Чи маргааш болох зүйлээсээ сандарч эсвэл битгий болоосой гэж бодоод унтаж чадахгүй байх мэдрэмжийг авч байсан уу? Өчигдөр орой би нэг иймэрхүү байсан.

Би толиныхоо өмнө зогсоод үсээ индүүдэж байна.Би дүрэмт хувцсаа нэг харчхаад орон дээр суун өөрийгөө харлаа. Час улаан өнгөтэй хүрэм, дургүй хүрмээр дөрвөлжин хээтэй юбка тэгээд цагаан цамц.

Би ойролцоогоор арван таван минутанд бэлэн болов. Би сүүлчийн удаа өөрийгөө толинд ганц харчхаад доошоо буун гал тогоо руу очлоо.

"Тэгэхээр Скай" гэж ээж цайгаа хутгасаар "Чиний төрсөн өдөр хэдхэн долоо хоногийн дараа болно.Чамд төлөвлөсөн зүйл байна уу?"

Миний арван долоон насны төрсөн өдөр энэ сарын 22нд болно. Би одоохондоо юу хийхээ үнэхээр шийдээгүй байна.

"Мэдэхгүй л юм. " гэсээр би шарсан талхаа хэсэг хэсгээр нь хуваан идэв.

Ээж "Тэгвэл шийдэхээрээ ямар ч байсан надад хэлээрэй."

"За"

Морган өрөөнөөсөө бууж ирснээ ширээнээс алим шүүрч аваад "Чи бэлэн болсон уу? Скай" гэж асуулаа.

"Тийм ээ." гэсээр би ширээн дээрээс юмнуудаа аваад "Баяртай ээж ээ!"

"Өдрийг сайхан өнгөрүүлээрэй охид оо" гэж ээж ард далласаар үлдэв.

• • •

Морган бид хоёр өнөөдөр сургалтын менежерээс хичээлийн хуваариудаа авах учраас сургууль дээр эрт ирлээ.

"Би эхний суух анги руугаа явлаа.Үдийн цайны цагаар уулзъя!" гээд тэр над руу даллачхаад шатаар өгсөн цааш явав. Би хичээлийн хуваариа харвал эхний цаг "Шинжлэх ухаан судлал-А41" гэсэн байлаа.Би энэ ангийг удалгүй олоод хаалгыг нь нээв.

Энд хэдэн сурагчид байх ба хоорондоо юм ярилцан сууж байлаа. Би хамгийн түрүүнд таарсан ширээндээ суун цүнхээ тавьчхаад дэвтрээ гаргаж ирэв.

Хүн болгон над руу ширтэж байгаа нь надад мэдрэгдэж байна.Үнэхээр эвгүй юм. Удалгүй надад хүүхдүүдийн шивнэлдэх нь сонсогдож эхэллээ.

"Тэр өөрийгөө юу хийж байна гэж бодоод байгаа юм бол?"

"Энэ шинэ охин юм уу?"

"Тэр халуухан юм аа"

Би тэдний яриаг сонсохгүйг хичээж өөр зүйлд анхаарлаа төвлөрүүлмээр байсан ч надад хийх зүйл байсангүй.

"Хөөе, наадах чинь чиний суудал биш!" гэсээр нэг хөвгүүн над руу чиглэн ирж байв.

"Өршөөгөөрэй?"

Тэр алхсаар миний зүүн талд ирж суун "Бид хувиарлаж өгсөн суудлын дагуу суудаг юм.Харин энэ Клей-ын суудал"

Би "Өө"

"Суудал хувиарладаггүй зүгээр л тэд нар суудлаа өдөр бүр өөрсдөө сонгодог" гэж нэг охин надад хэллээ.Тэр миний ойролцоо сууж байв.Тэр хар бор үстэй бас үнэхээр хөөрхөн юм. "Намайг Мэрэдит гэдэг." гэсээр тэр өөрийгөө танилцууллаа.

"Скайлин." гэж би инээмсэглэсээр хэлэв.

