин "Үгүй ээ, нүдэнд юм орчихсон." гэсээр үргэлжлүүлэн уйлав.

Жон намайг тайтгаруулаад бид үргэлж хоорондоо утсаар ярьж байна гэдгээ амлалаа.Нүдэнд дахиад л нулимс хуралдан уйлж эхлэв.

"Хүүхдүүдээ машин гадаа ирчихлээ." гэсээр ээж зочны өрөөнд орж ирэв.

Би тэдэн рүү далласаар машин зам дагуу аажмаар алга болохыг харсаар үлдлээ.

• • •

"Хөөе" Клей хаалга тогшчихоод онгойлгов.

Би түүнтэй маргалдсанаас хойш түүнийг манайд ирнэ гэж хүлээгээгүй юмсан. Түүн рүү уурлах уу эсвэл үл тоомсорлох уу гэдгээ бодож байтал

"Хөөе Морган, Скай бид хоёр ярилцмаар байх юм?" гэж тэр хэлэв.

Морган толгой сэгсрээд "Та хоёр энд зүгээр ярилцчих, би саад болохгүй ээ." гээд тэр байрнаасаа хөдөлсөнгүй.

Би Морган руу хараад "Энэ миний өрөө гэдгийг мэдэж байгаа биз дээ"

"Мэднээ." гээд тэр толгой дохив.

Би нүдээ эргэлдүүлсээр Клейтэй хамт өрөөнөөс гарлаа. Бид гадаа гаран жижиг савлуур дээр сууцгаав.

"Тэгэхлээр яасан?"

"Би тэр эмнүүдийг хаясан." гэж тэр шуудхан дурдлаа.

"Нээрээ юу?" гэж би гайхсан харцаар харахад

"Тийм ээ. Чамайг явсны дараа би чиний хэлсэн үгийг бодож үзсэн. Би тэр эм тарианууд намайг илүү сайн болгоно гэж найдах хэрэггүй байж. Учир нь би өөрийгөө ойлгосон энэ зүгээр.." тэр ярихаа болив.

"Энэ зүгээр юу гэж?" гэж би асуулаа.

Тэр гараа эрүүн дээрээ тавиад "Тэр орой. Би сүүлчийн шидэлтээ алдсанаас хойш манай багийнхан хожигдсон. Хүмүүсээс болоод бид үнэхээр хүнд байдалд орсон. Үүнд би өөрийгөө маш ихээр буруутгаж байсан л даа." Тэр чимээгүй болов. Түүнд сагс гэдэг үнэхээр чухал гэдгийг би харж байлаа. "Бүх асуудал надад байгаа гэж бодоод дахиж хэзээ ч ийм байдалд орохгүйн тулд юу ч хийхэд бэлэн байв. Чи хамгийн сайн чаддаг шидэлтээ алдах ямар хэцүү байдгийг мэдэх үү? Үнэхээр хэцүү.Тэгээд би дахиад хэзээ ч ийм байдалд орохгүйн тулд эм хэрэглэж эхэлсэн юм." Тэр үгээ дуусгалаа.

Би түүнийг бусад сайн тоглогчтой хүч тэнцүү байхын тулд л эм хэрэглэж байна гэж бодсон. Би түүн рүү хараад "Клей, би чамд ийм байсныг мэдсэнгүй. Гэхдээ чи өөрийгөө маш сайн тамирчин гэдгээ ойлгох хэрэгтэй. Чамд авъяас байгаа болохоор улсын хамгийн шилдэг спортын сургуульд орох гэж байгаа шүү дээ. Чи өөрийгөө ганц тоглолтоос болоод ингэж дүгнэж болохгүй ээ."

"Баярлалаа." гээд тэр толгой дохиод тэнгэрийн хаяа руу ширтэв. "Би удахгүй их сургуульдаа орно."

"Догдолж байна уу? "

"Үнэхээр их." гэсээр тэр инээмсэглэлээ.

Чимээгүй байдал.

"Эвгүй байна уу?" гэж би түүнээс асуув.

Тэр "Үгүй ээ. Би юу болоод байгааг мэднэ."

"Юу?"

"Бид аль хэдийн салсан. Үгүй гэж үү?" гээд тэр над руу харлаа. "Чиний байгаа байдал үнэхээр илт байна."