"Хөөе, чи миний суудалд суучихсан байна." гэх хоолой ард сонсогдлоо.

Би эргэж харвал өндөр, бор үстэй, мөн миний хэзээ ч харж байгаагүй цэв цэнхэр нүдтэй байв.Надад итгэ, би хэзээ ч ийм цэнхэр нүдийг харж байгаагүй.

Би "Уучлаарай."

Тэр намайг эргэж харахад царай нь хувираад "Сүртэй зүйл биш дээ, эндээ сууж болно"

Түүний найз нь миний хажуунаас босоод түүнтэй суулаа.

Хонх дуугарахад багш орж ирээд "Өглөөний мэнд" гэж мэндлэхэд

Сурагчид "Өглөөний мэнд" гэж нэгэн дуугаар мэндэллээ.

"Тэгэхээр" гээд тэр нүүрэндээ инээмсэглэл тодруулаад "Манай ангид Калифорниагаас шинэ охин шилжиж ирсэн байна." Тэр миний нэрийг жижигхэн цааснаас уншив "Скайлин Риверс?"

Би үргэлж үүнийг үзэн яддаг.Өөрийгөө өдөрт таван удаа танилцуулаад үнэхээр ичиж үхмээр.Би олон нийтийн өмнө ингэж гарах дургүй. Ялангуяа хүн болгон чам руу ширтэж, шивнэлдэж байхыг мэдрэнэ.

"Мм энд байна." гэсээр би гараа удаанаар дээш өргөлөө.

"Сайн уу, Скайлин. Би бол Хадагтай Аш. Lockwood академид тавтай морил." гэж тэр хэлэв. Тэр 40 гаран настай мөрөөр нь татсан улаан хүрэн үстэй байлаа.

"Баярлалаа" гэж би хөнгөхөн инээмсэглэв.

"Би чамаас өөрийгөө танилцуул гэж асуухгүй ээ. Хүмүүс ихэнхдээ ингэж эхлүүлэх дургүй байдгийг би мэднэ." гэсээр Хадагтай Аш самбар дээр юм бичиж эхлэлээ.

Би босч юм хэлэхгүй болсондоо баяртай байна.

Хадагтай Аш удалгүй хүүхдүүдийг хоёр хоёроор нь суулгаж дасгал ажлуулахаар болов.Ашгүй би Мэрэдиттэй хамт суулаа.

"Надад хуваариа харуулаач." гэж тэр эелдгээр асуув.

Би дэвтрээсээ хуваариа гаргаж ирээд түүнд өглөө.Тэр харж байгаад нэг их удалгүй "Янзтай" Хоёулаа хоёроос их хичээл дээр хамт суух юм байна." гээд тэр инээмсэглээд "Хамтдаа цайны газар луу явах уу?"

Би "Сайхан сонсогдож байна."

• • •

Би Мэрэдит болон найзуудтай нь хамт нэг ширээнд суулаа. Би Морганыг ч гэсэн шинэ найзуудтайгаа хамт сууж байхыг олж харав. Тэгэхээр өнөөдрийн урт өдөр сайхан байлаа. Хэн ч намайг хоосон өрөөнд түгжсэнгүй, гадуурхсангүй, ичгүүртэй байдалд орсонгүй.Гэхдээ л тэр миний толгойноос гарахгүй юм.Мэрэдит амралтийн өдрөөр намайг завтай юу гэж асуух үед бодлоосоо сарнив.

"Тийм ээ завтай." гэж хачин өнгөөр хэлчихлээ. Би сая тэдэнд хачин санагдсан байх даа.

"Амралтын өдрөөр бид сагс тоголно.Чамайг ирж үзээсэй гэж хүсч байна"

Хөөх би эхний өдөртөө урилга авч байна.Дажгүй шүү." Танай баг хэр сайн юм?" гэж би ундаагаа балгасаар хэллээ.

Тэр инээмсэглээд "Мэдээж маш сайн, Клей энэ жил манай багийг ахална."

"Клей?" гэж би асуув.