Клей хоолойнхоо өнгийг засаад "Скай би чамайг Скайлорт татагдаад байгааг чинь мэднэ. Бас тэр ч гэсэн. Анх түүнтэй танилцсанаас хойш л та хоёрын бие биен рүүгээ харах харц чинь тодорхой байсан. Бас буудалд болсон явдал үүнийг бүр ч их баталгаажуулсан."

Би санаа алдаад "Энэ тийм илэрхий байна уу?"

"Скайлин би чамайг сайн мэднэ шүү дээ." гэсээр тэр инээлээ.

"Тэгэхээр бид нэгнийгээ үзэн ядахгүй биз дээ."

"Мэдээж үгүй. Хоёулаа сайн найзууд байж чадна гэж бодож байна." гэсээр тэр намайг тэврэв.

"Үргэлж сайн найзууд." гээд би инээмсэглэлээ.

• • •

Үдээс хойш. Мэрэдит над руу хурдан хүрээд ир гэсэн мессэж илгээсэн болохоор хурдхан гэрийнх нь урд очоод хонхыг нь дарав.

Тэр хаалгаа онгойлгоход би "Юу-" гэж хэлэхийн завдалгүй тэр амыг минь даран "Чшш"

"Юу болсон юм?" гэж би аяархан асуув.

Тэр намайг өрөө рүүгээ дагуулж ороод "Нөгөө би чамд тэр орой Ааронтой хамт боулинг тоглосон гэж хэлснийг санаж байна уу?"

"Тийм ээ?"

Тэр гэмшсэн царай гарган хуруугаараа оролдоод "Бид түүнтэй үүнээс илүү зүйл хийсэн."

"Тэгээд?" Би юу болоод байгааг ойлгохгүй дэмий л Мэрэдит рүү ширтэнэ.

"Тэр орой илүү..дотно зүйл хийсэн." гээд тэр надад дөхүүллээ.

"Өө, бурхан минь!" гэсээр би амаа дарав.

Тэр толгой дохив.

"Тэгээд надад юу хэлэх гэсэн юм?" гээд нүдээ томрууллаа.

Тэр гүнзгий амьсгаа гаргаад "Би жирэмсэн болсон юм шиг байна."

• • •

Би дотуур байраа тохижуулж байтал хаалга тогших чимээ сонслоо. Хийж байгаа зүйлээ орхиод хаалгаа онгойлговол Жейсон, Кравфорд, Чейс 3 ирсэн байв.

"Yo!" би шуудхан л тэдэнтэй гар барилцаад тэвэрцгээлээ.

Жейсон "Өрөө чинь их харанхуй юм аа."

"Санал нэг." гэж Чейс хэлсээр өрөөгөөр минь тойруулж алхав. "Чи яагаад ганц өрөө байр сонгосон юм?"

"Миний юу хүсэх нь чамд ямар хамаа байна?" гэсээр хийж байсан зүйлээ үргэлжлүүллээ.

"Тэгэхээр чи юу хийж байгаа юм бэ даэ?" гэж Кравфорд асуув.

"Хэдэн хайрцаг зүйлүүдээ гаргаж ирээд дараа нь хөргөгчөө засъя гэж бодож байна."

"Бид хайрцагтай юмнуудыг чинь хамт янзалъя." гэж Жейсон хэлээд нэгийг нь авч өргөлөө.

"Хэрэггүй ээ би өөрөө хийчихнэ нь."

"Нээрээ юу? Зүгээр дээ"

"Алив ээ, би үгүй гэж хэлсэн ш дээ." Би бага зэрэг уурлаж эхлэв.

Новш.

Кравфорд хайрцагтай зүйлийг минь барьсан байх бөгөөд "Энэ юу вэ?"

"Юу ч биш." гээд би хурдхан түүнээс аваад халаасандаа далд хийв.

"Энэ үнэт эдлэл үү? Чи эндээс аль хэдийн найз охин олоо юу даа?" гэж Кравфорд мишилзсээр асуулаа.

"Үгүй ээ." гэсээр би толгойгоо маажив. "Энийг ээжид бэлэг болгож авсан юм." гээд би хүрмээ өмсөөд "Би гарчхаад ирье."

Би дотуур байрнаасаа гараад халааснаасаа жижигхэн хайрцгаа нээгээд үзэсгэлэнтэйгээр гэрэлтэх алмазан бөгжөө гаргалаа.