"Тийм ээ, Клей Бишофф. Тэр манай сургуульд их өндөр байр суурь эзэлдэг. Тэр сагсан бөмбөгийн олон тэмцээнүүдэд орж түрүүлдэг." гэж Мэрэдит хэллээ.

"Мэдээж би очно оо." гэсээр би зөвшөөрөв.

Хонх дуугарч бид бүгдээрээ босч хичээлдээ суухаар явлаа.Харин миний орох цаг дээр багш байхгүй байсан болохоор би сургуультай танилцахаар шийдлээ.Номын сан нь том, лекцийн танхим нь сургуулиас зайтай юм байна.Би биеийн тамирын заалтай танилцахаар явж байтал тэнд хоёр залуу сагс тоглож байв.

"Тэгэхээр залуусаа, маргааш хичээлийн дараа бэлтгэлтэй. Энэ амралтын өдрийн тэмцээн дээр заавал түрүүлэх хэрэгтэй." гэж дасгалжуулагч нь хэлж байлаа. "Биднийг алмайруулаарай, Клей" гэж дасгалжуулагч түүний мөрөн дээр гараа тавив.

"Тэгнээ ноёнтоон" гэж Клей гэх залуу хэллээ.

• • •

Бид гэр лүүгээ явж байх зуур Морган өнөөдөр болсон зүйлсээ ярихаа зогсоосонгүй.Болдог бол чихээ тастаад хаячихмаар байна.

Би машинаа зогсоол дээр тавьчхаад ар талын суудлаасаа юмнуудаа авав.

Биднийг орж ирэхэд ээж оройн хоол хийж байлаа. Тэр оройн хоолоо нэг их хийгээд байдаггүй.

"Ээж та хоол хийж байгаа юм уу даа?" гэсээр би буйдан дээр суув.

"Тийм ээ.Би ойрд их завтай байгаа болохоор, яагаад болохгүй гэж?" гэсээр тэр махаа хуурангаа "Өнөөдөр та хоёр ямархуу байв даа?"

"Хөөх, гайхалтай" гэсээр Морган бид хоёр зэрэг хэллээ.

"Би танд туслах уу? Ээж ээ" гэсээр би гараа угаахаар босов.

*Хонх дуугарав*

"Тийм ээ.Гэхдээ чи эхлээд хаалгаа тайлчих." гэсээр тэр хаалга руу толгойгоо өргөлөө.

"Мэдээж" гэсээр би хаалгаа нээхэд

"Мэрэдит?"

"Скайлин? Чи энд амьдардаг юм уу?"

"Тийм ээ, чи энд юу хийж байгаа юм?" гэж би асуув.

"Манай ээж энэ бялууг дуусахаас өмнө танайх руу оруулаад өг гэсэн юм л даа." гэсээр тэр алимтай бялуу өглөө.

"Баярлалаа, чи манайхтай ойрхон амьдардаг юм уу?"

"Би танай хөрш чинь юм байна." гээд тэр хаалга руугаа заав.

"Тэгвэл хоёулаа яагаад тааралдаагүй билээ?" гэж би толгойгоо сэгсэрсээр асуулаа.

"Би волейболын дугуйланд явдаг болохоор гэртээ оройтож ирдэг." гэж тэр тайлбарлав.

Би толгой дохиод "Хоёулаа хөрш болсон нь сайн юм болж" гээд би инээмсэглээд "Ээждээ бялуу өгсөнд баярлалаа гэж хэлээрэй."

"Тэгнээ, маргааш сургууль дээр уулзъя!" гэсээр тэр гараа даллалаа.

"Баяртай"

Би хаалгаа хаагаад буцаж гал тогоо руу очив.

"Үүнийг манай хөрш өгч байна" гэсээр би бялууг ширээн дээр тавилаа.

"Өө, Линда. Сайн эмэгтэй байна лээ" гэсээр ээж толгой дохив.

"Тийм ээ, би түүний охинтой нь өнөөдөр сургууль дээр танилцсан"

Ээж "Хараач, энд муугүй байна гэж би хэлсэн биз дээ?"